استطلاع رأي : وين تكشت هالأيــام؟؟

[خالد القبيلي]

مساكم الله بالخير والرضا والعافية أيها المكشاتية


مع إطلالة فصل الصيف الفصل الثاني وخوي فصل الشتاء عندنا بالسعودية تشتد درجة الحرارة إلى حد الصداع كما تشير الصورة (صورة قديمة)
http://www.mekshat.com/pix/upload05/images216/mk193328_tumblr_l4aqa360ey1qb14fgo1_400.jpg


فأنت كـ مكشاتي ...كيف تفرغ طاقاتك المكشاتية خلال هذا الفصل الحار؟؟؟


نبي نعرف وين يروحون هالمكاشتية بهالحر


اللهم نعوذ بك من حر ونار جهنم اللهم آمين


ومسائكم آيسكريم باسكن
http://www.mekshat.com/pix/upload05/images216/mk193328_arjwan_2jbd8oemmt.jpg


ابوسعود

[عشانا]

بالنسية لي اقضي نهاية الاسبوع في المخيم على طريق رماح
وفي الايام العادية بسطح البيت
تعودنا على الضوية وحكر القهوة والشاهي على الحطيبات

[ابو99]

عند مكيف الصاله الله يديم النعمه

[هاوي موتري96]

بالاستراحه وصك بلوت وكنكان


والمكيف كله علينا
هههههههههههههههههههه

[وادي عبيه]

بحدا هالطعوس القريبة من الرياض

متى مالقينا وقت ولقينا خوه نشامى شرواكم

[شهم العرب]

والله ياطويل العمر بالبيت ماازين منها بس الايام يجيك بعض الايام جو حلو

[المهند تمير]

تو البر ... يزين ..!!

والمواسم تتوالى ..

فمن صيد الضبان .. إلى السباحة في بحر الخفجي .. ثم يأتي موسم الطيور والخيرات ..

يعني نبي نقطعها في هالصيف ألين الله يفرجها ..

أيه ذكرت ..
قيعان الصمان ما تحلى إلا من الساعة خمس العصر إلى تسع الصبح .. حلالاة من معه هيلوكبتر ...

[خالد القبيلي]

ماشاء الله تبارك الله عليكم

أهنيكم على النشوة المكشاتية لديكم

أنا والله عندي مرأة ما تحب البر وربعي حقين استراحات

فلذلك أقضيها مولات وخاصة يوم الخميس إما فطور أو غداء

الله يعينا على حر الرياض