محتاج رأيكم و مشورتكم في البحث عن خيل عربي

[mamaaz]

محتاج رأيكم و مشورتكم جداً جداً جداً الله يجزاكم خير ,,,


لي فتره وأنا أبحث خيل عربي جميل و نشيط للركوب , أهم شي عندي الركوب و التكلفة تكون معقوله .

هل اشتري حصان عربي مسجل ؟
و إلا اشتري فرس مسجله ؟ لكن وين القى سليمه و جميله بسعر معقول ؟
و إلا اشتري فرس غير مسجله ؟ لكن وين القى الجميله و السليمه ؟

و إللي يعرف شي زين و سعره معقول تكفووووون افزعوا لي الله يبارك فيكم

[وحيد الليل404]

يفيدونك الاخوان

[النتاوي]

إذا يحدك السعر وتبي معقول إنتضر المزادات

وإذا أهم شيء الخيل الله يعينك تسأل أهل الأربطة

لكن لا تروح إلا وأنت عارف المواصفات اللي تبيها في الخيل ..



الله يرزقك ما تتمنى وزيادة ..

[mamaaz]

يارب ارزقني

[بو نوره]

الشور ... لا تشتري الا من مزاد
وللعلم اقرب مزاد في الرياض بعد اسبوع :


يعلن مربط المهيدب عن مزاده الثالث بالرياض للخيل العربية الشعبية وخيل الركوب وذلك بيوم الخميس 6/23 هجري الموافق ل5/26 م :: وللمزيد من المعلومات زيارة المدونة : مربط المهيدب (http://bwasel.blogspot.com/?m=1)



للتواصل والاستفسار والتسجيل: 0566163171

[الضاري]

تحرير العنوان ليتناسب مع مضمون الموضوع

وينقل الموضوع إلى قسم .. بيع وشراء الإبل والخيل والأغنام ومستلزماتها (http://www.mekshat.com/vb/forumdisplay.php?f=106)

وآمل مستقبلاً العرض والطلب في هذا القسم المخصص لذلك

بالتوفيق

[سلطان الذوق]

السلام عليكم
نصيحه لا تشتري الا من المزادات تلاقي شكل حلو وارخص من غيره بكثيييير
اتمنى لك التوفيق

[السهم الأول]

اخوي اذا انت تعرف في الخيل اشتر من مزاد .. لان المزاد يعتمد على النظر و الدراية و التقرير السريع مع ان اسعار المزاد تكون دائما اقل .

و لكن اذا انت جديد اشتر الخيل خارج المزاد لتأخذ وقتك في فحص و متابعة او تجربة الخيل الي بتشتريها او الكشف عليها من قبل الدكتور المختص ..

أما داخل المزاد فانت تشتري سُكر في ماء

و الله أعلم لذالك المبنتديء يشتري من برا ازين له و لو كان غالي احسن من يطب في شيء رخيص تاركينه اهل الخيل و كم وكم حصلت من قصص ناس تزاود على فرس يحبها حصان و او مهرة يحسبها مهر او مخصي يحسبه فحل او مصاب يحسبه سليم
او يشتري شيء لركوب ثم يتفاجأ انه غير معسوف اصلا او في غير سكن الركوب
, ولذالك اغلب مزادات الخيل يشترط فيها قيمة مضرب مق
ارة 1000 ريال و طالع في حال تراجع المشتري تروح عليه

[النايف الاول]

السلام عليكم ورحمة الله وبركاته
اخي العزيز ماني بأخبر من الشباب اللي قبلي وهم ماقصرو لكن كلن له وجهة نظر وأنا من وجهة نظري أن الأسعار الجيده بالمزادات لكن كلام الأخ / السهم الأول صحيح ياما ناس كلت مقالب بالمزادات وأنا واحدٍ منهم وأنا على بالي خبير .خصوصاً الطبوع مايمديك تعرفها لأن الحصان أو الفرس حتى لو كانت سليمه من الأمراض والأصابات في المزاد مايمديك تعرف طبوع الحصان أو الفرس . أنا شريت مره حصان رخيص من مزاد أعجبني شكله وفحصته زين قبل المزاد وهو مصلوب لكن العلم بعد ماشريته تفاجئت أن الحصان مع أن عمره سبع سنوات ماينركب ولا تقدر تقربله لأأنه يهجم على أي واحد يدخل عليه البايكه يوقف كنه رجال ويبداء حصة ملاكمه ويعض وإذاعانك الله وأسرجته وركبت الحصان يبدء فلم الرعب
يرفع الحصان (ينش) هوا مرتين أوثلاث الرابعه يقلب على ظهره الزبده أن مشترى المزاد مغامره يا تصيب أوتخيب مع العلم أن الأمر مايخلو من الغش المتعمد أحياناً.
لكن إذا كان الحصان أو الفرس معروفه ونزلت المزاد وإذا كان راعيها ثقه ومعروف ليه لا .
تقبل خالص تحياتي

أخــــــــوك الــــنايـــــف الأول

[aseer137]

0562667701
هذا رقمي وانشاء مانقص معاك...

عندي افراس واحصنه غير مسجلة واسعار معقولة جدا جدا جدا...

بالتوفيق يالغالي..

[aseer137]

الشور ... لا تشتري الا من مزاد
وللعلم اقرب مزاد في الرياض بعد اسبوع :



يعلن مربط المهيدب عن مزاده الثالث بالرياض للخيل العربية الشعبية وخيل الركوب وذلك بيوم الخميس 6/23 هجري الموافق ل5/26 م :: وللمزيد من المعلومات زيارة المدونة : مربط المهيدب (http://bwasel.blogspot.com/?m=1)




للتواصل والاستفسار والتسجيل: 0566163171


اسمح لي يالغالي على كلامك,, الشراء من المزادات والرجال توه مايعرف في الخيل راح يعطونه من الرخيص ومايندرى وش بلاويه,, ولو فيه خير ماعافه الطير...

ما انصحك تقرب من شئ اسمه مزاد...
لأن اكثر ماينزل شئ يعافونه العالم ولا يبونه..
ويجي واحد مايعرف في الخيل ويصرفونها عليه...

[الذهين121]

صحيح كلام الشباب

وبعض المرات يضربونها ابر عشان ما تحس بالوجع ولا تعرج

انا شريت فرس ما فيه ازين منها في المزاد واليوم الثاني اشوفها بدت تعرج

والغلط غلطي لان المزادات هي عبارة سكر في ماء واللي ياكلها هالمسيكين اللي جاي يدور

لكن ما نقول الا حسبنا الله على اللي يغش

[احمد العايد]

موفق بأذن الله