موضوع مهم ارجوا من جميع الاعضاء المشاركة.....

[{السبيعي}]

السلام عليكم ورحمة الله وبركاته
كيف الحال انشا الله بخير
يالربع اناء بطرح المشكله هاذي عليكم
انا اخذت من واحد من اصدقائي طيرحر ادهم عاريه
المهم الطير عجبني قلت اجل بشتريه المهم شريته 4200ريال قلت للخويي انا بجي بكره ادفع الفلوس
اليوم الثاني دعيت الطير وهديته على حمام

على اني المغرب او العشا راح اروح للرجال عشان ادفع قيمة الطيردق على الرجال هلا كيف حاللك قلت له انا دعيت الطير يافلان
قال انا كنسلت البيعه المهم انا ماجادلت في الموضوع قال لي انا لقيت قيمه اعلاء يعني تقريبا4500ريال
هو تقريبا طمع شوي
قال جب الطير جبت له الطير وحركت للبيتنا اشوي الا يدق على تعال اخذ الطير قلت ايش قام يقول الطير تعبان
قلت انا ماني مسؤول انت كنسلت البيعه قال الطير تعبان منك
قلت وده المستشفى
وداه قال الدكتور الطير معه التهاب كبدي
المهم دق على انت المسؤول وكيذا
المهم يالربع ابيكم تحكمون هل انا غلطان والا الي كنسل البيعه
مشورين على حسن الاستماع
ملاحظه"
المرض الاتهاب الكبدي ما تبين اعرضه الا بعد فتره ما صيطرته على الجسم وهو ما ياتي بين يوم وليله
وهو الذي اراد انا يكنسل البيعه التي بيني وبينه

[NaHar]

السلام عليكم ورحمة الله وبركاته

انت اخذت الطير وشريته صاحي ما فيه شي ...وخويك رجع ببيعته......... والطير مريض قبل ما تشرتيه علي كلامك انه معك يوم...التهاب كبدي ما يجي بيوم وليليه يعني مريض وهو مع خويك اتوقع هو يتحمل طيرة ومرضه وهذا مع احترامي لخويك .قيمة الطمع
لو ان الطير صاحي ومتعافي ما رجع بكلامه كان زود عليك 300 ريال او باعه لغيرك
ما يلحك لوم وش ذا من خوي عزا الله ما ابي اعرفه هذا للطيب رفيق وانتكاسه الامور ينحاش ... يخووك اتركه وهو طيرة ...ما يتسمي خوي او رفيق.
اخوك نهار

[عبدالله الصالح]

هو الغلطان مابه كلام اذا كان قايل لك اني بعت عليك بالسومه الاوله



اخوك القصمنجي .....

[كرم الراوي]

السلام عليكم والله يا خوي بلا زعلك ان خويك ماهو بخوش خوي الي يعز على صاحبه300 ريال حتى مع الغريب ما تعملهه الرجل يوم انعطى كلمه ورجع بيها هذا اولآ اما بالنسبه لمرض الطير على ما تكول انه من اول مريض وهو الي ارجع البيعة على حسب كلامك ونشاء الله محنة ضالمينو ان الحك علي هو ونشكركم كل الشكر على طرحكم الموضوع

[المري]

مرحبا يالسبيعي..

انت طال عمرك اشترطت على الرجال انك تدعي الطير قبل لاتشتريه , وهذي تحصل بعض الامرار اذا دعينا الطير هون راعي الطير

هذا مافيه مشكلة.. بس المشكلة ترجيعه عليك على ان الطير مريض ..

مافيه مشكله اخذ الطير وانحر به يم المستشفى وعطه اعلاج ورجعه يم خويك وعسى الله يبارك له في طيره..


وماأقول الا:

أنا الى جاتني غلطة من رفيقي *** أدمح له الزله ولا أقول له شي

مواخذه لو يعترض في طريقي *** أشيل زلاته ولو كان مخطي.


ادمح الزله للرفيق يالسبيعي وان شاء الله تتسمح الأمور..

اخوك / المري

[منتصر]

السلام عليكم ورحمة الله وبركاته

ياسبيعي انس الموضوع لايمكن الطير يمرض بين عشية وضحاها والطير عند راعية وفلوسك عندك وخويك هذا
اللة اعلم بنيتة.واللة رايدلك خير تفتك من الطير وتكشف خويك على حقيقتة.

[{السبيعي}]

مشكورين اعضاء المنتدى
ترى الالتهاب الكبدي ما يجي بين يوم ولليله

[المري]

طيب ويش يبغى منك الرجال ذا الحين ؟؟

هل يبغاك تأخذ الطير 4200 ريال

ام يبغاك تعالج الطير على حسابك؟؟

وضح بارك الله فيك

اخوك / المري

[{السبيعي}]

هلا اخوي ابو علي والله وانا خوك ساعه يقول اشتره ساعه يقول عالجه
والله وانا اخوك اغلطير ما اخذ عندي 3 ايام دعيته واطياره ما هوب زين لاكن انا من طيبتي مع الرجال
قلت دامني شريت ما ني راد في شريتي
دق على علمته على اني دعيت قال خالص انا معاد ابغى ابيع فيه واحد جاب قيمه احسن او ارفع منك وهي اتوقع 4500
المهم الرجال طيره فيه مرض قام يقول انت مسؤال عن الطير انت الي مرضته
المهم والله يالربع انا صرفت على الطير اكثر من 500
ملاويح ومطاريش وحمام وسبوق
وغيرها والله يالر بع اني حافظ الطير وما كرفته يعني ما كثرة عليه الدعو عاد انتو
احكمو بينا لانه رفع ضغطي لدرجة انه يدق على الشايب
وطيره ادهم فرخ
وهو شاريه من واحد ما كمل عنده 3 ايام
وهو تعجبه منظر الريشه وحجم الطير مفروض انه فحص الطير لاكن هو الله يهديه ..............

[المري]

شف اذا الطير وافي مقاس 17 وزين اخذه 4200 تراها ماهيب خسارة فيه..

وافتك في وجع الراس..

وسلامتك

اخوك / المري

[سلطان الوايلي]

(( الطمع ضيع ما جمع ))
(( الطمع ضيع ما جمع ))
(( الطمع ضيع ما جمع ))
(( الطمع ضيع ما جمع ))
(( الطمع ضيع ما جمع ))

وأنت رايتك بيضاء يا سبيعي

وهذا والله أعلم ان ربك جزاه وجزا طيره بهالمرض على طمعه في صديقه وصاحبه

[الشـ صقرـــام]

اخوي الكريم لا ترد عليه وخلك منه هذا رجال ما يتقارب ولا هو خوي

[طير أبها]

ياخوي أولا المرض مايجي بيوم وليله مثل ماقالوا والظاهر والله اعلم ان خويك انخدع فيه اشتراه وهو مريض وشكله بيلزقه بظهرك
بس لقلة خبرتي بالمرض ان كان له علاج ومايكلف وان كان الطير معجبك اكسر السعر واشتره وعلاجه وان كانه مادخل مزاجك قله يلعب علي غيرك وترا هل عينات ان عطيتها وجه تمادوا وفهم والدك الموضوع وان كانه من اعضاء المنتدى فعسى الله يهديه ويقرا موضوعنا ويغير رايه

[هاوي مقناص]

السلام عليكم ورحمة الله وبركاته................


يعطيك العافيه يا السبيعي وانت رايتك بيضاء ،وانا اؤيد كلام اخوي المري اذا كان وافي الطير اخذه مامنه خساره ،


واذا طابت نفسك منه تري راعيه نفسيته شينه،ويبي يحط مرض الطير فيك لا ن المرض ما يجي بيوم وليله.

وان شاء الله بتلقي علاج للطير . وتنحل مشكلتك.


وتقبل تحيتي .


اخوك:الخشف

[مغرز]

اخي الفاضل انت طلبت منا نحكم بموضوعك مع خويك وانا ارى انه ليس من الحكمه ان نحكم على كلام من جهه واحده . ليس تكذيباً بكلامك لا سمح الله ولكن هذي الاصول . لذا اتمنى من خويك ان يشاركنا الموضوع ونقرا منه ( على وزن نسمع منه ) لا سيم وانت تقول انه عضو في المنتدى . وبعدها تتظح الرؤيا ,,,,,,,, وهذا الكلام بالاصاله عن نفسي ونيابه عن زملائي الاعضاءوالمشرفين بعد اذنهم طبعاً ...... ولا وش رايكم
واذا تبي حل سريع اشتر الطير بفرق السعر لاني اشوف السعر مايسوى وجع الراس وانت على كل حال كنت ناوي تشريه .
حتى لو فيه امراض ماراح ترجعه لان نيك زينه على مافهمت من كلامك ,,,,, واتمنى كلامي مايزعلك وتقبل تحياتي

[عاشق الفيضه]

انت رايتك بيضاء يالسبيعي