المساعد الشخصي الرقمي

مشاهدة النسخة كاملة : مشكلة واستشارة(باترول ربع 95)


مرساب
18/05/2011, 06:41 PM
السلام عليكم
اخواني ودي استشيركم الله يجزاكم الجنة ووالديكم عن :
1- فلتر الهواء في القربة مركبة جديد وفي غيار الزيت افك القربة القى علية زيت او رشح مدري وش المشكلة
2-الحرارة مع الرملة والوقوف تاصل الثلت وترجع تحت الربع مع المشي المعقول مع العلم ان الرديتر مسيخ والبلف مشيول ويكون الخرطوش الاعلى قاسي


طولت لكن مالي الا الله ثم انتم
سوبر VTC
18/05/2011, 11:11 PM
ينقل لخيمة الاعطال
الضيم
19/05/2011, 03:55 PM
عندك مشاكل في الليات اللي من المكينه للرديتر قد تكون تالفه,, والله اعلم
مرساب
20/05/2011, 12:21 AM
جزاكم الله خير وننتظر الشباب
جلاد الحباري
20/05/2011, 01:42 AM
الله يعطيك العافية وكلنا مع بعض وانا في نظري الخاص اذا كان الزيت يبلي فلتر الهوا فعندك شغلات واجد اهمها يكون مشكلة في وزنية بلوف المكينة واذا كانت البلوف ماهي موزونة راح تطلع معك شغلتين الاولى تصعيد الزيت الى فلتر الهوا والى البواجي ايضا وضعف في عزم السيارة وايضا يسبب ارتفاع في درجة الحرارة وهناك الديلكو اذا كان ماهو موزون يرفع الحرارة بعد وتأكد من سلامة الرديتر يمكن مشكلة الحرارة منه او اللي سيخ الرديتر ماضبطه او اشتغل شغل اي كلام وفيه حاجه اخيرة اذا المشكلة ماطلعت من المذكور اعلاه فالمكينة اذا تردت تراها تصعد الزيت واذا كان راس المكينة منشعر تراه يرفع درجة الحراره وانا اقول شيك على الموتر وتأكد من ما قدمته لك اعلاه ولابد تمر على ميكانيكي ممتاز وفاهم صح والله يوفقك خير
سوبر VTC
20/05/2011, 05:54 AM
عليكم السلام
الرشح او تبخير الزيت موجود حتى بالجمس م2000 و طالع
و ايضا الشيروكي
من وجهة نظري تبخير طبيعي
البلف لازم تركبه لانه ينضم دورة الماء
يحجز الماء الحار عن الماء البارد
اسباب الحرارة كثيرة منها
ارتخاء سير المروحة
التماتيك حق المروحة خربان يصير خفيف مرة و مهرب زيت او انه مهب اصلي
سدد بالاديتر
طرمبة مبوشة
تماتيك المراوح بعضهم يقول انه اذا احتمى الموتر يقل ادائه يضعف دوران المروحة
بمعنى اذا احتمى الزيت اللي بوسط التماتيك يشبك و تدور المروحة
لكن الدوران ليس بالشكل المثالي
كما ان التماتيك على كلامهم يجي ارقام يعني مقاسات

حرارة الباترول 97 - الصفحة 3 - منتديات مكشات (http://www.mekshat.com/vb/showthread.php?p=3256300)



مشكلة في النيسان الباترول م 94 [الأرشيف] - منتديات مكشات (http://www.mekshat.com/vb/archive/index.php/t-296189.html)


حرارة الباترول - منتديات مكشات (http://www.mekshat.com/vb/showthread.php?t=394557)


كــم تاصــل حـرارة الباترول موديل 90 - منتديات مكشات (http://www.mekshat.com/vb/showthread.php?t=66284)


حرارة الباترول اذا صار المكيف شغال والسيارة واقفة و اللقلقة في ... (http://www.mekshat.com/vb/showthread.php?t=95225)
مرساب
20/05/2011, 01:18 PM
الله يبيض وجيهكم ويكثر من امثالكم
جاري فحص اللي قلتوا
قرم العيال
20/05/2011, 01:28 PM
بالنسبه للحراره ركب بلف جديد وليات جديده .. هذا ما عندي
مركز حراره
20/05/2011, 02:26 PM
متى بضبط ترتفع الحراره اذا مسكت خط او اذاخليت الموتر يشتغل وهو واقف؟
مرساب
20/05/2011, 10:10 PM
اشكركم ياخواني الله يوفقكم
ترتفع ياخوي في السرعة الزاية فوق 140 ومع الوقوف توصل الثلث
سوبر VTC
21/05/2011, 12:59 AM
اشكركم ياخواني الله يوفقكم
ترتفع ياخوي في السرعة الزاية فوق 140 ومع الوقوف توصل الثلث


اذا ثبتت الحرارة على الثلث في الوقوف
فالحرارة طبيعية و الاديتر سليم
لكن
لو تعديت سرعة 140 و اكثر ووصلت الحرارة النص
فدورة الماء مهب طبيعية
احتمال مسكر نص الاديتر

على فكرة فيه حساس بصدر الغمارة من جهة الرفرف الايمن
هذا وظيفته اذا شبك المكيف تسرع المكينه
لازم يكون شغال عشان
1 تنزل الحرارة
2 المكيف يثلج
يعني لازم تسرع المكينة عند الوقوف

المتهم الاول الاديتر يحتاج تسييخ ربما


اغسل وجه الموتر و الاديتر و اديتر المكيف بالماء
عادة تكون الفتحات مسكرة من الطين حشرات ورش اشجار
المنيعي1
21/05/2011, 01:24 AM
بنسبة لزيت الي في الفلتر أعتقد والله أعلم من لي التبخير الي في غطاء المكينة مشبوك في ماسورة الفلتر
المستشار10
21/05/2011, 09:03 AM
بسم الله الرحمن الرحيم
اخي الكريم
بنسبه لتبخير الزيت الي في القربه ضعف شنبر ودام الخرطوش يحجر المشكله سحب هواء احتمال وجه الراس اخوك ميكانيكي وصاحب ورشه
:good2:
مرساب
22/05/2011, 01:28 AM
الف شكر لكم
وبكرة نبدا التحقيق مع المتهم الاول (ٌRadiator)
ابووافي الغرب
22/05/2011, 05:55 PM
اخوي تئكد من الخرطوش ترى اذ ماهو اصلي ينطبق ويسبب حراره