لغزي مشبه مثل قولت يشابه (طرجم),,,,,,,,,,,,, الحل درب التبانه ,,,,, حله الاربع وعشرين

[torrjom]

السلام عليكم ورحمة الله وبركاته

جديد يقطر دمه



اللغز تشبيهن انا كيف اشبهه =لغزي مشبه مثل قولت يشابه
حينن يجي فوقك وحينن تواجهه =واحيان ماضنيت احدن درابه





وسلامتك جميع

طرجم

ابوعبد العزيز

[ابن الراوي]

حياك ربي اخوي طرجم انا ماتوقع اذبح لك لغز ولكن الغازك تجعل الواحد يشارك تسجيل حضور وش رايك بالمثل ماء من تحت تبن الماء يجي فوقك المطر ويواجهك عند غسل الوجه
تحياتي

[حمد؟؟]

ههههههههههههههههه والله ياانت دافن ابوه دفن ..اقصد وعليكم السلام وصح لسانك....الا على فكره الحين الماء يقال عنه حي او لا؟

[torrjom]

حياك ربي اخوي طرجم انا ماتوقع اذبح لك لغز ولكن الغازك تجعل الواحد يشارك تسجيل حضور وش رايك بالمثل ماء من تحت تبن الماء يجي فوقك المطر ويواجهك عند غسل الوجه


تحياتي



هلا وغلا اخوي ابوسلطان

وانت كفووو تذبح اللي اسمن منه

لكن الرمعه تغيب وتحضر

والرمعتين للاسف

مالك لووووووووى


شرفني حضورك

كل الووووووووووود

[torrjom]

ههههههههههههههههه والله ياانت دافن ابوه دفن ..اقصد وعليكم السلام وصح لسانك....الا على فكره الحين الماء يقال عنه حي او لا؟



صح بدنك اخوي حمد

والدفن غصب على شان نتعب الفكرشوي

والماء انت بدونه ولا

كل الووووووووووود

[حمد؟؟]

http://t1.gstatic.com/images?q=tbn:ANd9GcTdwzLd7MdJRXSSs9YP5UBwHgpurvHEI Mx0lnPe_C4whspTcNQ2Ef6Ryw (http://www.google.com.sa/imgres?imgurl=http://asrar-albnat.com/up//uploads/images/asrar-bfd0ff758a.jpg&imgrefurl=http://www.asrar-albnat.com/showthread.php%3Fp%3D1146586&usg=__2iD4XKFzcSAZw3kSWOstuHKUGRg=&h=360&w=360&sz=24&hl=ar&start=13&zoom=1&tbnid=Ue6EF5aV71qtNM:&tbnh=121&tbnw=121&ei=9TrUTeKRK4ir8APhl-H7Cg&prev=/search%3Fq%3D%25D8%25A7%25D9%2584%25D9%2585%25D9%2 582%25D8%25B5%26hl%3Dar%26safe%3Dactive%26sa%3DN%2 6gbv%3D2%26tbm%3Disch&itbs=1)
مالقيت الا هذ1 ولا حزام الامان

[حمد؟؟]

ولماء انت بدون ولا< مسوي الحين مفهمني؟؟؟ جاوب قل ايه ولا لا الماء يقاله حي ولا لا؟

[torrjom]

http://t1.gstatic.com/images?q=tbn:ANd9GcTdwzLd7MdJRXSSs9YP5UBwHgpurvHEI Mx0lnPe_C4whspTcNQ2Ef6Ryw (http://www.google.com.sa/imgres?imgurl=http://asrar-albnat.com/up//uploads/images/asrar-bfd0ff758a.jpg&imgrefurl=http://www.asrar-albnat.com/showthread.php%3Fp%3D1146586&usg=__2iD4XKFzcSAZw3kSWOstuHKUGRg=&h=360&w=360&sz=24&hl=ar&start=13&zoom=1&tbnid=Ue6EF5aV71qtNM:&tbnh=121&tbnw=121&ei=9TrUTeKRK4ir8APhl-H7Cg&prev=/search%3Fq%3D%25D8%25A7%25D9%2584%25D9%2585%25D9%2 582%25D8%25B5%26hl%3Dar%26safe%3Dactive%26sa%3DN%2 6gbv%3D2%26tbm%3Disch&itbs=1)


مالقيت الا هذ1 ولا حزام الامان


للاسف الرمعه

مالك لووووووووووى




ولماء انت بدون ولا< مسوي الحين مفهمني؟؟؟ جاوب قل ايه ولا لا الماء يقاله حي ولا لا؟


/


قال الله تعالى { وجعلنا من الماء كل شئ حي} الأنبياء 30

[حمد؟؟]

وش رايك في اشعة المستشفى اشعة الصدر تواجهك والاشعه الباقيه تجي فوقك

[torrjom]

وش رايك في اشعة المستشفى اشعة الصدر تواجهك والاشعه الباقيه تجي فوقك




للاسف ياخطير

مالك لووووووووووى

كل الوووووووووووووووود

[ابو ماجد 2]

صح لسانك يابو عبدالعزيز
يمكن لغزك هذا شبه مطب
والمطب احيانا فوقك المطبات الهوائيه
واحيانا الصناعي تواجه
واحيانا وما يسمى البطناج الخفيف ماحد درابه

[torrjom]

صح لسانك يابو عبدالعزيز

يمكن لغزك هذا شبه مطب
والمطب احيانا فوقك المطبات الهوائيه
واحيانا الصناعي تواجه

واحيانا وما يسمى البطناج الخفيف ماحد درابه




صح بدنك ياابوماجد

وهلابك وحياك

والرمعه للاسف

مالك لووووووووى

كل الوووووووووووود

[حمد؟؟]

وش رايك في الكبري مرات تشوفه قدامك وتلف كذ1 ولا كذ1 وحيان تمر من تحته ويصير فوقك واحيان يجي تحتك ماتدري عنه

[torrjom]

وش رايك في الكبري مرات تشوفه قدامك وتلف كذ1 ولا كذ1 وحيان تمر من تحته ويصير فوقك واحيان يجي تحتك ماتدري عنه





يمكن تقصد كبري


الكوره اللي ماتدري عنه:D


مالك لوووووووووى


كل الووووووووووود

[ابو اسامه 2]

وعليكم السلام ورحمة الله وبركاته

صح لسانك يا ابو عبد العزيز

وش رايك في

شعاع الشمس وشبيهه الاشاعه

تحياتي لك

[torrjom]

وعليكم السلام ورحمة الله وبركاته



صح لسانك يا ابو عبد العزيز


وش رايك في


شعاع الشمس وشبيهه الاشاعه



تحياتي لك




صح بدنك اخوي ابواسامه

وهلابك وحياك الله

والرمعه للاسف

مالك لووووووووووى

كل الووووووووووووود

[حمد؟؟]

طرجم برمعه رمعه بس لاتستغرب منها ههههههه لان لغزك عندي انا مافهمته ابد مافهمت المطلوب

الرمعه
اللي يجي فوقك اللي هو السحاب واللي واللي تواجهه اللي هو الضباب واللي احيان محد درابه اللي هو السراب

[torrjom]

طرجم برمعه رمعه بس لاتستغرب منها ههههههه لان لغزك عندي انا مافهمته ابد مافهمت المطلوب



الرمعه

اللي يجي فوقك اللي هو السحاب واللي واللي تواجهه اللي هو الضباب واللي احيان محد درابه اللي هو السراب



هلابك وحياك

اخوي حمد

الحمد لله انك مافهمته :D

على شان يطول عمر اللغز:good2:

الله لايضرك ويزيدك من فضله

للاسف مالك لوووووووووى

كل الوووووووووووووووود

[أبوعبدالرحمن99]

لغزن دفين ولو احاول واجابهه =ما ضنتي أفتح مغاليق بابه
لكن قصدي راعي اللغز انبهه = إن الذي يقراه يكسب اعجابه

[torrjom]

لغزن دفين ولو احاول واجابهه
ما ضنتي أفتح مغاليق بابه
لكن قصدي راعي اللغز انبهه
إن الذي يقراه يكسب اعجابه



صح السانك


اخوي اسير



الله يزيدك من فضله



اعجابك وسام


ننتظر الرمعه


كل الوووووووووود

[عابر الموج]

وش رايك بالنظام

[torrjom]

وش رايك بالنظام




هلابك وحياك


اخوي عابر

والرمعه للاسف

مالك لووووووووووى

كل الووووووووووووووود

[عابر الموج]

وش رايك بالجار

[torrjom]

وش رايك بالجار




هلابك وحياك

والرمعه للاسف

مالك لووووووووى

كل الووووووووووووود

[حمد؟؟]

(شعر الراس -بيت الشعر- شعر العظم<اخف من الكسر)
(الهلال في السماء-نادي الهلالي السوداني-الهلال الاحمر)
(نجمة السماء- نجمة الضباط-نجمة ال ال المدرسه)
(الشيب في الراس- شيب الماء- شيب< (الذئب))

[torrjom]

(شعر الراس -بيت الشعر- شعر العظم<اخف من الكسر)

(الهلال في السماء-نادي الهلالي السوداني-الهلال الاحمر)
(نجمة السماء- نجمة الضباط-نجمة ال ال المدرسه)

(الشيب في الراس- شيب الماء- شيب< (الذئب))




هلابك اخوي حمد

والرمعه للاسف

مالك لوووووووو

كل الووووووووووووود

[هاوي عبث]

حياك الله ابو عبدالعزيز وش قولك بالهواء

[torrjom]

حياك الله ابو عبدالعزيز وش قولك بالهواء




هلابك وحياك


اخوي هاوي


والرمعه للاسف

مالك لوووووووووووى

كل الوووووووووووووووود

[torrjom]

اللغز تشبيهن انا كيف اشبهه=لغزي مشبه مثل قولت يشابه

حينن يجي فوقك وحينن تواجهه=واحيان ماضنيت احدن درابه



نقل للمتابعه

[ابو ركاد]

ابو عبدالعزيز
وش رايك
(الشتر) الباب الكهربائى للكراج

[torrjom]

ابو عبدالعزيز

وش رايك

(الشتر) الباب الكهربائى للكراج




هلابك وحياك

ابوركاد

والرمعه للاسف

مالك لووووووووى

كل الووووووووووووووووود

[حمد؟؟]

رمعه اقصد رمعات
الاريل يجي فوقك واحيان يجي قدامك
او
الرقم السري للمسجل او لللباب يصير فوق ولا على الطبلون قدام ولا يصير مخفي ولاحد داربه
او
تعليمات السياره تجي في الشماسه فوق او على القزاز قدامك اوحيان تصير في الدرج مخفي
او
انك تزيده بيت لانه مدفون مره

[torrjom]

رمعه اقصد رمعات

الاريل يجي فوقك واحيان يجي قدامك
او
الرقم السري للمسجل او لللباب يصير فوق ولا على الطبلون قدام ولا يصير مخفي ولاحد داربه
او
تعليمات السياره تجي في الشماسه فوق او على القزاز قدامك اوحيان تصير في الدرج مخفي
او

انك تزيده بيت لانه مدفون مره




هلابك ياخطير

والرمعات للاسف

مالك لووووووووووووى

ان شاء الله

احاول ازيد بيت لكن الحين بدري

كل الوووووووووووووووود

[حمد؟؟]

وش رايك في برق السماء وبرق الكميرا التصوير
وبعض الكميرات بدون برق تصورك وانت ماتدري

[torrjom]

وش رايك في برق السماء وبرق الكميرا التصوير


وبعض الكميرات بدون برق تصورك وانت ماتدري




هلابك وحياك

اخوي حمد

والرمعه للاسف

مالك لووووووووى

كل الوووووووووووووود

[إلقناصه]

السلام عليكم
طرجم صح لسانك

رمعتين الشماغ او اللحاف

[torrjom]

السلام عليكم
طرجم صح لسانك

رمعتين الشماغ او اللحاف



عليكم السلام

وصح بدنك

والرمعه للاسف

مالك لووووووووووى

كل الوووووووووووووووود

[نجم000الشمال]

ابو عبد العزيز صح لسانك وفكرك.
رمعتي يا طويل العمر ( الظل ) وش قلت ؟

[حمد؟؟]

النظاره الشمسيه مره فوق راسك ومره تلبسها ومره بمخباك
او
سماعة الاب توب سماعات راس وسماعات كبار وسماعات في الجهاز ماتدري وين مكانه
او
مسار المشات مرات يجي جسر فوق ومرات يجي عند الاشاره يواجهك ومرات يصير تحت الطريق
او
حساس الباب الاكتروني مرات يجي فوق ومرات يجي قدامك ومرات مدري وين يجي
او
كمرات المراقبه للبنك
او
جرس الحريق

[torrjom]

ابو عبد العزيز صح لسانك وفكرك.
رمعتي يا طويل العمر ( الظل ) وش قلت ؟



هلابك وحياك

اخوي نجم

وصح كلك

والرمعه للاسف

مالك لووووووووووى

كل الووووووووووووووود

[torrjom]

النظاره الشمسيه مره فوق راسك ومره تلبسها ومره بمخباك

او
سماعة الاب توب سماعات راس وسماعات كبار وسماعات في الجهاز ماتدري وين مكانه
او
مسار المشات مرات يجي جسر فوق ومرات يجي عند الاشاره يواجهك ومرات يصير تحت الطريق
او
حساس الباب الاكتروني مرات يجي فوق ومرات يجي قدامك ومرات مدري وين يجي
او
كمرات المراقبه للبنك
او
جرس الحريق




هلابك وحياك

والرمعه للاسف

مالك لوووووووووووى

كل الوووووووووووووووووود

[نجم000الشمال]

طيب يابو عبد العزيز ماهو جهاز التكييف ؟
احيان فوقك بالجدار واحيان تواجهه بالسيارة واحيان محد درابة التكييف المركزي .

[torrjom]

طيب يابو عبد العزيز ماهو جهاز التكييف ؟


احيان فوقك بالجدار واحيان تواجهه بالسيارة واحيان محد درابة التكييف المركزي .




هلابك وحياك

اخوي نجم


والرمعه للاسف

مالك لوووووووووى

ابعد عن الاجهزه الكهربائيه

كل الوووووووووووووود

[حمد؟؟]

طرجم وش رايك في دوار الشارع يواجهك
وفيه دوار في بعض البشريجي في راسه دوار الشعر
او دوار الراس اللي هو يجيب الغثيان

[torrjom]

طرجم وش رايك في دوار الشارع يواجهك

وفيه دوار في بعض البشريجي في راسه دوار الشعر

او دوار الراس اللي هو يجيب الغثيان




هلابك وحياك

والرمعه للاسف

مالك لوووووووووى

كل الووووووووووووووود

[حمد؟؟]

مرزام الغتره
مرزام البيت
مرزام البيت الخفي

[أبوعبدالرحمن99]

عودة من جديد ،
وش رايك بحرف الكاف ؟
فوقك إذا كنت تقرا البيت الثاني (في كلمة كيف في البيت الأول)
و تواجهه إذا كنت تقرا نفس البيت اللي فيه الحرف !!
أدري ماني يم سالفة ،

[torrjom]

مرزام الغتره
مرزام البيت
مرزام البيت الخفي


هلابك وحياك

والرمعه للاسف

مالك لوووووووووووى

احول ازيد بيت للتوضيح

كل الووووووووووووووود

[إلقناصه]

طيب نقول رمش العين اذا نمت يجي فوقك واتواجه بالمرايه ومحد درابه اذا رمش غيرك او الرمش الخفيف
ادري بعيده بس نحاول

[torrjom]

عودة من جديد ،
وش رايك بحرف الكاف ؟
فوقك إذا كنت تقرا البيت الثاني (في كلمة كيف في البيت الأول)
و تواجهه إذا كنت تقرا نفس البيت اللي فيه الحرف !!
أدري ماني يم سالفة ،



هلابك وحياك

اخوي اسير

ومعذورين اللغز

اخول ازييد بيت

للتوضيح

والرمعه للاسف

مالك لوووووووووى

كل الوووووووووووووود

[torrjom]

تم زيادة بيت للتوضيح



اللغز تشبيهن انا كيف اشبهه
لغزي مشبه مثل قولت يشابه
حينن يجي فوقك وحينن تواجهه
واحيان ماضنيت احدن درابه
والى بغيت اسهوم رمعك تجابهه
اسمه مركب دققو بالاصابه

[ا س ع .. 222]

السلام عليكم

يمكنه " الخيال" او "الظلال"
واذا مالي لوى ... اجل يمكنه اشعة الليزر حقت الجمارك

[أبوعبدالرحمن99]

السلام عليكم

يمكنه " الخيال" او "الظلال"
واذا مالي لوى ... اجل يمكنه اشعة الليزر حقت الجمارك

عساها تصيب هالرمعة

[torrjom]

السلام عليكم

يمكنه " الخيال" او "الظلال"
واذا مالي لوى ... اجل يمكنه اشعة الليزر حقت الجمارك


هلابك وحياك

اخوي رقم لوحه:D

ا س ع 222

والرمعه للاسف

مالك لووووووووى

كل الووووووووووووووود

[torrjom]

عساها تصيب هالرمعة



للاسف اخوي اسير

يالله شغل مخك

:D:D:D

[ابو ركاد]

طرجم
مساك الله بالخير
وش رايك
بالجنازه
مره فوقك اذا اردت تنزيله بالقبر
مره امامك بالصلاة عليه

[torrjom]

طرجم

مساك الله بالخير
وش رايك
بالجنازه
مره فوقك اذا اردت تنزيله بالقبر
مره امامك بالصلاة عليه



هلابك اخوي ابوركاد

والرمعه للاسف

مالك لووووووووووى

الاسم مركب

وهو مشبه يعني يشبه كذا

كل الووووووووووووود

[torrjom]

اللغز تشبيهن انا كيف اشبهه
لغزي مشبه مثل قولت يشابه
حينن يجي فوقك وحينن تواجهه
واحيان ماضنيت احدن درابه
والى بغيت اسهوم رمعك تجابهه
اسمه مركب دققو بالاصابه

[ناصر العلي]

سلمت يالغالي
ويش قولك بـ
شبيه الريح

[كاف نواف]

ياملبس ٍحرفك دلاله مرفّهه=يلفي مثمّن كاسيَتْه المهابه
دونك إعجابي مع شكر لك موجهه=صح الله لسانك وكل الذيابه
لكن فكري به تساؤل ويندهه=ليه بشبيه الرّيح مافيه إجابه

[torrjom]

سلمت يالغالي

ويش قولك بـ

شبيه الريح




هلابك وحياك

اخوي ابوعلي

والرمعه للاسف

مالك لوووووووى

كل الوووووووووووود

[torrjom]

ياملبس ٍحرفك دلاله مرفّهه=يلفي مثمّن كاسيَتْه المهابه



دونك إعجابي مع شكر لك موجهه=صح الله لسانك وكل الذيابه
لكن فكري به تساؤل ويندهه=ليه بشبيه الرّيح مافيه إجابه



صح الله بدنك


اخوي كاف وهلابك ومرحبا


وصح السانك على هالبيوت


اللي تطرب المزاج


لكن الرمعه للاسف


مالك لوووووووووى


وتوافق خواطر انت وابوعلي


نفس الوقت ونفس الرمعه


كل الووووووووووووووود

[بنزرت]

شبه القمر......

[ناصر العلي]

سلمت يالغالي
طيب ويش قولك بهالمثل
ما أشبه احدٌ احدً أنت وابنك إلا كما أشبه الغراب الغراب

[torrjom]

شبه القمر......



هلابك وحياك

والرمعه للاسف

مالك لوووووووووى

كل الووووووووووووووود

[torrjom]

سلمت يالغالي



طيب ويش قولك بهالمثل


ما أشبه احدٌ احدً أنت وابنك إلا كما أشبه الغراب الغراب




هلابك وحياك


اخوي ناصر


والرمعه للاسف


مالك لووووووووووى


كلمة شبه غير موجود في الاسم المطلوب


والاسم المطلوب هو في الاصل تشبيه لشي معين عندنا


وعند الغرب له تشبيه اخر


كل الوووووووووووووود

[ابو ركاد]

طرجم
مساك الله بالخير
وش رايك
مقص الشعر

[torrjom]

طرجم

مساك الله بالخير
وش رايك

مقص الشعر




هلابك وحياك

والرمعه للاسف

اخوي ابوركاد

مالك لووووووووووى

كل الووووووووووووووووود

[حمد؟؟]

دش المويه
و
دش التلفزون

[إلقناصه]

طيب الرمعه الاولى مارديت عليها اكيد انها غلط
رمعه ثانيه التشبيه البليغ او الطباق والجناس

[torrjom]

طيب نقول رمش العين اذا نمت يجي فوقك واتواجه بالمرايه ومحد درابه اذا رمش غيرك او الرمش الخفيف
ادري بعيده بس نحاول


طيب الرمعه الاولى مارديت عليها اكيد انها غلط
رمعه ثانيه التشبيه البليغ او الطباق والجناس


هلابك وحياك

الرمعه الاولى للاسف لم انتبه لها

والمفروض حتى لوكانت غلط ارد عليها

كل الشكر على التنبيه واسف جدآ على عدم الرد

والرمعتين للاسف

مالك لوووووووووى

مع فائق

الوووووووووووووود

والاحترام لشخصك

الكـــــــريم

[torrjom]

دش المويه

و

دش التلفزون




للاسف يالخطير

مالك لوووووووووووى

كل الووووووووووووووووود

[torrjom]

اللغز تشبيهن انا كيف اشبهه
لغزي مشبه مثل قولت يشابه
حينن يجي فوقك وحينن تواجهه
واحيان ماضنيت احدن درابه
والى بغيت اسهوم رمعك تجابهه
اسمه مركب دققو بالاصابه
يرفع ليرمع

[وضح النقى]

اللغز تشبيهن انا كيف اشبهه



لغزي مشبه مثل قولت يشابه
حينن يجي فوقك وحينن تواجهه
واحيان ماضنيت احدن درابه
والى بغيت اسهوم رمعك تجابهه
اسمه مركب دققو بالاصابه


يرفع ليرمع



صح لسانك يا بو عبدالعزيز


أعذرني وأنا أخوك أني ما رمعت على اللغز إلين الحين


والحقيقة أني أدخل عليه دائما وللأسف لم أجد في نظري عين واحده أستطيع أن أحدد معها قبلة اللغز


ياليت زيادة بيت أو بيتين توضح أكثر
وأسلم لمحبك ومغليك


أبو لجين

[torrjom]

صح لسانك يا بو عبدالعزيز





أعذرني وأنا أخوك أني ما رمعت على اللغز إلين الحين


والحقيقة أني أدخل عليه دائما وللأسف لم أجد في نظري عين واحده أستطيع أن أحدد معها قبلة اللغز


ياليت زيادة بيت أو بيتين توضح أكثر
وأسلم لمحبك ومغليك



أبو لجين



صح بدنك ياابولجين


ومعذور اللغز شكله مقبور قبر


وانت تامر امر على اخوك


استلم طال عمرك انت والاخوان جميع


اللغز تشبيهن انا كيف اشبهه
لغزي مشبه مثل قولت يشابه
حينن يجي فوقك وحينن تواجهه
واحيان ماضنيت احدن درابه
والى بغيت اسهوم رمعك تجابهه
اسمه مركب دققو بالاصابه
وضح النقى يطلب ولا نيب سافهه
عشره حروف اللغز هذا حسابه
الى عرفت الاصل تعرف امشابهه
الاسم واحد كل منهم مشابه

[الاربع وعشرين]

بسم الله الرحمن الرحيم
وعليكم السلام ورحمة الله وبركاته
درب التبانة بالحصيدة
ودرب التبانة بالسماء

[فهد الهلالي]

فرصه اخيره فرصه اخيره فرصه اخيره
اخي ابو عبد العزيز
اتقد اليك بأسفي بانه
سوف يتم رفع اللغز
بعد ان وصل الى الحد المسموح به
حسب شروط هذه الخيمه
تحياتي للجميع

[torrjom]

بسم الله الرحمن الرحيم




وعليكم السلام ورحمة الله وبركاته
درب التبانة بالحصيدة
ودرب التبانة بالسماء




كفوووووو كفوووووووووو كفوووووووووووو


لله درك والله لايضرك


اخوي الاربع وعشرين


درب التبانه


بيض الله وجهك


وجميع من شارك


في حل اللغز


مع فائق الود


والاحترام


للجميع

[torrjom]

صح بدنك ياابولجين



ومعذور اللغز شكله مقبور قبر

وانت تامر امر على اخوك

استلم طال عمرك انت والاخوان جميع


اللغز تشبيهن انا كيف اشبهه
لغزي مشبه مثل قولت يشابه
حينن يجي فوقك وحينن تواجهه
واحيان ماضنيت احدن درابه
والى بغيت اسهوم رمعك تجابهه
اسمه مركب دققو بالاصابه
وضح النقى يطلب ولا نيب سافهه
عشره حروف اللغز هذا حسابه
الى عرفت الاصل تعرف امشابهه
الاسم واحد كل منهم مشابه



.....................................

[torrjom]

فرصه اخيره فرصه اخيره فرصه اخيره

اخي ابو عبد العزيز
اتقد اليك بأسفي بانه
سوف يتم رفع اللغز
بعد ان وصل الى الحد المسموح به
حسب شروط هذه الخيمه

تحياتي للجميع




هلابك ياابومحمد

ومساك الله بالخير

واللغز تم تذكيته

كل الووووووووووود

[وضح النقى]

صح لسانك يا بو عبدالعزيز
وصح لسان أخونا الأربع وعشرين

والله يا هو مقبور من جد

والحمدلله أنه أنحل في الوقت بدل الضايع
قبل ضربات الترجيح
عاد من بيقدر يسدد كلنا من ربع 27 والشوف يالله القداة على ماقال الشيخ ( تلمس )

[حمد؟؟]

ههههههههههههههههههه
مقبور وبس؟؟؟؟
والمشكله كم مره احاول اسوي
لغز في درب التبانه ومااقدرت
على العموم يعطيك العافيه
والله يبيض وجهك انت وصاحب الحل

[torrjom]

صح لسانك يا بو عبدالعزيز
وصح لسان أخونا الأربع وعشرين

والله يا هو مقبور من جد

والحمدلله أنه أنحل في الوقت بدل الضايع
قبل ضربات الترجيح
عاد من بيقدر يسدد كلنا من ربع 27 والشوف يالله القداة على ماقال الشيخ ( تلمس )



صح بدنك اخوي ابولجين

وهلابك وحياك

وانتم ماشاء الله عليكم

مثل الخيول الاصايل

مايلحقن الا تالي :D

كل الووووووووووووود

[torrjom]

ههههههههههههههههههه



مقبور وبس؟؟؟؟
والمشكله كم مره احاول اسوي
لغز في درب التبانه ومااقدرت
على العموم يعطيك العافيه
والله يبيض وجهك انت وصاحب الحل



هلابك اخوي حمد


انت من اسباب قبر اللغز


قلت ابشوف مداك في نبش القبور :D


لكن اشوف صار ماعنك لياقه


يلزمك تمرين


وانت الله يبيض وجهك


ويطول عمرك


كل الوووووووووووود

[برق القصيم]

صح لسانك يادختور
عزالله لغز من العيار الثقيل
وحتى طرقه عجيب
وتبي الصراحه كنت مستبعد ان احد يجيب اجله
ولكن جابه الذيب اخونا الاربع وعشرين
ماشاء الله عليكم وبيض الله وجيهكم

[torrjom]

صح لسانك يادختور

عزالله لغز من العيار الثقيل
وحتى طرقه عجيب
وتبي الصراحه كنت مستبعد ان احد يجيب اجله
ولكن جابه الذيب اخونا الاربع وعشرين

ماشاء الله عليكم وبيض الله وجيهكم




هلابك يابرق وغلا

وصح بدنك

وانتم ماشاء الله عليكم

اللغز مايفر من عندكم:mad:

مذكينه مذكينه :good2:

والاربع وعشرين

ذكاه على اليمه الله لايضره

وانت ياابوعبدالرحمن ذبحت اللي اصعب منه

والله يزيدك من فضله:D

شاكر مرورك

وتسجيل حضورك بكلامك المعسول ;)


كل الووووووووووووووووووووود

[بنزرت]

اجل الحل درب التبانة :looney:
ممكن تطبق لي الحل على ابيات اللغز؟؟؟

[torrjom]

اجل الحل درب التبانة :looney:
ممكن تطبق لي الحل على ابيات اللغز؟؟؟




ابشر طال عمرك


اللغز تشبيهن انا كيف اشبهه (درب التبانه مشبه على درب التبانه اللي بالارض واللغز وصف او تشبيه يعني مشبه خالص )
لغزي مشبه مثل قولت يشابه (يشابه درب التبانه اللي في الارض)
حينن يجي فوقك وحينن تواجهه (هو فوقك وبعض الاحيان تكون منسدح مقابل السماء يكون مواجهك)
واحيان ماضنيت احدن درابه (في وقت النهار محد يشوفه واللي داخل الغرف مايشوفونه)
والى بغيت اسهوم رمعك تجابهه
اسمه مركب دققو بالاصابه (درب التبانه)
وضح النقى يطلب ولا نيب سافهه
عشره حروف اللغز هذا حسابه (الحروف عشر )
الى عرفت الاصل تعرف امشابهه (الاصل اللي في الارض درب التبانه وقت الحصاد)
الاسم واحد كل منهم( مشابه) وهنا المقصود يمشون فيه الاثنين اساميهم درب التبانه


واسف اخوي اذا كان اللغز شتت تفكيرك

او كان وصفي غير واضح

كل الووووووووووووووووود

[بنزرت]

اه
قصدك مجرة درب التبانة
بس عدد حروفها 14 حرف مو عشره

[الاربع وعشرين]

بنزرت وين انت امبنزرنن به اجي ارفعلك

[torrjom]

اه




قصدك مجرة درب التبانة

بس عدد حروفها 14 حرف مو عشره







درب التبانة أو درب اللبانة هي مجرة لولبية الشكل. تحوي ما بين 200 إلى 400 مليار نجم ومن ضمنها الشمس، ويبلغ عرضها حوالي 100 ألف سنة ضوئية وسمكها حوالي ألف سنة ضوئية، ونحن نعيش على حافة تلك المجرة ضمن مجموعتنا الشمسية والتي تبعد نحو ثلثي المسافة عن مركز المجرة. وإذا نظر الشخص إلى السماء في الليل فقد يرى جزءًا من مجرتنا كحزمة من النجوم، ويرى سكان نصف الكرة الأرضية الشمالي درب التبانة في الصيف والخريف والشتاء. والمنظر في أواخر الصيف أو في مطلع الخريف يأخذ المدى الألمع والأغنى لهذا النهر السماوي: ففي ذلك الوقت من السنة، يمتد درب التبانة من برجي ذات الكرسي والملتهب في الشمال، عبر النصف الشرقي للسماء وعبر مجموعة نجوم تعرف كمثلث الصيف، ثم يغطس نحو الأفق خلال برجي القوس والعقرب. وتحجب الغيوم الفضائية بين برجي مثلث الصيف والقوس، رقعة مركزية واسعة من درب التبانة، مما يجعله يبدو منقسما إلى جدولين. وقرب برجي القوس والعقرب, يكون درب التبانة كثيفا ولامعا جدا، لأن هذا الاتجاه يدل نحو مركز المجرة.




هلابك وحياك




المقصود في اللغز طال عمرك




جزء من المجره اللي سوينا فيه اللغز




انا وانت نسكن في مجرة درب التبانه




والمطلوب درب التبانه اللي نشوفه



على العموم انا اسف اخوي اذا كان اللغز غير وارد


او عدد الحروف سبب لك لخبطه






كل الشكر على سعة صدرك