المساعد الشخصي الرقمي

مشاهدة النسخة كاملة : من يفيدني بمشكلة زيت الباثفندر 2005


عواء الذيب
19/05/2011, 02:52 AM
السلام عليكم ورحمة الله وبركاته

اخواني اسعد الله جميع اوقاتكم بالخير

يسعدني ان انظم اليكم وابدا بطرح موضوعي هذا ويتليه انشالله مواضيع اخرى متنوعه

فاتمنى ان اكون خفيف ظل وعند حسن ظن الجميع ...............................

قبل سنة تقريبا شريت باثفندر 2005 قير اتوماتيك من الامارات وماشالله شبه جديد الموتر

مصيون كان ماشي 130 الف كيلو.... اول ماجبته صاحبه الاول

كان توه مغير زيته وانا طلعت به للسعوديه ومشيته بزيته اللي كان فيه من الامارات 7

الاف كيلو كنت اراقب زيته واهتم به ولانقص ابدا وماقلب حتى لونه !!!

الغريب يا اخوان انه اول ماغيرت زيته صار ينقص وبهذلني قمت اشكل من الزيوت عساني

اطيح في نوع الزيت اللي كان فيه من الامارات ولكن لاجدوى غيرت له بترومين سفن

الترا ثقيل ونقص وغيرت له سوبر جي تي اصلي ثقيل ومانفع وغيرت له سوبر بترومين

العلبة زرقاء مع ابيض وبرضو ينقص .. الاكيد ان المكينه سليمة وادائها ممتاز

فهل احد يقدر يفيدني الله يجزاكم خير وهل زيت موبيل1 اللي علبته ب45 ريال جيد زي

ماسمعت واحب احيطكم ينقص في البلد اكثر من السفر الخط الطويل ...يعطيكم العافية
سوبر VTC
19/05/2011, 03:03 AM
عليكم السلام
حياك و بياك
لا تنسى تمر على رابطة ملاك الباثفندر
الله يطعمك من خيرو يكفيك شره

الباث معروف انه ينقص طبيعي لذلك اطمئن
تقريبا كل 1200 الى 1800 علبة الا ربع

ادخل الرابط و شف ردي
رابط

مشكلة بالباثفندر -الحرارة ترتفع -والزيت ينقص - واليوم فيه تفتفه ... (http://www.mekshat.com/vb/showthread.php?t=213833&page=2)



سوالف لأهل الباثفندر - منتديات مكشات (http://www.mekshat.com/vb/showthread.php?t=156734)


الاخوة اصحاب الباثفندر<<انتم مطلوبون هنا؟؟؟ - الصفحة 2 - منتديات ... (http://www.mekshat.com/vb/showthread.php?t=158770&page=2)


نقص الزيـت ؟ - منتديات مكشات (http://www.mekshat.com/vb/showthread.php?t=400174)
المرتهي
19/05/2011, 04:22 AM
اخوي صدى بيشة
مثل ماقالك اخوي vtc
كل الباثفندر ينقص

وهنا رابطة ملاك الباثفندر الجيل القديم
جميع المشاكل والحلول موجودة

حياك الله بين اخوانك
نتشرف بمعرفتك

http://www.mekshat.com/vb/showthread.php?t=156827 (http://www.mekshat.com/vb/showthread.php?t=156827)
~EmPeRor~
19/05/2011, 10:56 AM
الباث معروف انه ينقص طبيعي لذلك اطمئن
تقريبا كل 1200 الى 1800 علبة الا ربع



كلام سليم 100%

النقص طبيعي ولاتشيل هم مرة
عواء الذيب
19/05/2011, 09:07 PM
اشكركم على مروركم وتجاوبكم

والمعروف انه لاغرابه من نقص زيت الباث

لكن اللي اقصدة ابغا اعرف ليه مانقص زيته اللي كان فيه من الامارات

مشيته اكثر من ستة الاف كيلو مانقص ولا ملي واحد

كنت اعير زيته بشكل يومي

اش معنى مانقص الموتر لين غيرت زيته

هل في الامارات زيوت افضل من زيوتنا في السعودية

وفق الله الجميع
عبدالله 15
19/05/2011, 09:13 PM
الله اعلم
انا كان معاي باث 2000
ولا ينقص زيته ابدا
بس ما كان الزيت يتعدى 3000 كيلو الا اغيره
قرنديزر
19/05/2011, 09:38 PM
اشكركم على مروركم وتجاوبكم



والمعروف انه لاغرابه من نقص زيت الباث


لكن اللي اقصدة ابغا اعرف ليه مانقص زيته اللي كان فيه من الامارات


مشيته اكثر من ستة الاف كيلو مانقص ولا ملي واحد


كنت اعير زيته بشكل يومي


اش معنى مانقص الموتر لين غيرت زيته


هل في الامارات زيوت افضل من زيوتنا في السعودية



وفق الله الجميع




كم كنت تمشي ..؟؟؟






السرعه الزايده وضغط المكينه ترى له دور ..


عموما الباث مشهور بنقص الزيت





لكن فيه شيء انا مستغربه وللحين افكر فيه بصراحه ..


طلعت من الرياض .. دعسه وحده .. لمكه المكرمه .. ولم ينقص ولم يتغير لونه ..




ملاحظه .. زيتي شل سوبر .. العلبه الحمراء ..
سوبر VTC
20/05/2011, 05:49 AM
شنابر بساتم الباثفندر فيها خلوص يعني فضاوة شد بلد
بمعنى الشنبر مايحجب الزيت عن غرفة الاحتراق 100%
ميزة الخلوص انه ابرد للمكينة
بمعنى ماتكون المكينة حاشرة


اللي اعرفه اذا كنت مسرع بالموتر مثلا 170 و طالع او كان ناطح الموتر هواء
احيانا ينقص زيت خصوصا على كلام احد الاعضاء المكسيما و الباثفندر

رابط

ادخل وشف ردي
فتوى نومـ11111س في نقص زيت الباث [الأرشيف] - منتديات مكشات (http://www.mekshat.com/vb/archive/index.php/t-245250.html)


طبعا فيه راعي ورشة يغير الشنابر و يضمن لك عدم نقص الزيت
عواء الذيب
20/05/2011, 03:34 PM
كم كنت تمشي ..؟؟؟






السرعه الزايده وضغط المكينه ترى له دور ..


عموما الباث مشهور بنقص الزيت





لكن فيه شيء انا مستغربه وللحين افكر فيه بصراحه ..


طلعت من الرياض .. دعسه وحده .. لمكه المكرمه .. ولم ينقص ولم يتغير لونه ..




ملاحظه .. زيتي شل سوبر .. العلبه الحمراء ..


اشكرك

اخوي العزيز موتري ينقص حتى في البلد لومااسافر به ينقص

بالعكس اذا سافرت به وعداده 170مسافة الف كيلو ينقص بسيط بس داخل البلد موووت
GX.3
20/05/2011, 03:40 PM
شوف اذا الموتر ما ينقص واجد

بمعنى نقص طبيعي فماعليه ضرر

اهم شي تتابعه كل فترررررررررررره

وصلى الله وسلم
عواء الذيب
20/05/2011, 03:45 PM
شنابر بساتم الباثفندر فيها خلوص يعني فضاوة شد بلد
بمعنى الشنبر مايحجب الزيت عن غرفة الاحتراق 100%
ميزة الخلوص انه ابرد للمكينة
بمعنى ماتكون المكينة حاشرة


اللي اعرفه اذا كنت مسرع بالموتر مثلا 170 و طالع او كان ناطح الموتر هواء
احيانا ينقص زيت خصوصا على كلام احد الاعضاء المكسيما و الباثفندر

رابط

ادخل وشف ردي
فتوى نومـ11111س في نقص زيت الباث [الأرشيف] - منتديات مكشات (http://www.mekshat.com/vb/archive/index.php/t-245250.html)


طبعا فيه راعي ورشة يغير الشنابر و يضمن لك عدم نقص الزيت


الله لايهينك اخوي سوبر


عموما انا أمس غيرت سيفونه وزيته وحطيت له موبيل1 اللي علبته ب 45 وخلنا نشوف

مبدئيا صوت المكينه رااكد ... على الاقل يجي ارحم من سوبر جي تي يتبخر تقول مويه

في براد شاهي
الباثفندر 3.5
20/05/2011, 05:50 PM
الله لايهينك اخوي سوبر


عموما انا أمس غيرت سيفونه وزيته وحطيت له موبيل1 اللي علبته ب 45 وخلنا نشوف

مبدئيا صوت المكينه رااكد ... على الاقل يجي ارحم من سوبر جي تي يتبخر تقول مويه

في براد شاهي

اخوي ليش ما تحط زيت اسمه total علبته بلاستيك لونها ذهبي و انا مجربه ينقص تقريبا علبه كل 4000 كم مع الكراف في المدينه و الطرق السريعه بالصيف (نصيحة مجرب)
موبيل 1 غالي عالفاضي اسئل المجرب مكتوب انه يمشيك 10 الاف و زين اذا مشاك 7 الاف
سوبر VTC
21/05/2011, 01:22 AM
انا افضل نوعين من الزيت
الترا سفن
او زيت كاسترول ب13ريال

عــُـلـبـة الـزيـت أ لـتـرآ 7 Ulra و ســُبـر بـتـرومين 10W-90 ب 9.73 ... (http://www.mekshat.com/vb/showthread.php?t=254024&page=4)



زيت كاسترول جي تي إكس ماجناتك افضل زيت لمحركات السيارات - الصفحة ... (http://www.mekshat.com/vb/showthread.php?t=28306&page=2)
خالد العمراني
21/05/2011, 11:17 AM
لكن فيه شيء انا مستغربه وللحين افكر فيه بصراحه ..


طلعت من الرياض .. دعسه وحده .. لمكه المكرمه .. ولم ينقص ولم يتغير لونه ..




ملاحظه .. زيتي شل سوبر .. العلبه الحمراء ..

صارت معي طلعت من تبوك لحايل دعسة وحده 140
وماشاء الله الزيت تقول مغيره هالحين
وثاني يوم أكمل للقصيم ويوم وصلت الا فيه نقص لا يذكر
المهم واتجه من القصيم للمدينه وكان الجو مطر وكل شويه نهدي ونوقف
ويوم وصلت المدينه صبيت نص علبه

سر يبغى له حل
عبدالرحمن السالم
21/05/2011, 11:54 AM
ان شاء الله ماعليه ضرر ، وكثير من السيارات تنقص والنقص طبيعي وزين انه مايضر الصوف وطرمبه الزيت بس عاد يبي لك تهتم به ولا تهمله بحيث ان كل 3000 او 4000 تغيره وافضل انا عن تجربه إلى هو سوبر جي تي فوكس العلبه السوداء
بالنسبة للاخوان إلى يمكسون خطوط ولا يلاحظون النقص ، مكينه الباثفندر معروفه راسين والراسين زينه بالخط بحيث ان تكون المكينه مريحه بالخط فلذالك نادراً ماتنقص اما داخل المدينة مع الدعس والروحات والجيات يصير فيه نقص ، لكن جرب داخل المدينة مايتعدى ضغط المكينه عن 3 وشوف تلقى نقص بسيط جداً وممكن ماتلاحظ النقص ابد ، طبعاً هذا انا ما استنتجته بموتري اثناء سفراتي وروحاتي :)
&ذيب الحره&
21/05/2011, 06:37 PM
انا اغير الترا سفن 3500 ينقص ربع علبه ومع السرعه يزود شوي نقصه اهمشي سو غسيل مكينه لمدة 10 دقايق ولا يتعدا 3000 مشاوير او 4000 بلد
عواء الذيب
21/05/2011, 08:02 PM
الله لايهينكم

واشكر كل من مر على الموضوع وادلى برايه وبمعرفته

بس يا اخوي ذيب الحرة انا سمعت ان غسيل المكينه يضرها جدا يقولون يلعب في البساتم

ولا وش رايك!
سوبر VTC
22/05/2011, 04:19 AM
تغسل المكينة في حال ان المكينة توه موضبة
او كانت مجاري الزيت ليست نظيفة
او ان الموتر مبطي واقف

يعني غسل المكينة لا يحل مشكلة نقص الزيت بتاتا البتة

طبعا الزيت حق الغسيل اللي شاهدته بالسوق جالون 4لتر طبعا مهب اصلي
و سعره ب30ريال تقريبا
تحطه بالمكينة و تخلي الموتر شغال 10دقايق
بعدين تفضي الزيت و تفك الفلتر
و تحط فلتر و زيت جديد

اذا افترضنا ان مادة الغسيل تحتوي على مواد منظفة قوية جدا على افتراض طبعا
فان الضرر الوحيد من وجهة نظري فقط في جلد البلوف
اساسا زيوت الغسيل محتواها مقنن جدا مقاييس موزونة