مساعدتكم يا نقالة الجير البيور

[falcon 1]

السلام عليكم ورحمة الله وبركاته
صبحكم الله بالخير اخواني الاعزاء
ان شاء الله انكم بخير وبصحه وبسلامه

كثير من الصقارين الان اتجهو الى الجير هالايام واظن نعرف ليه ههه
انا فكرت انقل جير بيور ان شاء الله
لكن سؤالي هو
هل الجير يتحمل الحرورة الزايده (مثلا عندنه فالخليج ) ولا لا ؟
انا كلمت واحد يفرخ طيور بامريكا وقالي نصيحة لا تاخذ جير بيور لانه ما يتحمل الحرورة الزايده . اخذ مهجن .

وش رايكم اخواني

تحياتي لكم
اخوكم
فالكن 1

[حامد الحنيني]

والله ياطويل العمر به رجال يعلمني خوي امير يقول معه بيور عجيب غريب مخليه تلحيق بس ويهدون بالصمان وبالحد يعني بديارنا ولافيه اي اشكاليه والباقي...
يفيدونك هل الخبره ابو معيض وابو سيف ولاهو قصور بباقي الربع ...

[ذعذاع نجد]

يفيدونك اهل الخبره با الجير

[جير دبي]

وعليكم السلام ورحمه الله وبركاته
وابشرك نحن بخير وفي تمام النعمه ولله الحمد .
وبلنسبه عن استفسارك اجاوبك على حسب تجربتي الشخصيه مع البيور الخالص ,,
هذا الكلام غير صحيح :no2: بانه مايتحمل حراره وخصوصا اذا كان من مزرعه معروفه في التفريخ ..,
وانا جربت فالكون سنتر البيور الخالص وكانت الطيور معوده على الحراره لوجود هك في جنوب اسبانيا
والاجواءتقريبا متقاربه من شهر تسعه وانت طالع .,وكنت ارفعه على البالون بحدود 600 متر ,ولا نحس بتاثر الطير بالجواء ,,
وكل مااكتسب لياقه يزين الطير اكثر ..:good2: خذه وتوكل على الله وملاحظه من
شركه معروفه .
تحياتي لك .
جـــــــــير .

[ربع خالي]

وعليك السلام ورحمة الله وبركاته

حيّاك الله يا أخوي فالكون1 :

سؤالك عن تحمل الجير البيور للحراره الزايد .

جوابي على قد عرفي بالبيور :
1- تعرضه للهدد في الحراره الزايده مثل الظهيره أو أول الوقت (الصفري)، فيه مخاطره جداً خطيره على الطير وأول المخاطر قطع القلب وإحتمال يحول ميت وخاصه إن كان موجب ولاعاد رد عن صيدته وتكون الصيده سبوق ،
( حبارى أو كروان ).
2- التهاب الرئه على أهون سبب وخاصه إن دعيته في وقت الصفري .
3- والاهم من كل هذا ، الموت المفاجئ وهذي صارت مرات متكرره للبيورات .
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
الاحتياطات :
1- عدم الهدد في الاجواء الحاره ،حتى لو كنت في الشتاء ( الظهيره)
2-الفحص الدوري
3-عدم إطعامه الا من صيدته أو السمان المثلج ، والابتعاد عن إطعامه من صيد البندقيه .
4- مقيض مكيف والبروده لاتتعدى 25 درجه مئويه.

الخلاصه :

الجير البيور زجاجه ويجب المحافظه عليها من الكسر

تقبل مروري

[falcon 1]

لا هنتم اخواني على المعلومات القيمه
جزاكم الله خير

[أبو أمين]

السلام عليكم ورحمة الله وبركاته
صبحكم الله بالخير اخواني الاعزاء
ان شاء الله انكم بخير وبصحه وبسلامه

كثير من الصقارين الان اتجهو الى الجير هالايام واظن نعرف ليه ههه
انا فكرت انقل جير بيور ان شاء الله
لكن سؤالي هو
هل الجير يتحمل الحرورة الزايده (مثلا عندنه فالخليج ) ولا لا ؟
انا كلمت واحد يفرخ طيور بامريكا وقالي نصيحة لا تاخذ جير بيور لانه ما يتحمل الحرورة الزايده . اخذ مهجن .

وش رايكم اخواني

تحياتي لكم
اخوكم
فالكن 1

و عليكم السلام ورحمه الله وبركاته

اخوي في اشياء كثيره يعتمد عليها مقناك للبيور

1- وحش ولا تفريخ.

الوحش صعب يتعود على اجوائك فالخليج الا وقت المربعانيه تشوف طرب
لانه رابي فالبرد القارس والثلوج واغلب الي تجينا تكون وافيات من 18 وطالع وكبر الطير
له دور ايضا فالمساعده فالاجواء الحاره ويدلك على كلامي شوف وقت الكراوين ما احد ينقل
طير وافي الا ما ندر باستثناء الشاهين لان وافيها يعتبر صغير مقارنه بالجيره والحرار وحتى الي ينقلون طيور وافيه حده كروان اثنين فاليوم
الطير الصغير حفيف وزن وخفيف حركه وخفيف نفس ويجيد الكر والفر .

اما بالنسبه للتفريخ فانت على ما عودته (هذي وجهت نظري اختص بها ولا اجبر بها احد

عشان لا احد ينقز في حلقي) لانه ما يعيش برا الا وقت النمو والهك فقط لا غير ويرسل للخليج دايركت فيجيك بعضها شهر 8 او 9 او 10 تقدر تبدا معه شوي شوي الين يتعود على الحر طبعا الحر الي اتكلم عنه اول الوقت ووقت الرجوع (أخر الوقت) وطبعا وهو في سنه الفرخ فيه مخاطره
كبيره بحكم ضعف المناعه لكن ان سلكت اموره وقرنس بكر تصبح مناعته اكبر وخلاص يصير مثل باقي الطيور ويظل ما يؤدي في وقت الحر مثل القرموش البيور .

هذا الكلام بالنسبه للبيور الوافي 18 وفوق .

اما القرموش وهو الي انا انصحك به من 16 الى 17 انش طول ويزود العرض عن الطول نص انش يعني اذا جا الطول 16 العرض 16 و نص

فوالله هذا هو معي اني احلق به عقب طيور في اي وقت حر برد ربيع استوائي ههههههه حلوه استوائي .

لكن هو فارط فالجو الحار وفالجو البارد فارطيييييييين مع مراعاه اختلاف وزن الهدد عند تغير
الاجواء .

واخيرا زي ما قلت لك اهم شئ مسأله التعويد يعني حاول بقدر المستطاع انك تخيله يونس الحر

مثلا ركب فالسياره والطير فح واحتر نزله الشباك خل يجيه هوا ما فاد معك رش عليه شويه مويه.

ماهو على طول من يوم تشوفه فح تشغل المكيف على اقسى قوه , هنا الغلط .

وهذا بيت يناسب الي اقصد :

والنفس كالطفل إن تهمله شب على *** حب الرضاع وان تفطمه ينفطم

ويقول الشاعر الكبير راشد الخلاوي رحمه الله :

يــا طــول مــا وسْــدت راســي كــداده @@@مـــن خـوفـتـي يـعـتـاد لــيــن الـوسـايــد
مـــن عـــوّد الـعـيـن الـرقــاد تــعــوّدتْ @@@ومــن عــود العـيـن الـمـسـاري تـعــاود

وللعلم انا مجرب البيور الوافي والقرموش وموجودات حاليا عندي .

شاكر لك

[المريعي]

ابو امين

مسيت بالخير

من اي شركة القرموش الطيب الله يباركبه

[عنيد]

.


جوابي على قد عرفي بالبيور :
1- تعرضه للهدد في الحراره الزايده مثل الظهيره أو أول الوقت (الصفري)، فيه مخاطره جداً خطيره على الطير وأول المخاطر قطع القلب وإحتمال يحول ميت وخاصه إن كان موجب ولاعاد رد عن صيدته وتكون الصيده سبوق ،
( حبارى أو كروان ).
2- التهاب الرئه على أهون سبب وخاصه إن دعيته في وقت الصفري .
3- والاهم من كل هذا ، الموت المفاجئ وهذي صارت مرات متكرره للبيورات .
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
الاحتياطات :
1- عدم الهدد في الاجواء الحاره ،حتى لو كنت في الشتاء ( الظهيره)
2-الفحص الدوري
3-عدم إطعامه الا من صيدته أو السمان المثلج ، والابتعاد عن إطعامه من صيد البندقيه .
4- مقيض مكيف والبروده لاتتعدى 25 درجه مئويه.


الخلاصه :


الجير البيور زجاجه ويجب المحافظه عليها من الكسر



ايفتى ومالك في المدينة ! :D

[falcon 1]

السلام عليكم ورحمة الله وبركاته
جزاك الله خير ابو امين على هالمعلومات القيمه
والله يعطيك العافيه

وايضا اشكر جميع اخواني الي ردو
شرفوتنه بمروروكم

اخوكم
فالكن 1