المساعد الشخصي الرقمي

مشاهدة النسخة كاملة : اخواني من يدلني على جهاز اشتراك اسعاف


اصيل نجد
19/05/2011, 12:45 PM
الله يمسيكم بالخير والسلامه ياجماعه من يدلني على جهاز شحن اللي يسوي اشتراك للسياره في حاله ضعف البطاريه رحت للساكو اليوم الصبح لقيت عندهم صيني 450 امبير سعره 399 ريال وفيه معه ماطور هواء مدمج مع الجهاز وانا ماودي بماطور الهواء لانه عندي لحاله هذا ابيه اسعاف فقط للبطاريه رحت لشارع عمر المختار(شارع الريل) لقيت عندهم جهاز الحاله فقط اسعاف بطاريه قلت هذا المطلوب قالوا صناعته ايطالي وقوته 1200 امبير قلت هذا الدواء والمطلوب قلت سعره قالوا 1200 ريال قلت معصي وماهو مكتوب عليه اي شي يدل على مكان الصناعه لوكان ايطالي يبرزونها قدام :
المطلوب :
اللي خابر لي شي ومجرب وزين الله يطول بعمركم دلوني عليه وعن مكان بيعه تحياتي للجميع
ابوفهد225
19/05/2011, 01:17 PM
مساك الله بالرضى والعافية ..

سبق وان بحثت ولم احصل اللي علية الكلام ..

قالوا لي فية نوع من نفس شركة الثلاجة المعروفة Waeco ولم احصلة ..!

اضطريت واشتريت من ساكو نوع Wagan 600 امبير معه ماطور هواء ومحول كهرب ,, نفسة في امازون (http://www.amazon.com/Wagan-EL2355-200-Watt-Jumpstarter-Compressor/dp/B002ZRX922/ref=sr_1_6?ie=UTF8&s=automotive&qid=1305800158&sr=1-6)

الحجم كبير شوي لكن الجهاز عملي والله ...

لولا الوزن الكبير كان طلبته من الخارج ارخص وأفضل ..!

بالتوفيق لك ..
اصيل نجد
19/05/2011, 02:56 PM
الله يطول بعمرك يابوفهد على هالمعلومه لكن ساكو الان مالقيت عندهم غير 450 امبير بس ماذكرت السعر يابو فهد ومن اي فرع اخذته الله يوفقك
ابودعسان
19/05/2011, 03:53 PM
طيب مافكرت بالبطاريه الاضافيه
لانه حسب كلامك للطوارئ فقط
اصيل نجد
19/05/2011, 04:22 PM
طيب مافكرت بالبطاريه الاضافيه
لانه حسب كلامك للطوارئ فقط

هلا ابو دعسان كلامك صح وانا فكرت زي ماقلت لكن المشكله رحت لحقين الترهيم قالوا مالها مكان معي اكسبلورر 2004 فورد شكرن لمرورك
دغيم1
19/05/2011, 04:27 PM
السلام عليكم ورحمة الله وبركاته
حياك الله أخوي
ماذكرته سبق للأخوة طرحه في موضوع سابق
وإذا أردت الأفضل عليك بالبحث في موقع الأمازون
وطلبه من الخارج
وعليك بالنوعية الجيدة ولو زادت فيه القيمة
لأن الموجود صيني وليس بعملي
كما يوجد مكثف صغير عبارة عن تخزين بطارية يتم شحنها في البيت لفترة كم ساعة وتحملها معك في السيارة ويأتي معها إشتراك صغير
ولكن حسب تجربة ليس بعملي أبدا
تمنياتي لك بالتوفيق
أخوك / ابو فيصل
نايم فوق جبل
19/05/2011, 04:31 PM
الله يوفقك
ليزر 97
19/05/2011, 05:10 PM
:D حراج بن قاسم فيه صيدات من هالنوعيات :D
تجي فرص ماتوقعها :eek:كل الدعوا تمشي عصريه خميس وجمعه :good2:
لقيت شاحن امريكي طبعا مستعمل استعمال خفيف ما ادري
كم قوته بس امريكي :good: بكشاف و بدون ماطور هواء
120 ريال الشرط على التجربه وجربته وكان تمام :p
وتلقون خير
ابوفهد225
19/05/2011, 07:21 PM
الله يطول بعمرك يابوفهد على هالمعلومه لكن ساكو الان مالقيت عندهم غير 450 امبير بس ماذكرت السعر يابو فهد ومن اي فرع اخذته الله يوفقك

حياك الله اخوي ..

اخذتة قبل 6 شهور تقريباً .. 390 ريال

واحد من الشباب اخذه منهم بسعر 350 ريال

طبعاً من فرع بريدة ..

انت اسألهم عن 600 امبير وهم يبحثون في الفروع ويجيبونه لك وين ماكنت ...

بالتوفيق