المساعد الشخصي الرقمي

مشاهدة النسخة كاملة : حرارة البرادو حيرتني ابي فزعتكم يالنشاما


ابولطيفه
19/05/2011, 10:08 PM
عندي برادو 2006 بعد دخول الصيف :s لاحظت ان الاديتر كل ثلاث ايام ينقص 2 لتر ماء تقريبا وبعد ارتفاع درجة الحرارة :f اكتشفت نقص الماء يطلع من الاديتر ويرجع في قربة الماء ويخرج مع لي الزائد حق القربة مالكم في الطويلة المهم .....
غيرت المروحة وتماتيك المروحة واستبدلت الغطاء وشلت البلف حق الحرارة وذا مشيت 100 كيلو بالمكيف تبداء ترتفع الحرارة بسبب نقص الماء وتوصل فوق النصف طبع في تذبذب شوي تتعدا النصف وشوي تنزل
تكفون ابي فزعتكم وكل مكنيكي يعطيني من راسة رائي ولا لقيت الحل
ابو معافا
20/05/2011, 03:57 AM
والله اذا ماخاب ظني فمشكلتك هي غطاءالرديترغيره بواحد اصلي وان شاء الله تنحل مشكلتك
ابولطيفه
20/05/2011, 11:36 PM
الله يعطيك العافية ابو معافا وشكرا على تفاعلك معي
غيرت الغطاء بأصلي ومن الوكالة ولا فية فايدة
وينكم يا أهل الخبرة تفيدوني في مشكلتي
abo aryam
21/05/2011, 06:45 AM
السلام عليكم
اول شيء رجع البلف (واحد جديد ), لأنه احتمال الاول كان قافل وهو اللي مسبب المشكلة وتأكد من المراوح الكهربائية انها تعمل مع تشغيل المكيف .
تحياتي لك ,,, ( كم سلندر البرادو ؟)
مركز حراره
21/05/2011, 08:55 AM
يجب فحص الرديتر لايكون فيه تهريب او الخرطيش
ابولطيفه
21/05/2011, 08:58 AM
شكرا لتفاعلك اخوي ابو اريام ***
المكينة 6 سرندل
انا شلت البلف ومازلات المشكلة موجودة يعني ماتغير شي والمروحة شغالة 100%
100
***************************************
ابولطيفه
21/05/2011, 09:02 AM
صباحك عسل مركز حرارة
تم فصح الاديتر والخراطيش كلها ولله الحمد سليمة بس الماء يطلع مع القربة حقت الاديتر مع لي الماء الزايد وهذا سبب نقصة
شكرا لتفاعلك ( مركز حرارة )
abo aryam
21/05/2011, 10:27 AM
اخوي ابو لطيفة
وظيفة البلف اعطاء فرصة للماء الموجود في اللديتر فرصة لكي يبرد قبل اعادته للمكينة .
بمعنى انه البلف الاول كان فاتح على طول وما يعطي فرصة للديتر ليقوم بعملة .
سبق ان كان معي نفس المشكلة انه السيارة في بداية التشغيل ما تسخن ولا تفور بس مجرد اقودها لنصف ساعة واوقف يطلع الماء من القربة واحس بحرارة في الكبوت غير عادية الى ان تم استبدال البلف بواحد جديد وزالت المشكلة . اتمنى اكون افدتك. تحياتي,,,
w8888w
21/05/2011, 11:29 AM
تاكد من الغطا دايمن يكون كذ
مركز حراره
21/05/2011, 10:48 PM
اول شي تاكد من ان الرديتر نطيف او صيخه اذا مافاد فممكن الراس يفحص ويتاكد منه
ابولطيفه
22/05/2011, 09:10 AM
أشكركم اخواني أعضاء مكشات لتفاعلكم بموضوعي وإجاد بعض الحلول لحل مشكلة الحرارة
والحمدلله بعد البحث والتسدح فالورش والاستماع لفلسفة المكنيكة
تم ايجاد الحل ............
.
.
.
.
.
.
.
.
.
.
.
.
.
.
.
.
.
.
.
.
.
.
.
تم بحمدلله بيع السيارة على شخص يعرف علتها وله جلد على وجع الراس والدوجي فالورشات وعلى قولت المثل ( اشتر سنام تنام ) وقررت اني اشتري سيارة جديدة واريح نفسي من وجع الراس والدوجي فالورشات
تحياتي للجميع
ابوناصر2
11/06/2011, 10:49 PM
ابولطيفه ياليت تشوف لي وش سوى خويك في الحراره لان عندي نفس المشكله بالضبط وشكرا
ابولطيفه
12/06/2011, 01:33 PM
هلا اخوي ابو ناصر
كم مديل موترك وكم سرندل واشتريته جديد ولا توك شارية
ابوناصر2
12/06/2011, 01:53 PM
موديله 2004 سته سرندل وله سنتين معي زي الحلاوه بس طلعت لي هالحراره لها اسبوعين تقريبا نفس مشكلتك بالضبط ومحيرتني
ابولطيفه
12/06/2011, 11:23 PM
هلا اخوي ابو ناصر
الرجال يقول غيرت بلف الحرارة وكن الموتر ظبط قيمته فالوكاله بعد الخصم ١٠٣ ريال يجي كامل مع الكوع بس المشكله الرجال يقول ماطلعت مشوار بعيد وجاني واحد ونشبلي بالسيارة عند البيت وبعتها لاكن يقول السيارة من غيرت البلف وامورها زينه مرة .
توكل على الله وغيرة ماراح تخسر شي وعلمنا وش يصير معك عشان نفيد ونستفيد
تحياتي لك والله يشفي سيارتك
ههههههه
وش رايك تجرب الفيفا دول فالرديتر
ههههههه
حبيت الطف الجو
ابوناصر2
13/06/2011, 02:00 PM
ههههههههههه
يارجال ماينفع الفيفادول يبيلها مضاد حيوي وياالله
البلف مغيره والكلتش والاديتر صيخته وبعدين قالوغيره وركبت وكاله ونفس المشكله
عموما شاكر لك اهتمامك
ابولطيفه
15/06/2011, 01:11 PM
هلا ابو ناصر يقولون اخر العلاج الكي اكوة يمكن يطيب
هههههههه
الله يسر امورك ولايخسرك
والله انها مشكله والله اني مارتحت الى يوم بعته وافتكيت صح انك بتبلش فالمعارض وتقرف من الشريطية لاكن كل شخص وله افكارة
انا اخشى ان المشكله في روس المكينه وهذي المصيبة
اتمنى من الله ان يدلك على الشخص المناسب الي يحل لك المشكلة ولايخسرك