الطير ابو 400الف طرح الحفر

[دعاس]

بسم الله الرحمن الرحيم
مساء الخير جميعا
بكل اختصار انتشرت شائعه قويه عن طريق صحيفة سبق
بان سيده ترعى اغنامها اصطادت طير حر وصادفها رجل خليجي عن طريق الصدفه بمحطة وقود وقام بشراء الطير بمبلغ 400الف ريال.
فهذا الكلام غير صحيح’’ ولا استغرب من ما طرحه المراسل/التركي بهذا الخبر لان صحيفة (سبق) لا تهتم بمصداقية اخبارها ولها سابقه في مثل هذا الطرح انه تم الاعلان مسبقا في اواخر المقناص الماضي عن شاب قام باصطياد طير حر وباعه على تاجر من اهل الرياض بمبلغ مليون وستمائة ريال’’وكان الخبر غير صحيح
ولا(1)%’’وانا استغرب من هذه الصحيفه المفروض انها تبحث عن المصداقيه,,وتبتعد عن الكلام الشائك والكلام المزيف’’والمراسل/التركي يمكن صادق كلمه واحد توه شايف القصه بالحلم.
انا استغربت جتني اتصالات كثيره من خارج السعوديه عن هذا الخبر ودخلت على رابط الصحيفه ادناه.
وياريت من يعرف التركي ان يوصل له هذه الرساله.
وتقبلوا تحياتي.
http://www.sabq.org/sabq/user/news.do?section=5&id=24339

[ذراع الذيب]

السلام عليكم ورحمة الله وبركاته,,
صبحت بالخير يابونواف,,


علومك عساك بخير يالنشمي ربعك طيبين,,
ولاهنت على هالموضوع وياليت احد يصل للصحفي ويفهمه الوضع,,
ويكفونا من هالاشائعات اللي غثونا بها والله يعطيك العافيه ويبارك فيك,,
تحياتي لك,,

[alrshedi]

السلام عليكم ورحمه الله وبركاته
حي الله ابو نواف علومك عساك بخير
الله يعين ويفكنا من هل الاشاعات حتي في جريده بالكويت
تكلمت عن موضوع نفس هل مواضيعي او ماوراهم الي القصص الخياليه
اضن الواحد فيهم يتحلم ويقوم يسرده علي الجريده ويسير موضوع حقيقي :)

[عبدالرحمن بن ذياب]

يالله انك تحيي بو نواف و علومه الغانمه
الله جابك يا خوي لنا ....
يعني هـ الكلام اللي سمعناه موب صدق
لا حول و لا قوة إلا بالله
و الله عالم مدري كيف عايشه كذب في كذب
الله المستعان ....
يعطيك العافية يا الذيب ما قصرت

[الهداد2010]

حياك يالله يادعااااس
انا بعد وردتني اتصلات بشان هذا الخبر
وماقول غير العلم عند الله
لاهنت على كل حال

[ذراع الذيب]

هههههههه انا احسب الخبر قديم اثره الحين,,,,
والله ياصحيفه سبق يبون يسوقون للجريده هههههه مايعرفون بأوقات الطرح ولا,,
لاكان حطو الخبر بأكتوبر

[عبدالرحمن بن ذياب]

هههههههه انا احسب الخبر قديم اثره الحين,,,,
والله ياصحيفه سبق يبون يسوقون للجريده هههههه مايعرفون بأوقات الطرح ولا,,
لاكان حطو الخبر بأكتوبر

ههههههههههه
أجل بيسوقون للجريده .... حلووووه منك ذراع
و الله ياخوي ما عاد تدري عن اخبارهم مرة صدق و مرة كذب
الله لا يبلانا...

[alrshedi]

هههههههه انا احسب الخبر قديم اثره الحين,,,,
والله ياصحيفه سبق يبون يسوقون للجريده هههههه مايعرفون بأوقات الطرح ولا,,
لاكان حطو الخبر بأكتوبر
هههههههههههه
عزالله انك صادق

[ذعذاع نجد]

يا مرحباء اخوي دعاس

هاذا مايسماء كذب هاذا الصحفي
يبرد ويتحلم في نفس الوقت
وش ذا الطير الى ماجانا خبره
400 الف ولا جانا علمه
بس اقول الصحيفة ذي اسمها(صحيفة كذب الاكترونية)

[أبو فيصل]

مشكور على التنبيه

هذا الخبر تأكدت أنه غير صحيح من غير ما أستفسر من أحد لسبب بسيط أنه حتى لو طير طيب ما يجيب قيمه خياليه هذا الوقت ولكن في حدود الستين +/-.

اللي يشترون بذالقيمه يشترون الطيور أول الصفري و يلتهون بالمقناص تاليه

[راشد حسين]

الله لا يهينك اخوي على الموضوع

والله مشكله من جد (الاشاعات)

[حامد الحنيني]

يامرحبا اخوووي دعااس والله انك صادق وبعدين انا جالس عند الربع البارح وجابو طاري للسالفه
قال واحد من الربع هاذي والله كلها اشاعات واحنا عارفين الكلام هذا لاكن قال العام جتني من سبق نفس الرساله
يعني معيوده ومعدل عليها شئ بسيط .

[عابر الموج]

هلا او ابونواف
الاشاعات واجدة هالايام لكن مايصح الا الصحيح تقبل تحياتي

[العود&& الازرق]

يعطيك العافيه يا بو نواف مشكووووووووورر

[أبو رداد]

سلمت ايدك يدعاس على التوضيح
من الواضح انها قصه خياليه !!
لكنها مع الاسف تعبر على الناس الي ماينقلون ولايعرفون الصقور
صحف هالايام بس تدور حشو هههههههه

[أبوفرحان]

لاهنت على الخبر يا أبونواف

[صقار الحماد]

يعطيك العافيه ابو نواف ولا هنت

[راعي وذفه]

يعطيك العافيه يا بو نواف مشكووووووووورر

[حب الوطن]

لا الخبر صحيح يالنشاماء علامكم شبيتو على الصحيفه :mad:

























هههههههه علوم اهل مكشات والله اني مبطي عن المنتدى مير دخلت النت اليوم واخش سبق ولاهيب بالعاده :D


والمح الخبر وانا انزل من الحومه واصدق اكذب قلت مالي الى خيمتنا في مكشات بشوف علومهم


وعلوم هذي العجيز بطلة القصه انتم خابرين عشان يحبك السيناريو خلها عجيز عسها بحمولها تقوم ياسبق


وسلامتكم :D

[الصارم1]

الله يعين على هالسوالف

بس مثل الصحيفه هذي لا بد ان يكون لها مصداقيه والا الناس بخلونها

[عسااااف]

يعطيك العافيه يا بو نواف

[فارس الحربي1]

لا والله انا من اهل الحفر والخبر صحيح
وفيه واحد ثاني كان شمال شرق من حفرالباطن عند حلاله وصايدله طير وبايعه بمليون

>>شكلي ابي اترك القماري واحلولها طيور

[عقيد حرب]

صحيح اضم صوتي لصوتك 400 قوية

[رامى السيد]

اعوذ بالله مثل هذة الاخبار الكاذبه تقضى على مصداقيه الجريدة وان جذبت الانظار لفترة قليله بسبب العناوين الجذابه ولكن ما ان يعرف الناس حقيقتها الا وينبزوها مشكور على التوضيح

[ابووافي الغرب]

لاهنت وهذا كله كلام عشان تسويق ومايهم المصداقيه اهم شي يضمن وضيفته لو كان كذب

[دعاس]

لا والله انا من اهل الحفر والخبر صحيح
وفيه واحد ثاني كان شمال شرق من حفرالباطن عند حلاله وصايدله طير وبايعه بمليون

>>شكلي ابي اترك القماري واحلولها طيور
شكلك يالغالي تبي تصير مراسل لسبق:mad:
يارجال المس راسك هو عليك؟:eek:
اكيد انك تمزح’’تكفا قل امزح:good2:
والا ماعاد اخذ كلامك
لا ويقولون فيه جبليه مبيوعه ب60 مليون بالحفر:D
شكلي ابغا انقل يم الحفر:l

[السومر]

لا هنت يابو نواف على هالموضوع

وتوضيح الحقيقه لضحايا الاشاعات

أشكرك

[السومر]

لا والله انا من اهل الحفر والخبر صحيح
وفيه واحد ثاني كان شمال شرق من حفرالباطن عند حلاله وصايدله طير وبايعه بمليون

>>شكلي ابي اترك القماري واحلولها طيور

لو قالوا ان الطير صايدينه في الجنوب او الشمال الغربي (تبوك) يمكن أصدق

لأن توجد طيور مستوطنه في هذه المناطق وليست حرار انما وكارى وشياهين

لكن تقدر تمشيها لصحيفه.

لكن في حفر الباطن لا اذكر مواكر لطيور وبالذات انها تمتاز بالجو الباريسي

وهذا الوقت ليس بوقت هجره .

[دعاس]

لو قالوا ان الطير صايدينه في الجنوب او الشمال الغربي (تبوك) يمكن أصدق

لأن توجد طيور مستوطنه في هذه المناطق وليست حرار انما وكارى وشياهين

لكن تقدر تمشيها لصحيفه.

لكن في حفر الباطن لا اذكر مواكر لطيور وبالذات انها تمتاز بالجو الباريسي

وهذا الوقت ليس بوقت هجره .
كلام سليم وصح السانك
بس خوينا الحربي هذا يمزح اكيد
وصحيفة (كذب)الالكترونيه صادقه:انصاد شبوط عصر اليوم بالخفجي على يد طفل يبلغ من العمر8 شهور وبيع على تاجر هندي كان يتقضى (الفلفل) في احد محلات الخضار بمبلغ وقدره(400 الف قرش نحاسي)ههههههه.

[الطرس ممدوح]

مشكور على التنبيه

[السومر]

كلام سليم وصح السانك
بس خوينا الحربي هذا يمزح اكيد
وصحيفة (كذب)الالكترونيه صادقه:انصاد شبوط عصر اليوم بالخفجي على يد طفل يبلغ من العمر8 شهور وبيع على تاجر هندي كان يتقضى (الفلفل) في احد محلات الخضار بمبلغ وقدره(400 الف قرش نحاسي)ههههههه.

ههههههههههههههههههههههههههه

هذا الخبر على اي صحيفه الكترونيه