أفضل بديل لطرمبة الشيروكي ..

[النتاوي]

السلام عليكم ..

عندي جيب قران شيروكي استخدام (م98) (6) سلندر

يطفي باستمرار ولا يشتغل على طول

قالوا لي طرمبة البنزين ..

سعرتها لقيتها ناااااار

وأريد أن أسأل عن (أفضل) بديل

وبدائل أخرى إذا ما قدرت على قيمة البديل الأفضل ..

بحيث إني بقدرالمستطاع ما أعدل شيء في الأفياش ..

جزاكم الله خيرا سلفا ...

ــــــــــــــــــــــــــــــــــــــــــ

وإذا فيه أحد يعرف ورشة ممتازة بالشيروكي بالمدينة ياليت يوصفها لي ..

[alrshedi]

وعليكم السلام رحمة الله وبركاته
الله يعينك ياخوي علي بلاوي الشروكي الي ماتخلض
انا صارلي نفس الحال ماشريت طرمبه جديده بس بدلت القلب الي داخل الطرمبه
او سعره رخيص حيل ممتاز بعد ست شهور رد او خرب مره ثانيه ركبت طرمبة فودر فتوريا ارخص
وقعدت تقريبا فوق السنه ونص
واسمحلي علي الاطاله

[النتاوي]

حياك الله يا الرشيدي ..

طرمبة الفكتوريا اي موديل ..

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

ما رأيكم بطرمبة جيب تويوتا

ــــــــــــــــــــــــــــــــــــــــــــــــــ ــــــــــــــــــــــــــــــــــ

كيف أعرف الخراب من الطرمبة كاملة أم القلب فقط ..

لأن بالمدينة على حسب علمي ما يعرفون للشيروكي ..

ــــــــــــــــــــــــــــــــــــــــــــــــــ ــــــــــــــــــــــــــــــــــ

ربنا يعين ..

[alrshedi]

ابقاك الله يالغالي
انا ركبت طرمبة فورد موديل 2000
او خراب الطرمبه باين لانك تقول يطفي او مايشتغل بسرعا لانه القلب الي داخل الطرمبه هو الي له تاثير في التصويل البانزين
او فحص الهوازت او فيوزات السياره قبل تركيب الطرمبه
او بخصوص التويوتا ما جربت كلش !!
واتمني من الله ان يوفقك
ان شاء الله

[النتاوي]

جزاك الله خييييير .. وبارك الله بك .. وبارك فيك ..

[سوبر VTC]

عليكم السلام
شف ياطويل العمر
عندنا ورش متخصصة بالشيروكي بالقصيم في بريدة و عنيزة
يركبون للموتر طرمبة كامري يابانية و سعره ببلاش ب150 الى 200 ريال مستعملة
و ميزته انه اصلية ياباني ياباني كد و مد 4سنين
طبعا الطرمبات سكراب يجيبونه من الامارات حق استخدام ياباني
او
تركب طرمبة شيروكي شد بلد بوش المانية بسعر 350ريال
او طرمبة دينسو يابانية كرتون ازرق بسعر 250
الخيارات كثيرة
لو تعرف احد بالقصيم يوصل لك القطعه او يرسله على الزاجل

لازم تتاكد من علبة الفيوزات اللي عند البطارية
فيه كتاوت اسود اسمه pump مضخة البنزين
احتمال مسوي كربون اسود يمنع التوصيل او وجود ترسبات املاح بيضاء مثل اللي يكون على اصابع
البطارية
الكربون و الترسبات تتكون بسبب سحب الكهرب العالي
او
بسبب رخاوة الاناثي اللي يركب عليه كتاوت الطرمبة


اذا طفى الموتر
اغلق ثم افتح السويتش لكن بدون تشغيل الموتر
هل يطلع صوت للطرمبة ؟؟؟ ززز

هل الموتر يطفى مع المطبات ؟
هل لمبة المكينة والعة باستمرار ؟
هل اللمبة الحمراء والعة شيك جج ؟
هل الموتر و هو يمشي او ضربت مطب ينتع يقطع ؟

[لن أمل من العطاء]

حياك الله اخوي

ولا ازيد على كلام اخونا سوبر كلامه في متمه

[يالبى الهلا]

مالكك الا تشحنه للقصيم القصمان هم اهل (الجيوب) انشهدواهل الا خترا ع

[بدوي جنوبي]

طرمبة بنزين Bti ب 60 ريال فقط وضمان 3 أشهر Gmc-vx-r (http://www.mekshat.com/vb/showthread.php?t=278044)
تعرف علي اجزاء طرمبة الوقود الكهربائية وطريقة عملها واسباب تلفها Gmc-vx-r- Ford (http://www.mekshat.com/vb/showthread.php?t=207634)
تعانى من تلف البخاخات وطرمبة الوقود هذا هو السبب بكل تأكيد (http://www.mekshat.com/vb/showthread.php?t=341393)
تحذير مهم اللى يحتاج (تركيب) توليف طرمبة Vxr او تركيب طرمبة شد بلد (http://www.mekshat.com/vb/showthread.php?t=271649) ‏

[سوبر VTC]

نقطة اخرى

اخبر جيب فكسار بطريق الدمام الموتر
اذا مشى مسافة يطفى بعده و لا يشتغل حتى يبرد
طبعا صارت المشكلة من الكتاوت اللي بالرفرف بالكبوت علبة الفيوزات و الكتاوت
صارت الروس الاناثي اللي يركب عليه الكتاوت من شده سحب الكهرب
تتولد حرارة فتتوسع الاناثي همن يطفى الموتر شي تافه
الكتاوت اللي خرب ماني متاكد هل هو كتاوت طرمبة البنزين pump
او كتاوت المكينة ING

طبعا حل المشكلة
تضييق الاناثي بمفك + عوج روس الكتاوت الذكر شي بسيط
عشان اذا كبسته يتك مضبوط يكون حاشر صح
و يفضل وضع فلاش لكي يزول الكربون الاسود + زوال مادة الملح البيضاء ترسبات
ثم
وضع شحم لمنع الكربون و التاكسد
و لك و للزمن

[النتاوي]

عليكم السلام
شف ياطويل العمر
عندنا ورش متخصصة بالشيروكي بالقصيم في بريدة و عنيزة
يركبون للموتر طرمبة كامري يابانية و سعره ببلاش ب150 الى 200 ريال مستعملة
و ميزته انه اصلية ياباني ياباني كد و مد 4سنين
طبعا الطرمبات سكراب يجيبونه من الامارات حق استخدام ياباني
او
تركب طرمبة شيروكي شد بلد بوش المانية بسعر 350ريال
او طرمبة دينسو يابانية كرتون ازرق بسعر 250
الخيارات كثيرة
لو تعرف احد بالقصيم يوصل لك القطعه او يرسله على الزاجل

لازم تتاكد من علبة الفيوزات اللي عند البطارية
فيه كتاوت اسود اسمه pump مضخة البنزين
احتمال مسوي كربون اسود يمنع التوصيل او وجود ترسبات املاح بيضاء مثل اللي يكون على اصابع
البطارية
الكربون و الترسبات تتكون بسبب سحب الكهرب العالي
او
بسبب رخاوة الاناثي اللي يركب عليه كتاوت الطرمبة

سويت تنظيف لكتاوت وبقية الفيوزات وشيكت عليهن ومازالت المشكلة قائمة وزت على ذلك وغيرت البواجي

اذا طفى الموتر
اغلق ثم افتح السويتش لكن بدون تشغيل الموتر
هل يطلع صوت للطرمبة ؟؟؟ ززز
ليس دائما ..
هل الموتر يطفى مع المطبات ؟
ليس لها وقت محدد أحيانا تطفي وهي واقفه أو إذا مازالت باردة الصباح وأحيانا وأنا ماشي
لكن قبل لا تطفي تطلع أصوات من الشكمان
هل لمبة المكينة والعة باستمرار ؟
لا
هل اللمبة الحمراء والعة شيك جج ؟
نعم
هل الموتر و هو يمشي او ضربت مطب ينتع يقطع ؟
قبل لا يطفي دائما ينتع



أعتذر عن التأخير بسبب الاختبارات ولا زالت :D:)

[النتاوي]

هل هذي يجي منها للشيروكي

قد يكون السؤال ((بااااااااااايخ))

لكن في المدينة لم أجد من يجيد العمل على الشيروكي وكل واحد يفتي من راسه ..



http://www.mekshat.com/pix/upload03/images150/mk32037_11.jpg

[النتاوي]

بارك الله فيك على المجهود الطيب




و اعجبني
انك اشتغلت بيدك :good: :good2:
تقييم اعلى
يثبت الموضوع للفائدة


للعلم


طرمبة الدينسو اليابانية تركب للجيب الشيروكي و ناجحة :good:
يركبونه الشباب بالرياض و القصيم
سعر الدينسو 6سلندر ب250ريال + فلتر ب10ريال
8سلندر ب280ريال + فلتر ب10ريال
بعض الربع يركب حقت 8سلندر للشيروكي
طبعا توفر بنزين اكثر للبخاخات :good2: زيادة عزم نسبيا


ننتظر جديدك من المواضيع


للمزيد من الفائدة


ادخل موضعي عن فك الطرمبة + جميع اعطال الطرمبة + معاناتي مع الجمس



موفق



حبيت أستفسر عن النقطة المعلمة بالأحمر ..
هل تنصح بها فأنا لست راعي تطعيس أو سرعة أو سفر كثير (بهذه السيارة)
لأن أعجبتني شغلت توفير البنزين ..

وبالمرة لو تكرمتم ..

أفضل شيء لمواصفات السيارة (م98 - 6س - استخدام أمريكي - قير أوتو) بنزين أحمر أم أخضر

الله يوفقكم جميعا ويبارك فيكم >>>>> (أحسها طلعت من قلبي من شدة فرحي بكم وبتجاوبكم الايجابي)

[سوبر VTC]

جزاك الله خير
و الله يوفقك







بعض الربع يركب حقت 8سلندر للشيروكي






طبعا توفر بنزين اكثر للبخاخات :good2: زيادة عزم نسبيا






طرمبة الفكسار او القراند حقت 8 سلندر


لا تقم بتركيبها


لانها تحتاج ترهيم 1 قص قاعدة او جرم الطرمبة الحديد لكي تركب الطرمبة


2 ترهيم لي بطول الاصبع


3 ثبت فشلها على الشيروكي 6سلندر


لانه اذا بقي في التانكي ربع البنزين


و جيت مع لفه يطفى الموتر


و السبب لان القاعدة مخرومة فيخرج البنزين من القاعدة الى التانكي


بمعنى يبدا يلعب بالتانكي




للتوضيح


جرم الطرمبة بوسطه رداد مثل الباب اذا دخل البنزين ما يطلع ابد


لكن


اذا خرمت القاعدة التغى هذا الرداد


ارجو ان الصورة واضحة




شاهد طرمبة الجمس البنزين يدخل الى جرم الطرمبة من خلال الفلتراسفل الطرمبة


و في اعلى هذا الفلتر رداد او باب يمنع خروج البنزين سواء كان الموتر طافي او شغال





http://filaty.com/i/1004/57741/tmpphpE0hURK.jpg






شاهد هنا



البنزين يدخل من خلال رقم 1



و يمر من خلال الباب رقم 2 رداد عليه ربل برتقالي





http://www.mekshat.com/vb/../pix/upload02/images77/mk53291_bjsvjbj20.jpg

[النتاوي]

جزاك الله خير أخوي سوبر

معلومات قيمة ..

[BLA6K]

عن واْقع تجربة طرمبة الفورد (دينسو) قمت بتجربتها وهي طبق الأصل لـ: طرمبة الوكآلة
وأخذتها من المدينة المنورة صنآعية القبلتين (أظن هذا أسمها) أول ماتدخل الصناعية
أول محل على يسارك



- لإتنسى بعد ماتفك التانكي تلقى ماصورة تركب برآس الطرمبة
ترآها مهمة وهي سبب في مثل هالمشاكل يوم تفك التانكي
شوف الماصورة من داخل الجلد حقتها مظبوطه ولالا
اذا طلعت متشققه وتنسم هواْ أستبدلها بـ : لي بنزين

[النتاوي]

عن واْقع تجربة طرمبة الفورد (دينسو) قمت بتجربتها وهي طبق الأصل لـ: طرمبة الوكآلة
وأخذتها من المدينة المنورة صنآعية القبلتين (أظن هذا أسمها) أول ماتدخل الصناعية
أول محل على يسارك



- لإتنسى بعد ماتفك التانكي تلقى ماصورة تركب برآس الطرمبة
ترآها مهمة وهي سبب في مثل هالمشاكل يوم تفك التانكي
شوف الماصورة من داخل الجلد حقتها مظبوطه ولالا
اذا طلعت متشققه وتنسم هواْ أستبدلها بـ : لي بنزين


جزاك الله خير يالغالي ..



ــــــــــــــــــــــــــــــــــــــــــــــــــ ـــــــ

المعذرة انشغلت عنكم لظروف الاختبارات ..

[النتاوي]

تصدقون فريت 3 مجمعات مالقيت واحد يعرف للشيروكي

بديت أوسوس .. من أي واحد يقولي (أنا يعرف يسوي)

ــــــــــــــــــــــــــــــــــــــــــــــــــ ــــــــ

استفسار أخير لو تكرمتم ..

أنا بخير الطرمبه كامله لأن الامبير خربان

ينفع الأنواع المذكورة في الردود السابقة ...

أرجوكم اليوم بلف على ورش الحرة الشرقية عسى ولعلَّ

ألقى واحد يعرف للشيروكي ..

[سوبر VTC]

على حسب علمي اذا كان الانبير خربان
فان الخلل من الطبلون او من الكمبيوتر
اخبر احد الزملاء شرا طبلون م99 ب300ريال العدادات سليمة لكن انبير البنزين طافي