المساعد الشخصي الرقمي

مشاهدة النسخة كاملة : استغلال السلطه والنفوذ في المقناص


راشد الهاجري999
20/05/2011, 01:30 PM
السلام عليكم ورحمة الله وبركاته
اخواني المكشاتيه ابطيت وانا متردد في طرحي ولكن لابد من ذالك
حصل ذاالزمان ما ضيق علي خاطري وكرهني المقناص تمثلت في ثلاثة مواقف
الاول/
قاع اقنصها من عادني بزر مع ابوي وخوالي على ايام الوانيتات وهي منطقة رغوان اللي يعرفها غرب محطة التحليه سارح واقول يارزاق ياكريم وحول الساعه 6 ولا ذا ثرها ليليه قاطع علي ومع اثرها لين هربت واقعد اتشوف لها والا الموتر يوم لزني ،
ارحبوا قال نسترفعك كيف يالطيب تسترفعني ..... قال القاع محمي من قبل(ممكن اعلن اسمه اذا سمحة الادارة)ياولد غير ذا الكلام قال ابد من راسك لراس سموه
اقبل علينا طويل العمر قلت تكفى طال عمرك طالبك الهدد وانتتعطي اكبر من كذا (لاحظوا انها حباراي واطلبها منه) قال اركب موترك وتوكل , ياولد مايصير قل الا بيصر، وغلبت الروم وغتصبت حباراي بسلطته وجبروته يالله المستعان
الثاني/
هادين على حبارى والمتفرجه واجد ، واحد منهم مركب الدربيل وما معه طير،، فرط الطير رفيقي وضاعت الحبارى ، رجعت لراع الدربيل ياولد اكيد سبرت الحبارى قال لاوالله انقطع عنها الشوف افترقنا والناس في كل زبارة موتر، عقب العصر لمحت سيارات خليجيه اجتمعت شرقيي ، واجيهم علومكم قالوا عندنا حبارى ولا راع الدربيل معهم قلت يالربع هذي حبارانا فرطناها الضحى قالوا تامر امر بس حنا شريناها من ابودربيل (زي ماسميته انا) قلت له انا ماني اسالك عن الحبارى وتقول انقطع الشوف رد علي بكل بجاحه عليها وسمك؟؟؟؟؟؟
الثالث/
يتصل فيني ابوي الساعه ثمان هو في قرين سعدون وانا في فروق الحساء الاتصال
(ابوسنيده الو ارحب يبه علومك وين دارك علوم الخير سارح على اثر لقاحيٌ وابشر بها شوف العين مفلي وغفل بعد بعدي جااااااااااااي طوطوطوطوط)
جيت الشيبه وين الحبارى قال روح العزبه تقهوا معاد به حبارى - افاااااااااااااا كيف ليش
قال حولوا علي قنوص بمعية طويل العمر واسترفعتهم وعرضوا علي مبلغ مالي ، قالت لهم شوفت بوسنيده متنومس تسوى الدنيا (جعلني ماضوق حزنه)
استغلوا يابوك سني وردى شوفي والحبارى روحت مضحي ، هدو عليها طلع عقب ما اقفوا مني ولا بغيتك تبلش معاهم سود الله وجه الردي


اخواني معاد تربطني بالطير سوى حشمت السنين والذكريات ولا مقناص الساحل الشرقي ماااااااااااااااااااااااااااااااااش
نفوذ وسلطه ومال ونعدام لروح القنوص الاولين وعاداتهم وسلومهم
عشقي اكتوبر
20/05/2011, 01:39 PM
والله يعين والله يعوضك في الدنيا
والاخره
فالح الملعبي
20/05/2011, 02:03 PM
الله المستعااان وان عطاك الله عمر بتشوف اكثر من هالمصايب
ذراع الذيب
20/05/2011, 02:06 PM
السلام عليكم ورحمة الله وبركاته,,
مسيت بالخير ياراشد,,

طول بالك يالدغماني الدعوه كلها كوم ريش واعرف ان من ترك شي لله عاضه الله بخير,,
وان الله يبي يرزقك بأخير من هالمقانيص والله لايضيق علينا ولاعليكم,,
تحياتي لك,,
راعي امداد
20/05/2011, 02:11 PM
كلامك صحيح والله والدعوى ماعاد هي هوايه عودة مهايط وتجاره ((وقهررررررررررررررر))
الـسـاطـع
20/05/2011, 02:21 PM
السلام عليكم ورحمة الله وبركاته
مساء الخير اخوي راشد الدغماني
الله يعوظك بأخير من هالأيام و الله المستعان صار المقناص اليوم والصيد بالدراهم يباع
تحياتي لك
حامد الحنيني
20/05/2011, 02:26 PM
يارجل الله يقطع القناصه اللي بها ذل ومهانه تتعب ورايح لاخر الارض تدور الوناسه
ويجيك (طال عمره ) مثل ماتقول ويسترفعك وترى ماهوب كل الناس ضعيف النفس
هو اللي يسوي كذا وهذا سالفه لعمي صارت يقصله حبارى من الصبح يوم ترفع
الا راعي الموتر يقطع قدامهم توه جاي على صوت الجهاز المهم ويجيه قال انا استرفعكم
عن الحبارى وداق على رجال يبي يهد عليها طال الكلام مادرينا الا محول علينا هكا الموتر
وينزل ويسلم علينا وهو يعطي الرجال شيك 5000 ريال هذه الجره امسكها وهو يمشي
خوينا من عندنا والتاجر يمشي ورى الجره له شوي الا يوم فقعت ويهد عليها
يقول القهر اني رايح البر وتقل رايح سوق مابين سايم وشراي.
راشد الهاجري999
20/05/2011, 02:30 PM
شكراً لكم جميعا على تفاعلكم ..
راعي شوق
20/05/2011, 02:33 PM
اخوي راشد الله يعوضك في المقناص خير اليوم صارت الدنيا مزارق ومهايط الله المستعان
alhrbe
20/05/2011, 02:43 PM
وعليكم السلام ورحمة الله وبركاته

الله يكون في العون أخوي

ووفقكم الله لما يحبه ويرضاه
ابوناصر السهلي
20/05/2011, 02:49 PM
الله يعوضك ببرك من مقناصيك والرجال ماهي سوى وجوك ناس مايعرفون السنع الله يهديهم بس ابشر بالخير ذالسنه ياراشد ان لقينا شي بنخليك تهد عليها وعطني جوالك ولا يضيق خاطرك خابرلك محلات مايجها الا انا
أبو فيصل
20/05/2011, 02:55 PM
يقول عبيد الرشيد


أضرب على الكايد لا صرت بحلان ............. وعند الولي وصل الرشا و أنقطاعه


لا لا للتهور ... أمزح معك وأنت من رجال لهم وزنهم و جنابهم طيب و أنشاء الله ما تغضب ربك ولو أن الشيطان يحضر في ذالأوقات و العياذ بالله


ويقول تركي أبن حميد


والحر لا دبّت عليه النواميس ............. يشهر وعن دار المذلّة يشومي


وهذا البيت الأخير طال عمرك ركّبني الطياره سنه من السنين وخلاني أحوّل لي على ديره بلحالي ولا معي فيزه و شريت الطير الكايف و خاويت النشاما (هل الديره) و دسّمة الشوارب من الصيد ولعاد شفت ثري مواتر و ولا وجيه اللي يسترفعون القانص .... و خلك أطيب من اللي يزاحمونك لا شيمه ولا مخافه من الله وهم يمكن ما يقدرون يضربون الفرجه
أبو أمين
20/05/2011, 03:01 PM
الله المستعان

الله يرزقنا بالمطر والصيد الواجد ويصير كلن بحلان بالجول الي عنده
سلطان 1
20/05/2011, 03:04 PM
ياراشد شي يروع اللي نشوفه لكن الله يزينها من عنده 0
والله انك صرت وانت قاانص تهرج عمرك تقول الله يستر ان لقيت شي لا ابتلش مع احد 0
شي يقهر ان خليت حبااارااااك ؟ وان فعلت وهديت غصب عنهم مردك اللي انت خاااااابر 0 والمتصفح ابخص 0
مير تبأ العلم اللي يجمد على الشارب والله انه قاامت تنكره الصقاااره 0
أبو رداد
20/05/2011, 03:24 PM
وعليكم السلام ورحمة الله وبركاته

هذا الوباء (عام) يابو سنيده ماهو عندك فقط ... وين ماتروح تحصله مع الاسف !!
torrjom
20/05/2011, 03:39 PM
السلام عليكم ورحمة الله وبركاته

والله انك صدقت

والمشكله الحين في كل قاع يبلونك بلوى

والمراجل مامن مراجل الا من رحم ربي

وابو دباس يقول في قصيدته


ياادباس انا يابوك ماني ببلاس =مير ان عيلات الرفاقه كثيره
جنبت وسط السوق وامشي مع الساس =واخذ شوي الحق واترك كثيره
#poem_4dd6616882b26 TD { FONT-FAMILY: 'Simplified Arabic', Arial, Helvetica, sans-serif; FONT-SIZE: large; FONT-WEIGHT: bold}
والشكوى لله وانا اخوك
راشد الهاجري999
20/05/2011, 03:56 PM
الله يعوضك ببرك من مقناصيك والرجال ماهي سوى وجوك ناس مايعرفون السنع الله يهديهم بس ابشر بالخير ذالسنه ياراشد ان لقينا شي بنخليك تهد عليها وعطني جوالك ولا يضيق خاطرك خابرلك محلات مايجها الا انا
ابيض وجه يالمهذري عسى ربك يحينا
راعي وذفه
20/05/2011, 08:02 PM
كلامك صحيح والله والدعوى ماعاد هي هوايه عودة مهايط وتجاره ((وقهررررررررررررررر))
عبدالرحمن بن ذياب
20/05/2011, 08:34 PM
الله المستعان
ما نقول إلا حسبي الله و نعم الوكيل
و الله يعوضك و يعوضنا خير بالدنيا و آلآخرة
بو غازي
20/05/2011, 10:26 PM
الله المستعان
واخوي راشد عسى الله يرزقك الصيد وخاطرك طيب ويفكك من المشاكل
:)
صقار قديم
21/05/2011, 03:14 AM
السلام عليكم و رحمة الله


الاخ راشد . . . المحترم ، لقد اثار موضوعك في نفسي الكثير من الألم الممتزج بالشجن ، لكن الفرق ان من غزى مراتع الطفولة و الصبا و الشباب لدينا هو المد العمراني الذي اكتسح بمعوله اجمل أطلال و ذكريات العمر . تلك هي ضريبة التطور.


اما في حالتك فأحسن عزاء و مواساه لك في نظري قول الشاعر

وإن بُليت بشخص لا خلاق له * * * فكن كأنك لم تسمع ولم يقل×
ذعذاع نجد
21/05/2011, 03:46 AM
وعليكم السلام ورحمة لله وبركاتة
اخوي راشد الساحل فية امور واجد ما تصلح
المقناص على الكبس
المزاحم على الحبارى
بيع الحبارى اخذوها ضغاف النفوس تجارة
الشبوك الى في كل محل
الحمى وقت العبور
واما من ناحيت سموه ش تبي تقول مافي اليد حيله
ولا لو الرجال الى جاك كلم معزبه وقال الحبارى
لرجال وبيرزقناء لله كان يمكن يصير واحد من الحلول
واما الى حولو على ابوك واستغلو كبر سنه وضعف شوفة
والدعوه كلها حبارى كوم ريش لا راح ولا جاء والرزق على لله
بس سود لله وجيههم وعلمهم ردي وفي نظري انا الصقاره في وادي وهم في وادي
وفيه مواضيع ثانية ما ودناء نخش فيهاء بس
الشكوى على لله سبحانة
وبيرزقك لله
ولا يضيع شي
عنيد
21/05/2011, 09:05 AM
ماظن باقي للحباري شرايد من يوم كل الناس صارو صقاقير
طيب ساس
21/05/2011, 10:53 AM
الله يعوض عليك بليالي اخير منها وبشر بالعوض
((وراس ميقطعه عن كتوفه الى بمر من ركبه يادغمني))
البرنس الليبي
21/05/2011, 11:34 AM
ليه مايقنص برا ويصيد لين يشبع ؟

الله يوفقك يارجال ويخارجنا من هالسنين الاخيره .
راشد الهاجري999
21/05/2011, 02:12 PM
ماظن باقي للحباري شرايد من يوم كل الناس صارو صقاقير

:good::good::good::good::good::good::good::good::g ood::good::good:
عزالله صحيح
فارس الحربي1
21/05/2011, 02:29 PM
الله يعوضك بغيرها بس بعض اصحاب السمو طيبين
wwmfs
21/05/2011, 09:42 PM
الله يعوضك في المقناص خير منه
ابووافي الغرب
22/05/2011, 12:19 AM
اخوي تقول الصحيح بس حب الطير بقلوبنا مايقطع غير نزاع الاروح عسى الله يعطيكم طولت العمر
خيال27
22/05/2011, 12:41 AM
هذا الوباء (عام) ماهو عندك فقط ... وين ماتروح تحصله مع الاسف !!

وبعض الناس ما فيه حيى والله يسامحهم
سلكم
22/05/2011, 01:18 AM
مساء الخير اخوي راشد الله يعوظك مثل ماقال اخوي راعي شوق
السومر
22/05/2011, 05:08 AM
لا بارك الله في من دنة نفسه لفعل مثل تلك الافعال
ال معلى
22/05/2011, 09:49 AM
مساكم الله بالخير جميعا ..
يالربع هذا الموضوع فاقع كبودنا من بدايه الموسم والله يبيض وجه اخونا ابوسنيده يوم فتحه ..اخواني اذا حنا بنجلس نقول بيض الله وسود الله ماراح نطلع بنتيجه ابدا وكل سنه راح تدهور الاموار اكثر وانا اعطيكم الدليل واهل الساحل ابخص مني ...قبل سنتن كان ضعاف النفوس قليلي الحيله والخبره بالمقناص يشترون الحبارى 2000-5000ريال كحد اقصى والسنه هذي وصلت الى 15000ريال والله العالم السنه الجايه كم بتوصل لان اخوانا الاشقاء بالدول المجاوره كل سنه طالع لنا هامور شاري له كم طير وحاط له كم صقار وصار يضايق اهل الديره وينافسهم ويضايقهم بديرتهم وللاسف اهل الديره يرحبون بهم ويقنصونهم اراضيهم ويورنهم معابر الحبارى وهذا اكبر خطاء ..اما شيوخنا الله يطول باعمارهم ان قنصوا فهذي ارضهم وبين عيالهم وجماعتهم والمشكله ترى اقسم بالله ماهو منهم انه من الحاشيه اللي تحتهم ضعفا النفوس..
احنا لازم ياخوان نوقف وقفه رجل واحد ضد هالعالم اللي ضايقونا في ارضنا وحلالنا واقسم بالله ثم اقسم بالله ان تجيكم سنين معاد تشوفون حتى جره الكروان اذا تساهلتم مهم واعطيتوهم وجه ..لاكن معا للوقوف موقف رجل واحد في وجيههم ..
abo_Majed
22/05/2011, 09:59 AM
يا راشد وانا اخوك لا تدقق بالوقت الحالي ضاع الاحترام بين الناس الا من رحم ربي انت ماشفت اللي يلحق طيرك وانت هاد على الحبارى ويذب له الحمامه ويسوق مع الحبارى ويهد عليها ويصيدها قدام عيونك ولا يحترم ولا يشوف احد بعينه

لكن حسبي الله ونعم الوكيل
برزان1
22/05/2011, 10:19 AM
ياراشد انا عندي لك طريقه حلوه كل سنه نتبعها بالمحميه الي برغوان

نسوق عليهم 13 موتر من كل جهه ومن كل وجه وابشرك العام صدنا اربع بالمحميه ولا قدرو يردونا وش يمسكون وش يخلون

هذه افضل طريقه واحباراك انا خابرها وابشرك انها راحت عليهم حباراك الي عند البيب الاسود طالعه غرب

وابشرك انها روحت عليهم هههههههههههه

ربك مايضيع شي كل سنه هذه سواتنا معهم نفترق بالقاع واذا وصلنا المحمي دخلنا المواتر سوى كلها دفعه وحده
صاحب نوماس
22/05/2011, 11:36 AM
حسبي الله علية
مقناص 2010
22/05/2011, 12:00 PM
لي سنين(ن) ما توطيت الفياض
:::::::::::يوم كلٍ (ن) بالغضا ضوه تفيض
سامح (ن) في خاطري والكيل فاض
:::::::::::في زمان فات ما والله يفيض
صار للصقًار من وقته مضاض
:::::::::صار وقت الطير دايم في مقيض
الفنص سلمه يخدش بامتعاض
:::::::::ما بقى به للعرب شي(ن) يعيض
حض منهو ما عرف للطير ماض

::::::::والله إنه سالي(ن) ياهو حضيض

(ابيات من قصيدة طويله للشاعر: آل بوهلال التميمي )
راشد الهاجري999
22/05/2011, 01:07 PM
ياراشد انا عندي لك طريقه حلوه كل سنه نتبعها بالمحميه الي برغوان

نسوق عليهم 13 موتر من كل جهه ومن كل وجه وابشرك العام صدنا اربع بالمحميه ولا قدرو يردونا وش يمسكون وش يخلون

هذه افضل طريقه واحباراك انا خابرها وابشرك انها راحت عليهم حباراك الي عند البيب الاسود طالعه غرب

وابشرك انها روحت عليهم هههههههههههه

ربك مايضيع شي كل سنه هذه سواتنا معهم نفترق بالقاع واذا وصلنا المحمي دخلنا المواتر سوى كلها دفعه وحده
معكم الزمان الجاي ان الله احيانا مابي هدد بس ابي اكسر حماة اللي ماله اي اساس ولا اي نظام بس تغطرس معكم معكم
هاوي هدد 11
22/05/2011, 01:58 PM
هذا بلا ابوك يعقاب
اما يهدون على ا لحباري غصب والله تجي علوم
ولكن أهنيك على طولت صبرك
وأجعل الهم نسيان بيعوضك الله أحسن منها
نواف السعد
22/05/2011, 06:10 PM
مرحبا والله اخوي الدغماني والله يعطيك العافيه ويرزق الصيد
بس انا اتوقع انك ماطحت الا في ناس عديمي الاخلاق وذو شخصيه مهزوزه ومقهور من الناس الطيبين
والا فيه اناس من الشيوخ الكبار والله عندهم تواضع ويحترمون الاخرين
لانهم ماعندهم ذرة كبر والي يجيك يناقز على الناس وياخذ حقوقهم
هذا هنده نقص في شخصيته ويحط سيطره على الاخرين لانه محكوم عليه اصلا بانه منبوذ وقليل ادب
والله يرزقك بالصيد امين ووسع خاطرك والله بيرزققك ان شاءالله
وتقبل تحياتي
براك11111
22/05/2011, 08:12 PM
الله يزينها يابن الاجواد ماعاد ندري نقنص والايقنصونا اللي مانيب قايل...........
أخو عيد
22/05/2011, 08:23 PM
عزالله انك صادق يا راشد
لاخول ولا قوة الا بالله
الجفران
23/05/2011, 12:36 AM
الله المستعان عند الله اكثر ..
ابو شلايل
25/05/2011, 04:45 AM
معوض خير يا ابو سنيدة

ما سمعت الشاعر الكبير يومه يقول

نشري لنا طيرن نسميه قطاع***ثم ننزل الماقع ولا فيه قمري
والماقع الثاني به انسان طماع***امحقط البيبين سرن وجهري
راشد الهاجري999
25/05/2011, 11:23 AM
مرحبا والله اخوي الدغماني والله يعطيك العافيه ويرزق الصيد

بس انا اتوقع انك ماطحت الا في ناس عديمي الاخلاق وذو شخصيه مهزوزه ومقهور من الناس الطيبين
والا فيه اناس من الشيوخ الكبار والله عندهم تواضع ويحترمون الاخرين
لانهم ماعندهم ذرة كبر والي يجيك يناقز على الناس وياخذ حقوقهم
هذا هنده نقص في شخصيته ويحط سيطره على الاخرين لانه محكوم عليه اصلا بانه منبوذ وقليل ادب
والله يرزقك بالصيد امين ووسع خاطرك والله بيرزققك ان شاءالله
وتقبل تحياتي

عزالله انك حللت الشخصيه صح لانه فعلاً منبوذ ومغلوب على امره
falcon 1
25/05/2011, 12:37 PM
السلام عليكم ورحمة الله وبركاته
لا حول ولا قوة الا بالله ...اي والله صادق اخوي ذراع الذيب ...كلها كوم ريش ..هنا عندنه فالكويت شباب طاعنين شايب عشان حباراه ؟ بالله عليكم اخواني هذا صقار ؟ هذا رجال ؟
الله يكفينه شرهم
والله يعوضك اخوي راشد

تحياتي لك
اخوك
فالكن 1
غنام السهلي
25/05/2011, 12:47 PM
الله يعوضك ان شاء الله