المكيف ثلج بالليل وفي السرعات العالية ووسط البلد حاااااار

[dr.tooth]

السلام عليكم ورحمة الله وبركاته

كيف حال الشباب الطيبين والشيبان ,,, ترى لنا فترة عن المنتدى الطيب واهله

------------------------------

حبيت استشيركم في حالة المكيف عندي ما شاء الله في الليل وفي السرعات العالية فوق المية ولا الثمانين ما شاء الله يبرد

لكن اول ما ادخل في زحمة وسط البلد والاشارات يبدا الهوا الحار

طبعا رحت لكم واحد وقالي
فريون ناقص + كمبريسور ضعيف + تنظيف كامل بحكم السيارة 2002

طبعا السيارة ميتسوبيشي جالنت 2002

وهي سيارتي الثانوية استخدمها للعمل فقط
والصراحة مستخسر ادفع فيها خاصة وانه السيارة لي وحدي
طبعا معلوم ان الكمبريسور عالي في الوكالة فوق ال 2000 ريال
ومن التشاليح حصلت ب 700 ريال

لكن سوالي هو :

في حال عملت التنظيف الكامل وعبيت الفريون ( وتجنبنا التهريب )
هل من الممكن ان المكيف يعمل وسط البلد مثل ما هو في الخطوط الطويلة

هل راح استفيد من الفريون ولا لازم اغير الكمبريسور

والله يعطيكم العافية

في مكة - المدينة
(في حالة النصح بورشة معينة )
....

[ايقاع المطر]

وعليكم السلام
من خبرتي في التكييف بالنسبه للي يقولكـ كمبرسر هذا ماعندهـ غير الدجه
الكمبرسر اذا خرب مايبرد لا واقف ولا تمشي يعني تشغل يجيك هواء حار حتى فوق الميه
لاكن يكون نقص فالفريون او الثلاجه يبيلها تننظيف
واحتمال كبير يكون الثلاجه او اذا فيها حساسات يمكن يكون في عطل في احدى الحساسات
انشاء الله ان معلوماتي تفيدكـ

[ابوصالح2006]

والله ماني خبير
لكن ابعطيك تجربة بسيطه وتحليل للمشكله ان شاء الله تفيدك
طالما يبرد في الليل وفي حال سير السيارة اذن ان شاء الله مافي اي مشكله في التبريد
واضح ان الفريون بيتأثر من حرارة السيارة او زحمة السيارة داخل البلد

واحد من اثنين :
1- رديتر المكيف بيسخن من حرارة المكينة او الوقوف بالزحام اذا له مروحة تبريد كهربائيه شيك عليها .
2- اذا المروحة تعمل وجيدة اعمل هالتجربة ماتكلفك كثير
في لفلين العازل يستخدمونها حقين تركيب المكيفات الاسبليت رخيص ومو غالي

لفه على المواصير الموصله للكمبيرسور لانه قد يكون الفريون بيسخن نتيجة حرارة المكينة اثناء الوقوف بالزحام وعدم دخول تيار هواء لتخفيف الحرارة

لكن احذر اذا كانت قريبه من الاماكن الشديدة الحرارة في المكينة لانه قد يكون غير مخصص لتحمل الدرجات العالية من الحرارة

ماسبق من طريقة العازل ركبناها على وانيت وماشاء الله في عز الظهر التبريد سواء واقف او متحرك ماشاء الله تبارك الله .
احاول ان شاء الله في القريب ارفق صورة للعزل حول مواصير المكيف .

[بروق الخريف]

وعليكم السلام ورحمة الله وبركاته

هل الفريون المعبأ اصلي

لان الفريون الصيني مايبرد اذا وقفت او في الزحمة