المساعد الشخصي الرقمي

مشاهدة النسخة كاملة : للي له خبره بالباترول يدخل


pajro
20/05/2011, 11:14 PM
السلام عليكم ورحمة الله وبركاته


اخواني اعضاء موقع مكشات

اليوم بعرض عليكم مشكلتي وارجوا ان اجد لها حل

ياطويلين العمر معي باترول 2001 ماشاء الله حلاوه
بس هالايام لاحظت عليه الظهر حزت المدارس بالضبط
اذا وقفت ابو 3 دقايق ترتفع الحراره والموتر يطيح عزمه مرره

والحين اذا صارت الحراره الجو40 درجه ترتفع حرارته اذا وقف بس


وانا ابي اعرف الحل ولا ودي اروح ويلعبون به
سوبر VTC
21/05/2011, 12:53 AM
مشكلتك نفس موتر احد الربع تماما
بالذات عند الوقوف طبعا باترول صالون م91
انصحك اولا بتسييخ الاديتر و يكون قدام عينك يشتغل اهم شي
الاديتر اصلي ؟


على فكرة فيه حساس بصدر الغمارة من جهة الرفرف الايمن
هذا وظيفته اذا شبك المكيف تسرع المكينه
لازم يكون شغال عشان
1 تنزل الحرارة
2 المكيف يثلج
يعني لازم تسرع المكينة عند الوقوف

المتهم الاول الاديتر يحتاج تسييخ ربما


اغسل وجه الموتر و الاديتر و اديتر المكيف بالماء
عادة تكون الفتحات مسكرة من الطين حشرات ورش اشجار
sgl2002
21/05/2011, 01:05 AM
مشكلتك نفس موتر احد الربع تماما
بالذات عند الوقوف طبعا باترول صالون م91
انصحك اولا بتسييخ الاديتر و يكون قدام عينك يشتغل اهم شي
الاديتر اصلي ؟


على فكرة فيه حساس بصدر الغمارة من جهة الرفرف الايمن
هذا وظيفته اذا شبك المكيف تسرع المكينه
لازم يكون شغال عشان
1 تنزل الحرارة
2 المكيف يثلج
يعني لازم تسرع المكينة عند الوقوف

المتهم الاول الاديتر يحتاج تسييخ ربما


اغسل وجه الموتر و الاديتر و اديتر المكيف بالماء
عادة تكون الفتحات مسكرة من الطين حشرات ورش اشجار




أخوي انا عندي نفس موتره كلبريتر بس إذا شغلت المكيف ماتسرع المكينة
هل هو من الحساس وكيف اصلحه
مركز حراره
21/05/2011, 09:16 AM
غير تماتيك المروحه او ركب مراوح كهرب وهذ هو الافضل
أحمد محمد1429
21/05/2011, 11:27 AM
أخوي باجيرو ( ظهر + وقوف + مكيف شغال =الحراره H ) السياره ماشاء الله طبيعيه لا تتعبث فيها وخساير عالفاضي
K.S.A.A
22/05/2011, 12:37 PM
عز الله أخوي أحمد محمد ماقصر عطاك العلم الأكيد ولايهونون باقي الشباب
لكن أنت ماعلمتنا كم توصل الحرارة بالضبط ؟؟
إذا الثلث ممتااااااااااااااز جدا خصوصا أن هالأيام الظهر حرررررر.
وهل موترك فيه بلف حرارة أو لا ؟؟
قمرنا
22/05/2011, 01:19 PM
أخواني المكشاتيه
بالنسبه لارتفاع الحراره هنا أمور يجب العمل بها:

شيك على غطاء الرديتر هل فيه تهريب .
شيك على خراطيش الماء ممكن تسفط(بعد ماترتفع الحراره).
شيك على تماتيك المكيف (للباترول خلف الدرج جهه الراكب).
شيك على السير هل هو مرتخي وإلا لا.
شيك على القربه(إذا كان فيها تنسيم أو كسر تراها ترفع الحراره)من تجربه.
ماذكره المشرف صحيح 100%.
أماصوت الماكينه مايرتفع عند تشغيل المكيف في الباترول فهذا ناتج عن:
تنسيم في الليات الخارجه من الكاربريتر ومتجتمعه في الرفرف (غير الليات بجديده للكل)
العزم سوف يفرق معك....
مع تمنياتي للجميع بالتوفيق,,,:good2:
pajro
22/05/2011, 06:28 PM
الحراره توصل للنص وتثبت على النص

والعزم يفرق يطيح مره ب 3 يالله يجيب 40
اخر كلام
04/07/2011, 06:07 PM
بانتظار البقيه بارك الله فيكم
hawwamT
04/07/2011, 09:41 PM
الحقيقة الاخوان كفوا ووفوا جزاهم الله خير...وبما ان الموضوع مفيد لكل من عنده باترول ف احب اضيف ف اقول..الحرارة تطلع للنص فيي الباترول...هذا غير طبيعي..الاسباب ..اللديتر..اتوماتيك المروحة..طرمبة الموية...لديتر المكيف..غطاء قربة الموية..الليات بشكل عام...وتحياتي للجميع