رقم السياره دليل الصداقه

[بيرق العزة]

السلام عليكم ورحمة الله وبركاته مساكم الله بالخير ياخويياي لا تعبتو بعد اجازه ومكشات مؤفق بأذن الله الله يديم علينا نعمه الأمن والايمان والخير ويزيدنا من فضله ياخوان بعض الاحباب يضع اسم مستعار مثل حالاتي..... وبعد ايام يضع صور رحلته الى ديرة كذا وارض كذا وفيضه كذا وشعيب وغدير وشجره ويكتب بالاسم المستعار ويحاول جاهدآ على ان لا تطلع صورته بالصور عشأن ما احد يعرفه بس الحبيب مطلع سيارته لا ويأكد انه ماطلع مع احد طلع مع العيال ولا مر واحد من العيال ........ مره على سيارته والحبيب مطلع في الصوره للوحة سيارته واضحه اوضح من المنظر الي هو مصوره وبعض الملاااااااقيف ......... الي انا واحد منهم ..... من باكريأ خذ رقم اللوحه ويطلع اسم الرجال ويحدد مؤقعه بأي اتجاه اذا هالمعلومه مسجله من قبل بالجهاز واسمه بالكامل ......... بس لا احد يزعل علي هذا انا اعترف قدامكم وماعاد اتعودهاااااااا اااااااا أأأتوووووووب بس والله انها تجي حب استطلاع ولقافه اكثر وا حب اعرف من هم الي اشاركهم مؤاضيعهم بالاسم فالان انبه الجميع لاخذ الحيطه والحذر ؟؟؟؟؟؟؟؟؟؟؟؟؟؟؟؟؟؟ اذا هو حريص وخير ياطير \ معرفة الرجاااااااااااال تجاره مثلكم وشرؤاكم

[ابو سمر]

أخي الكريم ناشد الخير

أعتقد أن ظهور رقم اللوحة أو حتى صور الأشخاص بالمنتدى لا تعيب بل تزيدهم فخرا بأن بينوا أنفسهم ، حيث ذهبوا لأماكن تشرف من يذهب إليها ، و لم تكن اللقطات أو الصور أو السيارة في مكان مشبوه .

بل مما زاد إعجابي في هذا المنتدى هو إظهار بعض الأخوة لأسمائهم وشخصياتهم أو التلميح بها ، وهذا دليل على ثقة الرجل بنفسه وبالمكان الذي يذهب إليه .

فياليت تزيد قاعدة من يبين نفسه لأخوته المتصفحين والأعضاء ، ولكي نتشرف بمعرفة من سبق أن رأينا صورته في المنتدى من قبل .

شكرا لك أخي ..

[CRUISE**كروز]

والله اعتقد ان ابوسمر كفى ووفى
واظن اللي يطلع لوحة سيارته في الصوره يكون في اغلب الاحوال يعرف ذلك ويقصده لانه لم يفعل ممنوعا
لكن وهنا مربط الفرس وهي اللي بتزعلك
اللي المفروض ينتبه لنفسه هو انت ياكاتب الموضوع لانك تمارس الممنوع وتعلن ذلك في الانترنت
فبيانات المواطنين واسرارهم في اي جهة كانت يجب ان تظل اسرار وان لاتستخدم الا في الاغراض المخصصة لها فقط ومن قبل الاشخاص المصرح لهم
وكونك تكتب باسم مستعار فان هذا لايعني لك الامان التام
فاحذر ياذكي

[كيلو 10]

اعتقد والله اعلم انها من اجمل اللحظات ان ترى من تعرف في البر
او تتعرف على احد الرجاجيل طيور البر واذا كنت تعرفه من خلال الموقع فهذا فرصه اتمناها بل ساتحينها من اليوم وطالع وخصوصا اني جديد وطاف بالموقع
وعلى فكره انا ابحث عن اسماء نداءات اعضاء الموقع والتى ذكرت في الموقع قبل ايام لو تزودوني بها بارك الله بيكم

[ابو ايمن]

وعليكم السلام ورحمة الله وبركاته

أخي ناشد الخير
كما ذكر الإخوة .

أنت تطالب بما لم تقم به .

فالظاهر أنك تطالب بالوضوح سواء في الإسم أو الصورة أو الكنيبة .

والحمد لله كلها علوم رجال ولا فيها مايحتمل الإختباء .

ومع تقديري واحترامي لرغبتات من يخفي شخصيته أو يستخدم اسم مستعار .وربما يكون لايرغب بأن يعرفه أحد

لأسباب شخصية هو أحق بالإحتفاظ بها .

ولكن عندما يكون الموضوع فيه تعارف واستفسارات وسواليف تحتاج الى الشفافية والوضوح . فهذا أحب إلى الأعضاء بأن يتعاملون مع شخص يعرفونه خيرا من اسم وحروف تكتب على النت بشخصية وهمية .

تحية عطرة . .

[سواق الوايت]

اتوقع ان الوضع عادي


بس اذكر واحد من العيال


اذا جاني نصور بالكمره

لا تصورني لا تصورني لا تصورني لا تصورني لا تصورني


واذا بالغصب جت صوره وهو مادرى


ابلشني

لا تطلع صورتي ولا تحطها في مكشات

يخاف يشوفها واحد يعرفه


عاد كل واحد وبكيفه