المساعد الشخصي الرقمي

مشاهدة النسخة كاملة : استفسار عن الصخاوي(القراقير) تكفون


وحدي بحر
21/05/2011, 03:35 PM
اريد ان اشتري صخاوي واريدكم ان تفيدوني بماهوالذي اضع داخله وكيف اضعه

وكيف اثبتها بالعلم اني سوف اضعها في حيد مرجاني (موقع صخري)

بحيث انها تتوفر فيه الحريد و والهوامير بكثرة
تكفووون افيدوني
وشكراً....
:f
salm_666
21/05/2011, 04:09 PM
هناك نوعين من القراقير أو مايسمى بالسخاوي القرقور شكل القفه وهو بباب جانبي وسخوة لها باب من أعلى وذات الباب العلوي حتى لو كانت صغيرة الحجم قد تأتي بخير وافر والرزاق هو الله , ضع في السخوة أو مايسمى بالقرقور عجين أو خبز ناشف أو مصران دجاج ( أو دجاج مندي ) أمزح لا تصدق وحاول أن تكون بعيدة عن السميكات الصغيرة أي بعيدة قليلا عن الهرف او مايسمى بالصخور حتى لا تأتي بالشواق ( ثعابين البحر ) أو الاسماك الصغيرة التي تأكل اللعف ولا تستفيد منها بشيء والله الموفق . بالنسبة لنا في محافظة حقل هكذا نعمل بالسخوة وأكيد الأخوان أعلم مني بأشياء أخرى .
لو أمكنك أعطائي بعض أرقام وهواتف وعناوين من يبعون القراقير والسخاوي أن أمكن اخي الكريم ؟؟؟
ABO ZAIN 29
21/05/2011, 05:29 PM
حط عجين يا معلم
وحدي بحر
21/05/2011, 05:41 PM
مشكورين يا غالين لاكن باقيلي سؤال وهو هل اثبتها بشيء وكيف اعرف مكانه
هل ممكن ان اضع لها علامة وكيف
ع العمرو
21/05/2011, 06:48 PM
ماشاء الله تبارك الله
عاشق القوق
21/05/2011, 06:48 PM
خذ نصيحه من واحد مجرب
سوي خلطه وربي غير تشوف الخير ان شاء الله
جيب دقيق وجيب حبار وقطعه اوصال واخلطه مع الدقيق
واشتغل عجن فيه وبعدين
سويه بأحجام متوسطه زي العبود او القرصان
وعلى الصاج لا تحرقه بس خليه شوي يتحمر
وحطه في القرقور وربي مراح تندم
ملاحظه لا تسويه داخل البيت لأن راح تطلع ريحت الحبار في الخارج افضل

وجربها ورد لي بتقرير يفرحني
عاشق القوق
21/05/2011, 06:52 PM
مشكورين يا غالين لاكن باقيلي سؤال وهو هل اثبتها بشيء وكيف اعرف مكانه
هل ممكن ان اضع لها علامة وكيف

يا غالي اذا كنت تنزلها من شاطئ احفظ مكانه
مثلاً
بشعب او بشاطئ الخارجي
عشان ما تتعرض لسرقه
واذا تعرف ان ما احد يجي ويسرق
خيط جلب وعلبة ما صحه ولا فلينه اي شي يطفو على الماء
واشوف انك تحفظ مكانها افضل
وحدي بحر
21/05/2011, 08:00 PM
يا غالي اذا كنت تنزلها من شاطئ احفظ مكانه

مثلاً
بشعب او بشاطئ الخارجي
عشان ما تتعرض لسرقه
واذا تعرف ان ما احد يجي ويسرق
خيط جلب وعلبة ما صحه ولا فلينه اي شي يطفو على الماء
واشوف انك تحفظ مكانها افضل

كثر خيرك يا غالي بس مايحتاج اثبتها
عاشق القوق
21/05/2011, 08:06 PM
لا ما يحتاج تثبتها ولا شي

بس حاول تختار مكان مناسب لها
accentkool
22/05/2011, 01:33 AM
حط طعومك بخيشة وربطها زين وامورك راح تكون اوك
والطعووووم حاول انك تشكل افضل
SNIPER07
22/05/2011, 10:07 AM
القاقير
افضل النوع اللي على شكل بيضاوي فتحه يمين و يسار
ولازم التثبيت حتى لو مكان التيار فيه ضعيف صخرتين وحبل فوقهم وحطه على القرقور
و الطعم الافضل هو القباقب الابيض كسره بالاول و بعده الخبز
و الموقع لازم تحط علامه عليه علبه مويه لين السطح
و اذا كان المكان عتمه يفضل انك تعتم القرقور
هذا ما عندنا و الله ولي التوفيق

تحياتي