بحث و دراسة حول مشكلة ضعف تبريد مكيف الباجيرو

[قرقور الأول]

السلام عليكم و رحمة الله وبركاته آل مكشات الكرام ..

هذا الموضوع خاص بالباجيرو الجيل الجديد و يمكن اللي قبله بعد إذا صارت في المشكلة ...

موضوعنا كما يلي :

المشكلة الرئيسية :
عندما يكون الباجيرو واقف يكون تبريد المكيف ضعيف ، بمعنى كأني مشغل المكيف بدون تشغيل الفريون - هواية فقط - .
المشكلة هذي تكون أثناء الوقوف فقط ، أما أثناء السير بالسيارة فإن التبريد على أحلى ما يكون ..
و المشكلة ممكن تكون معك في أي وقت ليل أو نهار .

أسباب المشكلة من وجهة نظري أنا :
1- أعتقد أن سبب المشكلة يعود إلى رغبة الصانع في عدم ارتفاع حرارة السيارة أثناء وقوفها و لكن يدحض هذه النظرية هو أن الصانع وضع مروحة خاصة تعمل مع تشغيل المكيف .
2- سبب آخر هو أن الثيرموستات اللي بداخل السيارة يعطي قراءة خاطئة أثناء الوقوف بسبب و مع تحرك السيارة تكون الحرارة الموجودة داخل كبوت السيارة اقتربت منه و بدأ يعطي قراءة صحيحة .

الحلول اللي أتوقعها و يمكن تكون صحيحة :
1- أول حل هو محاولة التعديل على مؤقت تشغيل الكمبريسور و جعله يعمل لفترة أطول و خاصة أثناء الوقوف ، و الحل لهذه العملية فيما أظن هو تغيير مؤقت الكمبريسور بمؤقت لشركة ثانية مثل نيسان ، ولكن عندما سألت عن هذه العملية أحد الكهربائيين قال أن العملية تتعارض مع كمبيوتر السيارة علاوة على صعوبة التغيير .
2- ثاني حل ، أفادني به هذا الكهربائي و هو التعديل على قطعة الثيرموستات الموجود بدرج السيارة أو بوسط الطبلون و ذلك بالقيام على إدخال حساس درجة الحرارة الداخلية للسيارة إدخاله أكثر داخل ماصورة القياس حقت الحساس ......
عشان نفهم شوي ..
نتخيل جهاز الثيرموستات كأنه ماصورة 4\1 بوصة مفتوح طرف واحد فيها و الحساس يكون بوسط الماصورة هذي عشان يقرا درجة الحرارة و بناءاً عليه يصدر أمر التشغيل او الايقاف للكمبريسور ، فحنا نقوم عشان نحل هالمشكلة بإدخال الحساس أكثر داخل الماصورة نحو الطرف المسدود مما يضمن أنه الحساس يقرأ أقل من المتوقع ، و بالتالي برودة أكثر ..


المشاركة مطروحة للجميع و للعلم أنا أتكلم من تحليلات من راسي ، بس عشان نفهم وش سبب المشكلة عشان نطلع لها حلول..

[قرقور الأول]

تحديث ...

أحد الأخوة بمنتدى آخر قام بتمديد لي ماء من قربة المساحات إلى راديتر المكيف ، وإذا ضعف التبريد في الباجيرو يقوم برش ماء على الاديتر و في نفس الوقت يغسل الزجاج الأمامي..
فالحقيقة على كلامه أن هالحكرة نفعت معه و صار المكيف تبريد أفضل من السابق ..


و لكن ...
هذا التصرف يفتح لنا مجال آخر و هو يبدو أن مروحة التبريد على أديتر المكيف لا تؤدي عملها بالشكل المطلوب فهل لو قمنا بتغيير الدينمو لها المروحة و وضعنا دينمو أقوى يكون أفضل ؟؟
أو لو قمنا بإضافة مروحة كهربائية ز يادة على الوضع الحالي ، هل يمكن أن يكون التبريد أكثر و أفضل ؟؟؟

[قرقور الأول]

رفع للمشاركة

[قرقور الأول]

ألا يوجد مشارك !!!!

[رعب الصحراء]

مسيك بالخير يا شيخ قرقور الأول
الله يجزاك خير و يرحم والديك
عندي نفس المشكلة ( بش ما ندري هل هي مشكلة و الا لا )
معي باجيرو 2008 فل كامل
طيب وش ريك ندور هلى اهل الخبرة بطريقة عمل كمبريسور مكيف السيارة بشكل عام و بعدين يمكن ان شاء الله

[الافق]

السلام عليكم ورحمه الله وبركاته
موضوع حلو واتمنى للجميع الاستفاده

انا لدي باجيرو موديل 2008 فل كامل واعاني من نفس المشكله

انا بقول لكم وجهتي نظري ومرئياتي في هالموضوع
1- الباجيرو اللي ماكينته 3000 و 3500 ما يعانون من هالمشكله , فقط 3800
2-اعتقد ان حراره المحرك لها دور كبير بالموضوع , لاتي الاحظ المشكله ماتجي الا اذا كانت حرارا الجو فوق 45
3-في واحد ركب مروحه اضافيه بين راديتر المكيف والراديتر اللي يبرد على القير وافاد ان التكييف تحسن بكثير عنده , انا بصراحه قريت هالكلام في موقع وما ادري الى اي درجه تحسن التكييف عنده,

انا شخصيا ركبت مروحه اضافيه في نفس الموقع طبعا قبل ما اسمع بالشخص اللي ركب وصار لها تقريبا 3 اسابيع وجربتها امس , كنت واقف بالظهر ودرجه الحراره 45 وجلست حالي ساعه وبدا التكييف يقل وشغلت الروحه الاضافيه لكن دون اي تحسن في اداء التكييف

-بالنسبه لكلام الاخ اللي قال ان الثرموستات ممكن يكون السبب اقوله , لو الثرموستات السبب كان الكمبروسر طفى اذا وصل الحراره المطلوبه واشتغل اذا ارتفعت , لكن انا الشوف الكمبروسر ما يطفي
-اخر تجربه راح اسويها واعتقد انها بتكون الفيصل وازاله الشكوك والوقوف على السبب الرئيسي اني بشغل السياره بالظهر عند درجه حراره طيبه تكون فوق ال 45 وبخلي التكييف شغال , اذا شفت التكييف صار سيئ بفتح الكبوت وبجيب مروحه كبيره وبحطها على الماكينه وبشغل المروحه الاضافيه , اذا تحسن الاداء راح اشيل المروحه الميكانيكيه واركب مروحتين حقين سوبارو تكون خلف الراديتر
واذا ما تحسن معناها اداء الكومبرسر سيئ وما يضغط اوكي الا مع الريس العالي ومعناها ان احنا نشوف كمبروسر حق سياره ثانيه ممكن يركب على الباجيرو او الحراج يقول كلمته على السياره
وسلامتكم

[سوبر VTC]

اذا كان فيه امكانية ترفع سرعة المكينة من خلال برمجة المكينة فهو افضل
بحيث كل مرة يشبك الكمبرسور تسرع المكينة
يكون الضغط او الابنص على 1.2


الحل المجرب الناجح خصوصا على الجمس و الشيروكي
هو تركيب مرواح كهرب بديلة عن مروحة المكين او مروحة السير
و النتيجة
مكيف ثلوج + استقرار الحرارة
حتى لو توقف الظهر ساعتين

صارت معي نفس مشكلتك بالضبط على جمس م2001
و كان ذلك قبل 4سنوات في مكه
طبعا واقف الظهر عند الحرم بعز الحر وقفت تقريبا نص ساعة

اللي حصل امرين
1 ارتفعت الحرارة الى فوق النص بخط
2 المكيف تبريده عادي

ماذا عملت انا ؟

دست بنزين خليت سرعة المكينة على 1.5

النتيجة ؟

1 الحرارة نزلت على تحت النص
2 المكيف ثلج

لان ميزة مروحة الجمس و اليوكن ان الريش كثيرة و كبيرة فتسحب هواء بشكل اكبر

لذلك نصيحتي لك و للزمن

برمج كمبيوتر موترك ب100ريال خلهم يرفعون سرعة المكينة الى 1,2
و ذلك عند اشتغال المكيف
كل مرة يشبك الكمبرسور ==> تسرع المكينة
و تستفيد ==> استقرار الحرارة + المكيف يبرد



ميزة مرواح الكهرب على سبيل المثال
موتر عمي جمس دينالي فل كامل م2004 مرواح كهرب شد بلد
يعني بدون مروحة سير
و موتري جمس صالون م2001 مروحة سير

الفرق بعز الحر الظهر الساعة 1 الحرارة تقريبا 45
بعد وقوف الموتر تقريبا 10دقائق و مع المكيف
الدينالي مكيف ثلاجة :good2:
و هذه تحسب و فخر لمروحة الكهرب :good:
اما موتري التبريد تعبان لانه مروحة سير
جدا على الرغم من ان الكمبرسور جديد

ميزة مرواح الكهرب المكيف ثلاجه
لانه تبرد اديتر المكيف باستمرار و تبريد اديتر المكيف يؤدي
الى برودة الكمبرسور

[رعب الصحراء]

شكرا ً لاستاذنا القديرVTCو لكل من شارك
نفهم من كلام الاخوة التالي للحصول على مكيف ثلاجة اضف مروحة كهرب

[.أبوعبدالله.]

يرفع الموضوع .. مع إرتفاع درجة حرارة الصيف




شكرا ً لاستاذنا القديرVTCو لكل من شارك
نفهم من كلام الاخوة التالي للحصول على مكيف ثلاجة اضف مروحة كهرب


وش فرق مروحة الكهرب عن العاديه ؟؟؟

ياليت أحد يفيدنا .. و وين نلاقي هالمروحة اللي تقولون عليها [ مروحة كهرب ] ؟؟؟

[الافق]

هلا ابو عبدالله
زي ما ذكروا الاخوان مراوح الكهرب تعطيك تبريد افضل لراديتر السيارة والمكيف اثناء الوقوف وأثناء ما تكون في طريق مزدحم مع وقوف متكرر اما في المشاوير الطويله مافي فرق

اذا انت بالدمام في واحد متخصص جداً في هالمواضيع

ارسل لي رساله خاصة ولعلمك عنه وعن طريقته

[الافق]

اخوي سحايب صيف
مع الاسف اني ماقدر ارد على رسالتك الخاصة
ارسلي رقم جوالك وانا بتصل عليك واعلمك

[dhahirsa]

اخوي الافق

كيف اتواصل معك
ابغا عنوان الورشه اللي بالدمام
بعد اذن الادارة
0541959229

[sheharam]

حلينا المشكلة ولله الحمد مابقول صار الموتر زي التيوتا وهو واقف لاكن ممتاز

الحل تغيير مروحة الكلتش حق المكينه وتركيب مروحة فورد سرعتين بس عند محل كويس يسوي

انا مسويها عند بتار ابو ابراهيم بالدمام مشاءالله شغله تمام مايقرب ابد من ظفيرة الوكاله يفصل قاعده حديد بحيث تركب علي مسامير الوكالة المروحه جديد حقت موستنج يسوي ظفيره وفيوزات ورليه خاص وعوازل كلفتني 2800 ريال والحمدلله الموتر عزمه زاد جذا وراحت الحنه وصرفية البنزيل قلة بنسبة 25 بالميه وانسى من الحرار لو توقف اربع ساعات تحت الشمس
تحيتي

[باقي العمر]

[QUOTE=sheharam;10663241]حلينا المشكلة ولله الحمد مابقول صار الموتر زي التيوتا وهو واقف لاكن ممتاز

الحل تغيير مروحة الكلتش حق المكينه وتركيب مروحة فورد سرعتين بس عند محل كويس يسوي

انا مسويها عند بتار ابو ابراهيم بالدمام مشاءالله شغله تمام مايقرب ابد من ظفيرة الوكاله يفصل قاعده حديد بحيث تركب علي مسامير الوكالة المروحه جديد حقت موستنج يسوي ظفيره وفيوزات ورليه خاص وعوازل كلفتني 2800 ريال والحمدلله الموتر عزمه زاد جذا وراحت الحنه وصرفية البنزيل قلة بنسبة 25 بالميه وانسى من الحرار لو توقف اربع ساعات تحت الشمس
تحيتي[/QUOTEوين يصير مكانة بالضبط وكيف صار عندك التكييف بعد التركيب وهل المكيف الخلفي صار بارد وشكرا

[باقي العمر]

وين يصير مكانة بالدمام وكيف المكيف الان والتكييف الخلفي صار بارد

[وطن العزة]

وين يصير مكانة بالدمام وكيف المكيف الان والتكييف الخلفي صار بارد

على طريق الملك فهد وأنت متجه للمطار
يجيك على اليمين بعد إشارة شارع أبوبكر رضي الله عنه جمب القناص

[ماجدالثبيتي]

سلام عليكم
أحد منكم شيك على حساس (سنسر) الحراره يعطي قرأه صحيحه اولا انا اشك في الحساس
انا معي باجيرو 2016 ارتفعت مرتين وفصل المكيف
بس الغريبه أن بعد وقوفه طافيه السياره مده 5 او4ساعات طفيته من 5العصر إلى 9ونص باليل اجي اشغل السياره القا الحراره الربع