سؤال لكل من يملك شفروليه تاهو ... الملقب بـ (أسطورة القرن الـ 21) .... !

[محمد 98]

السلام عليكم









سؤال لكل من يملك أسطورة القرن الـ 21 (سعودي فقط وارد الجميع أو العيسى)



والتاهو بشكل عام




ما المشاكل التي تواجهها من هذه السيارة ؟
( مشاكل فنية , عيوب ... وغيرها )



هل عانيت من تعامل الوكيل معك أثناء الصيانة ؟



مارأيك بخدمة مابعد البيع ؟ وهل الضمان لديهم فعلي أم على ورق ؟



هل ندمت يوماً من الأيام على اقتناءك لهذه السيارة ؟



ما اللون المفضّل لهذا النوع من السيارة وكذلك الفئة ؟ وهل هناك اختلاف بين الفئات ؟



نرجوا منكم التكرم بالإجابة ...


كل ماعليك فقط هو النسخ واللصق والإجابة تحت كل سؤال ولا عليك أمر ...



لآني ناوي أشتري تاهو وداخل مزاجي فـ (قلت) ماخاب من استشار ... خل نستشير الوجيه الطيبة ... أعضاء مكشات الطيبين ...


فقد قالوا قديماً
( كُلْ ما يُعجبك وألبس ما يعجب الناس )



تحيتي للجميع


بانتظاركم


http://media.dealerskins.com/carspecs2002/Photos/JatoColor400/CHEVROLET/TAHOE/2009/5OD41U.jpg

[جلايف]

السلام عليكم اخي الكريم انا عندي تاهو 2010 اخذتة جديد من الشركة
تر سيارة كرتون على الطريق لايغرك الشكل

[مركز الثقل]

انصحك لا تقربة انحش اذا لا بد خذلك فورد اكسبدشن مجرب وجيد جدا وعلي الأقل افضل من الجمس والتاهو

[قوافي ( أم نهار )]

حياك الله اخوي
اتكل على الله واشتر
عندي تاهو اسود وكاله من الجميح طلعت فيه كم مره لمدعى الطيور وروضة خريم والصمان سياره على الكيف موديل 2010وتراه عادي اقصد لافل ولا نص فل ,دفرنسين على الرمل شيخ وفوق الزفلت ملك
اما الوكاله ماقد صار شي عشان اعرف هم وبالنسبه لتغيير الزيت الدفع عليك وشغل اليد عليهم مالقيت اي مشكله غير انه طياره
مشاء الله تبارك الرحمن
اتكل على الله واشتر

[ابومحــ م ـــد]

الحق على الجميح امس انا مارهم فرع بريده عندهم عرض لمدة ايام 4 ايام او5 ايام يبيعونك بسعر 133 الف الــ lt يعني الوسط 0000 وانا والله مامعي تاهو ولا كان عطيتك شوري

[كاشت وحداني]

الموتر قوي وبطل ومريح بس ما يوصل في الراحة مستوى الاكسبديشن ولكن اذا عندك امكانية تصرف عليه توكل على الله
قطع غياره غاليه
تكتشت به بران لازم ترجع تسوي له صوف وجلد ومن هالقبيل
برظه عيب ثاني صرصرة ديكوراته بعد وقت بسيط من الاستخدام
الممشى خذ لك ممشى بس ماهنا توازن

[الهواوي_1]

معي 2008 تاهو مطلعه وكاله.....سيارة عائله من الدرجه الاولى ومع احترامي لباقي وجهات النظر مايقارن مع الاكسبدشن....التاهو اخف واسرع وبالطريق كنك في مجلس.......بر ماجربته لان عندي سيارة بر بس ماظنه زي الياباني في التماسك ....الموديلات الاخيرة فيها علة طرمبة الزيت في بعض السيارات

[المتجول1974]

صاحب كشتات بر وطعوس و وعر لاتاخذه وخذ تايوتا لاند كروزر برادو فوتشر أو نيسان سفاري العادي مو الشكل الجديد باثفايندر اكستيرا او فورد اكسبلورر
صاحب تمشيات وسفريات يمّشي معك وبديله أكاديا إكسبديشن جي ام سي
أرمادا مازدا9 سوكويا
وافضل فئة ltz z71 وهذي سعرها جلد زياده عن الموديل lt بحدود 48000الف ريال
وافضل الالوان الذهبي والفضي والابيض اللؤلؤي
والوكيل والضمان كحال جميع الوكالات حبر على ورق اللهم اذا فيه حاجات بسيطة فأبشر بهم والسعر مضاعف
*** عن تجربة دبله جيد ولكن أي امريكي لا يرقى إلا مستوى الياباني وشكله جيد ومريح ولكن ليس براحة موديلات 2006 وتحت واكثر الاوقات تمتحنك اللمبات التحذيرية وتوسوس بك وأكثر الحساسات خراب فيه حساسات ضغط هواء الكفرات ومثل ما قال كاشت وحداني الصرصرة والوزوزة اذا جلدته بر ***
هذا والسلام عليكم واتمنى لك التوفيق سواء اخذته او اخذت غيره وتحياتي للجميع

[nawaf.344]

اخوي انصحك وبقوه عندي تاهو 2007 اللهم لك الحمد لم اشتكي منه بشي ابد موتر تبيه بر وتبيه ديرة واشوف بعض ردود الاخوان يقلون قطعه غالية ونا اقولك القطع رخيصة والموتر متماسك

[s3ed]

السلام عليكم


انا ياطويل العمر عندي لكزس 570 موديل 2010 خذتة جديد من الوكالة

والحين من 3 اسابيع استعمل تاهو 2011 رقم واحد والله انة افضل من اللكزس من ناحية الراحة والسعة وصرفية البنزين واذا حسبت السعر اكيد الفرق للتاهو


انا كنت معارض للسيارات الامريكية بس بعد التجربه التاهو ممتز جدا

اللكزس يمكن يكون افضل من ناحية الرملة والاعتمادية بس سعرة مبالغ فية ولاننسى ضعف البريك في اللكزس

[كاشت وحداني]

اخوي nawaf
فحمات امامي وخلفي بحوالي 1500
المرايه الجانبيه ب 3الاف ريال
حساس الهواء اللي بالكفر 450 ريال
هذا موجز سريع
وين عرف الرخص فيه .؟ خصوصا لو مع واحد راتبه من ال 4 الاف الى 5 الاف

[محمد 98]

السلام عليكم اخي الكريم انا عندي تاهو 2010 اخذتة جديد من الشركة
تر سيارة كرتون على الطريق لايغرك الشكل


والسبب عزيزي ؟

أنا أسمع انها قمة الراحة بالطريق ... لكن رأيك ... أوقَفَني قليلاً ..

شكراً لمداخلتك ..

[محمد 98]

انصحك لا تقربة انحش اذا لا بد خذلك فورد اكسبدشن مجرب وجيد جدا وعلي الأقل افضل من الجمس والتاهو


ياليت تذكر السبب عزيزي

بخصوص الفورد ... أنا لا أرغبه ..

وجهة نظرك محل تقديري ...

شكراً لمداخلتك

[تناساني]

ادخل قسم الصيانة الي على طريق خريص
و تشوف كل القســم يوكون وتاهو

انا دخلت اسوي صيانة للكابريس حقي.. و انصدمت كل السيارات تاهو و يوكون
ولقيت واحد يهاوش يقول ادخلها و تطلع اردى من قبل
لكن وش مشكلته بالضبط ماادري

إن شاء الله يجاوبونك مستخدمي هذه السيارات
و يارب تشتري السياره الي تناسبكـ

[كاشت وحداني]

نصيحتي لك خذ اكسبديشن ان كان استخدامك هادي ولا انتر اعي سرعه وفرفره
والدبل منه كويس بس يبيله فهم طريقة الاستعمال
راحة وقوة تكييف وعزل صوت ما يوصل ال جي ام سي مستواه ابدا
وموفق خير

[ولد الحرية]

نصيحتي يأأخوي انحش عن هذي السيارات انا كان معي يوكون طبعا مافي الا فرق بسيط بين التاهو بالشكل فقط والا القطع نفسه ... الاخوان قالوا العيوب وماقصرووا ,, ويقولك اسأل مجرب ولا تسأل طبيب ... الوكيل اسعاره نار من ناحية اجوراليد ... والقطع اغلى واغلى ... غيرت زيت القير والفلتر ب950 ريال ... فلتر الهواء بحول ال200 ريال ... الفحمات 1500 ريال ... وبعدين انت راااعي محافظ وتشييكات ودراهمك واجدة ماعندك مشكلة خذه... وبعدين غير التنسييم اللي فيه والوكالة تقوووول طبيعي ... وتشييك ال60 الف تقريبا بحول ال3000 الف ريال .. تغيير زيوت وفلاتر وسيور بس ... ب3000 ريال والله حرااااام ... وكثيريين من اقاربي 2 او 3 منهم عندهم مشاكل بالقير والموتر تاهو 2009 ... واذا خرب القير وقلت ابروح لهم عشان الضمان يدورون اي علثة الى درجة ان قريبي كان يغير زيت المكينة عند بترومين اكسبرس فحطوه علثة قالوا ليش ماتغير زيت بالوكالة مع ان زيت المكينه ليس له علاقة بزيت القير ومشاكله عشان تدفع فلووووس ومايشملك الضمان وجميع الوكلاء عندهم مشاكل باسباب الضمان الجميح والعيسى ,,, بالرياض طبعا .... الخدمة الزينة عند بالبيد بجدة فقط ... والشرقية التوكيلات ... من واقع تجربة ؟؟..طبعا العذر والسموحة ولكن شيء بالنفس وكان ودي اقووووله ... واي استفسار على ضوء تجربتي انا حاضر ..........

[مسير عليهم]

اللي يقول قطع الغيار غالي هل انت كل اسبوع او كل شهر بتغير زيته او فحمات والا بتغير مرايه ..!!

تكلموا بالعقل شوي هذي اشياء اساسيه واقلها الزيت خلال 3 شهور تغيره وين المشكلة في الغلا

اخوي صاحب الموضوع اذا مقتنع بالسيارة توكل على الله ولا تشاور دام نفسك فيها متع نفسك وربك يسهل امرك

اذا انت شخص تخاف على السيارة وتحافظ عليها وتهتم فيها صدقني ماراح تشوف المشاكل معها

[سليمان911]

اخوي nawaf
فحمات امامي وخلفي بحوالي 1500
المرايه الجانبيه ب 3الاف ريال
حساس الهواء اللي بالكفر 450 ريال
هذا موجز سريع
وين عرف الرخص فيه .؟ خصوصا لو مع واحد راتبه من ال 4 الاف الى 5 الاف
معليش اخو كاشت الظاهر انه لعبو عليك وين المرايه اللي ب 3000 انا قالو لي نجيبها لك ب 1600 الجميح
والاخ اللي يقول انه فزت التاهو اقوى من الاكسبدشن مع احترامي لك ياعزيزي العكس اهو الصحيح انا كان معي تاهو وراح خلف الله عليه واللحين معي اكسبدشن يعني مجرب الموترين وماني متعصب لكن الشهاده لله الاكسبدشن كفزه من الصفر مشاء الله ولا اروع التاهو حبيب قلبي فزته من ال 40 وشف الوحش اللي بيطلع من مكينته

[كاشت وحداني]

هلا بك اخوي سليمان
من واقع التجربه
كان عند الوالد جمس 2007 في وقته وشاحنة البلدية كسرت المرايه ورحت لهم وب2992 ريال بالضبط
والحين عنده جمس 2010 ونفس الشئ لازال سعرهم نفسه بس هالمره انكسرت في الطائف مو في الرياض
وفي جميع الاحوال يبقون وكلاء السيارات عندنا حراميه .
طبعا المرايه فيها اشارة ومزيل الندى . يمكن العاديه ب1600 .

[سليمان911]

هلا بك اخوي سليمان
من واقع التجربه
كان عند الوالد جمس 2007 في وقته وشاحنة البلدية كسرت المرايه ورحت لهم وب2992 ريال بالضبط
والحين عنده جمس 2010 ونفس الشئ لازال سعرهم نفسه بس هالمره انكسرت في الطائف مو في الرياض
وفي جميع الاحوال يبقون وكلاء السيارات عندنا حراميه .
طبعا المرايه فيها اشارة ومزيل الندى . يمكن العاديه ب1600 .
هلا بك زود يالغلا الله يخليلك الوالد
اللي كان معي ال اس

[بن شمروخ]

ماشاء الله تبارك الرحمن موتر ...

نظرة وراحة وسريع وصرفية البنزين جدا ممتازة

لكن مقارنة بالقديم لان كان معي سوبر بان 2006 لا يقارن بالتوازن والرساوة بالخط مع الجديد القديم أثقل وراسي والديكور متماسك ..

ومشكلة الجديد الحساسات توسوس فيك كل شوي طالعة لك لمبة بالطبلون ... وهذي امرها سهل ..

لكن الصراحة الفورد عجيب والله عجيب لكن مشكلتنا الشعبية وتقليد الناس ...

رح لفورد وقارن قيمته ومواصفاته مع الشفر الصراحة صفر عالشمال التاهو .