اللـبـات ... ولا ألـــذ

[عاشقة البر]

:)

انا عاشقة البر :) حبيت يكون اول مواضيعي عن اللبات


طبعا ً الحين حنا بوقت الربيع << احلفي :D

وبالربيع يتوفر كل خير ومن هذي الخيرات اللبات


يمكن اكثركم يعرفها واللي ما يعرفها نعرفه فيها :cool:


اللبات هي الحليب الاصفر الخاثر اللي ناخذه من النعجه بعد ولادتها :p


طريقة عمل اللبات <<< اللي يشوفها يقول تبي تطبخ حاشي :D



طريقه سهله مجرد ما نحط اللبات في القدر ونحطها على النار راح تثخن وتصير مثل اللبنه :p

ويمكن اضافة القليل من الهيل او الحبه السوداء لها

ويتم تناولها مع حبات التمر :)


ولااااااااا ألــــذ :p

[ابو فالح]

يعطيك العافيه على الفائده.......... بس ما يضاف لها ملح أو سكر.
وياليت نتعرف على فوائدها يقولون لها فواد عظيمه.
تحياتي............

[عاشقة البر]

الله يعافيك

اكيد انها مفيده

اعتقد فيها بروتينات ومواد مفيده اكثر من الحليب

ولا تنسى انها غذاء كامل لمواليد الغنم والماعز ( رحمه من الله سبحانه لهم )




وبالنسبه لاضافة السكر او الملح ماله داعي لانها تؤكل مع التمر .. وسكر التمر كافي


---

[نهر العطاء]

اييييييه يا عاشقة البر ذكرتينا باللباه .... من زمان ما ذقتها

بعدين على فكره لا تاخذ الحليب او ما تولد...... خلها اليوم التالي عشان ينظف ديس البهيمه من اللي فيه

مع السلامه

[المهاجرxp]

يعطيك العافية ومشكورة

وعاد منهو اللي يبي يتكرم علي ويذوقني اللبات

[هيا]

[ تعال للحفر
اول ما تعطل في اجازة العيد كل صبح افطرك عليها مع السكري الي يحبة قلبك

[ابو شـ,,,,وق]

للتوضيح فقط نسيت ابين لكم
الشاه او العنز اللي سبق انها ولدت اول يوم احلب لباتها ولا تنتظر الى بكره ما تلقى الا الحليب عاد ههههههه تتورط

لكن العنز او الشاه اللي هذي اول ولده لها يكون بديسها لون اصفر البعض ما يرغبه ... يخليها لبكره صباااااحي يحلب لباتها ثم عاد يرضع الطفل حقها
والسلام عليكم

[راعي الروضة]

اللباة فيها نسبة عالية من الدهون ولا ينصحون اللي عنده كلوسترول باكلة ، كما ان المولود الجديد للماشية عندما يشرب مباشرة بعد الولادة يصاب بالاسهال لزيادة نسبة الدسم والله اعلم

[ذيب الصحرا]

عندنا اللي كافينا من الدهون وصايرين نورد بعد يالله سترك

[ساق الجواء]

اضافة لما ذكرته اختي عاشقة البر هذه مواضيع عن اللباة امن أراد التوسع منقولة من هذا المنتدى وغيره:


اللباة

http://mekshat.com/vb/showthread.php?t=15177


http://mekshat.com/vb/showthread.php?t=15360



اللبأ بالبيض
اصل دا الحلى من حليب الغنم أو البقر بعد ولادتها على طول ناخد اول حلبة ونصفيها ونحطها في صينية ونعملها حمام ما يعني نحط الصينية في بطن صينية فيها ماء ونحطها على النار الين يجمد ويصير زي الكريم كرمل بس ابيض سادة ويؤكل مع السكر الناعم والحبة السودة اما دي الايام مافي غنم ولا في حليب من الغنم أو البقر ممكن نعملو من البيض والحليب.

المقادير
3 كاسات ماء.
كاسة ونصف حليب بودرة.
7 بياض البيض.
حبة سودة.
سكر ناعم.

طريقة التحضير
يخلط الحليب مع بياض البيضيصب في صينية أو قالب مستطيل.
ويوضع في صينية اخرى مملؤة بالماء وتوضع في الفرن حتى يجمد تماماً ويوضع في الثلاجة حتى يبرد ويقدم مع السكر الناعم والحبة السودة.

اللباة بالبيض
بطريقه بسيطه وسهله

المقادير
5 بيضات
حليب kdd طويل الامد الحجم الكبير
ثلاثة ارباع كأس سكر
هيل وزعفران وحبة البركه حسب الرغبه

طريقة التحضير
يوضع البيض اولا مع الحليب في الخلاط الكهربائي اليدوي لمده 4دقائق
ثم باقي المقادير ويوضع جزء من الهيل والزعفران وحبة البركه على الوجهه
وتدخل الى الفرن بحراره متوسطه وتغطى بقصدير أو غطاء القالب نفسه ويوضع تحت القالب الذي فيه الالبه قالب اخر اكبر منه به ماء
وننتظر لمدة نصف ساعه أو اقل الى ان تنضج وتختبر درجة النضوج مثل الكيكه اي بادخال عود أو سكين