المساعد الشخصي الرقمي

مشاهدة النسخة كاملة : مشكلة مع تويوتا


أبوجاسرالتميم
22/05/2011, 06:16 PM
بسم الله الرحمن الرحيم
السلام عليكم ورحمة الله وبركاته
أخواني حبيت أن استشيركم في مشكلة حصلت لي وعلى قول المثل :ماخاب من استشار.
المشكلة كالتالي :
ارتفعت على حرارة السيارة (كامري 2011 الممشى 19000 كلم) طبعا دخلته الوكالة أول ماارتفعت الحرارة وراسلوا الضمان وصار عيب مصنعي ثم قالوا بنسوي توضيب للمكينة طبعاً رفضت التوضيب مع العلم أن لي حوالي أسبوعين بدون سيارة ولم يصرفوا لي سيارة بديلة ويقلون إنا مالنا دخل في المشكلة المشكلة من الضمان واسالهم من الضمان يصرفون ويلفون ويدورون....
فابغى استشارتكم في الأمر وماهم المطلوب مني فعله ... (انتظر الردود منكم )
وكما قلت في البداية ((ماخاب من استشار))
[وصلى الله على نبياً وحبيبناً محمد]
أبوجاسرالتميم
22/05/2011, 07:19 PM
ياجماعة الخير 13 مشاهدة ولارد .....
ابوصالح77
22/05/2011, 07:32 PM
الله ييسر أمرك ويعوضك خير
ودي أفيدك
لكن مالي خبرة
أهم شيء خذ معك رجال لسانه متبري منه عشان يلوسن ويخمدون الموضوع
كاشت وحداني
22/05/2011, 07:43 PM
اشتغلهم شكاوي على الادارة ورح للمدير ويبي لك واحدملوسن شوي وعطهم كلام حار وطهبل عليهم وقلهم ترى بنشر علومكم بالصحف
دام ضمان انت الوكيل وانت المسؤؤل عن الضمان
قاصد_الخير
22/05/2011, 07:51 PM
مثل ما قال راعي الرد الثاني خذ لك واحد ( ملوسن ) والله ليطلعون لك جديدة بقراطيسها
ذيب اللابه
22/05/2011, 07:52 PM
ابو جاسر الكامري الـ2011 ما تتوضب لانها المنيوم

عندنا خوي معه كامري الـ2009 راح يبي يغير زيت المكينه وغيره ونسوا لا يقفلون الصره
والرجال مشا فيها وبوشت عليه راح يبي يوضبها قالوله المكينه المنيوم وما تتوضب
وطق مكينه من الوكاله بـ18الف

والله يعينك ويوفقك
الباثفندر 3.5
22/05/2011, 07:58 PM
حسبنا الله و نعم الوكيل
و الله يعينك
من شمر
22/05/2011, 08:05 PM
الله يكون بعونك والله يعوضك 0000 لكن خذها قاعده اذا لسانك طويل ارفع صوتك عليهم وهددهم بالنشر والتفضيح بهم بالنت من جميع ابوابه لعل وعسى ينفتح لك باب00 اما الصحف فلا اظن تقدرتكتب شي 000
ع العمرو
22/05/2011, 08:10 PM
أهم شيء خذ معك رجال لسانه متبري منه عشان يلوسن ويخمدون الموضوع


هذا الراي المناسب.
ابوعمر5
22/05/2011, 08:13 PM
مثل ما تفضل الاخوان وازيد تراسل الشركة الام لعل وعسى ** الله يعوضك باحسن منها
مركز حراره
23/05/2011, 12:43 AM
حصات عندي كامري 2010 المروحه اليسراى معكوس سلكه عدلته وظبطت 100% لانه اليمنى تسحب واليسراى تدفع فيدور الهوء حول الرديتر ولا يبرد
تاكد ممكن سبب بسيط
الهاجر 7002
23/05/2011, 02:38 AM
وآلله لكـ آنكـ تحآول تهديدهم..

وتشكيهم على وزآرة آلتجآرهـ..

آلله يعينك ويوفقكـ
skythunder83
23/05/2011, 02:43 AM
الدال على الخير كفاعله
أبوجاسرالتميم
23/05/2011, 02:51 PM
مثل ما تفضل الاخوان وازيد تراسل الشركة الام لعل وعسى ** الله يعوضك باحسن منها

إيميل الشركة الله لايهينكم
أبوجاسرالتميم
23/05/2011, 02:52 PM
حصات عندي كامري 2010 المروحه اليسراى معكوس سلكه عدلته وظبطت 100% لانه اليمنى تسحب واليسراى تدفع فيدور الهوء حول الرديتر ولا يبرد
تاكد ممكن سبب بسيط

السيارة عندهم يقولون عيب مصنعي في المكينة
أبوجاسرالتميم
23/05/2011, 06:08 PM
ياجماعة الخير ابغى شوركم الله لايهينكم
بدوي جنوبي
23/05/2011, 10:05 PM
طيب ويش طلع في المكينه بالضبط ؟
بـدر
23/05/2011, 11:27 PM
صلحها عندهم وبعها اذا زانت

ولا تنسى تبلغ المشتري عن اللي حصل

والله يعوضك

ولكن هذا اخر الحلول

واحد من الشباب شرى كامري 2006 بيضاء اقساط منتهي بالتمليك وبعد ما طلعها وراح للدوام بها شافها واحد من اخوياه وقالها انت راش الكبوت قال الرجال لا قال انا متاكد ان كبوتك مرشوش ووراه بعض العلامات والسياره ما مشت 1500 كيلو المهم رجع للوكاله ودخلوها للصيانه وطلعوها وقالو له انهم رشوها لا نه جاها طقه بسيطة على الكبوت والرجال رفض يستلم السياره الا بسياره جديدة، وبعد المطالبات وشيل وحط قال له المهندس سياره جديدة صعبه لكن الادارة طيحت عنك قسطين والرجال وافق

ما يستفاد/ مثل ما قال المثل روعه بالموت يرضى بالاعاقه .. بمعنى قلهم غيرو لي الموتر ويمكن يرفضون والح وكبر المووضع اليين على الاقل يراضونك بخصم والا اي شي بجانب التصليح
sgl2002
24/05/2011, 01:39 AM
ديوان المظالم
انا شكيت شركة الاتصالات وخلاهم يشيلون كبينة تلفون عندي لها 20 سنة
أبوجاسرالتميم
25/05/2011, 01:19 AM
ديوان المظالم
انا شكيت شركة الاتصالات وخلاهم يشيلون كبينة تلفون عندي لها 20 سنة

طريقة تقديم الشكوى كيف؟؟؟ الله لايهينك
الوسيطاء
25/05/2011, 02:09 AM
اخوي واحد من الشباب معه فورشنر 2010 توه مطلعه مشى معه 200كيلو وخبط الزيت

وقالوله نبي نوظب ورفض وقال عطون فلوسي وحولوه على المستعمل عبداللطيف وشراها

منه بنازل 1200ريال وجرب برفض سياره جديده اطلب المبلغ
أبوجاسرالتميم
28/05/2011, 03:25 PM
ديوان المظالم
انا شكيت شركة الاتصالات وخلاهم يشيلون كبينة تلفون عندي لها 20 سنة

يالغالي مارديت على كيف الطريقة
قمة افرست
28/05/2011, 03:42 PM
اخوي اش المشكلة بالضبط

فيه عيب بالكامري بوجه الراس من 2008 وطالع
حاول تستفسر عن المشكلة اذا وجه تغييره مايتعدى 1000 ريال برى الوكالة شغل وقطع
وتزبط السيارة 100 بالمية

واذا السيارة جيمت المكينة ماعاد تدق سلف فعلا تحتاج فرط المكينة

حاول تتفاهم مع كبير المهندسين اذا المشكلة بسيطة لو تصلحها برى
غير كذا اذا قالوا نصلح سيارتك على الضمان وافق اش المشكلة خلهم يصلحونها الله يعينك
أبوجاسرالتميم
28/05/2011, 04:02 PM
اخوي اش المشكلة بالضبط

فيه عيب بالكامري بوجه الراس من 2008 وطالع
حاول تستفسر عن المشكلة اذا وجه تغييره مايتعدى 1000 ريال برى الوكالة شغل وقطع
وتزبط السيارة 100 بالمية

واذا السيارة جيمت المكينة ماعاد تدق سلف فعلا تحتاج فرط المكينة

حاول تتفاهم مع كبير المهندسين اذا المشكلة بسيطة لو تصلحها برى
غير كذا اذا قالوا نصلح سيارتك على الضمان وافق اش المشكلة خلهم يصلحونها الله يعينك

السيارة خلطت الماء مع الزيت وقالوا توضيب.... وتبي اوافق
Abo 3tb
28/05/2011, 04:10 PM
أن طعت شوري اخذ قيمة سيارتك لو تاصل لديوان المظالم وخلهم يتحملون غلطتهم
لو صلحتها وجيت تبيعها وما بينت انك موظبها تعتبر غاش وما ترضاها على نفسك
والله يسر امرك
معشوقي الصمان
28/05/2011, 04:43 PM
السلام عليكم /
اخوي مثل ماقالوا الشباب رح لديوان المظالم ورفع تقرير تظلم و خذ دراهمك وشترلك يا فورد او هوندا وترك عنك هالخرابيط أكثر سيارات التويوتا الجديدة دمار و الناس تشتري
sgl2002
29/05/2011, 01:41 AM
تروح لهم هناك بعد ما تكتب معروض بالمشكله وعاد عندهم يعطونك اوراق تعبيها ويعطونك موعد ويستدعون مندوب من الشركة غالبا ما يكون محامي يعني لازم تستعين بأحد له خبرة في مجال القانون وخله يرتب لك معروضك
MjNo0oN
29/05/2011, 06:16 AM
يا الحبيب من ابصط حقوقك تطالب بسياره جديدة ومامعهم حق يوضبون المكينه (يغيرونها لك بالكامل وهم الكسبانين)

عموماً حقك منتب ماخذه الا بطوالة لسان وانترك عنك الموضفين الصغار لانهم بيبهذلونك ثم اذا التفت للمدراء لينك تقول يالله السلامه راضي بالي تشوفونه عليك بالمدراء ادخل على مدير الصيانه اذا مافادك ادخل على مدير الفرع اذا مافادك قدم عليهم شكوى على الرقم المجاني واذا مافادوك عليك بالفرع الرئيسي في جدة (ناسي رقمهم لاكن بدبره لك اذا بغيته)

وماينفع معهم الطيب و اليين خلك محترم وحازم في نفس الوقت ولاتعطيه اكبر من قدره اذا ما فاد عليك قدام الزباين عل صوتك في الصالة وخل كل من هب ودب يسمعك واذا قالو بنعطيك سياره بدالها او بنغير المكينه على حسب الاتفاق قل ابي سيارة بديله لين تجيبون سيارتي او تزينونها

وواحد من الشباب معه هايلوكس 2008 على وكالته خبط وهو ماشي 25 الف جلس عندهم شهر كامل مطالبات وشي وحط وروحه وجيه في الاخير رضخو للامر الواقع وعطوه سياره جديدة < بس الي صاير بالتفصيل ما اعرفه وعلى كلامه ان الرجال ناشب لهم كل يوم ناقز لهم في الفرع وصايح في الصاله حقة الزباين قالو في البداية توضيب ورفض ثم قالو مكينة جديدة ورفض ثم عطوه سياره جديدة يوم شافوه ناشب لهم وكل يوم او يومين يجيب لهم واحد من اربعه او جماعته يفزع معه ونشب لهم
بحّار
29/05/2011, 05:22 PM
السلام عليكم واحد من الزملاءاخوه صار عنده مشكله بكرسي السواق سيارته شبابيه كل شوي ينكسر ويروح الوكاله ويرقعونه وفتره ثم نفس الشيء المشكله بالكرسي المهم طالت السالفه آخر شيء خوي صاحب السياره محامي وآخر مره راح فيها الوكالة خاواه المحامي ودخل على مديرهم وعطاه فلفسة قوانين وطلعه بتعويض 10000 هذا والله يأخوان كلام أخو صاحب السيارة...
طبعاً السياره ليست تويوتا
أبوجاسرالتميم
30/05/2011, 11:55 AM
مشكورين يالغالين رفعت شكوى عليهم عند وزارة التجارة /الأدارة العامة لمكافحة الغش
وهذا انا اطامر وراء المشكلة وطلبوا وكيل شرعي منهم
من عنده معرفة بالطريقة الله لايهينه يعلمني ...
الصقر الحربي
03/06/2011, 12:28 PM
الـــــلــــــه يــــكـــــون بــــعـــــونــــــك
راعي الدسمه
21/06/2011, 02:56 PM
اخي ابو جاسر

اسال عن رقم الوكاله بدبي او ابحث عنه بالنت او راسلهم بالايميل

والله ان تحصل حقك وفوقه حبة راس من الحمير اللي عندنا (اعزكم الله )