سيارتي بمدينة الخبر انسرقت :( ..

[حسام الفارس]

السلام عليكم ورحمة الله

يا جماعة الخير سيارتي هيونداي أزيرا لون أسود موديل 2009 رقم اللوحة : ا ط ر 3843 انسرقت مني امس قبل المغرب ترتكتها شغالة قدام محلنا بحي الجسر آبي ازل اوراق ورجعت ما لقيتها :( .. دورت عنها انا و 5 من الشباب ولا لقيناها :( ..

السيارة فيها ضربة من جنب قزاز السايق على البدي جنب القزاز تكفون يا جماعة الخير اللي يلقاها ولا يشوفها يدلني عليها :(


وهذا رقم جوالي : 0555664545


واللي يلقاها لي والله لـ أعطيه 4000 ريال والله العظيم :( ..

و مشكورين يا مال الجنة ...

[وجه النهار]

نسأل الله المولى القدير
أن يرد لك ضالتك !!

[غار بن شعلان]

الله يردها لك ويعقلها عليك

[ليل ومطر]

فالك العقلان

[انسانه؟]

الله يرد لك سيارتك
والحلال مايضيع باذن الله.,

[عاشق الموطن]

نسال الله ان يرد لك ضالتك
ويجعلها اخر احزانك في حلالك

[قرناس تغلب]

الله يعقلها عليك

[حسام الفارس]

اللهم آمين الله يسمع منكم يا اخوان ..

[ab55yo]

الله يرد ضالتك
الله يعينك اخي

[أطلال نجد]

اسأل الله تعالى أن يرد إليك ضالتك سليمة وفي أقرب وقت أنه القادر على كل شيء

[شاص]

الله يعقلها ويردها لك سالمة

[فارس الحربي1]

الله يرد سيارتك ان شاء الله

[ابوماجد-1]

الله يردها لك بخير

وهذي مشكلتنا ننزل ونترك السياره شغال

مثل اللي يقووول

(( تعال اسرقني ))

[Makaveli]

أهم شي بلغ لا أحد يسويبها مصيبة وتجي على راسك


الله يلعن الحرامي ويطيح نيزك على راسه


آمين

[براك11111]

الله يعقلها عليك وجعل من خذاها ان الله ياخذ عمره

[غنام السهلي]

الله يعقلها ان شاء الله ويعوضك

[قاتلة النظره]

... اللهم رب الضالة هادي الضالة، تهدي من الضلالة رد عليه ضالته بقدرتك وسلطانك
فإنها من عطائك وفضلك.
... يا جامع الناس ليوم لا ريب فيه رد عليه ضالته.


الله يعقـــــــــــلها ياأخــــــــــــــــوي

[حسام الفارس]

تسلمون يا اخواني والله يسمع منكم يالغالين :( ..

[ابو منور 93]

اللة يردها لك اللة يهديك ماينفع الندم

[أطلال نجد]

بشر أخوي حسام عساك لقيت سيارتك

[الرائد]

مجرد اقتراح
ممكن تعطي خبر لأهل الليموزنات اذا يلقونها يتصلوا عليك وعلمهم عن الجائزة

[محمد براهيم]

اخوي حسام
جاااري البحث ف الدمااام
ومابي منك الا الدعاء

[ابو حمد 2010]

لاحول ولا قوة الا بالله

اللهم يارب السماوات ورب العرش الكريم رد عليه ضالته انك سميع مجيب.

[اسعاف1980]

والله انا افر واجد بالخبر وانشاء الله نحصلها دور فى الورش ممكن احد يبغى قطع او تفحيط او توصيله ترا تصير
خوي سرقو عليه المكسما بس حصلها بعد 4ايام وبعد ما بلغ هو للى حصلها

[الكناني.]

حتى الحين باقي ماحصلها ياليت ياشباب اللي يشوف يبلغ عنها الله يعطيكم العافية

[مسك ابيض]

الله يرد لك سيارتك
والحلال مايضيع باذن الله.,

[سليمان الربيعان]

حسبي الله على كل من سرق واذى المسلمين ... والله يرد سيارتك لك ان شاء الله
عليك بذكر الله والاكثار من الاستغفار

[مسك ابيض]

حسبي الله على كل من سرق واذى المسلمين

[FORD1969]

اللهم رب الضالة هادي الضالة، تهدي من الضلالة رد عليه ضالته بقدرتك وسلطانك
فإنها من عطائك وفضلك.
... يا جامع الناس ليوم لا ريب فيه رد عليه ضالته.

[حسام الفارس]

مالقيت شي يا اخوان لها شهرين والله مقهور :( .. بس حسبي الله ونعم الوكيل :( ..

[حربي القصيم]

الله يردها إن شاء الله
تصدق قبل فتره مسروق جيب VXR 2009 من بريدهـ
لواحد يقرب لي حصله بعرعر ع حدود العراق ناوي يطلعه
بلغ في كل مكان ولاتأس
الحلال ماضيع يالغالي

[سعود 35]

الله يعينك وتلقا مافقدت وانصحك اخوي اكثرر من الاستغفار
واكثر من قول : اللهم ياجامع الناس في يوم لاريب فيه اجمعني بضالتي

[ابو بدر العتيبي]

اسأل الله العظيم رب البيت العظيم ان يرد ضالتك ويسلط على من فجعك فيها
آمين آمين آمين

[(هزاع)]

لاتدور بعيد بالحاره اللي جنبكم ورع بيفحط عليها وبيحذفها الله عليه مايستحق

[ابن مجدوع]

ياطويل العمر رح لعويرض ولساحة المطار .. هذي اماكن يفحطون بها .. كم من سيارات مسروقة يلقونها هناك ..
والله يعوضكم خير ..

[mjjjed]

اسأل الله يرد ضالتك كما اسأله سبحانه ان يكفي المسلمين شر كل من اراد بهم اذى انه هو السميع العليم