ربط الطير في البيت

[مخاوي الذيب 305]

السلام عليكم


يا شباب اذا عندي طير ماني موديه المربط ابي اربطه في البيت اشلون وشنو العلف اللي اقدمه له ودرجة التكييف


وهل اخذه واهده على حمام ولا لا وفيدوني ما عليكم امر

[الاشعل 316]

اولا تهيئة المكان يكون 3 في 3

ومروحة شفط

ومكيف فريون اذا كنت بالشرقيه عشان الرطوبه ومكيف صحراوي اذا كنت بالوسطى

االعلف تضح خيشة الو وكر ثاني للعلف عند الطير حتى ان العلف لا يقع بالارض ويمرض الطير

لابد من تغيير الماء يوميا والتنضيف كل صبح ومساء وتكون درجة الحراره ما بين27 الى 30 او 31

ونوع العلف يكون السمان الفري وش تهده على حمام ياخي اذبحله الحمام ونضفها

الطير وانا خوك وقت المقيض يبي الراحه واي استفسار انا حاظر

[الصاعقة33]

بالنسبه للمربط بالبيت مايبيله شى هيئله المكان والجو يكون معتدل لاهو بارد ولاحار وأخذ من الفرى الجامد وحطه بالفريزر وكل يوم طلع وحده اوثنتين وحطهم بماء دافى لين تحتر وعطها الطير ويكون المكان نظيف والماء يتبدل كل يوم اويومين وقرنس والله يوفقك

[قرناس شاهين]

اهم شي الرمل النظيف ويجب تنظيفه يوميا حتى مايجيه دود وله بكتيريا

ويجب عليك مراعاة الطير ولحد يدخل عليه حتى لا يروعه

[الجفران]

افادوك الاخوان ويفضل ان السمان المجمد ما تحطه في مي دافي
تطلعه برى الثلاجه الظهر والمغرب تلقى دمه فيه طازج افود له كانك تو ذابحه
واهم شي تزين له المربط زين علشان ما يلتف عليه السبق

[منصور555]

طيب ياخوان بالنسبه للسمان اللي مجمد عند بنده ينفع او لا والطير اخليه على الرمل صح او على وكر والشي الثاني العلف ابي اجيب من الحجر اللي في البر والبسها خيشه واغير الخيشه كل ٥ايام ينفع وبعدين اذا ابي الطير يحذف بدري وش الحل ناس قالو عطه جراذي وجرابيع صحيح هالكلام وشكرا لكم

[mr-r]

اول شي ماتشيل الطير من وكره الا اذا تبي توديه للدكتور
وينكون وكر حصاه حاص حق المرابط تلقها في محل الطيور تجي حصاه مدورع وعليه العشب الاستناعي
وتشتري فري مجمد وتحطه في الفريزر وتطلع له واحد وتصخنها في ماي حار
يعني تصخن الماي على النار اشوي وتشيله عن النار وتحط الفريه فيه وتكون حرارت الماي تتحمله يدك
ولزم تشق بطن الفريه لن مرات تجي من برا حاره ومن داخل بارده وهذا يسببله اقلاع
وتغير الماي حقه كل يوم وتنضف التراب الي عليه مرشه كل ييوم
وتخلب قت الكل يكون من الساعه 4:30 العصر وتحت
وتشغل له المكيف واذا شفت الجو حلو برا طف المكيف وافتح الدرايش عشان يتغير الجور داخل الغرفه حول تفتح الداريش كل يوم مره

وسامحين على الاغلاط الاملائيه

[مخاوي ذيابه 9]

افادوك الاخوان

[وارث الكرامه]

معلوماتي مثل ماقالو الربع ويعطيكم العافيه

[قناص الهمله]

افادوك الاخوان

[skeet]

والله ياخوك اهم شي يكون لحاله الطير بغرفه معزوله يكون فيها تكيف واذا تدخل الشمس افضل واهم شي دير بالك من المروحه الي بالسقف شيله ترا تجيب الصده للطير وشكله بالعلف والماي يكون موفر وسلامتك طال عمرك واسمحلنا علي الاطاله

[alkreze]

والله ياخوك اهم شي يكون لحاله الطير بغرفه معزوله يكون فيها تكيف واذا تدخل الشمس افضل واهم شي دير بالك من المروحه الي بالسقف شيله ترا تجيب الصده للطير وشكله بالعلف والماي يكون موفر وسلامتك طال عمرك واسمحلنا علي الاطاله


السلام عليكم ورحمه الله


شلون تجيب الصده ووش هي الصده


هل لو يحط المروحه اللي تجي جالسه او متنقله نفس اللي فالجدار بس متنقله


ولا اللي فالجدار افضل ؟ وفيه بعض المراوح يتعلق فيها رذاذ الماء هل لو اوجهها للطير بتغني عن المكيف ؟ ( ماهوب طول الوقت يعني مره المكيف ومره المروحه ام رذاذ )


وهل ممكن رش الارضيه بالماء على اساس تبرد ولا يكون هناك ضرر ؟

[هاوي الجوف]

انا اقول انك لا تحشره دايم كل ماطلعت للبر خذه معك الفضا فضيله

[منصور555]

بيض الله وجيهكم وافين يالربع

[جلاد الحباري]

لاترش الما عند الطير تراه مع الوقت يجيب الحفا لكفوفه وزي ماقالوا الاخوان الطير يربط ولا يشال لين يعصب موسه ويحط له هوايه ارضيه بعيده عنه وناموسيه وشفاط وتكييف يشتغل من الضحى لين قبل العشا بساعه او اذا حسيت ان الجو جيد وتفتح الشباك للتهوية اخر الليل واهم حد العشا لازم تشغل المكيف لان الطيور تتعب بسبب الجهد الكبير اثناء العلف