هل تعاني من مشكلة تجفيف المواعين في البر ( هذا هو الحل) صور

[بركان]

السلام عليكم ورحمة الله وبركاته

سبق وان نشرت صورا وظهر فيها صورة توضح تنشيف المواعين في البر وقد استفسر بعض الاخوة عنها ووعدتهم بعرضها بالتفصيل في هذا الموضوع.

فقد عانيت الكثير عندما افرغ من غسيل المواعين لا اجد ما اضعهم عليه الى ان اهتديت الى هذه ( السباله) كما يسميها بعض الأخوان ومن مميزاتها خفة وزنها كما انها تطبق على بعض بعد انقضاء حاجتها ولا تشغل حيز في السيارة وهذا هو الاهم , حلاوتها في خفة دمها والا غيرها ياكثرهم في الاسواق. عيبها الوحيد انها ناعمة مصنوعة من الخشب الخفيف ويفضل اخذها لأقرب حداد لكي يعمل نسخة منها من الحديد وهذا ما سوف افعله انشاء الله,

عسى ما طولت عليكم ( الهرج) اترككم مع الصور لتعم الفائدة فكلنا نستفيد من بعض:


http://www.moeforum.net/imagehost/uploads/26910d26ea.jpg (http://www.moeforum.net/imagehost/)



http://www.moeforum.net/imagehost/uploads/dcc4babcb8.jpg (http://www.moeforum.net/imagehost/)



http://www.moeforum.net/imagehost/uploads/069270bb66.jpg (http://www.moeforum.net/imagehost/)


ولا نستغني عن ملاحظاتكم وان كان لديكم احسن منها فلا تبخلوا علينا بصورها.




-

[العشة]

اخوي بركان فعلا فكرة رائعة ,,

لاكن مااانصحك تفصل عليها حديد لانه يصدي وثقيل .

لاكن صلح زيها عند حقين الموبيليا خشب بس يكون اقوى .

وشكراً

[جلاد الصحراء]

المشكلة من يغسل الصحون . فكرة رائعة بارك الله فيك

[ضلع الرقيبه]

بسم الله الرحمن الرحيم

السلام عليكم ورحمة الله وبركاته


لاهنت اخوي بركان على التوضيح والتصوير الواضحه وانا لاحظت هالحركه في موضوع رحلتك الى روضه خريم على ما أظن واعجبتني وكنت اتصفح وعندي شباب واقولهم شوفو الحركه والله رايق ها الرجال وشغله سنع وانا اشوفها حلوه السباله (على قولة الأخوان) اذاكانت خشب وخفيف لكن احس ان حجمها كبير يعني لازم تحطها يا في الصندوق او في السله اذا كان معك جيب لأنها جوا السياره بتنكسر هذا اذا كان معك ناس جلوف ويذبون الأغراض ذب ولا هي فكره رائعه وكنت افكر في شي زي كذا

لكن ياليت تعلمني وين احصلها با التحديد لأني مالي خلق اقعد ادور في محلات الاواني المنزليه وشكرأ بركان

اخوك ____ضلع الرقيبه

[هاجس]

والله آخر روقان :)

لكن ألا تظنون ان العفش يبي يزيد بهالكماليات !!

اخوكمـ هاجس

[بركان]

والله آخر روقان :)

لكن ألا تظنون ان العفش يبي يزيد بهالكماليات !!

اخوكمـ هاجس


الاخ هاجس
حجمها لا يؤثر ابدا وخفيفة جدا. مقاسها ( شبرين في شبرين ونصف ) بعد تطبيقها. ( حجم جريده ( صحيفه) مثنية مع المنتصف)

[المربد]

ما شاء الله تبارك الله
اظن ان الخشب احسن من الحديد ، خصوصا اذا ما هي غالية !!!

[فهيد711]

ما شاء الله اخوي بركان
على الفكره الرائعة واللي جت بوقتها
لكن اخوي عندي ملاحظة على قولك تبي تروح للحداد ويسوي لك مثلها حديد
ما تشوف ان الألومنيوم افضل من الحديد من ناحية
الوزن و الصدا والشكل الجميل

تقبل تحياتي
فهيد711

[مغرز]

ما شاء الله اخوي بركان عز الله انك جبتها
حلوه .... تسلم يمينك .
وهل فيه طاوله تتصفط اقدر احط عليها عدة الطبخ والمواعين بدال حوستهن بالارض والتربات
إذا فيه تكفى حط لي صورته ولا دلني على مكانه ,,,,,, وتسلم مره ثانيه يالغالي

[المموه]

يوجد في السوق سرير خفيف الوزن وزنه يمكن 3ك طوله مترين وعرضه متر ارتفاعه من الارض عشرين سم رجليه تتصفط وفوقيه شبك وعندي من زمان احطه بالصندوق بأرضيت السياره وفوقه العفش ما ياخذ مكان ابد متساوي مع الارضيه . اذا طقينا الخيمه يوضع بجنب القلص او السيارات التي فيها توانك . المواعين تغسل وتحط فوقه على طول وما يحتاج منها ينقل لخيمة المطبخ . طبعا ما ناخذه الا في الطلعات الطويله والتي يكون فيها ثبات وتنقل بسيط . وغير ذلك في الرحلات القصيره على بيبان الونيتات او تغسل وتوضع في شنطة الثايه لأنها ستكون عده ومواعين بسيطه . واذا تذكرون سرير الجيش الامريكي اللي وسطيه شراع ويباع اللحين بأكثر محلات الرحلات اذا شفته كأنه حزمة حطب صغيره . بأمكان الشخص يستخدمه واذا ما عليه مواعين يتبطح عليه .

[بهار]

ممتازة جدا ، و أرى لكي تحافظ عليها أن تكون الأجزاء التي عليها الحمل مثل المحور الرئيسي من الألمنيوم أو الإستينلس ستيل ، و أقترح عليك أن تذهب لمدينة الملك عبدالعزيز و تسجل لها براءة اختراع ( ما أمزح ) ، لأنك ستراها قريبا - و الله اعلم - في محلات الرحلات ( صناعة صينية ) ، فقد عرفوا ( بضم العين ) أنهم لا يتركون شيئا إلا و قلدوه أو سرقوا حقوق تصنيعه.

ملاحظة: ودي أكشت معك ، فحرصك حتى على تنشيف المواعين يدل على إنك محترف طبخ درجة أولى ، و لا يهمك غسيل المواعين علي لأنه بيصير سهل :D :D

[الجارمن]

هذه النوعية موجودة في إيكيا لاكن عيبها انها ما تستحمل
انا شريت وحده منها وماقعدت اسبوع رحت وشريت مرة ثانية حبيتين ..... احتياط
يعني يبيلك تشتري درزن منها للرحلات البرية لكن مثل ماقالو الإخوان ممكن تفصل مثلها عند حقين الأثاث من خشب امتن وأقوى
لكن من ناحية الفكرة فهي رائعة وتشكر عليها يابركان

[الشقردي]

شباب فيه طريقة بدائية ما أدري تصلح لكم ولا

الذراية حقت القز اسدحها على الارض وانشر مواعينك عليها

[القصيم-الرس]

والله فكره
شيء جميل

[بركان]

الأخ/ مغرز
طلبك يالغالي موجود ( طاوله وذفه وتسفط وبلاستيك ولا تنكسر ) وان شاء الله تناسبك انت والاخوان والعذر والسموحة ( الجود من الموجود)
وهذي صورها:

صورتها وهي واقفة( يا ما احلى سيقانها - مبرومه)
http://www.mekshat.com/pix/upload/images12/mk6587_sv402276.jpg


وهذي صورتها وهي ( متربعه ):
http://www.mekshat.com/pix/upload/images12/mk6587_sv402277.jpg


وهذي صورتها وهي نايمه على بطنها:
http://www.mekshat.com/pix/upload/images12/mk6587_sv402278.jpg

عساها اعجبتك انت والاخوان
واللي يبي يخطبها يذهب لمحلات( كيا ) الدائري الشرقي.

تحياتي

[خالد20]

وعليكم السلام ورحمة الله وبركاته
اتوقع فرشه((او سجاده )) من الصغار
تفي بالغرض

[مغرز]

الله يعطيك العافيه ايه والله اعجبتني
وبروح ايكيا اخطبها بس عسى مايصير مهرها عالي :d
تسلم والله يالذيب

[منتعش]

تسلم أخوي .
شغل عدل .

[أيمن]

( لقد تم إضافة هذا الموضوع إلى مواضيع المبتكرات والاختراعات (http://www.mekshat.com/vb/showthread.php?s=&threadid=12308) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[جبل الصمود]

مشاء الله تبارك الله


يعطيك الله الصحه والعافيه والاجر ان شاء الله .

[أبو يوسف]

رااااايق اخوي بركان

ما شاء الله عليك

الا ما قلت لنا كم سعرها ووين

تحيتي

[أبو مفلح]

فكره قويه
تسلم أخوي بركان

[بركان]

توجد في محلات( ايكيا )
ووجدت ايضا نفس التصميم ويتميز بالمتانة ( الشبك حديد) وليس خشب في محلات ( قصر الاواني).
السعر تقريبا في حدود ( 35 )ريال

[الكاشت للبر]

بسم الله الرحمن الرحيم

السلام عليكم ورحمة الله وبركاتة

الاخ بركان

ما شاء الله تبارك الله
فكرة حلوة وممتازة
اظن ان الالمنيوم احسن من الحديد ، واخف !!!

[راعي العوجاء]

ما شاء الله فكرة حلوة

[حاكم المقناص]

مشكور اخي [بركان ]
على هذة الفكره الرائعة والمفيدة

[nahham]

يعطيك العافيه اخوي بركان

تسلم

بالنسبة لي اجفف المواعين على التنده

لكن الفكره ممتازه

[نجر بن محماس]

الأخ بركان

بارك الله فيك على ها الفكرة

لكن الصور لم تظهر عندي!!!!

ياليت تعيد إنزالها

[ذبذبات]

رائعييييييييييييييييين بأفكاركم

[مالي دخل]

ما اقول الا الله يعطيك العافيه

[العود&& الازرق]

مشكوررررررررررررررررر

[سكّين]

بالنسبة لي لو تذبحن ما أخذته ...

يازين تفرش لك قطعة قماش و كوم مواعينك عليه ...

[abo-lma]

الله يعطيك العافيه

خوش فكره يالذيب

[الكستنائي]

شكرا لك اخي

[عاشق الفرعه]

مشكور على الموضوع