استشارة للاخوة المكشاتيين

[خالد 711]

السلام عليكم ورحمة الله وبركاتة
اخواني حاب اشتري قارمن لكن
لكن :p :p
اخوكم عليمي بالقارمن واجهزة الgps :confused: :( :confused:
ابي رايكم اخذ قارمن 5 او قارمن 3 مستعمل اطقطق علية لين الله يفرجها
ولا اخربها ب276
ابي راي الشباب المجربين
وعلى راي المثل الى مالة كبير يشتري لة كبير
وما خاب من استشار وما ندم من استخار
والباب الي يجييك منه الريح ماتحرق الا رجل واطيها

[عروان]

أخوي خالد

قارمن 3 لا تقربة و لا يمر عليك. لأن الشركة أوقفت تصنيعة و الدعم الفني له ولا فيه من الميزات اللي تشجع على أستعماله.

قارمن 5 (Garmin V) جيد جداً أضائة الشاشة واضحة في الليل و النهار. ذاكرة داخلية في الجهاز حجمها 19 ميغا بايت.
سهل الاستعمال وسعرة في السوق حوالي 1150 الى 1250 ريال.

قارمن 276 ممتاز, ملون و استخدامة سهل و يجي عربي و يجي أنجليزي. يحتاج ذاكرة خارجية علشان تنزل عليه خرائط (عكس قامن 5 تنزل الخرائط عليه مباشرة). سعرة بالسوق 2100 الى 2200 ريال. وسعر الذاكرة الـ 16 ميغا 150 ريال.
يعتبر من افضل الاجهزة اللي نزلت حتى الان.

أنا أشور عليك بين قارمن 5 أو قارمن 276 الملون على حسب مقدرتك المالية لأن فرق السعر أكثر من الضعف.


وفقك الله

[الدهماني]

لا تعدى شور الأخ عروان
ترى معطيك الزبدة

[خالد 711]

بسم الله الرحمن الرحيم
الاخ الكريم عروان جزاك الله الف خير على هالمعلومات القيمة والنصيحة المفيدة
وانشاء الله اني باخذ برايك وشورك


الاخ الدهماني اشكرك على مرورك واهتمامك والله يجزاك عني خير

[الرحال الحزين]

وانا ياخي من راي الاخ عروان

بس 276 عجيب

اذا تقدر اشتره

اخوك خالد