مؤشر الأيرباق بالطبلون وش حله يالربع ؟؟؟؟

[خوي المعاسير]

السلام عليكم ورحمة الله وبركاته

الله لا يهينكم يالربع ابي الخبراء منكم يفيدونني بمشكلتي

انا عندي مؤشر الأيرباق بالطبلون ما غير يشر وش الحل بالضبط

وبالنسبه للموتر فونتشنر 2007

وديته للوكاله ونصابين ما غير يبون يلهفون فلوس ....؟؟؟؟؟؟




ابي الحل جزااااااااااااااكم الله خير

[ayaqaz]

نفس مشكلتي..

سيارتي سوبربان 2005 ..

[خوي المعاسير]

يالربع ما افتاني احد ......!!!!!!

انا بالأنتظار ....؟

[رسيس نجد]

يمكن يكون التماس في كهرب السياره

[كاشت وحداني]

جرب الحركتين هذي :
1- فك اصابع البطاريه ربع ساعه او اكثر ثم رجعها .
2- افتح السوتش ثم افتح باب السواق فيه زر حق الباب اللي في البودي اللي يطفي اللمبه اضغطه 15 مره متتاليه ثم صك الباب وطف وشغل ( هذي الشغله مجربه في الكامري ) ويمكن تضبط معاك.
3- تأكد ان افياش حزام الامان كلها مشبوكه الافياش الكهربائية اللي تجي تحت المرتبه .
4- بعض السيارات اذا كان مدخل اللسان لحزام الامان متسخ او جايه مويه تولع .
وبالتوفيق

[goldenrife]

صدقني مالك إلا الوكاله

بس راح تتفع...

[أبوتركي الخالدي]

اخوي رح لميزان اليرموك الي بالصناعية القديمة بالرياض

اسألع ابو احمد مصري الجنسية

ونعم والله بالرجال

بيسألك عن البوري يشتغل والا لا

يمكن يفحص السيارة بالكمبيوتر بحدود 80 ريال

والقطعة بتشتريها بحدود 450 من الضحيان

وشغل اليد ب 100

وتروح اللمبة

بس نصيحة لا تصلحها الا اذا بغيت تبيع الموتر

[HAS5SAN]

هل تم تنجيد السيارة من قريب
إذا نعم
هناك فيش مفصول

[الهواوي_1]

انا طلعت معي من استخدام الكنوود وماصلحته

[خوي المعاسير]

الله لا يهينكم ....




وجزاكم الله الف خيرررررررررررررررر



<<<<<<<<<<<< رااح يسوي التجارب ههههههههه

[ayaqaz]

الله لا يهينكم ....





وجزاكم الله الف خيرررررررررررررررر




<<<<<<<<<<<< رااح يسوي التجارب ههههههههه




ياليت الله يوفقك تخبرنا بالنتائج..

وبالتوفيق ان شاء الله..

[الصيادالمليح]

يوجد حساس في الصدام الامامي خاص بالايرباق بتلاقيه وسخ او محلول ويبي له تنظيف او شد فقط ويمكن بسبب غسيل السيارة في المحطات وبسبب قوة اندفاع الماء صار هذا الشيء او تراكم الاوساخ بسبب طول الاستخدام