لا تضحكون يالربع لكن شف وشيحصل...

[falcon 1]

السلام عليكم ورحمة الله وبركاته
صبحكم الله بالخير اخواني الاعزاء
وعساكم بخير وبصحه وسلامه ..

انتم خابرين الطيور ما تطلع (التفاريخ ) من دولة الا مع شهادة CITES . وهذا يعني ايش ؟ انه تخريج الوحش بيكون صعب جدا
مثل ما قال الشاعر ..اوراقه من الله المستعان

لكن

كلمت رجال من النمسه تاجر طيور وايضا يفرخ طيور ..وشفت صور بموقعه وهو ناقل وحش ..ولا اطالع ولا وحش ثاني ولا ثالث ورابع . السنجاري عنده (طبعا قليل) والاشقر والحمر ...حتى الاخ كاتب HURR ASHGARD :eek: ههه
وشفت صور ايضا لامراء من السعوديه (الله يحفظهم جميعا ويحفظ كل شيوخنه ) رايحنله حتى يشترو طيور منه ..سالته -الي يبيله طير وحش منك كيف ؟
قال شف يمكن انت ما راح تصدقني لكن بقولك ..انا تجيني شبه طيور في شهر 10 - 11 من منغوليا وايران والصين وباكستان . لكن الطيور اقل من التفاريخ (اكييد هذي ما يحتاج ههه) ..وقالي انا ما اسوق هالشبه الا لاخواني في الخليح ..(انتم خابرين حبنه للوحش !!! :D)
لكن تخريج الطير جدا صعب لانه ليس عنده اوراق ...فوالله يا اخوان هذا الي قاله لي ..

" نحجل الطيور ونسويله شهايد واوراق ال CITES والطير يكون كانه مفرخ عندي ..ثم نعرضه للبيع واوراقه معه وتقول تفريخ حر * حر. كذا اقدر اخرج طيوري"

انا هنا صار فيني :eek:..اقول ما شاء الله . قلت طيب لا بعت طيور عطني رقم الحجل ;) عشان لا وصل الطير عندنه عرفته هههههههه
لكن اي والله يا اخواني هذا الي قالي

فانتبه للشبه الجايه !! ما تدري يمكن وحش !
الله يرزقكم اخواني بالطير الطيب
واسال الله تعالى ان يوفقكم لكل خير

تمت وصلى الله على سيد عدنان ...محمد الي بشر الناس بالخير

تحياتي لكم
اخوكم
فالكن 1
والسلام عليكم ورحمة الله وبركاته

[حامد الحنيني]

ياهلا ومرحبا اخوي فالكون 1 والله مادري عن كلام الرجال يمكن مو ثقه يمكن يمشي سوقه فقط
طيب وان طلع كلامه صحيح كم مبلغ الوحش بالريال وهل هو اغلى من التفريخ ؟؟؟؟

[بو غازي]

هلا اخوي فالكون الله يعيطك العافية
صحيح انا اتفق مع اخوي حامد الحنيني
يمكن تفاريخ ويبي يسوقها بهالطريقة ويمكن يكون صحيح والله اعلم
عموما الله يعطيك العافية انكافدتنا:)

[ربع خالي]

وعليك السلام ورحمة الله وبركاته

أعتقد بانك تقصد الشايب النمساوي وشريكه الباكستاني .

هذا الشخص ما ارتحتله مع اني كنت ابي من عنده 5 شواهين مهجنه
ولكني تخوّفت ، فإن كان هو الشخص فالرجاء التأكد من تعاملك معاه.
تقبل مروري

[سلطان 1]

لا هنت اخوي فالكن 1 وليش نضحك كلااااااامك صحيح ونعم هذا الشي صااااااير يحجلون الوحوش وتجي على انها تفااااريخ 0
العلم ثبت مافيه شك ابد 0

[نبهان الشمري]

والله طريقة حلوه بس مشاوير



الله يقويك

[falcon 1]

الله يجزاكم خير يالربع حياكم الله ...وبالنسبه لخوي ربع خالي ..اي هو شايب اسمه كارل
والله الاسعار يالربع ما سالت عنه ..لكن ان شاء الله لا شفت مرة ثانيه خبرتكم

[falcon 1]

http://www.karlfalcons-int.at/
هذا الموقع اخواني .

[راكان1000]

انتبهوا يالربع هذا karl كارل اكبر نصاب والطيور اللي في موقعه مهيب من طيوره واكثر شي يسوق للمزارع الصغيره ويحط عليها حجوله نفس طريقة فالكون سنتر ما اقول الا الحذر ثم الحذر

[هاوي هدد 11]

الله يجزاك خيرعلى هذه المعلومات

[جير دبي]

حيالله باخوي فالكون 1 ...
مشكوور على المعلومات وهذه الحادثه ليست بغريبه حصلت العام الماضي بيعت شواهين على اساس انهن وحوش طلعن تفريخ ....
وهذا حاصل والعكس يحدث ايضا ...
واعتقد 90%من الشواهين تجي للاسواق اما جلب عش او تفريخ ...والوحش قليل ..
وتحياتي لك ..

[falcon 1]

جزاكم الله خير يالربع واظن الحين نعرف انه نعطي هالمزرعه طاف هههه
وانتم ادرى مني يا اخوان لانه ما قد تعاملت معه والله يجزاهم خير اخوانه ربع خالي و راكان على هالمعلومات
واسال الله ان يرزقكم يالربع

[عبدالرحمن بن ذياب]

الله يعطيكم العافيه يا ربع و يا راكان

[stewrd]

اخوي اهم شي ما سألت عنه الا وهو السعر حاول تكفى بالنسبه للسعر انك تزودنا به

[انسانه؟]

الله يجزاك خيرعلى التنبيه
وحسبي الله عليهم اهم شيء المكسب والامانه ماش,.

[falcon 1]

مرحبا بكم اخواني ...حياكم الله
والله سالته لكن ما رد علي... ولا وصل شي ..ابشرو ..خبرتكم

[ربع خالي]

أخوي فالكون : هل سمعت بعمرك بأن الحرامي يقول عن نفسه حرامي
( حاشاك إنت ومن يقرأ )؟؟؟؟

هذا كلامه لك " نحجل الطيور ونسويله شهايد واوراق ال CITES والطير يكون كانه مفرخ عندي ..ثم نعرضه للبيع واوراقه معه وتقول تفريخ حر * حر. كذا اقدر اخرج طيوري"
إن كان صادق فهذه الجمله تدينه لدى الجمعيات والهيئات المعنيه بتجريم صيد الصقر الوحش.
ولا أعتقد بأن يكون بهذا الغباء ليعترف على نفسه . ولكن كلامه لك ليزين لك المسأله حتى تقع في شباكه . ولا إنت ياخوي بجاهل في الامور هذي . وعن الاسعار تراها غاليه على طيور التفايخ .
والحر الاشقر اللي يقوله سعره في الاربعينات .

[سطام ابو سعود]

عزلله اختلط الحابل بنابل
اشكرك اخوي

[falcon 1]

يالربع انا ما عمري تعاملت مع الرجال انا بس قاعد لقولكم الي قاعد يحصل . ان كان صادق ولا كاذب فالله اعلم
واشكر اخوي ربع خالي لانه خبرته اكثر مني في هالامور


سالته عن سعر الوحش

وهذا الي قالي
الشاهين من 6000 - 8000 باوند
الحر (يقول اصعب لانه اللون ) 4000 - 10000 باوند

ايضا ارسلي صورة شاهين مطروح وقالي هالشيهانه وزنه 1100 عرض 16 وشوي انباعت ب 7200 باوند وخرج الطير الا قطر

هذي الشيهانه
(http://www.zainup.com/])http://www.zainup.com/upfiles/mA115679.jpg

http://www.zainup.com/upfiles/WjR15683.jpg (http://www.zainup.com/)