فرخ شاهين

[جرناس الغربيه]

يالربع الفرخ الشاهين اذا قرنس تقل سرعته ؟

[مشبر البران]

والله نفس السؤال في خطري
سبقتني بالسؤال
وياليت نعرف سبب تعلق السرعة بفروخ الشواهين
وننتظر اهل الخبرة

[ابن القعيمه]

نعم تقل واسال الشبان الخبيرين يعلمون العلم كله

[falcon 1]

والله يا خوك صحيح دايم نسمع سبق الفرخ الشاهين ..ودايم يقارنون سبق اي بطير بفرخ شاهين
لكن اعرف واحد عنده شيهانه قرناسه رابعه ..والله يا خوك ما يهده الا بريشة . ما شاء الله تبارك الرحمن

وان شاء الله الاخوان بالذات اهل الشياهين ما يقصرون

[ذراع الذيب]

السلام عليكم ورحمة الله وبركاته,,
مسيت بالخير ياجرناس الغربيه,,

الطير الوحش اذا قرنس يختلف عن لياقته الاولى ان كان فرخ او قرناس,,
لكن الصقار يقدر يحسن لياقة ويردها للأفضل مثل لياقته يوم كان وحش وبخصوص السرعه والسبق,,
اعتقد ماتزيد عن ماكان وحش والله تعالى اعلم ونشوف راي باقي الاعضاء,,
تحياتي لك,,

[ذراع الذيب]

والله يا خوك صحيح دايم نسمع سبق الفرخ الشاهين ..ودايم يقارنون سبق اي بطير بفرخ شاهين
لكن اعرف واحد عنده شيهانه قرناسه رابعه ..والله يا خوك ما يهده الا بريشة . ما شاء الله تبارك الرحمن

وان شاء الله الاخوان بالذات اهل الشياهين ما يقصرون
ومثل ماتفضل اخوي فالكون
وانا شفت بالساحل محاولات عده للشواهين ان كانت فروخ او قرانيس...
شفت بالفروخ سبق قلت ماهو عند القرانيس
وشفت بالقرانيس سبق قلت ماهو عند الفروخ
والطيور ماهي مثل بعض

[برنس الشعيبة]

السرعة وحدة بس خاطر الطير يقل

[Turki1]

حياك الله والجميع.
الطيور ماهي سواء بالسبق،ومرت علي قرانيس هواء اسبق من فروخ شياهين قنيتها ولكن الفرخ يتفوق بان ريشه جديد وانه شبب ونشيط ولاتله السير الين تملع.والطير اذا قرنس في ألأسر ففي رأيي من النادر ان يكون مثل سبقه يومه وحش .
موفق خير.

[عاهد بن علي]

اذا حصل مقيض طيب وعنايه ولياقه ما يقل طياره
قعد عند واحد من الربع جرناس عاشر ما تغير طياره
وعند واحد من لشيوخ جرناس تاسع ماتغير طياره

[راشد حسين]

اخوي اكيد الوحش تكون اسرع سواء كان (فرخ شاهين ولا خلويه )


لانها تكون اغلبيتهن عابرات الي تجي من باكستان والي من ايران والي ينطرحن بالساحل يكونن


عابرات البحر والبحر مو صغير ان قل 15 كيلو سواء الشرقي ولا الغربي وتجيك لياقتها فل الفل


واما عن البيتيه القرناس تروح لياقتها في المقيض ولو تدربها بعد النقله يتدربها ثلاث شهور ولا اربع


فيها فرق بين الي يتدرب اربع شهور والي لها سبع شهور(للفرخ) وهي كل يوم تطرد اقل شي


كيلو والبيتيه يجيها الغداء او العشاء وهي لا تطير ولا شي ويمكن تطير بالسبوع كيلو


ففيه فرق بين الي تطير باليوم كيلو وبين الي تطير بالسبوع كيلو وللمعلوميه دايم الوحش اسرع جناح


من البيتي سواء كان (حر او شاهين ).


وان شاء الله اني اكون قد افدتك في الموضوع

[عبدالرحمن بن ذياب]

هلا بك يا خوي قرناس الغربيه
فرخ الشاهين للمعوميه : أسرع طير على وجه الأرض
بل حتى يكون أسرع كائن حي على وجه الأرض وهذا الكلام مثبت علمياً و عملياً
حيث اثبتوا العلماء ان سرعة الفرخ من الشواهين عند انقضاقه على فريسته
تصل إلى سرعه 300 كيلومتر / ساعه
و إذا قرنس الطير تقل لياقه و بالتالي تقل سرعته
ولكن بإمكانك ترد لياقته لمعدلها الطبيعي أو قريب منه
من خلال أن يكون للطير مقيض ذو كفائه عاليه و مميزة
و يعتمد أيضاً على طريقة إعطاء الطير العلف
يعني لا تخليه يعلف اكثر من 3 ايام او حسب قدرتك
يعلف من يدك
حتى لو تهد له طير و لا أرنب و لا اي علف
المهم يتحرك الطير يا خوي
أخوك نصر الغامدي

[جرناس الغربيه]

تسلمون يالربع عالامعلومات ابدعتوا

[قرناس شماالي]

افادوك الاخوان ماقدر ازود ونقص عليهم

كفيتو ووفيتو

[خبت قوس]

السلام عليكم
من واقع تجربه ومن إستشارة خبراء يتقدمهم مسعد بن العود في منطقتنا بالساحل إن القرناسة في الجبليات خاصة تكون أسرع من يومها فرخ وواحد من الشباب إشترى وكرية بكر من الخوبة وحش طلعت تلحق على الحمام في النجوم بعد ماتفلس منه الشياهين واللي يعرف أحد من هل الليث يسأله عن وكرية أبو ثامر أما بالنسبة للتوام البحريات والأحرار فأعتقد إن الفرخ أسبق مثل ماذكرت
آمل إني أكون قدمت فائدة للموضوع ونتمنى من المجربين إثراء الموضوع من واقع تجاربهم
تحياتي وفائق إحترامي للجميع

[القرناس المهاجر]

حي الله الجميع


السبق لايتوقف على نوعيه بحد ذاتها


لكن اللي معروف عن الوحوش ان القرناس اسبق من الفرخ واعرف وامكن بالصيد .. سواءاً شاهين او حرار


واذكر اننا حاولنا فرخ حرار وقرناس اثناء الهجرة بالساحل
طبعاً هد القرناس واخذ قمريه .. ثم هد عليه الفرخ
عاد شوف القرناس وخبرته وقوته والله ياجنحانه
غدت كنها مراوح إف 16 ماشاء الله عليه :good2:
ذاب في السما والفرخ من تحته ماتعلاه .. هذا شوف العين :)
اما البيتي فإن السرعه تختلف عن الوحش لضعف اللياقه
ويحتاج لتدريب يومي مكثف ليعود لطبيعته

[راعي مسكت]

الاخوان ماقصروا من ناحيه اللياقه

ولكن في أضافه بسيطه بخصوص الريش

فرخ الشاهين من الصعوبه انه يصفي (يغسل ريشه ) فتجده بكر مرقع بثنتين وبثلاث ومن الذيل ماحذف شي فهاذي تأثر في السبق(الريشه الجديده لها تأثيرها من ناحيه السبق )وتلاحظ الريش القديم والمرقع به له صوت حتى اذا شفته يهفهف او يكفخ انتبه وتسمع صوت واضح للريش القديم .
ملاحظه الشاهين المصفي السبوق والمدعي مضبوط يخالا به على الفروخ
وانا مجرب قانص العراق بشاهين قرناس رابع مصفي ماروح عليه شي وبعض الفروخ روحت حباريها
هذا الي عندي وسلامتك

[هاوي هدد 11]

الأخوان كفووفو
الطير البيتي باللياقة الكافية يطلع سبوق
اذا كان سبوق

[عـــــزام]

فدوك الاخوان

[جرناس الغربيه]

انشهد و ماقصرتو

[طريبيل]

الطيب يضل طول عمره طيب

ولايتغير طياره مهما كان

اذا لقى العنايه المميزة


وانا طال عمرك عندي شاهين قرنااس ثامن ماشاءالله تبارك الرحمن هذا سبقه من يوم هو فرخ عندي

ولاهنت يالغالي

[صقار محترف]

لا .. الكلام هذا غير صحيح

ليس شرط

لكن فيه شي يجعل الفرخ في نظر الناس اسرع
وهو ان الفرخ يكون صامل اكثر .. بالعربي ( خبل ) يطرد صيدته تحت والا بالنجوم
والقرناسه على العكس .. هي تحاول تصيد باقل مجهود ولاتستخدم سرعتها كلها ..

القرناسه تتعامل بالذكاء والخبره .. والفرخ بالسرعه والخباله .. هذا قد يجعل الناس تشوف الفرخ اسرع لانه مايجنب عن صيدته
بس ربما القرناسه لو تصمل على صيدتها فيه قرانيس بتكون اسرع
عموما فيه قرانيس أسرع من الفروخ
لكن صعب تحصل قرناسه اصمل من فررررررررررررخ .. انا قلت صعب . وليس مستحيل .. عشان لايفهم غلط
اتمنى آني افدتك

[راعى شاهين]

لا .. الكلام هذا غير صحيح

ليس شرط

لكن فيه شي يجعل الفرخ في نظر الناس اسرع
وهو ان الفرخ يكون صامل اكثر .. بالعربي ( خبل ) يطرد صيدته تحت والا بالنجوم
والقرناسه على العكس .. هي تحاول تصيد باقل مجهود ولاتستخدم سرعتها كلها ..

القرناسه تتعامل بالذكاء والخبره .. والفرخ بالسرعه والخباله .. هذا قد يجعل الناس تشوف الفرخ اسرع لانه مايجنب عن صيدته
بس ربما القرناسه لو تصمل على صيدتها فيه قرانيس بتكون اسرع
عموما فيه قرانيس أسرع من الفروخ
لكن صعب تحصل قرناسه اصمل من فررررررررررررخ .. انا قلت صعب . وليس مستحيل .. عشان لايفهم غلط
اتمنى آني افدتك اعجبنى ردك ماجاء اسمك من فراغ ياصقار محترف عزالله انك محترف واسم على مسمى:good2: