جمس أكاديا !! وش رأيكم فيه ؟؟

[؛عبدالعزيز؛]

السلام عليكم ,,

أفكر يا إخوان إني أشري سيارة GMC أكاديا !! وأبغى رأيكم فيه كيف السيارة داخل المدينة !! وفي البر كيف الإستخدام !!

محتاج مساعدتكم جزاكم الله خير ,,

[نديم الشمال]

اكاديا !!! خذلك يوكن ابركلك

[؛عبدالعزيز؛]

^ ^ ^

أنا داري إن اليوكون أحسن , بس أنا سؤالي حول الأكاديا هل هو زين ولا لا ؟؟

[بن دويش]

السلام عليكم...
تراه دفع أمامي...
إما العزم ما عليه كلام قد جربت واحد...
بس ما يصلح حق طعوس لأنه فخم...

الله ييسر لك أمرك...

[؛عبدالعزيز؛]

^ ^ ^

هلا بن دويش !!

يعني في البر ما ينفع بتاتاً ؟؟
وما فيه طريقة تخليه دفع رباعي ؟؟

[لحظةوداع]

سيارة طريق وبس
مشيت عليها لسوريا وربي موتر يعجبك
2008 وماشي إلى الآن مثل العسل
بر لا ينفع أبد

[؛عبدالعزيز؛]

^ ^ ^

يا ليت لو توضح وشلون ما ينفع للبر .. من أي ناحية ؟ وكيف ؟

[الصيادالمليح]

سيارة زميلي أكاديا ودخل فيها بر ما مشي ربع ساعة ويجيله إنذار بأن زيت القير عالي الحرارة ووقف السيارة 45 دقيقة لين نزلت الحرارة و رجع على طول

فالسيارة صحيح انها دفع رباعي ولكنه ليس مخصص لخوض رمال البر .. فقط للخطوط البرية البسيطة

و أنصحك في سيارة غيرها إذا رغبت في خوض الرمال

[؛عبدالعزيز؛]

هو الي أنا أبيه بإختصار سيارة دفع رباعي , بس تكون بحجم الأكاديا أو أصغر شوي ,,


ما تكون بالجم الكبير زي الباترول واللاند كروزو

[MjNo0oN]

اخوي من تجربة لي سبق وان جلس معي تاهو من الاشكال الجدد حوالي 4 شهور < من خلال هاذي الاربع شهور كرهت السواقه بشكل عام بسبب كبر وثقل طينة السياره (ممكن لاني ماتعودت عليه طول حياتي راكب في مواتر يابانيه)

طبعاً بعد الجمس خذيت لي لاند 2007 صراحه احسن انه كورولا مقارنة بالجمس (يمكن الواحد يقول الحجم حول بعض و الجمس اقوى عزم) صراحه انا اشوف التحكم في السياره يتخلف + الزوايا واضحه + تقدر تحكر وزنيته في يومين بالكثير مع انه مضيق صدري العزم الي خسرته لاكن الحمد لله اني مرتاح للسياره ومرتاح لسواقتها من شريتها لين بعتها الله يرزق راعيها
وسبق لي تجربة السفاري = مايختلف كثير عن الاند لاكن اني افضل الاند عليه ارتاح في سواقته اكثر
و الاند الجديد مالاحضت اختلافات كثيره عن القديم وانا افضل الجديد مع انه ماجربته فتره طويله لانه جلس معي يومين وفي بر وليس مدينه
واذا كنت تبحث عن خفة النفس + صغر الحجم + ثلاث ماراتب عليك + تبحث عن الراحه خذلك فورد اكسبلورر او باث فندر واذا كنت تبي شي يعيش معك وشيك في مخباتك خذلك فورنتشر

واذا كانت معك دراهم الاند لاتنتضر خذه ومنتب متحسف ان شاء الله وبتدعي لي بس عليك بالv8 وحاول انك تبعد عن الv6 الا اذا كان قير عايدي

ومن ناحية الاكاديا هو دفع رباعي ومكينة 4800 v8 ومتوفر منه v6 لاكن ماعني اي معلومات عن مواصفاتها طبعاً بدون دبل فقط دفع رباعي مستمر وماينفع للبر الا اشياء خفيفه جداً وفي الخط و المركب عز الله انه موتر بمعنا الكلمة وللمعلومية فيه مشكلة في قيره على حسب ما قريت و شفت الي استعملون ان قيره حساس مع الاستعمال السليم يمشي تمام اما اذا شبيت فيه ولو مره وحده او عن طريق الخطاء الله يعينك عليه وانا اعرف واحد معه 2008 كان راكب معه ولده الله يصلحه حرك القير من الدي لل ار < الحمد لله الموتر مالقم لاكن واجهته مشاكل في صوت طقه في القير بعدها و انفقعت صوفته لاكن لين الحين الامور تمام فقط الطقه الي فيه هي المزعجه شوي

واذا كنت تبي النصيحه حاول انك تبعد عنه لان السياره جديدة في الوقت الحالي اصبر لها كم سنه او على الاقل لين الشكل الجديد منها

[؛عبدالعزيز؛]

^ ^ ^

الإكسبلور كيف حجمه ؟ كبر الأكاديا أو أصغر ؟ وهل هو موتر مدينة وبر ولا كيف ؟؟

[نقطة نظام]

^ ^ ^



الإكسبلور كيف حجمه ؟ كبر الأكاديا أو أصغر ؟ وهل هو موتر مدينة وبر ولا كيف ؟؟



والله ماجربته بس اشوف اغلب التعليقات تعذرب فيه انا ماعجبني شكله تحس انه من النوع الي تمل منه بسرعه . مو بس تمل إلا تكره شكله :)
الخيارات قدامك كثير ومتنوعه فيه عندك الاكسبلورر حجمه اكبر طبعاً للحين مانزل الشكل الجديد 2011 يقوله حول رمضان ان شاء الله . اكبر من الاكاديا بالحجم بس مو كثير وانسيابي رائع كشكل ومواصات وتبقى التجارب لحن وصوله لكن الماضي عريق .
عندك جيب المازدا .. قريب من حجم الاكاديا .
عندك الادج من فورد رائع واعتقد انه خيار افضل من الاكاديا مجرب الموتر وممتاز والي جربوه امدحوه تقريباً نفس الحجم ا انه اصغر من الاكسبلورر.
وعندك نيسان عندهم قشقاي حجم مقارب للاكاديا . ماعرف احد جربه .

[؛عبدالعزيز؛]

^ ^ ^


الي سمعته ولاني متأكد إن المازدا والإدج جيوب مدينة فقط , ما تنفع للبر !! وش العلم الي عندك ؟


طيب فيه سيارة شفته قبل فترة من GMC إسمه إينوي أو شي زي كذا !! أحد يعرف عنه شي ؟

[جوبتير]

خذلك تاهو وما جاك في وجهي
عزالله انه شيخ وسعره معقول وسيارة سفر وبر ورمل وفخامه وراحه وقوة ومتانه وخفه ورسمي وشبابي وعائلي
بشرط يكون دبل
بلا اكاديا بلا خرطي اصلا اكاديا احس مالها اي شخصيه لا بانت رياضيه ولا عائليه ولا شبابيه ولا رسميه
عندي تاهو 2005م فل الفل بالبيد اشوفه بعيني شيخ السيارات بلا منافس ما ابدله بسيارة مهما كان

وانت شاور وعسى الله يكتبلك الصالح

[المتجول1974]

كما قال الاخوان اكاديا = وجع راس لمن يريد ان يدخل بر
اكسبلورر + باثفايندر +فورتشر + برادو = سيارات قوية وتستحمل البر
النصيحة -----> 01لاندركروزر
02 باترول
03يوكن
04تاهو
05 اكسبديشن

واتمنى لك اختيار موفق بإذن الله ولجميع المكشاتيه

[؛عبدالعزيز؛]

^ ^ ^

مدري بس أحسكم إقترحتو سيارات كبيرة !! وأنا قايل مسبقاً سيارات صغيرة شوي مب بحجم اللاند والتاهو ,,

[THE CYCLONE]

أخوي انصحك بسوبارو فورستر أذا يوجد وكيل سوبارو في منطقتك

أو تعرف ورشة متخصصة في السوبارو

وهاذا رابط به تقرير مفصل

http://www.assayyarat.com/forums/thread224658.html

مع تمنياتي لك بالتوفيق

[abo3omar]

تبغا سيارة suv او رياضيه و تكون جيب بحجم صغير و تنفع للبر و الطريق .
نصيحه ان شاء الله تدعيلي / طواااارق volks wagen - toureg
افضل سيارة تجمع هذه المواصفات في جودة عاليه جدا و قيادة لا يعلى عليها ثبات في الطرقات و المنعطفات و راحة كبيرة في البر و سعر المستعمل معقول لكن دور شبه الجديد بشرط الوكيل يكون في منطقتك . و ممكن تجربها او تستاجرها من الوكيل و تجربها كم يوم و لك الحكم

[S . T . M]

اقول كانك تبي تسمع نصيحتي

انت تبي نفس حجم الاكاديا تقريبآ ..

انا معاي بليزر 2007 مطلعه وكاله على يدي

من 2007 الى 2011 الحمدلله ماشكيت منه

وين مااتبي يوديك ديره . بر . خط

عز الله انه موتر ولا افكر اني ابيعه وخادمني بالطول وبالعرض

والله يكتب لك اللي فيه الخير :)

[مغرم بالفتك]

حلوووووووووووووووو

[ابو فهد55]

يا اخي الكريم لدي جمس اكاديا 2009 بنوراما lts 2 دفع رباعي الموتر ما عليه كلام ..... صحيح انه غير مناسب للبر ولاكن يخارج نفسه...وقت الازمه وليس سيئ.:director: