سؤال لأهل الخبره وأتمنى التفاعل مع الموضوع لكي تعم الفائده

[ابوفلاح كويت]

1) لماذا فرخ الشاهين اسبق من قرناس الشاهين ( والكل يعرف ان كل قاعده لها شواذ )


2) لماذا فرخ الشاهين الطيب يكون سعره اغلا من قرناس الشاهين الطيب ..


مع العلم ان العكس موجود في الصقور ..


لأن الصقر اذا كان قرناس طيب يكون سعره اغلا من الفرخ الطيب (قرناي هوا )


* ملاحظه : كل الكلام والاسئله تخص (( الوحوش )) فقط

[ربع خالي]

1)
لماذا فرخ الشاهين اسبق من قرناس الشاهين ( والكل يعرف ان كل قاعده لها شواذ )
لااهو أسبق ولا هو أبطى , ياغير القرناس تثقل نفسه ويستصعب المطارد القوي . ولكن إن زانت نفس القرناس على الكيف ؟ ساعتها ماعاد تفرق بين الفرخ والقرناس في المطارد..

2)
لماذا فرخ الشاهين الطيب يكون سعره اغلا من قرناس الشاهين الطيب ..
الفرخ ياخوي شبب وصغير ولاتنسى بأن عمر الطير كل سنه تقابل من عمر الانسان بحوالي 5 سنوات . ولهذا تلقى فرخ الشاهين هو المرغوب أكثر والسعر أعلى .


مع العلم ان العكس موجود في الصقور ..

لأن الصقر اذا كان قرناس طيب يكون سعره اغلا من الفرخ الطيب (قرناي هوا )
هذي المعلومه لاعلم لي فيها . وحسب معرفتي بأن الفرخ من الحرار أغلى من قرناس الهوى . بشرط تكون المواصفات متعادله بين العمرين..

* ملاحظه : كل الكلام والاسئله تخص (( الوحوش )) فقط


تقبل مروري
تحياتي

[دعاس]

هلا ومسهلا ابو فلاح وردا على اسئلتك تفضل الاجابات:-

1) لماذا فرخ الشاهين اسبق من قرناس الشاهين ( والكل يعرف ان كل قاعده لها شواذ )

لا اوافقك الراي في هالنقطه اغلب السواهين السباق ياثنو او بكر
انا شاري قرناسه خلويه ثنو من الحماد مقاسها14ونصف طول ب16عرض
وراحت لاهل قطر يحلفون حلف انهم يردفونها عقب فروخ الشواهين.
2) لماذا فرخ الشاهين الطيب يكون سعره اغلا من قرناس الشاهين الطيب ..

الفرخ الطيب له حقه’’والقرناس البكر الوافي اغلا من الفرخ الوافي لان اغلب من يشتري الشواهين يوصوننا على البكر لانها تجاوزت اول مرحله للقرنسه واحتمال70% مارست الصيد في الخلا’’واحيانا تجي قيمتها اغلا من الفرخه.
مع العلم ان العكس موجود في الصقور ..
لأن الصقر اذا كان قرناس طيب يكون سعره اغلا من الفرخ الطيب (قرناي هوا )

هذي اوافقك الراي لان الجر الخلوي او الفرخ قيمته تزود ماتنقص بعد المقيض
بعكس الشاهين ومن واقعتي تجربتي بالشراء والبيع وخصوصا الشاهين مرت علي كذا حالة بيع وشراء شاهين فرخ بقيمة80 الف وبعدها خرجت وبيعت ب5000
ولو انه حر مشري بهالقيمه وخرج راح يكون اقل سعر له 15000
* ملاحظه : كل الكلام والاسئله تخص (( الوحوش )) فقط
واخيرا تقبل ودي واحترامي

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخيرياخوي / ابو فلاح كويت
.
1) لماذا فرخ الشاهين اسبق من قرناس الشاهين
القرناس اسبق وريض اول ايامه لكن الفرخ اعجل
ومع الوقت القرناس تخف نفسه وتبان سرعته
.
2) لماذا فرخ الشاهين الطيب يكون سعره اغلا من قرناس الشاهين الطيب
الفرخ اجمل وأمين ومخلص ومجال تكرار الهدد اوسع
..
وفروخ الحرار أثمن من القرانيس ولكن الصافي في القرانيس الملون
اغلى من الفروخ
والشخوص هي اللي ترفع ثمنه كانت فكرتي غير قبل لكن الآن تغيرت لهذي
رايي المتواضع والعلم الاكيد بنلقاه في ردود صقاقير مكشات
*
والسلام
AL Khapt Brother of Naif
الحجاز
22-6-1432هـ

[راعي طلاع]

1) لماذا فرخ الشاهين اسبق من قرناس الشاهين ( والكل يعرف ان كل قاعده لها شواذ )


2) لماذا فرخ الشاهين الطيب يكون سعره اغلا من قرناس الشاهين الطيب ..

الفرخ لان اغلب البحريات فروخ هداده واشره على الهد من القرناسه
والقرناسه تلاقي شايله معها ريش من العام مع امكانية تحذف وقت المقناص
ام الفرخ فهي فرخ بتطربك طول الموسم من دون خوف .........

مع العلم ان العكس موجود في الصقور ..


لأن الصقر اذا كان قرناس طيب يكون سعره اغلا من الفرخ الطيب (قرناي هوا )

القرناس اطيب سعر خص العابر لانه 90 بالميه منها يهد فصيل من غير تعلوم
طيح راسه وهد حداه الجوع على انواع واشكال بعكس الفرخ اللي يمكن ما يشوف
الحبارى الا معك وتلاقي بعض الفروخ طيبه ولكن تتعبك بالتعليم وليس الكل بعدين
القرناس يجيك متمرس ويعرف يطرد صيدته من غير ما يجهد عمره اما الفرخ غشيم
ومتعافي مرهي بالسبق ولكن ينقصه الذكاء فلهذا القرناس هو الاكثر رغبه والاقيم ...........

* ملاحظه : كل الكلام والاسئله تخص (( الوحوش )) فقط
اتمنى اني افدتك على حسب عرفي المتواضع تقبل مروي وشكري.............

[ذراع الذيب]

السلام عليكم ورحمة الله وبركاته,,
صبحت بالخير يابوفلاح,,

1) لماذا فرخ الشاهين اسبق من قرناس الشاهين ( والكل يعرف ان كل قاعده لها شواذ )
عجبني رد اخوي ربع خالي والقرانيس لاصقرها واحد متمرس تبي تنسيه الفروخ..
والسبق موجود ان كان بالفروخ ولا بالقرانيس

2) لماذا فرخ الشاهين الطيب يكون سعره اغلا من قرناس الشاهين الطيب ..
الفروخ والقرانيس الاباكير مسموحه تدخل قطر ومن الثنو وفوق ممنوعه وهذا الشي له نسبه في
ارتفاع اسعار الفروخ والقرانيس الاباكير وخصوصا الفروخ...
والفروخ لها عدة اسباب في ارتفاع اسعارها عن القرانيس ومنها
ان الفرخ اجمل واسهل في التدريب واشهى في الصيد



مع العلم ان العكس موجود في الصقور ..


لأن الصقر اذا كان قرناس طيب يكون سعره اغلا من الفرخ الطيب (قرناي هوا )
القرناس في التطبيع ابرك من قرانيس الشواهين واكثر درايه بالصيد من فروخ الحرار
وانتظام حذفه للريش يعتبر سبب في ارتفاع سعره عكس قرانيس الشواهين
ويقول الشاعر والشيخ والفارس راكان ابن حثلين رحمة الله عليه

الفرخ لا يغويك في صفة الريـش
طير الحبارى يا اريش العين قرناس


* ملاحظه : كل الكلام والاسئله تخص (( الوحوش )) فقط

[راعي شوق]

1) لماذا فرخ الشاهين اسبق من قرناس الشاهين ( والكل يعرف ان كل قاعده لها شواذ )
اخوي من ناحية السبق فهو سهم خفي له مواري على الطير ولا يفرق بين فرخ وقرناس ياكثر القرانيس السباق وهناك بعض الفروخ العطل اللي يالله يلحق

2) لماذا فرخ الشاهين الطيب يكون سعره اغلا من قرناس الشاهين الطيب ..

لان قرناسة الشاهين صعب تطبيعها وتبطي وهي عاصية وتكون عرضة للضياع حتى بعد التدهيل والهدد والفرخ اطوع واحرص على صيدة ويتدهل بسرعة
مع العلم ان العكس موجود في الصقور ..


لأن الصقر اذا كان قرناس طيب يكون سعره اغلا من الفرخ الطيب (قرناس هوا )
قرانيس الحرار لامنها عطتك غايتها تروح مثل الولد البار اللي ما يزعل والديه ويعطيك كل اللي يقدر عليه ويكون اجسر على الصيد من الفرخ ولا يهاب وهذا اللي رافع سعرها

اتمنى ان اكون افتدك

[ابوفلاح كويت]

ربع خالي _ دعاس_صقار خبير_راعي طلاع_ذراع الذيب

لاهنتو وتسلمون على الردود وشرفني مروركم ..

ننتظر ردود الصقاقير الثانيه . لاهنتو

[ابوفلاح كويت]

راعي شوق

لاهنت وتسلم على المرور الطيب

[راشد حسين]

افادوك الشباب

الله لا يهينهم

[ابوفلاح كويت]

لاهنت على المرور اخوي حسين

[ابوفلاح كويت]

العفو العفو

لاهنت على المرور اخوي راشد حسين