يوسف الخليفة1
26/05/2011, 01:53 PM
بسم الله الرحمن الرحيم
السلام عليكم ورحمة الله وبركاته
الددسن دروب الشقا ما تهابه=غمارتين وضاريه للمشاوير
جنوطها النيكل صعيب اقتلابه=كفرها يضرب بالفجوج المعاسير
تقول لاسارت يغيب اقترابه=خفوف ناقه تقتفيها المغابير
قومتها تشدي سابقات الذيابه=لاتلها باثنين شالت عثامير
ما كنها الا بالصحاري سحابه=ما عاقها صلب الوعر والمشاجير
اسبق من الحوام من فوق غابه=واصبر من البلهان بين المظاهير
موتر صحاري ما تبادا خرابه=اليا لقا الفاهم يسوسه على خير
عليها قرم عيال شايل زهابه=ضاري على النوهات شبل الهزابير
مع الخرايم منهجه ما شقابه=ما حسب لطول المدا والمخاسير
اليا نوا السجه تعدا سرابه=لما يغيب بتالي نمره على القير
بالبرد عنّه وقدته والذرابه=والقيظ يرقد بالطلاح المكاثير
القوت صيده والهراري شرابه=قدوعه الحلوه خرفها من الحير
وابريق شاهي بالورق والحلابه=راكد على المله مجهز بتخدير
يلفي عليه الضيف يلقا الرحابه=سميح باله في قدوم المسايير
سوالفه بين السنع والدعابه=واليا سمر بالليل حسن التعابير
يوسف الخليفة ( أبو عبد الله )
السلام عليكم ورحمة الله وبركاته
الددسن دروب الشقا ما تهابه=غمارتين وضاريه للمشاوير
جنوطها النيكل صعيب اقتلابه=كفرها يضرب بالفجوج المعاسير
تقول لاسارت يغيب اقترابه=خفوف ناقه تقتفيها المغابير
قومتها تشدي سابقات الذيابه=لاتلها باثنين شالت عثامير
ما كنها الا بالصحاري سحابه=ما عاقها صلب الوعر والمشاجير
اسبق من الحوام من فوق غابه=واصبر من البلهان بين المظاهير
موتر صحاري ما تبادا خرابه=اليا لقا الفاهم يسوسه على خير
عليها قرم عيال شايل زهابه=ضاري على النوهات شبل الهزابير
مع الخرايم منهجه ما شقابه=ما حسب لطول المدا والمخاسير
اليا نوا السجه تعدا سرابه=لما يغيب بتالي نمره على القير
بالبرد عنّه وقدته والذرابه=والقيظ يرقد بالطلاح المكاثير
القوت صيده والهراري شرابه=قدوعه الحلوه خرفها من الحير
وابريق شاهي بالورق والحلابه=راكد على المله مجهز بتخدير
يلفي عليه الضيف يلقا الرحابه=سميح باله في قدوم المسايير
سوالفه بين السنع والدعابه=واليا سمر بالليل حسن التعابير
يوسف الخليفة ( أبو عبد الله )