المساعد الشخصي الرقمي

مشاهدة النسخة كاملة : مشكله بالباترول وأبي حلها


عبدالاله 123
26/05/2011, 10:55 PM
السلام عليكم ورحمه الله وبركاته

عندي مشكله بسيارتي عجزت أعرفها ووديته سطحه للصناعيه وعجزوا يلقون السبب المهم كنت مسافر عليها الصبح ووصلت الرياض الظهر طبيعيه جدا وقفت السياره ورجعت بعد العصر اشغله اشتغل وأخذ أقل من دقيقه وطفي وبعدها أشغله مايشتغل يدق بس مايشتغل موديله ???? سفاري ? أي واحد مره عليه الحاله يفيدني تكفون والمعذره الموضوع بدون تنسيق لني اكتب من الجوال
راعي الفتك 9
26/05/2011, 11:12 PM
عندك كتاوت الطرمبه تحت الطاره شيك عليهن
K.S.A.A
26/05/2011, 11:17 PM
قاعده يالغالي الموتر لما مايشتغل يكون السبب في حاجتين
( كهرباء أو بنزين )
شيك على الثنتين هذي إذا حصلتها مضبوطه
مثلا الطرمبة شغاله والبنزين واصل والحساسات مضبوطه
يجي دور الكهرباء شيك على الديلكو والبواجي والأسلاك .
إذا حصلت الأمور هذي كلها تمام فالله يعين
المشكه في جنزير المكينة أكيد طمر من محله .( يعني تحرك سنتين وأكثر )
والله يدلك لعطل السياره وترتاح
عبدالاله 123
26/05/2011, 11:21 PM
عندك كتاوت الطرمبه تحت الطاره شيك عليهن

شيك عليها ويقول مافيها شيء الكتاوت وهي الطربه علي مافهمت انه مايصل كهرب للطربه
عبدالاله 123
26/05/2011, 11:44 PM
قاعده يالغالي الموتر لما مايشتغل يكون السبب في حاجتين
( كهرباء أو بنزين )
شيك على الثنتين هذي إذا حصلتها مضبوطه
مثلا الطرمبة شغاله والبنزين واصل والحساسات مضبوطه
يجي دور الكهرباء شيك على الديلكو والبواجي والأسلاك .
إذا حصلت الأمور هذي كلها تمام فالله يعين
المشكه في جنزير المكينة أكيد طمر من محله .( يعني تحرك سنتين وأكثر )
والله يدلك لعطل السياره وترتاحاللهم أمين الكهرباء شيكت عليها ولا وضح شيء والجنزير السياره جديده موديل ألفين وتسعه سفاري تو
واثق الخطوه-
27/05/2011, 02:12 AM
اخوي لحد يلعب في الموتر ومشكلتك حاصله لي وهي البطاريه لما تكون ضعيفه ماتقوم الموتر بالذات السفاري غير البطاريه ودعواتك لي
عبدالاله 123
27/05/2011, 02:36 AM
اخوي لحد يلعب في الموتر ومشكلتك حاصله لي وهي البطاريه لما تكون ضعيفه ماتقوم الموتر بالذات السفاري غير البطاريه ودعواتك لي

اخوي توني مغير البطاريه قبل يومين بس يعني جديده
يارب عفوك23
27/05/2011, 02:57 AM
لا تغير بطريه بس جرب بغيرها

وشوف يمكن تكون لك المشكله

والله يكتب الي لك فيه الخير
سوبر VTC
27/05/2011, 03:34 AM
اهم شي اذا فتحت السويتش
الطرمبة له صوت ززز ؟؟؟؟

نقطة اخرى

بعد فتح السويتش هل تولع لمبة المفتاح باستمرار ؟؟؟
بعد فتح السويتش هل تولع لمبة برتقالية ات شيك ؟

ادخل الرابط التالي و اقرا ردي

و اقرا رد صاحب المشكلة رد رقم 26
بعد اتصاله على العثيم و الخضير في بريدة
طلعت المشكلة من الكمبيوتر مقفل و تم اعادة برمجة المفتاح و اشتغل الموتر

الباترول طفى ومارضي يشتغل - منتديات مكشات (http://www.mekshat.com/vb/showthread.php?t=317427)

لا تنسى تعلمنا عن الحل

فيه ورشة التركي تخصص باترول الصناعية القديمة

موفق
خالد الزومان
27/05/2011, 08:02 PM
خوى ابى اقولك طريقه جرب من خسران شى اول افتح الكبوت وبعدين قفل السياره مع القزاز مضبوط خلا المفتاح معك بعدين افصل البطاريه الموجب الحمر وخل السياره لمدات ربع ساعه حتا يفرغ الكبيوتر الطقه الوجوده فيه بعدين رجع كلش في ماحله وجرب
لا تنسى تعلمنى
اخوك خالد
abo swelh
28/05/2011, 11:31 AM
قد جاني ما جاك وفيه كتاوت ازرق تحت الدركسون يسار غيرته واشتغل الموتر
رحّال 9
28/05/2011, 11:53 AM
الكتااااااااااااوت انفضها من الغبار ولا غيرها احسن لك بكتاوت خضرا جديده من الوكاله .

رحّال 9
سوبر VTC
28/05/2011, 01:02 PM
الكتااااااااااااوت انفضها من الغبار ولا غيرها احسن لك بكتاوت خضرا جديده من الوكاله .

رحّال 9


الكتاوت مكبوس ما يدخل غبار نهائيا
لكن اللي يحصل انه تتكون عليه رواسب كربون اسود تمنع توصيل الكهرب
مثل رواسب الاملاح اللي تتكون على اصابع البطارية
ايضا مثل لما تعطي اشتراك تلاحظ الاصبع حق الاشتراك يضرب شرار عند التوصيل و يطلع كربون اسود
لذلك الباترول يجب انك ما تشغل الموتر حتى تطفى الطرمبة لكي تاخذ الطرمبة كفايته
من الكهرب
لكن اذا شغلت على طول في كل مرة و مع الايام تتكون طبقة الكربون السوداء
و تمنع اشتغال الطرمبة و الموتر
و بدليل فيه ناس ركبوا كتاوت خضراء و بعد فترة لم يشتغل الموتر
و الحل هو وضع سلك صغير بداخل الكتاوت حل مضمون



انا سئلت اليوم كهربائي مختص بالجيوب و الباترول
مشكلة الناس ما يعرفون طريقة تشغيله قلت طيب وشلون
قال
اذا جيت تشغل افتح السويتش و انتظر ثواني ثم دق سلف قلت طيب وش يفرق
قال
كتاوت الطرمبة بداخله بليتين زي بليتين الددسن
اذا دقيت على طول يكربن مع الايام و تتكون عليه طبقة سوداء و بكذا ما يشتغل الموتر






ياخوان


انا سئلت اليوم كهربائي مختص بالجيوب و الباترول
مشكلة الناس ما يعرفون طريقة تشغيله قلت طيب وشلون
قال
اذا جيت تشغل افتح السويتش و انتظر ثواني ثم دق سلف










والكلام هذا موجود في دليل المالك وأنا ماشي على الطريقه هذي من زماااااااااااااااااااااااان



أفتح السويتش من غير ماتشغل الموتر أنتظر ثواني حتى تختفي علامة ( AT CHECK ) ضوء تحذري لفحص ناقل الحركه الأوتوماتيكي ثم شغل السيارة


وبالطريقه هذي تسلم من مشكلة الكتاوت
هايل العتيبي
28/05/2011, 02:10 PM
تأكد من الفيوز يمكن فيه فضاوه
لانه قد صار معي
ابوس11م
29/05/2011, 12:10 PM
تبي الحل وانا اخوك الموتر اذا كان شغال يطفي فجاءه . الوقت انت مشغل مكيف سياره ولا شي عندك احتمال وحيد هي الشغله شغلة كهرباء لحد يلعب في موترك . روح للوكاله الخدمه السريعه خله يركب الكومبيوتر ويعطيك تقرير اذا مافيه شي الموتر او قالولك منظم البانزين . قولهم افتحو فلتر التكييف وبدلوه يكون مسكر من الغبار واذا شغلة المكيف يصير داخل الطبلون رطوبه فيبدا ينقط ماء على كومبيوتر السياره ومكانه تحت السكان فوق دعسة البنزين خلهم يفتحونه يبطلون الغطا راح تلقاه مغبر وفيه اثار ماء خلهم ينظفونه بماده عندهم وينشفونه وسلامتك انا صارت معاي هالشغله وبدلت طرمبه وكل واحد يألف علي ماحلها الا الوكاله واحد شاطر بالكومبيوتر مايبين معاهم لكن هو شك يوم قلت طفا فجاء لنها شغلة كهربا ويدق سلف . شاف فلتر المكيف مغبر قال على طول نازل على الكومبيوتر ماء. والموتر مرات يشتغل يصير ولد طيب ومرات يطفي فجاء . مثل ماعلمتك شيك على كومبيوتر الموتر نظفه وحط فوقه غطا عن الما لااينزل عليه من رطوبة التكييف
عبدالاله 123
30/05/2011, 12:40 AM
ابشركم الموتر اشتغل مع ان خاطري موراضي نوعا ما لان الكهربائي وصل لي سكلك عن طريق كتاوت الطرمبه مع الفيوز وشبكها في علبه تحت الموتر من جه السائق علي مافهمت وشفت لانها شغله قلبت راسي شوي وسوال لخوي سوبر هل يوجد خطوره من هذا الحل او عادي واشكركم علي ايضاح بعض الحلول واعذروني علي التاخير
سوبر VTC
30/05/2011, 01:09 PM
الحمدلله على كل حال

وش طول السلك ؟ كم طوله ؟
التوصيل بنفس الكتاوت فقط ؟ ام موصله مع شي اخر ؟


عندنا الكهربائي العثيم ببريدة يوصل سلك بنفس الكتاوت اتوقع طوله 3سم
و يضمن ان الموتر ما يطفى باذن الله

رابط لمعرفة مكان الكتاوت

xXحصرياXx الحل الطارئ عند تعطل كتاوت الباترول (بالصور) - منتديات ... (http://www.mekshat.com/vb/showthread.php?t=142171)


Xx حصريا xX الجواب الكافي لحل مشكلة الكتاوت للباترول بالــصــور ... (http://www.mekshat.com/vb/showthread.php?t=136877)



http://www.mekshat.com/pix/upload02/images63/mk10276_2.jpg






انا قبل اكثر من يومين كنت عند الكهربائي ابو ابراهيم العثيم و جاء باترول سفاري2 موديل 2005 و طالع
طبعا الخراب من الكتاوت
يوم نزلوه من السطحة عند الورشة قام راعيه يبي يجرب
هو يشتغل ام لا
يوم انه اشتغل الموتر :)
ثم طفاه و دق سلف و عيا يشتغل :mad:
طبعا السبب من بليتين الكتاوت نفسه مثل بليتين الددسن
الرجال سئل ابو ابراهيم
قال انا ابصلحه و باذن الله ضمان ما يخرب ابد
اللي انا فهمت من كلامه
انه يطلع سلك منه او انه يخلي البليتين شابك دايم
عموما مكتوب بالكتالوج اذا فتحت السويتش انتظر حتى تطفى اللمبة اللي بالطبلون يصل الكهرب مية بالمية
اذا شغلت على طول البليتين يعمل كربون اسود او مادة عازلة فيمنع توصيل الكهرب
مثل تقريبا اصابع بطارية السيارة لو تلاحظه تلقى عليه طبقة كربون او تعريق زي الاملاح
تحياتي لك
http://www.mekshat.com/vb/images/misc/progress.gif

اقتباس:
يسولف علي رجال كبير بالسن قبل شهرين و الرجال فسقان و معه باترول سوبر سفاري م2006
المهم يقول حنا كاشتين يقول يوم جينا نمشي من محلنا و اشغل الموتر و عي يشتغل يقول
و الى معنا (جذع شباب :d )
و قام على كتاوت الطرمبة و انا اصلا ما عرف مكانه يقول و يطقطق الكتاوت و يفصل و يشبكه
يوم انه اشتغل الموتر :d
***
انا اقول الموتر ما بعده موتر من حيث النشاط و الراحة و الخفة لكن يعيبه الكتاوت و هذا عيب مصنعي
***
بعض الاخوان يرى انك تفك الكتاوت و تحط عليه سليكون عشان ما يدخل غبار و همن يعلق و لا يشتغل
***
افضل حل لضمان عدم خراب الكتاوت باذن الله ان تفتح السويتش و تنتظر ثواني ثم تشغل عشان يكون الكهرب واصل مية بالمية
***
تحياتي
اقتباس:
انا سئلت اليوم كهربائي مختص بالجيوب و الباترول
مشكلة الناس ما يعرفون طريقة تشغيله قلت طيب وشلون
قال
اذا جيت تشغل افتح السويتش و انتظر ثواني ثم دق سلف قلت طيب وش يفرق
قال
كتاوت الطرمبة بداخله بليتين زي بليتين الددسن
اذا دقيت على طول يكربن مع الايام و تتكون عليه طبقة سوداء و بكذا ما يشتغل الموتر
***
انا اقترح انه يحط عليه شحم عشان ما يكربن
عبدالاله 123
30/05/2011, 06:48 PM
هلا وغلا اخوي سوبر طول السلك حوالي ? سم هو وصله مع الكتاوت ووصله للفيوز يقول عشان لو يحصل التماس يقطع الفيوز. وهو جالس يمدح شغله ويقول لعاد يهمك بإذن الله مايفصل ثاني مره ؤش رأيك انت هل فيه خطوره أو لا
سوبر VTC
31/05/2011, 12:36 AM
حياك



? سم


وش هالاستفهام ؟ ههه

عموما باذن الله ما تشوف الا العافية
ابوسند9
31/05/2011, 12:52 AM
الحمد لله انك وجدت العطل
اخوي سوبر
ارجو انك تزيل الصوره او تصحح لان الصوره اللي انت واضع ليست صورة قيوز الطرنمبه
فيوز الطرمبه يقع مباشره اعلاء الفيوز الذي انت مؤشر عليه
تحيه
ابوسند9
31/05/2011, 12:54 AM
يتبع
والفيوز الذي اقصده الفيوز الكبير
سوبر VTC
31/05/2011, 12:57 AM
يتبع
والفيوز الذي اقصده الفيوز الكبير

تقصد الفيوز الاحمر او البني
اللي فوق الازرق مباشرة ؟؟؟
لاهنت

لو تنزل صورة لباترول فتك من عندك اكون لك من الشاكرين :)
الصورة السابقة حقت الرابط اللي فوق للعضو خيشمان
صاروخ الغطغط
31/05/2011, 02:27 PM
الله يسرلكك امورك ونشاله ان الدعوه بسيطه