جوائز لافضل مراسل عن أخبار طرح الصقور للموسم 1432/2011 (موضوع للنقاش والمشاركه) [الأرشيف]

دعاس

27/05/2011, 01:37 AM

بسم الله الرحمن الرحيم
اولا احب امسي واصبح على الاداره الموقره والمشرفين الاعزاء
واحب ان استاذن ادارتنا الكريمه السماح لي بوضع ثلاث جوائزمكونه من الاتي:-
الجائزه الاولى:-للفائز الاول/ جهاز تتبع للصقور.
الجائزه الثانيه:- للفائز الثاني/ريشه جديده.
الجائزه الثالثه:- للفائز الثالث/صندوق عزبه متكامله.
وطبعا الجوائز حصريا للمتسابقين المفيدين لهذه الخيمه/قسم الصيد بالصقور/لجلب اخبار الصقور المهاجره فقط والمشبوكه بالسعوديه أو اي من دول الخليج بشرط ان تذكر المنطقه ومن قام بشبك الطائر المهاجر وحبذا لوكان بالصور وارقام الهواتف لكي يتم التواصل لاي شخص يريد الشراء ومن يرغب التسجيل يقوم بوضع معرفه واذا امكن رقم الجوال والمنطقه .
والجائزه راح تكون من نصيب الشخص اللي يكون له نقاط كثيره بجلب حقائق الطيور المشبوكه للعام 1432هـ/2011م
وباقي الترتيبات تكون تحت تصرف الاداره’’والاداره لها الحق في الموافقه والرفض وفي حاة الموافقه الرجاء تثبيت الموضوع ثلاث ايام فقط ’’وبعد الموافقه راح يكون تنافس قوي وماهو سهل بين اعضاء انا خابرهم والله يوفق الجميع:good2:.
وتقبل ودي واحترامي.

رفحاوي 999

27/05/2011, 01:51 AM

يعطيك العافية اخوي دعاس

وتستاهل لقب صقار

وبالنسبة للمسابقة بيض الله وجهك يالذيب

لما في المسابقة من دعم وتشجيع للاعضاء للعطاء المتواصل

اشكرك وفقك الله لما يحب ويرضى

اخوك حميد اللاحقي.......... رفحاوي 999

منصور بن محمد

27/05/2011, 01:51 AM

وعليكم السلام ورحمة الله وبركاته

ارحب يابو نواف

كفو تقول وتطول
وبيض الله وجهك على هالجائزه المميزه
وهدفها المميز .

تسلم يمناك ومتابعين الموضوع ان شاء الله

أخـوك
منصور بن محمد

ذراع الذيب

27/05/2011, 01:55 AM

السلام عليكم ورحمة الله وبركاته,,
صبحت بالخير يابونواف,,

سابقه تعتبر الاولى من نوعها وبادره طيبه منك يابونواف وتحسبلك بالمنتدى,,
وعن رأي انا موافق وسوف يتم التثبيت بعد موافقة باقي المشرفين ان شالله تعالى,,
ومراسليني بجزيرة العرب جاهزين وعلى اتم الاستعداد ولله الحمد:),,
والله يجعلها في ميزان حسناتك ويرزق ربي بالنادر,,
تحياتي لك,,

بوغاليه

27/05/2011, 02:06 AM

حركة حلوة وراح تسهل عليك الشي الكبير

على العموم تبرعك بالهدايا وفكرة المسابقه فيها مردود لك على الاقل بتسهل تواصلك مع اصحاب الطير وخصوصا انت شريطي

والذيب مايهرول للعبث

راعي شوق

27/05/2011, 02:10 AM

مشكور اخوي والله فكرة ممتازه والله يبارك فيك اتمنى من المشرفين النظر في الموضوع بجدية

دعاس

27/05/2011, 02:12 AM

يعطيك العافية اخوي دعاس

وتستاهل لقب صقار

وبالنسبة للمسابقة بيض الله وجهك يالذيب

لما في المسابقة من دعم وتشجيع للاعضاء للعطاء المتواصل

اشكرك وفقك الله لما يحب ويرضى

اخوك حميد اللاحقي.......... رفحاوي 999
هلا ومسهلا ابو حميد ’’تستاهل الخير يالغالي
بيض الله وجهك’’والمقصد نحرك اخويانا وندب الحماس
بين المطالعين لاخبار الشبك تخبر كل يوم نتطلع ان الله يلحقنا خير الموسم المقبل ان شاء الله.

وعليكم السلام ورحمة الله وبركاته

ارحب يابو نواف

كفو تقول وتطول
وبيض الله وجهك على هالجائزه المميزه
وهدفها المميز .

تسلم يمناك ومتابعين الموضوع ان شاء الله

أخـوك

منصور بن محمد

هلا ومسهلا يابو محمد’’ما عليك قصور يالغالي
والله يلحقنا وياكم خير المقناص المقبل

السلام عليكم ورحمة الله وبركاته,,

صبحت بالخير يابونواف,,

سابقه تعتبر الاولى من نوعها وبادره طيبه منك يابونواف وتحسبلك بالمنتدى,,
وعن رأي انا موافق وسوف يتم التثبيت بعد موافقة باقي المشرفين ان شالله تعالى,,
ومراسليني بجزيرة العرب جاهزين وعلى اتم الاستعداد ولله الحمد:),,
والله يجعلها في ميزان حسناتك ويرزق ربي بالنادر,,
تحياتي لك,,

ان شاء الله نكون سباقين للخير يابو ناصر
والف الف مليون مبروك(المشرف) عز الله الاداره عرفت ان الرجال المناسب في المكان المناسب
الله يكون لك عون في منصبك الجديد
وفقك الله
والمقصد يالغالي من هالجائزه انها تكون بعون الله دافع قوي لجلب حقائق الصقور المشبوكه ابتداء من(الوكارى -الجبليات وبعدها يجينا باذن الله (منوة كل شباك ) (الحر والشاهين).
ياحول يابو ناصر الجير ما له طاري:p
ويحق لاعضاء الدفاع عن الجيرات
ابداء مرأياتهم عن هذه الفصيله:good2:
واخيرا اسأل الله التوفيق لنا ولكم
ولكل من بحث عن الرزق الحلال
ابو نواف

دعاس

27/05/2011, 02:36 AM

حركة حلوة وراح تسهل عليك الشي الكبير

على العموم تبرعك بالهدايا وفكرة المسابقه فيها مردود لك على الاقل بتسهل تواصلك مع اصحاب الطير وخصوصا انت شريطي

والذيب مايهرول للعبث
الله يقطع شرك يابو غاليه’’هههههه’’والله ضحكت ولحد وانا قاعد اكتب قاعد اضحك’’انت صادق انا شريطي’’بس
والله العظيم ثلاث انه ماطرى علي هالسالفه’’تدري ليش؟
لاني باقصى بقاع المملكه (واقرب شي لي الاردن وسوريا
وصحيح ممكن اشري من الحفر لين مكان اقامتي بس صعب اني اشتري من الساحل او (اي من دول الخليج)
ولو اني احتكرت اني اضع الجوائز لمصلحتي ما قلت(لدول الخليج والسعوديه كامله) كن اكتفيت بان اقول بالشمال
بس انا اتقبل نقدك بصدر رحب:good2:وازيدك من الشعر بيت:
انا اشتري بالحماد ولي شركاء بالساحل وباردن وبسوريا
وفقني الله واياكم لما هو خير وصلاح.
وأستحلفكم بالله يا اخوان اي نقد (صريح وهداف) لاحد يبخل علي في طرحه خلال الموضوع او بالخاص او عن طريق الجوال بعد اذن الاداره{0503380971}
ولكم ودي واحترامي

مشكور اخوي والله فكرة ممتازه والله يبارك فيك اتمنى من المشرفين النظر في الموضوع بجدية

لاهنت يارعي شوق
والله يبارك بالجميع

عشقي اكتوبر

27/05/2011, 02:36 AM

الله يعطيك العافيه اخوي دعاس
ولكن هل خاصه بطيور المهاجره فقط

تحياتي

ذراع الذيب

27/05/2011, 03:18 AM

:)

ان شاء الله نكون سباقين للخير يابو ناصر
والف الف مليون مبروك(المشرف) عز الله الاداره عرفت ان الرجال المناسب في المكان المناسب
الله يكون لك عون في منصبك الجديد
وفقك الله
والمقصد يالغالي من هالجائزه انها تكون بعون الله دافع قوي لجلب حقائق الصقور المشبوكه ابتداء من(الوكارى -الجبليات وبعدها يجينا باذن الله (منوة كل شباك ) (الحر والشاهين).
ياحول يابو ناصر الجير ما له طاري:p
ويحق لاعضاء الدفاع عن الجيرات
ابداء مرأياتهم عن هذه الفصيله:good2:
واخيرا اسأل الله التوفيق لنا ولكم
ولكل من بحث عن الرزق الحلال
ابو نواف
[/CENTER]

هلابك ياونواف,,

ومرحبابك يالغالي يالله حيه..... والله يجزاك خير ويبارك فيك يالنشمي ويرضى عليك ربي,,
والاشراف صعب يالغالي لاكن تواجدكم معنا ومؤازرتكم لنا تبي تسهل المهمه ,,
واللي مثلك وشرواك مانستغني عنه بعد الله وبخصوص اخبار طرح الجيره..
ان كان تبيني احط مراسلين على جميع الغارات احط مراسلين:),,
ولاتشيل هم..

ذعذاع نجد

27/05/2011, 05:57 AM

مرحبابك اخوي دعاس

لاهنت يا الغالي وفكرة ناجحة
ولله لايهينك

عابر الموج

27/05/2011, 10:17 AM

الله يعطيك العافية يابو نواف كفو ومن عندي مساندة الرابع والخامس ريشة تتبع جديدة تشجيع اي الجوائز تكون خمس جوائز اذا سمحت الادارة وتسليم الجوائز عن طريقك

صقار أبوظبي

27/05/2011, 10:35 AM

مرحبابك اخوي دعاس

لاهنت يا الغالي على فكرة ناجحة
ولله لايهينك

القرناس المهاجر

27/05/2011, 12:02 PM

سجل عندك نقطه .. توي منزل خبر الوكري هههههه
والا المشرفين خارج المسابقه :p;)

حي الله ابو نواف ومبروك اللقب
والفكره جميلة ومردودها طيب على الجميع
والطير اللي بيجي خبره من جازان اعتقد بيفوز به شريطية المنطقة
لذلك لايوجد احتكار يعنيك من هذه الجوائز
وفقك الله .. وبانتظار بقية التصويت :good2:

ابن الاصيل

27/05/2011, 12:05 PM

بارك الله فيك

راشد حسين

27/05/2011, 12:27 PM

الله لا يهينك

اخوي / دعاس

وبارك الله فيك وبيض الله وجهك

سطام ابو سعود

27/05/2011, 01:32 PM

دائمن سباق يابونواف با الطيب وتستاهل كل خير

جفنان ينبع

27/05/2011, 02:07 PM

مرحبابك اخوي دعاس

لاهنت يا الغالي وفكرة ناجحة
ولله لايهينك

ربع خالي

27/05/2011, 02:12 PM

مرحبا يابونواف : طيِب ولاتجيب الا العلوم الطيبه والغانمه
مؤيد لهذه الفكره التحفيزيه وبماتحتويه من جوائز
فقط نبي متابعه لفرد عدد مواضيع طرح الصقور ومن قام بإعلان الخبر

والرأي الاول والاخير لأصصحاب الشأن
(الاداره)

ذراع الذيب

27/05/2011, 02:25 PM

الله يعطيك العافية يابو نواف كفو ومن عندي مساندة الرابع والخامس ريشة تتبع جديدة تشجيع اي الجوائز تكون خمس جوائز اذا سمحت الادارة وتسليم الجوائز عن طريقك

هلااااا والله وغلاااااا,,

ومرحبابك ياعابر يالله حيه.... كفو والله كفو يالعنزي والله انك نشمي ويعوضك ربي,,
بالنادر اللي يعرض قدامك وان شالله ان الاداره تبي تهتم بهالسابقه النادره من نوعها ولاهنت يالغالي,,
تحياتي لك,,

أبو رداد

27/05/2011, 02:33 PM

بسم الله الرحمن الرحيم

اولا احب امسي واصبح على الاداره الموقره والمشرفين الاعزاء
واحب ان استاذن ادارتنا الكريمه السماح لي بوضع ثلاث جوائزمكونه من الاتي:-
الجائزه الاولى:-للفائز الاول/ جهاز تتبع للصقور.
الجائزه الثانيه:- للفائز الثاني/ريشه جديده.
الجائزه الثالثه:- للفائز الثالث/صندوق عزبه متكامله.
وطبعا الجوائز حصريا للمتسابقين المفيدين لهذه الخيمه/قسم الصيد بالصقور/لجلب اخبار الصقور المهاجره فقط والمشبوكه بالسعوديه أو اي من دول الخليج بشرط ان تذكر المنطقه ومن قام بشبك الطائر المهاجر وحبذا لوكان بالصور وارقام الهواتف لكي يتم التواصل لاي شخص يريد الشراء ومن يرغب التسجيل يقوم بوضع معرفه واذا امكن رقم الجوال والمنطقه .
والجائزه راح تكون من نصيب الشخص اللي يكون له نقاط كثيره بجلب حقائق الطيور المشبوكه للعام 1432هـ/2011م
وباقي الترتيبات تكون تحت تصرف الاداره’’والاداره لها الحق في الموافقه والرفض وفي حاة الموافقه الرجاء تثبيت الموضوع ثلاث ايام فقط ’’وبعد الموافقه راح يكون تنافس قوي وماهو سهل بين اعضاء انا خابرهم والله يوفق الجميع:good2:.

وتقبل ودي واحترامي.

كفو يابو نواف وبيض الله وجهك
حنا معك نشارك ماديا ومعنويا(نعين ونعاون)
وأن شاء الله نطلب من الاداره تسخير جوال مكشات لمواضيع الطرح الموثقه هذا العام
ولدينا أفكار طيبه في هذا المجال أن شاء الله تطرح في وقتها ...
جميعها أن شاء الله تصب في مصلحة أخوانا الطواريح
,,,
المهم في هذا الموضوع هو وضع ضوابط ....
1 / ضوابط على رعاة المسابقه
2 / ضوابط على لجنة التحكيم
3 / ضوابط على المتسابقين
وهذا ماسوف يتبلور من خلال هذا الموضوع أن شاء الله

الله يعطيك العافية يابو نواف كفو ومن عندي مساندة الرابع والخامس ريشة تتبع جديدة تشجيع اي الجوائز تكون خمس جوائز اذا سمحت الادارة وتسليم الجوائز عن طريقك

كفو

وبيض الله وجهك يالاجودي

سجل عندك نقطه .. توي منزل خبر الوكري هههههه

والا المشرفين خارج المسابقه :p;)
هههههههههههه مايصير يابوعبدالله
المشرفين حكام ...

ذراع الذيب

27/05/2011, 03:15 PM

السلام عليكم ورحمة الله وبركاته,,
مسيت بالخير يابورداد,,

الله ينور على دربك يارب ومسأله الجوال والله فكره حلوه وراح تصبح عالميه...
وان شالله يعجلون فيها ادارة مكشات الموقره وابيك تسمحلي اني اشارك مع الاخوان في اخبار الطرح,,
لان المسأله اصبحت عندي من العام مسأله تحدي ولاترحون بعيد تحدي وشرف على مزارق الطيب:) وان شالله ابونواف يبي يدعمني,,
من الشمال لانه صاحب الموضوع ههههه (دعابه)والله يعيني اخذ لي جوال الايفون هههه علشان العمل,,
مايحكمني وبيض الله وجهك ياعابر الموج وتحياتي لكم,,

رعد المطر

27/05/2011, 05:01 PM

يعطك الله الف عافيه ياخي الكريم

عبدالرحمن بن ذياب

27/05/2011, 09:44 PM

الله يعطيك العافه ي الذيب ع الفكرة المميزة
و يا بو رداد ننتظر آليه كيفيه المشاركه و الحصول على نقاط
و الشروط و المخالفات و التفاصيل كلها لا هنت ويا الإدارة
مع اقتراح لي انه يكون فيه موضوع مثبت
تكون فيه نتائج كل عضو مشارك

دعاس

28/05/2011, 02:37 AM

الله يعطيك العافية يابو نواف كفو ومن عندي مساندة الرابع والخامس ريشة تتبع جديدة تشجيع اي الجوائز تكون خمس جوائز اذا سمحت الادارة وتسليم الجوائز عن طريقك

هلا ومسهلا بالغالي (ابو نبيل) والله اكبر شرف مساندتك لي يالغالي’’وكلنا واحد انا وانت واي فرد من افراد مكشات
والله من وراء القصد’’لاهنت يالذيب’’نرتب مع الاداره ان شاء الله,

سجل عندك نقطه .. توي منزل خبر الوكري هههههه

والا المشرفين خارج المسابقه :p;)

حي الله ابو نواف ومبروك اللقب
والفكره جميلة ومردودها طيب على الجميع
والطير اللي بيجي خبره من جازان اعتقد بيفوز به شريطية المنطقة
لذلك لايوجد احتكار يعنيك من هذه الجوائز

وفقك الله .. وبانتظار بقية التصويت :good2:

حياك الله والكل يشارك بهذه المسابقه مافيها اي مشكله
من الاداره لين العضو الجديد’’وانت اول المسابقين
وجتني اتصالات تقول لازم تشارك يابو نواف لانك تجيب لنا علوم الشمال كله ونخافك تغشش احد عندكم:D
قلت قلت لازم الاداره تسمح لي والا اكون على جنب.

مرحبا يابونواف : طيِب ولاتجيب الا العلوم الطيبه والغانمه

مؤيد لهذه الفكره التحفيزيه وبماتحتويه من جوائز

فقط نبي متابعه لفرد عدد مواضيع طرح الصقور ومن قام بإعلان الخبر

والرأي الاول والاخير لأصصحاب الشأن

(الاداره)

يالله حي ابو سيف
بشر وش علوم مقيضك الجديد
ومن ناحية المسابقه:
لابد يكون لها متقدمين
والاداره ابخص بوضع الضوابط
==============
الاخ/ ابو رداد بيض الله وجهك
وهذي الهقوه فيك يالغالي
وانت عوض النفس
انت فصل
وحنا نلبس

أبو أمين

28/05/2011, 09:21 AM

عزالله الي ما خذيت الجائزه

راعي تفاريخ وتهاجين وش لي وش للوحوش !!!

كله منك يا سلطان ذلحين انا وياك نقعد نقشر بصل ههههههههه

كفو يا دعاس وشئ جميل دعم الهوايه

تحياتي

دعاس

28/05/2011, 01:41 PM

عزالله الي ما خذيت الجائزه

راعي تفاريخ وتهاجين وش لي وش للوحوش !!!

كله منك يا سلطان ذلحين انا وياك نقعد نقشر بصل ههههههههه

كفو يا دعاس وشئ جميل دعم الهوايه

تحياتي
هلا ومسهلا ابو امين
وحياك الله يالغالي
وكلنا لك ولابو فيحان
البارح انا عنده وكان ودي
بشوفتك’’بس تاخر الوقت
وسهرت عنده وبكره ماشي
للشمال ولنا لقاء معاك
وبعذرك انت وسلطان يوم تقنون
الجيرات’’ علوم وسوالف
الله يطرح بطيورك وبطيور سلطان
البركه’’حاولته البارح( بامداد )وحطيت
له المناشبيه ’’بس هالقرينيس يزيح عنها هههه
يقول خذ الجيره الفرخه’’انت وش رايك؟

أبو أمين

28/05/2011, 04:19 PM

هلا ومسهلا ابو امين
وحياك الله يالغالي
وكلنا لك ولابو فيحان
البارح انا عنده وكان ودي
بشوفتك’’بس تاخر الوقت
وسهرت عنده وبكره ماشي
للشمال ولنا لقاء معاك
وبعذرك انت وسلطان يوم تقنون
الجيرات’’ علوم وسوالف
الله يطرح بطيورك وبطيور سلطان
البركه’’حاولته البارح( بامداد )وحطيت
له المناشبيه ’’بس هالقرينيس يزيح عنها هههه
يقول خذ الجيره الفرخه’’انت وش رايك؟

يا مرحبتين وسهلين

الله يسلمك ويرضا عليك وحنا بعد ودنا نقابل الطيبين شرواك وشروا من يقرا

لكن خيرها بغيرها

والجير من دخل فيه وعرفه زين نسى غيره

و بالنسبه للامداد والفرخه تصلحون انت و سلطان انا مالي دخل ههههههه

لان يا دعاس وانا اخوك علي ضغوط يعني كلامي ماهو بكيفي هههههه .

ولد الجنوب

30/05/2011, 11:49 AM

عدد الطيور المطروح حتى هذا اليوم بعزبة ابو عبدالله القحطاني بالقرب من ابها 10 طيور
عدد( 5 ) فروخ شواهين جبليات و عدد ( 5 ) قرانيس جبليه . حتى هذا اليوم .
وسيتم الحصول على صور للطيور وعرضها

دعاس

30/05/2011, 08:25 PM

الله يعطيكم العافيه يا اخوان
على من يرغب التسجيل بالمسابقه
افادتنا بنفس الموضوع

أبوفرحان

31/05/2011, 02:07 AM

بيض الله وجهك اخوي ابونواف على البادرة الطيب منك

والله يعطيكم العافية

ذراع الذيب

31/05/2011, 08:44 PM

السلام عليكم ورحمة الله وبركاته,,
مسيت بالخير يابونواف,,

وش رايكم ياخواني الاعضاء..
ان تحسب النقاط كالاتي:

1..خبر طير مطروح ومدعوم بالصور تحسب(نقطتين)
2..خبر طير مطروح وغير مدعوم بالصور(نقطه)
3..صور طير مطروح ذكر خبره ولم تنشر صوره(نقطه)

والعضو الذي سبق ان طرح موضوع عن طرح طير غير مدعوم بالصور..
لديه وقت لجلب الصور ويكتب الحاقا لموضوعه الاول لكي تحسب له(نقطتان)
شرط ان لم يسبقه احد بذلك..

ارجو التفاعل من الاعضاء

عشقي اكتوبر

01/06/2011, 12:03 AM

السلام عليكم ورحمة الله وبركاته,,

مسيت بالخير يابونواف,,

وش رايكم ياخواني الاعضاء..
ان تحسب النقاط كالاتي:

1..خبر طير مطروح ومدعوم بالصور تحسب(نقطتين)
2..خبر طير مطروح وغير مدعوم بالصور(نقطه)
3..صور طير مطروح ذكر خبره ولم تنشر صوره(نقطه)

والعضو الذي سبق ان طرح موضوع عن طرح طير غير مدعوم بالصور..
لديه وقت لجلب الصور ويكتب الحاقا لموضوعه الاول لكي تحسب له(نقطتان)
شرط ان لم يسبقه احد بذلك..

ارجو التفاعل من الاعضاء

حياك الله ياالغالي
شورك وهداية الله

والله يكتب اللي فيه الخير

دعاس

01/06/2011, 12:25 AM

مساء الخير ابو ناصر
فكرتك طيبه’’ودقيقه

عبدالرحمن بن ذياب

01/06/2011, 04:53 AM

وش رايكم ياخواني الاعضاء..
ان تحسب النقاط كالاتي:

1..خبر طير مطروح ومدعوم بالصور تحسب(نقطتين)
2..خبر طير مطروح وغير مدعوم بالصور(نقطه)
3..صور طير مطروح ذكر خبره ولم تنشر صوره(نقطه)

والعضو الذي سبق ان طرح موضوع عن طرح طير غير مدعوم بالصور..
لديه وقت لجلب الصور ويكتب الحاقا لموضوعه الاول لكي تحسب له(نقطتان)
شرط ان لم يسبقه احد بذلك..

ارجو التفاعل من الاعضاء

ما عاد بعدك كلامك كلام يا بو ناصر
نتوكل على الله
لكن أنا عندي سؤال :
لازم أقول اني مشترك بالمسابقه عشان ندخل المنافسه ع الجوائز
وهذ الكلام قلته بناءاً على كلام أخوي دعاس وانا معاكم
لكن لو جانا واحد من الاعضاء متأخر شوي و قال ابشترك
يمكن تكون ظروفن عنده مغيبته
انا رايي تكون المسابقه مفتوحه من دون وقت محدد

حامد الحنيني

01/06/2011, 11:24 AM

ياهلا اخوي دعاس
وفكره تحسبلك الله يبيض وجهك ولاكن ابشرك خسران خسران اللي هو انا
هههههههههههههه
مالي بالطواريح علاقه الى اثنين فقط
لو انها حبارى كان اخذت الاول ههههه
قبل لاتطب الارض الا علمها قد جاني هههههههههه
تقبل تحياتي ,,.

بو غازي

01/06/2011, 12:01 PM

ياسلام عليك يابو نواف
عزالله دعم طيب ومبروك جعل ربي يبارك فيك وفي مجهودك
وابو نبيل بعد جعله يسلم على الدعم
جزاكم الله خير يااخواني:)

ذراع الذيب

01/06/2011, 06:30 PM

السلام عليكم ورحمة الله وبركاته,,
مسيتم بالخير جميعا,,

وبدينا في تغصي الاخبار سجل عندك يابونواف طرح فرخ شياهين شبط يوم الجمعه,,
وفرخ شياهين وافي بحجمه يوم الاحد كلها عند الاخ حسين الثعلبي,,
الله يكرمه ويرزقه,,
(طرحت في احد مناطق الجنوب)

القرناس المهاجر

01/06/2011, 06:49 PM

السلام عليكم ورحمة الله وبركاته,,
مسيتم بالخير جميعا,,

وبدينا في تغصي الاخبار سجل عندك يابونواف طرح فرخ شياهين شبط يوم الجمعه,,
وفرخ شياهين وافي بحجمه يوم الاحد كلها عند الاخ حسين الثعلبي,,
الله يكرمه ويرزقه,,
(طرحت في احد مناطق الجنوب)

؟؟؟؟

ههههههه هذا اللي يدوخني :looney::looney:

طيب ابو رداد يقول حنا محكمين :eek:
عشان كذا انا توقفت .. والا عندي علوم واجد :j
علمونا حنا معكم والا .. لا

سلمت يابو ناصر على الاخبار الطيبه

ذراع الذيب

01/06/2011, 07:21 PM

اعذروني انا برى التحكيم تكفوووووووووون
وش رايكم ياخواني الاعضاء..
ان تحسب النقاط كالاتي:

1..خبر طير مطروح ومدعوم بالصور تحسب(نقطتين)
2..خبر طير مطروح وغير مدعوم بالصور(نقطه)
3..صور طير مطروح ذكر خبره ولم تنشر صوره(نقطه)

والعضو الذي سبق ان طرح موضوع عن طرح طير غير مدعوم بالصور..
لديه وقت لجلب الصور ويكتب الحاقا لموضوعه الاول لكي تحسب له(نقطتان)
شرط ان لم يسبقه احد بذلك..

أبو رداد

01/06/2011, 08:26 PM

السلام عليكم جميعا

ليش مسسسسسسسسسسسسسسسسسسسسسسسستعجلين ؟؟؟
أول شي ترى أنا بعيد عليكم فالمكان وقلبي عندكم ....
أقربوا وكلوا من هالفواكه الزينه مليتها لان هي غداي وهي عشاي لين الله ييسرها
http://www.mekshat.com/pix/upload05/images216/mk8675_1r.jpg
أدخل من الجوال ومتابع معكم وهذا الموضوع يبغى أفراد لكل رد ومخمخه شوي...
لكن ان شاء الله من الان فصاعدا تحصلوني دوم لان حصلت فندق فيه نت
.
.
.
.
قبل نبلش بالموضوع خلني اسد نفسكم واعطيكم عينه من الوجبات المتوفره حولي
لاني في منطقه مافيها عرب أو مسلمين ومافي غير البيض ونيس

1 /كراعين دجاج (فرش) وفوقها مسومر
http://www.mekshat.com/pix/upload05/images216/mk8675_2r.jpg
,,,,
ضفدع (فرش) تراه عود ههههه وزنه 1كغم
http://www.mekshat.com/pix/upload05/images216/mk8675_3r.jpg
,,,
الضفدع متوسط بين الافاعي والدود
http://www.mekshat.com/pix/upload05/images216/mk8675_4r.jpg
,,,
هذا ماعرف شنهو من عله
http://www.mekshat.com/pix/upload05/images216/mk8675_5r.jpg

أذا تريدون المزيد خبروني ههههههه ترى فيه مشاوي ومقالي تسد النفس من جد
.
.
الحمد لله على نعمة الاسلام

القرناس المهاجر

01/06/2011, 08:53 PM

هذا ماعرف شنهو من عله
http://www.mekshat.com/pix/upload05/images216/mk8675_5r.jpg

أذا تريدون المزيد خبروني ههههههه ترى فيه مشاوي ومقالي تسد النفس من جد
.
.
الحمد لله على نعمة الاسلام

وعليكم السلام
حي الله الغالي ابو رداد

إن ماخاب ظني .. انت بالصين وهذي علومهم ههههه
لكن الله يعينك وييسر امرك ..

اعتقد اللي بالصوره حبّار كبير ..

.........................

اذا استقريت وضبطت امورك ... اعطنا فكرتك في المسابقة
ونحن بالإنتظااااار
ترجع بالسلامه :)

أبو رداد

01/06/2011, 09:24 PM

السلام عليكم من جديد

أبو عبدالله وأبو ناصر وأبونواف .... أنتم في خيار
أما تكونوا متسابقين وأما في لجنة التحكيم
لايجوز الجمع بينهما
,,,
المسابقه تكون حصراً على فئتي (الحر والشاهين)
لانها هي الصقور المهاجره
وهي الي الناس تحتريها وتترزق الله عليها
وهي الي يدور عليها الصقاقير

(يعني الوكارى والجبليات لاتدخل في المسابقه)
,,,

وش رايكم ياخواني الاعضاء..
ان تحسب النقاط كالاتي:

1..خبر طير مطروح ومدعوم بالصور تحسب(نقطتين)
2..خبر طير مطروح وغير مدعوم بالصور(نقطه)
3..صور طير مطروح ذكر خبره ولم تنشر صوره(نقطه)

والعضو الذي سبق ان طرح موضوع عن طرح طير غير مدعوم بالصور..
لديه وقت لجلب الصور ويكتب الحاقا لموضوعه الاول لكي تحسب له(نقطتان)
شرط ان لم يسبقه احد بذلك..

شروط طيبه يابو ناصر لكنها تحتاج أضافات
مثلا ً
1 / السبق في طرح الخبر
2 / تكامل المعلومات مثل اسم الطاروح وأسم المشتري وقيمة الطير
3 / خبر الطرح قبل البيع أو بعد البيع
ولابد ان تكون هناك ملاحظات فاتتنا ......
,,,,

لكن أنا عندي سؤال :
لازم أقول اني مشترك بالمسابقه عشان ندخل المنافسه ع الجوائز
وهذ الكلام قلته بناءاً على كلام أخوي دعاس وانا معاكم
لكن لو جانا واحد من الاعضاء متأخر شوي و قال ابشترك
يمكن تكون ظروفن عنده مغيبته

ملاحظه طيبه يصقار الجنوب
هل تكون المسابقه بين متسابقين معلومين مسبقا ؟؟
أم أن المشاركه مفتوحه للجميع ؟؟
أذا رئيتم الطريقه الاولى سوف نخاطب الاداره لاعتماد طريقة( مراسلين)
على غرار خيمة الاحوال الجويه
,,,
أرجو أن يشارك الجميع في بلورت شروط هذه المسابقه
وطرح مالديهم حول كل شرط لتكون مسابقه مثاليه

عابر الموج

02/06/2011, 12:11 AM

اراوالراي للجميع وضع رقم جوال معروف يتم التعميم عنه من خلال خيمة الصقور ويقوم الشخص الذي لديه معلومة بارسال رسالة يوضح نوع الطير المشبوك واسم الطاروح ومكان الطرح وتسجل الرسالة بالساعة والتاريخ باسم المرسل وبعد ذلك يتم الفرز واعطاء كل ذي حقا حقة

عبدالرحمن بن ذياب

02/06/2011, 12:15 AM

فيه عندي نقطه ثانيه و أعذروني إذا كثر هرجي
فكره اللي يطرح طير و يعرضه للبيع و يكون عن طريق
خيمه الصيد بالصقور
بيع و شراء الصقور و مستلزماتها
تكون له نقاط زياده عن غيره
ولا وش رايكم :D
بو رداد :
الله يردك ل ديرتك سالم غانم في أتم صحه و حال
.
.

راشد حسين

02/06/2011, 12:49 AM

الله يعطيك العافيه اخوي

دعاس

على المعلومات وان شاء الله الشباب

يمشون على المعلومات

عبدالرحمن بن ذياب

02/06/2011, 01:09 AM

و جات ببالي فكره ثانيه :
العضو اللي يطرح طير و بيشارك به في المسابقه :
1- ينزل موضوع خاص بالطير المطروح < شئ أكيد :D
2- يحط رابط الموضوع الاساسي اللي نزله هنا في هذا الموضوع
و يا خوي دعاس خلي التسجيل مفتوح يمكن يجي عضو و ما يلحق ع المسابقه

برق شمالي

02/06/2011, 03:34 AM

انا عندي ملاحظه على هذا القسم

ودي ان كل موضوع يخص الطرح او غيره يكتب معه التاريخ الهجري في العنوان وهذا احسن واريح

سلطان 1

02/06/2011, 03:46 AM

والله شغل عدل ومرتب
يابونواااااف الله يوفقكم 0

فارس 74

02/06/2011, 04:08 AM

الله يعطيك العافيه اخوي دعاس

وعسا ربي يرزق الطواريح بالطيور الطيبه

ذراع الذيب

03/06/2011, 01:12 AM

السلام عليكم جميعا

ليش مسسسسسسسسسسسسسسسسسسسسسسسستعجلين ؟؟؟
أول شي ترى أنا بعيد عليكم فالمكان وقلبي عندكم ....
أقربوا وكلوا من هالفواكه الزينه مليتها لان هي غداي وهي عشاي لين الله ييسرها
http://www.mekshat.com/pix/upload05/images216/mk8675_1r.jpg
أدخل من الجوال ومتابع معكم وهذا الموضوع يبغى أفراد لكل رد ومخمخه شوي...
لكن ان شاء الله من الان فصاعدا تحصلوني دوم لان حصلت فندق فيه نت
.
.
.
.
قبل نبلش بالموضوع خلني اسد نفسكم واعطيكم عينه من الوجبات المتوفره حولي
لاني في منطقه مافيها عرب أو مسلمين ومافي غير البيض ونيس

1 /كراعين دجاج (فرش) وفوقها مسومر
http://www.mekshat.com/pix/upload05/images216/mk8675_2r.jpg
,,,,
ضفدع (فرش) تراه عود ههههه وزنه 1كغم
http://www.mekshat.com/pix/upload05/images216/mk8675_3r.jpg
,,,
الضفدع متوسط بين الافاعي والدود
http://www.mekshat.com/pix/upload05/images216/mk8675_4r.jpg
,,,
هذا ماعرف شنهو من عله
http://www.mekshat.com/pix/upload05/images216/mk8675_5r.jpg

أذا تريدون المزيد خبروني ههههههه ترى فيه مشاوي ومقالي تسد النفس من جد
.
.

الحمد لله على نعمة الاسلام

اعععععععععععععععععععععع,,
انا الحين متعشي بغيت استفرغ وانتم بكرامه ,,
والصين صدق انهم ياجوج وماجوج استغفر الله ومابقي غير الاوادم ياكلونهم,,
لا بس يابورداد يكفي انا بعرف هم مايمرضون عالم عجيب,,

والوكار والجبليات برى:(,,
والله افضل تكون محصوره بالمهاجره فقط علشان تضيق المسابقه على منافسيني ههههه,,

ونتأنا افضل عليها معانا وقت طويل ..

عندي سؤال يابورداد انا هالسنه اذا كنت قانص وماعندي وسيلة اتصال بالنت,,
وارسلت خبر طرح طير لعضو بمكشات ويكتب عن طرح الطير ويذكر فيها,,
انها عن طريقي هل تحسب لي بالنقاط وتحياتي لكم,,

الـسـاطـع

07/06/2011, 02:29 AM

السلام عليكم ورحمة الله وبركاته
مساء الخير جميعاً وما اقول غير الله يسعدك ويوفقك يابو نواف على البادره الطيبه والمنافسه الشريفه
بصراحه فكره مميزه وتخدم الجميع وجزاك الله الف خير
تحياتي وخالص دعواتي وبأذن الله تجيكم العلوم الطيبه

صاحب نوماس

07/06/2011, 09:01 AM

فكرة جداً رائعة بابو نواف وتحسب لك

ابوفارس 5350

12/06/2011, 06:40 PM

السلام عليكم ورحمة الله وبركاته
كفو وبيض الله وجهك ياابونواف وكثرالله من امثالك
الف شكر لك
والله يوفق الجميع

الجفران

17/06/2011, 05:09 PM

كفو والله يابو نواف تقول وتطول
من اردى افعالك

قيصوم الشمال

20/06/2011, 02:07 PM

السلام عليكم ورحمة الله وبركاته

الله يعطيك العافية ابو نواف فكرة رائعة
واذا سمحتلي والاخوان اقول رائيي

اولا: يقتصر الموضوع على الطيور المهاجرة
ثانيا: لا تستثني الادارة من الدخول في المسابقة
ثالثا: اغلب الاخبار تكون في اكتوبر وفي هذا التاريخ معظم اهل الطيور قوانيص الحبارى والطير بعيدين عن النت لذا نامل اضافة الجوال للاطلاع على الاخبار بوقتها سواء تلقي الاخبار او ارسالها .
رابعا: يكون التقييم لمن ارسل الخبر ولمن نشره اذا لم يكن الشخص هو مصدر الخبر.
خامسا: الله يزيدك من فضله انت والعنزي الذي تبرع بالجائزة الرابعة والخامسة بيض الله وجيهكم وهدفكم معروف هو الطيب ونقل بشائر الخير لاخوانكم. لكن لو كانت الجوائز كجمعية من الاعضاء اللي يبي يشارك تكون زينه ومثل مايقولون الحمل على الجماعه ريش.

والله يوفقنا جميع للخير .

دعاس

20/06/2011, 08:01 PM

السلام عليكم ورحمة الله وبركاته

الله يعطيك العافية ابو نواف فكرة رائعة
واذا سمحتلي والاخوان اقول رائيي

اولا: يقتصر الموضوع على الطيور المهاجرة
ثانيا: لا تستثني الادارة من الدخول في المسابقة
ثالثا: اغلب الاخبار تكون في اكتوبر وفي هذا التاريخ معظم اهل الطيور قوانيص الحبارى والطير بعيدين عن النت لذا نامل اضافة الجوال للاطلاع على الاخبار بوقتها سواء تلقي الاخبار او ارسالها .
رابعا: يكون التقييم لمن ارسل الخبر ولمن نشره اذا لم يكن الشخص هو مصدر الخبر.
خامسا: الله يزيدك من فضله انت والعنزي الذي تبرع بالجائزة الرابعة والخامسة بيض الله وجيهكم وهدفكم معروف هو الطيب ونقل بشائر الخير لاخوانكم. لكن لو كانت الجوائز كجمعية من الاعضاء اللي يبي يشارك تكون زينه ومثل مايقولون الحمل على الجماعه ريش.

والله يوفقنا جميع للخير .

هلا ومسهلا يالغالي وبيض الله وجهك
وان شاء الله الاداره ما راح تقصر
واكيد لها ترتيبات بهذا الخصوص
الف شكر لك وللاخوان اللي ردوا على الموضوع
وبيض الله وجيهكم جميعا.
والله يرزقنا وياكم وجميع كل مسلم

ساحل ينبع

22/06/2011, 02:46 PM

بارك الله فيك ولله انها فكره جميله لما فيها من الجد والحماس بين الاعضاء وفق ربي ياغالي

البروالطير

22/06/2011, 06:14 PM

السلام عليكم
مشكور علي الموضوع بالرغم اني زعلان اشوي او بالاحري متضايق اشوي من حصر المنافسة علي السعودية والخليج ما تركتم مجال للمحاولة للمشتركين من جميع الدول العربية علي الاقل
ممكن لو اني من الخليج او السعودية ما تضايقت
لأن الجائزة مغرية بصراحة وتخلي الواحد يبذل مجهود اضافي
ونشاء الله يكون فايد للجميع تحياتي

مذخور

29/06/2011, 11:16 AM

مساك الله بالخير اخوي ابونواف
شعورطيب تجاهك اخوانك المكشاتية.. وبادرة جيدة تستحق الثناء عليها
وهي بمثابة حافز تشجيعي للاخوة الكرام.. لاشك انة تعطي انطباع عن حبك لأخوانك بالمنتدى
بس انا ماتكفين كل الجوائز لأني ابحول الهواية الى طاروح ..وشكلي ابرثع بالقش
ويبي يروحون الطواريح دهنت محالة ,,,,,,,, راح وطي ذراع الذيب وخر عن دربي ..
كما لايفوتني بهذة المناسبة ان اشكر اخي عابر الموج على دعمة ,,
اتمنى التوفيق للجميع ,,وبارك الله فيك
تقبل تحياتي ,,,,
اخوك ((مذخور ))

فهد الدقباسي

30/06/2011, 10:20 AM

بارك الله فيك بادره طيبه

ونبي نسجل شلون احط رقمي هنيه وله بالخاص

ومشكور

MAN8A

02/07/2011, 02:17 PM

فكره حلوه يعطيك العافيه

طير جويان

04/07/2011, 01:23 PM

السلام عليكم /كفوماقصرت هذى الجوائز تحفز على العلوم الطيبه لاكن تري كثرت الفروخ الي مالذناباها سبله والمعنى بطن الصقار انتبهولاوالكف من الداخل (حمر)ماهوحرش تقل برثن ضب

ابوماجد6641

19/07/2011, 04:16 PM

علمك دايم غانم يابونواف ماهي غريبه من مثلك وشرواك الله يوفقك ويكتب اجرك

مرمر وماني

31/07/2011, 01:40 AM

مجهود تشكر عليه يا دعاس
بس المشكلة ماعرفنا كيف الطريقة ومن المسؤول وهل فيه لجنة والا لا ؟
لازم توضح هالنقاط علشان يكون كل شي واضح للأخوة المكشاتيين الكرام
اثابك الله يا دعاس وجوائز قيمة وانت من اهلها

دعاس

31/07/2011, 09:07 PM

مجهود تشكر عليه يا دعاس
بس المشكلة ماعرفنا كيف الطريقة ومن المسؤول وهل فيه لجنة والا لا ؟
لازم توضح هالنقاط علشان يكون كل شي واضح للأخوة المكشاتيين الكرام
اثابك الله يا دعاس وجوائز قيمة وانت من اهلها
هلا ابو فيصل حياك الله وسبق شرحت لك الموضوع شفهيا’’بس الظاهر الحر بحزم الجلاميد وانقطاع الكهرباء اثر عليك هههه’’المهم:
لازم تشارك بالمسابقه حيث انك بوسط المقناص
وربما يحالفك الحظ واسلمك الجائزه من قريب

ذراع الذيب

01/08/2011, 02:09 AM

هلا ابو فيصل حياك الله وسبق شرحت لك الموضوع شفهيا’’بس الظاهر الحر بحزم الجلاميد وانقطاع الكهرباء اثر عليك هههه’’المهم:
لازم تشارك بالمسابقه حيث انك بوسط المقناص
وربما يحالفك الحظ واسلمك الجائزه من قريب
ههههه ياخوفي انك تنسانده ههههه الظاهر ان تسليم الجائز يبي يقطعك ديار ههههه
كل عام وانت بخير يابونواف

خيال الكودا

01/08/2011, 02:38 AM

صبحكم الله بالخير ومبـــــروك عليـــــكم الشهر الفضيل

لاهنت أخوي دعاس على هاالفكرة الطيبه والوعد إنشاء الله الساحل والدبــدبـــة

راعي سلماان

07/08/2011, 02:57 AM

يعطيك العافية اخوي دعاس

وتستاهل لقب صقار

وبالنسبة للمسابقة بيض الله وجهك يالذيب

لما في المسابقة من دعم وتشجيع للاعضاء للعطاء المتواصل

اشكرك وفقك الله لما يحب ويرضى

احمد سعيد

23/08/2011, 05:56 PM

السلام عليكم
فكرة جميلة وأن شاء الله تجيك اخبار طيور العراق ومعززة بالصور

الشامخ 111

01/09/2011, 08:24 AM

شكرا لكم على هذا الجهد الكبير والفكره الحلوه المحفزه

"""""""""""""""""

الشامخ 111

ان شاء الله سوف اكون معكم متواصلا بما استطيع من اخبار مصوره ومزادات

من منطقة الحنو ومصنع الاسمنت وجنوب املج وبالتوفيق للجميع

///////////////////////////////

ذيب تسحق

01/09/2011, 06:29 PM

الوووووووووووووو هههههههههههههههههههههههههههههه 8888888888888888888888888888888 777777777777777

ذيب تسحق

01/09/2011, 06:30 PM

كلاش 10000لناننلنانلبفلا ولفقلا

ذيب تسحق

01/09/2011, 06:31 PM

الالاللال لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالا

اسد عبس

03/09/2011, 03:31 PM

مشكور على الفكره الطيبه وتشجيع الطواريح

الحيد النايف

09/09/2011, 10:40 AM

بيض الله وجهك على الفكره

بس وش راي المشرفين تكون النقاط على حسب الخبر

يعني الخبر لازم يكون متكامل بالصور وجوال صاحب الطير

وبعد

يكون مثلا (( يمكن تغيرون او تضيفون ))
الشيهانه الجبليه ( 1 نقطه ) لانها تنطلرح بكثره
الوكري ( 2 نقطه )
البحريه ( 3 نقاط )
فرخ الشياهين ( 4 نقاط )
الحر ( 5 نقاط )
النادر ( 10 نقاط )

مجرد اقتراح ولكم الراي

وشكرا لصاحب الموضوع

ذراع الذيب

16/09/2011, 01:59 PM

بيض الله وجهك على الفكره

بس وش راي المشرفين تكون النقاط على حسب الخبر

يعني الخبر لازم يكون متكامل بالصور وجوال صاحب الطير

وبعد

يكون مثلا (( يمكن تغيرون او تضيفون ))
الشيهانه الجبليه ( 1 نقطه ) لانها تنطلرح بكثره
الوكري ( 2 نقطه )
البحريه ( 3 نقاط )
فرخ الشياهين ( 4 نقاط )
الحر ( 5 نقاط )
النادر ( 10 نقاط )

مجرد اقتراح ولكم الراي

وشكرا لصاحب الموضوع

الجازه منحصره فقط على الطيور المهاجره..

ونداء عاجل لجميع المشرفين واخوانا الاعضاء المحترمين..

عندي رأي وانتظر رايكم جميع..

خبر طرح طير بدون توثيق الصور(نقطه)
خبر طرح طير بتوثيق الصور(نقطتين)
صورة طير مطروح وسبق ان تم انزال الخبر (نقطه)
وفي حين تمكن صاحب ناقل الخبر..
في حصوله للصور انزال موضوع الحاقي لخبره الاول لحصوله على (النقطتين) كامله..

ويجب الالتزام بالزمان والمكان..
تاريخ الطرح ومكان الطرح وخلاف ذلك يحرم العضو من جميع النقاط..
والله الموفق..

دعاس

21/09/2011, 12:47 PM

مسيت بالخير يابوناصر وفكرتك طيبه والله يقويكم

////عصويد////

13/10/2011, 10:02 AM

تسلم ياخوي دعاس واخوي ذراع الذيب والباقين لاهنتم والله انها فكره تحمس وتشجع
يعطيكم العافيه

ذيب الغبايا

23/10/2011, 02:38 PM

فكره رائعه ومجهود جبار تشكروون عليه
وفقنا الله واياكم لمافيه الخير ولكم خالص التحيه والتقدير

دعاس

11/04/2015, 10:37 PM

السلام عليكم ورحمة الله وبركاته
نحب نمسي على ادارتنا الغاليه اداره ومشرفين واعضاء وزوار ونطلب من ادارتنا التواصل معي لوجود مسابقه كالمسابقه الماضيه لعام2011 للتنافس على سرعة تنزيل اخبار شبك الصقور للعام الحالي 2015/2016
ولكم تحياتي
محمد مقيبل الرويلي
ابونواف

ابرق الحرار

14/04/2015, 07:55 AM

وعليكم السلام

مايمك احد يابو مقيبل وبالنسبة للموضوع مميز ويستحق الاهتمام فيه ولكن الناس هجروا المنتديات موضوعك من ثلاثة ايام ولايوجد مشاركة سواء تآيد اوغير ذلك شكرا ابو مقيبل

دعاس

14/04/2015, 01:30 PM

وعليكم السلام

مايمك احد يابو مقيبل وبالنسبة للموضوع مميز ويستحق الاهتمام فيه ولكن الناس هجروا المنتديات موضوعك من ثلاثة ايام ولايوجد مشاركة سواء تآيد اوغير ذلك شكرا ابو مقيبل

ههههههههه
حياك الله يالغالي وش تبينا نسوي
يدبرها ربك
ولاهنت على المرور الطيب
لك مني كل الشكر

دعاس

10/08/2017, 10:24 AM

مساكم الله بالخير جميعاً

وكل الاسف للانقطاع عنكم والرد على كل عضو
بس تدرون كثر برامج التواصل الاجتماعي والبرامج قطعنا عنكم
بس نوعدكم بتجدد المسابقه لهذا العام
وتقبلوا تحياتي
كما ارحب بكم على حسابي
بالنستقرامsqr77
السناب sqrr77

أملج سيتي

25/09/2017, 02:59 PM

الجميل دوما لا يأتي الا بجميل ... بارك الله في بادرتك الطيبه اخي دعاس ... وان شاء الله المركز الاول من نصيبي ...