صيادين الشرقيه تعالوا واللي مو من الشرقيه بعد حياه [الأرشيف]

عاشق الوكري

27/05/2011, 09:16 AM

السلام عليكم ورحمه الله وبركاته

اخباركم يا صيادين المنتدى

ان شاء الله بخير

والله فكره طرت علي وقلت خلني انزله بالمنتدى :D

والفكره هي نسولف :D

يعني كل واحد يقولنا متى يحب يحدق ووين ومن دايم معك ووش الطعم اللي يفضله ووش السمكه اللي يحب يصيدها او وده

ويقول لنا هو من اي مدينه

وانا ببدا انا من سكان الدمام

اي وقت احدق فيه واماكن كثيره كورنيش الدمام او الزبنه او العزيزيه

الطعم روبيان منجوس وميد ومصران

والسمكه اللي ودي اصيدها صبيطي وحلمي من زمان بس للحين الله ما وفقنا بصبيطي

واحدق لحالي

وان شاء الله الموضوع يعجبكم

عاشق الوكري

27/05/2011, 09:18 AM

عفوا بالغلط ارجوا نقله الى القسم المخصص له من قبل الاداره

ههههههههههههههههههههههههههههههه

معسف العاصي

27/05/2011, 09:52 AM

لا خله هنا ياشيخ
حتى الصقاقير بالصيف يدورون البحر و السمك والاستكوزا عشان يعوضون الفواتير اللي ماسددوها وقت المشتا هههههههه
وانصحهم في حقل جواها براااااد يناسب الصقار

شنوان

27/05/2011, 11:25 AM

سلام الله عليك
بالنسبه لي زي م تفضل اخونا معسف العاصي
صقاقير وندور البحر بالصيف لان الوناسه انت الي
تبحث عنك هي ما تبحث عنك والمثل يقول كل شي بوقته حلو
انا من اهل الجبيل /وبالسبه لي كل سمكه ولها طعمها (جيم)الي ترقبه
وانا احب السمكه الي يسمونها عربيع يعني السمكه البيضه مثل السبيطي والشعم
والقرقفان والبدح
ام الشعري له كيف وطرب ومتوفر ولله الحمد عندنا يعني يدامك بتجيبه بأذن الله م تفلس
واحلى وقت للحداق وقت رشت المايه او وقت الثبر وما تدري متى هل اوقات مره الصبح مره
خر الليل مره الضهر على حسب ونستانس حنا وقت الليل احلى وقت اذا رشت بعد الساعه 12 بالليل
هدوء ويكون الهوى غربي ياسلالالالالالالالا م شي شي والتوفيق من الله
والحمدلله كل سمكه صته

حداق الخبر

27/05/2011, 02:23 PM

من ناحيتي // رحت كم مره للعزيزيه حدقت هناك طلع معي 2 سبيطي بالصدفه و 4 ضلعه
وبعدها وقف الصيد هناك خير شر
هذا الاسبوع الماضي

قبل 3 ايام توجهت الى شاطئ السليمانيه او مايسمى تالا كله ضلع

طلعت 4 ضلع في يوم واحد

كلها راحت للحلاق سوى عززززيمه يقولك الين الفجر مستانس بالضلع

عٍ،ــــــــــطونا جديدكـمـ ،

زاحف بحر

27/05/2011, 02:33 PM

حياك الله اخوي عاشق الوكري ,,

وما شاء الله موضوع حلو وحماااس قووي ,,

امنى تشاركنا في رابطة صيادين الشرقية ونتعرف على بعض ,,

وما شاء الله الرابطة كل ما بين فترة وفترة تزيد من الاعضاء ,,

بالوفيق للجميع ,,

dsa929

27/05/2011, 02:36 PM

السلام عليكم ورحمة الله وبركاته
انا من الاحساء افضل سمكه عندي السبيطي
أماكن الصيد
الزبنه - العقير - الزخنونيه - ام المرخ - ام حويض - دحاة حماه - ابو قميص

accentkool

27/05/2011, 03:15 PM

احب اصيد في بحر العقير مع قروبي الخاص
طعومنا ربيان وخثاق ومنجوس
والسمك المستهدف الشعوم والسبيطي والجش

مشاري1427

27/05/2011, 04:41 PM

وانا راحت تالا و الهافمون كلها مواليد هههههههههههههههههههههههههه

kvip

27/05/2011, 06:49 PM

من جيزان احب اصيدمن الكورنيش شاطئ المرجان و الشاليهات
نفسي اصيد توينة
يطلع معي شعور بياض عقام صغار
استخدم الجمبري المعصور مع ماء البحر اجذب السمك
والطعم جمبري + حبار في شوكة واحدة
اكبر سمكة طلعة معاي 2 كيلو
ولله التوفيق

شرقااااوي

28/05/2011, 01:57 PM

انا من الدمام
مافي مكان محدد للصيد ( الزبنه - المرجان - الكورنيش - حاليا الشبيلي )
خاطري اصيد سمكه اقل شي وزنها 5 كيلو اي نوع
اطلع مع شباب حارتنا او اي احد يشجعني للصيد

بو رضا

28/05/2011, 02:13 PM

انا الاصل من سكان الاحساء والعمل في الخبر
امكان الصيد(اشبيليه الخبر خلف مجمع مطعم بيتزا هات بجوار سلاح الحدود - بو قميص وامكان كثير
الحمد طلعت سبيطي قبل فترة من بو قميص وشعري وانوع كثير باقي لي الهامور والكنعد
الطعم /ربيان- حبار- جوفاء
شباب هذا الايام امكان الصيد الزين هذا الايام عند سلاح الحدود طلع معنا انا واخوي الاسبوع الماضي هامور 5 كيلو وبعد طلعو الشباب ضلع 11 كيلو و 7 كيلو والله ذلك اليوم شي صار لي اكثر من ثلاثة سنوات ادور على ذلك المناظر لم الخياط السنارة يسحب يا الله
تقبلوا تحياتي اخوكم بو رضا

Makaveli

28/05/2011, 03:38 PM

جدة
أبحر أمام ذيل السمكة
على الإمتداد حق الخط
عز الظهر أو آخر الليل لما يهجد البحر من رجة الدبابات والأبوات
أمام الشلال أحياناً
من يوم بدأت أصيد في الخليج اليومين هاذي صرت ماأصيد شي
السبب , الظاهر السمك أفتهم لسالفة الجلب وصار يحاول ينتش الطعم بدون الجلب لايعلق في حلقه

وأملي أن أعود للصيد في الشاليهات لأنها الخير كله الدرة والمرجان ماأدخل إلا وصايد صايد بقوة الله

ABO ZAIN 29

28/05/2011, 09:37 PM

بصراحه أنا ما خليت محل في جده ما في مكان مميز
وطعم ما خليت شي نفس الكلام
بيتك بيتك

سبيطي الجبيل

29/05/2011, 02:02 AM

مشكور على الموضوع المميز والجميل

طبعا من النك نيم مبين اني من الجبيل مايبيلها كلام :D

طبعا اماكن الحداق باي سيف فاضي ما فيه احد ولا بالواسطه نروح اماكن يقولون ممنوعه

واوقات الحداق اذا كانت ثبر ندخل داخل البحر وعلى الرشه هاذا احسن وقت

الجيم او الطعم خثاق وربيان و ميد ومنجوس هاذا اغلب الاحيان وصيد الميد والنجوس

بالساليه يكون فرش

الصيد اغلب شي عراضي وقرقفان ومزيزي وسبيطي وبعض الاحيان شعري وبعض الحيان نطلع مفلسين بس نكسب الوناسه ووساعة الصدر

طبعا احب حداق السيف اكثر من الطرادات وكلها فيها وناسه وخير وبركه

تقبل مروري وتحياتي للجميع

عاشق الوكري

29/05/2011, 11:43 AM

يعطيكم الف عافيه يا شباب وماقصرتوا

والله يرزقكم كلكم ان شاء الله بالسبيطيه والهوامير والكنعد اللي كلهم لا يقلون عن 6 كيلو

ويرزقني وياكم امين ان شاء الله

ناجل سمار

29/05/2011, 01:11 PM

السلام عليكم انا من الغربيه ولكن الله يعطيك العافيه ع هذي الفكره تستفيدون من بعض

xxx111

01/06/2011, 09:55 AM

فكرة حلوه ....

بالنسبة لي اصيد في الخبر

عند الشبيلي ,,,

بس هالايام مافيه شي ...

رحت عند سلاح الحدود ,,,, مشاء الله الخير واجد
اكثر شي طلع معي شعوم....

هاوي النيوه

01/06/2011, 02:20 PM

السلام عليكم

مشاءالله عليك فكره طيبه .

انا واحد من هواة الطرادات يعني عندي طراد واطلع فيه .

ولكن احيانا تطرب عندي وتبي سيف واطاوع نفسي ( تخبرون اوقات صاحب الشغله يملها ) .

اما اماكن الصيد على كورنيش الدمام بين الطرادات الأخيره .

أغلب الصيد شعم وعريضي هذا الكلام بالصيف طبعاً والطعم شريب ( بلاش ) .

أما في الشتاء الشعم العود يقل على السيف ويكثر داخل البحر وفي هذا الوقت ياويله مني في اعماق متر إلى مترين والطعم ربيان .

الخيط 40 هندي سواء على السيف او داخل بحر ( يخوف حجمه ولكن يرفع شعم ابو كيلو وزياده ) .
شكراً لك صاحب الموضوع على الفكره والشكر موصول لكل من شارك .

أتمنى لكم التوفيق

حداق الخبر

01/06/2011, 05:25 PM

هذا اللي طلع معي هاليومينً

امس واليوم ،،،

الوقت // الفجريه
البحر // جهة الهافمون ،، السلمانيه
الطعم // عجين مع الجبن
السنارة // باليلوت 4.50

( الحصيله )

2 عريضي يحبهم قلبك

1 شعم

1 بالول // ضرب علي على جوافه
لولا ان لي سنين ماصدت هامور وبالول والا كان رديته بحر

1 سبيطي حليو :D

http://disk07.arb-up.com/i/00062/wzykvqxipv20_t.jpg (http://arb-up.com/wzykvqxipv20)

http://disk07.arb-up.com/i/00062/asykzw477k1u_t.jpg (http://arb-up.com/asykzw477k1u)

البحارة

02/06/2011, 01:12 AM

ان من الدمام
احب احداق في ىمنيفه +مردومه بالجبيل
الطعم : مصارين + سلس
السمك المفضل : السبيطي والهامور
ازيد شي صدتة السبيطي والحمد الله
القصبه GMC الطوال 4 الخيط 55 مضغوض باقيم العدد 5 قصبات
الحداق وحدني من بعد صلاة المغرب الى الساعة 6 صباحا

اسماعيل كمال

02/06/2011, 02:19 AM

فكره حلوه
الله يوفقكم

حداق الخبر

02/06/2011, 06:51 PM

للــــــــــــرٍفعٍ ،،،

حسين الاحمد

03/06/2011, 06:46 PM

اما انا حساوي اباً عن جد صيدي كله في الدمام عندي طراد وانزل دايم من المزروعيه من الدمام واطلع الى ما وراء الكواليس ما وراء الجعيمه واروح الرقه والواسع ويعني الصيد بصراحه توب الا يمكن مرتين با الغلط الي ادخل فيها البحر وما اطلع بشي والله والصيد كله شعور على فسكر على دويلمي من النوع الكبير على شعوم يعني منوع وكم مرره طلعت اسبيطيه على بالول والحمد لله تمام الصيد ايه وبعد مره وحده الي طلعت كنعد واحد فقط لا غير والحمد لله والي يبي يطلع معاي قروب ولا مساعد يتصل علي على جوالي بعد اذن الاداره / 0559771245

حداق الخبر

04/06/2011, 07:02 AM

عاشق الوكري

04/06/2011, 08:10 AM

الحمدلله يالربع اللع رزقني بمزيزي حجم راهي

وكان الطعم سلس

وذاك اليوم كان الله موفقني والحمدلله ان ضرب علي اكثر من مره شيء كبير

ونزلت البحر وشفت منظر تعبني كثير سبيطي شوف عيني قريب السيف

وانقطع خيطي

بس للحين يالربع في شيء ماعرفتله

لاضرب علي السبيطي وش اسوي اسحب ولا اخليه يروح بالخيط

للمعلوميه ان دايم اخلي الخيط ثقيل شوي

SNIPER07

04/06/2011, 09:29 AM

بسم الله الرحمن الرحيم

من حداقيين الاسياف

الجبيل الكورنيش ، جزيرة راس ابو علي، مردومه ، التحلية ، اسياف الجبيل

الدمام الواجه البحري عند المراكب مطعم فن تايم جزيرة المرجان

كورنيش الخبر ، العزيزية ، هافمون ، الزبنه ، قرية ، العقير ، منيفه ، الزور

الصيد : هوامير سبيطيه شعود جميع انواع ( الزفر )

الطعم : الربيان ، الخثاق ، عجين ، الطعم الحي

تحياتي

عاشق الوكري

04/06/2011, 10:31 AM

اشكرك على مشاركتك اخوي

بس بسالك المردومه هذه وين بالجبيل بالضبط...؟؟

وفيها صيد كثير ولا

القبقب.87

04/06/2011, 12:52 PM

انا من الشرقيه / تحديدا محافظه الخفجي ..

الحمد لله الخفجي فيها من السمك شعري وسبيطي ومزيزي وشعم وضلع وقرقفان وهوامير شغل عدل والكنعد بوقته طبعا ..

والحمد لله كذا مره اطلع واتوفق بالشي الطيب لكن احلى شي عندي بالذات السبيطي تحس انك حاط عيونك على الميدار لا قطيته تراقبه تحت الماء ههههه ..

اما الطعم طبعا ميد خثاق ومصران من الكويت نجيبه .. هالثلاثه ماتخطيهم السمكه ان شاء الله .. بالذات مصران الدجاج اذبح السبيطي عنده اويلاه ههههه ..

وبالنسبه للربع اللي يروحون معاي كل الربع راعين بحر ووبر وسعت صدر يعني انت روح ودق وهم يحضرون عندك ..

أبو سنيد 04

04/06/2011, 07:02 PM

و عليكم السلام ...
أحب أطلع من الدرة بالبوت (جلب) ...
يومين الطلعة ...
و أحلى لعفة الحي (أبو نقطة) و (أبو عدس) ..
أو الحبار لأنه ما ينفك بالساهل ...
و الأعماق 30-40 متر ...
و الشنكار مقاس 6 أو 7 ...
و الوتر 100 أو 90 ...
موضوع رائع ...
تقبل مروري بود ...

تحيات
أبو سنيد 04

عاشق الوكري

04/06/2011, 08:48 PM

يعطيكم العافيه وماقرصتوا

الا بالسألك اخوي القبقب

السفانيه وش وضعها انا خبري مره بالشتاء رحت اتمشا ولقيت رجال يحدق وماشاء الله عليه السناره ماتوقف تقول زمارير من كثرهم كله مزيزيه وقرقفان وطلبت منه طعم كان معي خيطي :) كان فضول ودي اجرب وعلى طول صدت

بس بسال هو دايم الصيد كذا ولا ذاك اليوم الحمدلله الله موفقني لاني ناوي اروح خوفي اضرب مشوار ولا اصيد شيء

حداق الخبر

10/06/2011, 05:27 PM

[QUOTE=عاشق الوكري;6828198]الحمدلله يالربع اللع رزقني بمزيزي حجم راهي

وكان الطعم سلس

وذاك اليوم كان الله موفقني والحمدلله ان ضرب علي اكثر من مره شيء كبير

ونزلت البحر وشفت منظر تعبني كثير سبيطي شوف عيني قريب السيف

وانقطع خيطي

بس للحين يالربع في شيء ماعرفتله

لاضرب علي السبيطي وش اسوي اسحب ولا اخليه يروح بالخيط

للمعلوميه ان دايم اخلي الخيط ثقيل شوي

ماشاء الله

كويس والله السلس طعم ساحر اسأل مجرب بس خذ سلس صغير او وسط

وثاني شي اللي يقول خل الخيط مشدود والا مرخي ترا مايفرق رغم اني افضل الخيط يكون فوق ال60
ايضا يكون مشدود مو مرخي عشان اول مايشد الطعم تمسك فيه السنارة

ثاني شي اول مايظرب شد عليه شوي امسك السنارة وجرها الين ماتمسك السنارة في فم السبيطي عقبها بيبداء السبيطي يهج ويسحب بقووه حاول ترخي له وترخي شوي يعني تتقدم شوي وتعطيه لمدة 10 - 15 ثانيه وتبدا تسحب وانت تبدا تحس اذا سحب تلين له
واذا جاء معك تسحب انا افضل اني ارمي السنارة وابداء اسحب بيدي على شان اتحسس تحركات السمكه

وبالتوفيق وفالك السبيطي ابو 11 كيلو
بس ماقلتي وين ضرب عليك في اي بحر ؟