لا تغير الزيت الا بعد 5 آلآف . وعندي الدليل .

[التسعه شفر]

لايضحك عليك عمال محلات تغيير الزيوت ويقول لك الزيت منتهي غيره
الحين وش عرفه ان الزيت انتهى
بيقول لك لونه ويفركه بصبعه ويقول خلاص انتهى
وهذا كله كلام فاضي

اول شي كتلوج السيارة يقول اقل شي لتغيير هو خمس الاف كيلو
ثانيا انا اختبرت كم محطه تغيير زيت بحركه واتمنى كل واحد يجربها بنفسه
رحت لاحد العمال وقلت له شيك الزيت لايكون ناقص
شيك عليه وقال مليان . قلت طيب الزيت كويس . قال كم مشيت عليه قلت ثلاث الاف . قال غيره. وقام يفركه بصبعه وقال منتهي.
مشيت من عنده ورحت لمحطه ثانيه. قلت له شيك الزيت لايكون ناقص.
قال مليان. قلت له طيب الزيت كويس . قال كم ماشي عليه . (كذبت وقلت) توني مغيره نص الشهر ذا.
قام يفركه بصبعه وقال ماشاء الله جديد.

يمين بالله هذا الي صار . لا احد يصدقهم .غيرة كل خمس الاف بس اهم شي لاينقص .
وكل ماجيت تشيك على الزيت قل توني مغيره عشان لا يضحك عليك.

[سرطوقا]

شكرا لك اخي

[ابو يعقوب 2]

بنجرّب وبنشوف :D

مشكور يالغالي

[الجني العبد]

إلا أبسألك ليه ماتكون أنت البنشري ؟؟ يعني أنت اللي شيك على الزيت حقك وشف هل هو يستاهل يغير ولا لا ؟؟
ليش تاخذ برأي البنشري ؟؟

[التسعه شفر]

شكرا لك اخي
العفو واتمنى انك تجرب الموضوع.


بنجرّب وبنشوف :D

مشكور يالغالي
العفو يالغالي . وتراني طالبك متى ماجربت الطريقه رد علي وش صار .هنا في الموضوع او برساله خاصه . لاتنسى يالغالي .

[ابوهتان2007]

إلا أبسألك ليه ماتكون أنت البنشري ؟؟ يعني أنت اللي شيك على الزيت حقك وشف هل هو يستاهل يغير ولا لا ؟؟
ليش تاخذ برأي البنشري ؟؟


أوافق الراى أخوى لأنه أنا أعرف السياره وممشها
مهو البنشري

[أميرالعشاق]

مايحتاج تغير الزيت أصلاً؟؟؟؟إذا نقص زود وبس...هذا اللي يحصل في العالم كله الا عندنا غير...

[التسعه شفر]

إلا أبسألك ليه ماتكون أنت البنشري ؟؟ يعني أنت اللي شيك على الزيت حقك وشف هل هو يستاهل يغير ولا لا ؟؟
ليش تاخذ برأي البنشري ؟؟

اولا مهوب بنشري . البنشري الي يصلح الكفر.
والعمال ذولي ماقد خذيت برايهم ولله الحمد . مغير اطقطق عليهم وامشي.
وانا يوم اروح محل الزيت . اروح واشيك على الزيت لايكون ناقص وهذا هدفي. والباقي طقطقه.
ان كان ناقص خليته يزوده. وابشرك علبة الزيت معي بالشطنه دايما . ان قال الزيت ناقص . فتحت الشنطه وعطيته. وان قال مليان . مشيت .
وليس هناك معيار معين لمعرفة ان الزيت انتهى .لون الزيت ليس معيار . وانا قريت هالكلام في اكثر من منتدى وايضا فركه بالاصبع ليس معيار . وهذا كلام مهندسين في الانترنت.
والمعيار الوحيد الي يمشي عليه سائق المركبة هو دليل الصانع (الكتلوج) الي صنعها هو الي يعرف متى تغير زيتها. وهذا الي ماشي عليه انا.

[التسعه شفر]

أوافق الراى أخوى لأنه أنا أعرف السياره وممشها
مهو البنشري
شف ردي عليه

مايحتاج تغير الزيت أصلاً؟؟؟؟إذا نقص زود وبس...هذا اللي يحصل في العالم كله الا عندنا غير...

لا عاد ماتوصل كذا. لا افراط ولا تفريط . يعني لاتغيره بدري ولا تتركه بدون تغيير. ارجع لدليل الصانع وش سيارتك متى تغير زيتها . الي صنعها يعرف متى تغير زيتها .

[شعيب الحزيمي]

من اربع سنوات ما بعد غيرته دون 5000 مرات 6000 والحمد لله الامور تمام

[khalid1100]

من اربع سنوات ما بعد غيرته دون 5000 مرات 6000 والحمد لله الامور تمام

:good2: بالنسبه لي نفسك من 5000 الى 6000

[ennter]

مع كل الاحترام راح اخالفك الرأي
كل واحد ادري بممشاة
يمكن امشي 5000 وانا داخل المدينه يعني الموتر ماجاه كرف ولاتعديت سرعة 100
ويمكن امشي 3000 كلها خطوط ومشاوير على سرعات عاليه
والله ياشباب كانت معي ددسن وكل اربعاء اسافر من الرياض للقصيم وارجع الجمعه وخذ جلد على الخط
ومتمسك بوصية الشايب كل 1500 كيلو اوقف واغير الزيت
وكديتها كم سنه وبعتها واحسن مافيها مكينتها ماتغيرت لأني محافظ
طبعا هالكلام قديم وتعرفون كيف كانت جودة الزيت وكيف صارت هالحين
طبعا الوسط زين لاإفراط ولاتفريط 3000 كيلو زينه
والاهم التشييك على النقص واللزوجه


تحياتي للجميع

[الجبل الراسي]

حسب نوعية الزيت فيه زيت ممكن يمشي الموتر الي 5000 الاف وفيه زيت بالكثير 3000 الاف
وعلى حسب مشاويرك

لكن لو تمحط الموتر 2000 كم في يوم او يومين وبسرعة عاليه له تاثير اذا لم يتم غيار زيت المكينة

[قمة افرست]

نعم اخوي تغيير الزيت كحد اقصى 5000 خاضع لنوعية الزيت
والاستخدام شاق او عادي

فيه شي اهم ايضا وهو درجة الحرارة الشديده وهذي تفقد الزيت لزوجته ويصبح خفيف جدا
وهذا يعرض حركة داخل المحرك للاحتكاك اكثر ولزوجة الزيت تمنع التاثر بذلك كذلك وجود مواد في تركيب الزيت
تمنع الترسبات

والافضل دائما في الصيف تغيير كل 3000 كاقصى حد صح يتحمل ولاكن اذا تبغى المكينة تدوم اكثر
في الشتاء مايضر لل5000كم

[بدوي جنوبي]

مشيت على الزيت تقريبا 10 الاف
داخل المدينه ،،، وباقي فيه حيل
يوم بدأ الحر غيرت الزيت
والان ماشى تقريبا 3 الاف

[بحر الموده]

اعتقد ان درجة حرارة الجو مالها دخل في حرارة السياره السياره لها حراره معينه وتكون ثابته ينظمه بلف الحراره الا اذا كان في نظام التبريد خلل

[سالم محمد]

مشيت على سيارتي 12000كلم
10000 منها خطوط و2000 داخل المدينه ولا تغير شي وبعز الحر
لزوجة الزيت 50w20 السيارة لاند كروزر جي اكس ار 99

[دل البحار]

أغير الزيت بعد 2500 كيلوا
لاني اضرب حساب لفة البلد وزحمة البلد يمكن يخلص عندك نص التانكي وأنت بعد ماخلصت مشوارك من الزحام والمكيف شغال والحر الشديد للسياره وسط السيارات في طريق مزدحم بالظهر كم بتكون الحراره والمكيف شغال والزحمه بتجلس وقت في الزحام ماهو قليل ومن زحمه في زحمه ..
مما أنتج عندي فرضية انو الزيت يفقد لزوجته والمحرك شغال والحراره عاليه مع جهد المكيف وفي الزحام الشديد حتى لو لم تكن المسافه المقطوعه هي القياس وأنما في هذه الحاله تقول النظريه انه ينتج عن استمرار حركة المحرك للسياره انتهاء لزوجة الزيت من غير الرجوع الى عداد المسافه أل كم ..

[التسعه شفر]

مع كل الاحترام راح اخالفك الرأي
كل واحد ادري بممشاة
يمكن امشي 5000 وانا داخل المدينه يعني الموتر ماجاه كرف ولاتعديت سرعة 100
ويمكن امشي 3000 كلها خطوط ومشاوير على سرعات عاليه
والله ياشباب كانت معي ددسن وكل اربعاء اسافر من الرياض للقصيم وارجع الجمعه وخذ جلد على الخط
ومتمسك بوصية الشايب كل 1500 كيلو اوقف واغير الزيت
وكديتها كم سنه وبعتها واحسن مافيها مكينتها ماتغيرت لأني محافظ
طبعا هالكلام قديم وتعرفون كيف كانت جودة الزيت وكيف صارت هالحين
طبعا الوسط زين لاإفراط ولاتفريط 3000 كيلو زينه
والاهم التشييك على النقص واللزوجه


تحياتي للجميع

مع فائق احترامي لك و لشايبك . على اي اساس والدك وصاك تغير على 1500
شايبك ياطويل العمر من وين جاب هالمعلومة. اتوقع انه لاهوب ميكانيكي ولا مهندس من الي صنعو المكينة .
وانت الله عطاك عقل ولازم تفكر . ولا تقول هذا ماوجدنا عليه اباءنا.
فاكيد شايبك مع احترامي لك وله . ان هالعمال كانو يضحكون على شيابنا مستغلين جهلهم وطمعا في مالهم.
فانت جرب الحركة الي باول الموضوع وشف صحة كلامي



حسب نوعية الزيت فيه زيت ممكن يمشي الموتر الي 5000 الاف وفيه زيت بالكثير 3000 الاف
وعلى حسب مشاويرك

لكن لو تمحط الموتر 2000 كم في يوم او يومين وبسرعة عاليه له تاثير اذا لم يتم غيار زيت المكينة
ودي اعرف وش المعايير الي استندت عليها في كلامك. يعني على اي اساس قلت هالكلام.


نعم اخوي تغيير الزيت كحد اقصى 5000 خاضع لنوعية الزيت
والاستخدام شاق او عادي

فيه شي اهم ايضا وهو درجة الحرارة الشديده وهذي تفقد الزيت لزوجته ويصبح خفيف جدا
وهذا يعرض حركة داخل المحرك للاحتكاك اكثر ولزوجة الزيت تمنع التاثر بذلك كذلك وجود مواد في تركيب الزيت
تمنع الترسبات

والافضل دائما في الصيف تغيير كل 3000 كاقصى حد صح يتحمل ولاكن اذا تبغى المكينة تدوم اكثر
في الشتاء مايضر لل5000كم

والله وانا اخوك مدري من جبت هالكلام. طيب جرب الحركة وان شاء الله تغير رايك.


مشيت على الزيت تقريبا 10 الاف
داخل المدينه ،،، وباقي فيه حيل
يوم بدأ الحر غيرت الزيت
والان ماشى تقريبا 3 الاف

شوفو ياشباب هذا الدكتور المهندس قدامك. ها تصدقونه والا تصدقون كلام هالعمال.


اعتقد ان درجة حرارة الجو مالها دخل في حرارة السياره السياره لها حراره معينه وتكون ثابته ينظمه بلف الحراره الا اذا كان في نظام التبريد خلل

هذا الكلام الي يبرد القلب وتحس ان راعية مشغل نعمة العقل.


مشيت على سيارتي 12000كلم
10000 منها خطوط و2000 داخل المدينه ولا تغير شي وبعز الحر
لزوجة الزيت 50w20 السيارة لاند كروزر جي اكس ار 99

انت الحين ماشي علية اثناعشرالف .رح لمحطه وخل العامل يفحص الزيت. واذا سالك كم ماشي قل له ماشي الف . بس ابغى اتاكد هو ناقص او لا . وشف وش يقول لك . بيقول لك .قديد ماشاء الله هههههه


أغير الزيت بعد 2500 كيلوا
لاني اضرب حساب لفة البلد وزحمة البلد يمكن يخلص عندك نص التانكي وأنت بعد ماخلصت مشوارك من الزحام والمكيف شغال والحر الشديد للسياره وسط السيارات في طريق مزدحم بالظهر كم بتكون الحراره والمكيف شغال والزحمه بتجلس وقت في الزحام ماهو قليل ومن زحمه في زحمه ..
مما أنتج عندي فرضية انو الزيت يفقد لزوجته والمحرك شغال والحراره عاليه مع جهد المكيف وفي الزحام الشديد حتى لو لم تكن المسافه المقطوعه هي القياس وأنما في هذه الحاله تقول النظريه انه ينتج عن استمرار حركة المحرك للسياره انتهاء لزوجة الزيت من غير الرجوع الى عداد المسافه أل كم ..
اولا كلامكم كله الي كتبته ماله دخل في عمر الزيت . انما هي وساوس.
وثانيا من وين جبت هالنظرية .

[Abo gssar]

اما عني ماغيره الابعد مااكرفه كرف دايم اكمله اذا نقص وكثر المرات يتعدي 20 الف وانا ماغيرته والحمدلله ماعندي مشاكل ...

[التسعه شفر]

اما عني ماغيره الابعد مااكرفه كرف دايم اكمله اذا نقص وكثر المرات يتعدي 20 الف وانا ماغيرته والحمدلله ماعندي مشاكل ...

والله ما ادري وش الزيت الي تستخدمه .. في زيوت كيمائيه وتمشي هالممشى ويعتبر طبيعي جدا .. اما الزيوت النفطيه ما اتوقع توصل هالممشى بدون ما تاثر على المحرك ..

[التسعه شفر]

سويت بحث في المواقع الانجليزية .. ولقيت واحد يسال هالسؤال :


Do I really have to change my oil every 3000 miles?


الترجمة:

هل يجب علي حقاً ان اقوم بتغيير الزيت كل 3000 ميل ( يعني 4827 كيلو ) ..


ردت عليه (بنت) وقالت :


I'm not a mechanic, but at least here in Europe we do not change the oil every 3000 miles. My husband is a mechanic from the US and agrees with this. Of course it depends on the climate I guess, but I live in a climate where we have 4 seasons, really cold winters and not so warm summers. (...and I love summers... but that is besides the point...)

We change the oil and the air filter every 7000 - 10000 miles approximately. As long as you make sure your oil levels are good and the engine sounds normal, you should be OK. My dad did this same also all his life and all our cars have worked perfectly. I think changing every 3 000 miles is unnecessary.


الترجمة :

أنا لست ميكانيكية، ولكن على الأقل هنا في أوروبا نحن لا تغيير الزيت كل 3000 ميل. زوجي وهو ميكانيكي من الولايات المتحدة ويتفق مع هذا. بالطبع ان ذلك يعتمد على المناخ كما اعتقد ، ولكن أنا أعيش هنا في مناخ حيث لدينا 4 مواسم، شتاء بارد حقا وليس حاراً جدا في الصيف. (... وأنا أحب فصل الصيف... ولكن هذا هو وبالاضافة الى هذه النقطة...)


نحن تغيير الزيت ومرشح الهوا (فلتر الهواء) من7000 - 10000 ميل تقريبا. طالما كنت متأكد من مستويات جيدة للزيت والمحرك , واصوات المحرك عادية ، يجب أن تكون مطمئن. والدي يعمل الشي هذا نفسه كل حياته وجميع سياراتنا عملت على أكمل وجه. وأعتقد أن تغيير كل3000 ميل غير ضرورية.

المصدر : http://community.ashworthcollege.edu/message/47587

[s3ed]

انا استخدم زيت لكزس وقبل استخدم موبيل 1 كلها زيوت صناعية 100/100 من نوع 5w-40 Synthetic oil

السيارات اللي استخدمتها مزودة بشاحن توربيني يعني اداء عالي وهذا الاداء العالي محتاج زيت عالي الجودة عشان الاحتكاك والحرارة


ابدل زيت كل 10 الاف ومرات كل 12 الف

السيارة العادية لو تمشي بها 15 الف عادي وجرب وصدقني بتشوف الزيت نازل ولونة ماتغير

جرب زيت اللكزس سعره عدنا تقريبا 70 درهم يعني 70 ريال سعر الجالون 4 لتر

بدل زيت لكزس بشرط مع كل تبديل غير الفلتر او المصفاة لانة المصفاة تاخذ تقريبا 300 مملل يمكن اقل

ويكونوالزيت القديم فيها ولما تبدل الزيت من دون تغير الفلتر توسخ زيت السيارة الجديد بما تبقى في فلتر السيارة

هذة صورة الزيت


http://www.supermotors.net/registry/media/743861


خذ لك كرتون كامل مع فلاتر من الوكالة وبدل عن البنشر وخلك قدامة عشان مايغيرلك الزيت بنوع رخيص

[* ابو باسل *]

ياشباب احسبوا حتى وقفت السياره في الزحمه ساعتين ساعه له دوره في حرق الزيت يعني سياره عندنا ددسن مشغلين عليها مخيم ماتمشي ابد واقفه ومكينتها نحول منها كهرب بدال الماطور للمخيم ونغيرها كل شهر لانها تشتغل مايقارب 5 ساعات يوميا وهي واقفه اجل اذا صارات واقفه خلاص ماتحرق الزيت لازم السياره تمشي على شان كذا لازم تحسبون حق الوقفه في الزحمه اشوف 3000 الاف مناسبه و الالفين الباقيه حطها حقت الزحمه والوقت الضايع في تشغيل المحرك والسياره واقفه تصبح على كذا 5000 الاف .

[ennter]

مع فائق احترامي لك و لشايبك . على اي اساس والدك وصاك تغير على 1500
شايبك ياطويل العمر من وين جاب هالمعلومة. اتوقع انه لاهوب ميكانيكي ولا مهندس من الي صنعو المكينة .
وانت الله عطاك عقل ولازم تفكر . ولا تقول هذا ماوجدنا عليه اباءنا.
فاكيد شايبك مع احترامي لك وله . ان هالعمال كانو يضحكون على شيابنا مستغلين جهلهم وطمعا في مالهم.
فانت جرب الحركة الي باول الموضوع وشف صحة كلامي


.

مرحبا بك اخوي

القصد من كلامي وانا اخوك

( الحرص على الحلال )

والدليل ان الشياب اول كل صباح يعايرون الزيت ويمسحون القزاز بالقماش الاحمر
ومن حرصهم يغيرون الزيت على 1500 وتذكر وش كانت سياراتهم
وماكثرت مشاكل سياراتنا إلا بعد تأخير تغيير الزيت

وبالنسبه للمعايير اللي ذكرتها
لمعلوميتك فيه زيت بـ 14 ريال وفيه نفس الزيت مكرر بـ 7 ريال
وفيه زيت العلبه بـ 30 ريال يعني تغير 5 علب بـ 150 ريال


والتأكيد على كلامي

كلام الخواجه اللي انت سألتها
ان الاجواء عندهم لها دور
طبعا الصيف عندهم درجة الحراره 20 الى 30 ومايطلعون من البيوت

وحنا 50 درجه بالظل ونمسك خطوط


العذر والسموحه على كثر الكلام

لاكن لابد تكون اسم على مسمى لأن اصحاب التسعات زقرت ههههههههههههه

[AL-OTAIBI]

انا والله ما اغير الزيت الا في السنه مره

[رامي ع الموت]

انا امشي حسب كلام الصانع


الصانع يقول يجب تغيير الزيت كل 5000 كم او ستة اشهر ايهما يأتي اولا


طبعا الصانع حاسب حساب الوقفة عند الاشارات وغيره حتى مذكور في الكتيب ان السيارة اذا استخدمت كسيارة شرطة تشغيل مع وقوف طويل ومشي قليل ينبغي تغيير الزيت ايضا لنفس المسافة 5000 كم وطبعا التغيير يشمل فلتر الزيت


فردي على اللي يقول احسب حساب الوقفة اقوله المصنع حسبها قبلك وبزيادة وفي اسوء انواع الطقس واذا حاب تتأكد تجد في قسم تغيير الزيوت في كتيب السيارة ما يدل على اختيار نوع الزيت وفقا لدرجة الحرارة


نستنتج من ذلك انه لا مجال للتكهنات والتخرصات والتحليل الزائد اللي ما له داعي


5000 كم او ستة اشهر مع تغيير الفلتر

[التسعه شفر]

مرحبا بك اخوي

القصد من كلامي وانا اخوك

( الحرص على الحلال )

والدليل ان الشياب اول كل صباح يعايرون الزيت ويمسحون القزاز بالقماش الاحمر
ومن حرصهم يغيرون الزيت على 1500 وتذكر وش كانت سياراتهم
وماكثرت مشاكل سياراتنا إلا بعد تأخير تغيير الزيت

وبالنسبه للمعايير اللي ذكرتها

لمعلوميتك فيه زيت بـ 14 ريال وفيه نفس الزيت مكرر بـ 7 ريال
وفيه زيت العلبه بـ 30 ريال يعني تغير 5 علب بـ 150 ريال


والتأكيد على كلامي

كلام الخواجه اللي انت سألتها
ان الاجواء عندهم لها دور
طبعا الصيف عندهم درجة الحراره 20 الى 30 ومايطلعون من البيوت

وحنا 50 درجه بالظل ونمسك خطوط


العذر والسموحه على كثر الكلام

لاكن لابد تكون اسم على مسمى لأن اصحاب التسعات زقرت ههههههههههههه

انت تقول الحرص على الحلال.وهذا شي زيادة عن اللزوم . ويسمى تبذير وهذا بسب الحرص الزايد ابلي منبعه الوسوسه . وقال تعالى . ومن شر الوسواس الخناس. وايضا هو تبذير . وقال تعالى . ان المبذرين كان اخوان الشياطين . والمصنع بكبرة قال لك غير كل خمس الاف او كل ثلاث شهور ايها اسبق.
يعني حنا افهم من صانع السيارة .
اما بالنسبة للزيت الي تقول انواع وفي غالي ورخيص . انا كلامي عن الزيت المكتوب في دليل الصيانة حق السيارة . الموصي به من المصنع . لان جميع الاختبارات الشاقه اجريت عليه .
اما بالنسبة لمشاكلنا ماكثرت الا بعد تاخيير تغيير الزيت . فهذا كلام غير صحيح . لان اكثر مشاكل السيارات الحديثه هي الكهرباء والتقنيه الحديثه التي ادخلت على السيارات الحديثه . والزيت ماله دخل فيها.
وترا امريكا فيها ولايات فيها درجه حراره عالية (الظاهر لو ودونا هناك ماتحملناها) وفيها ولايات ثلجية باردة.
ولا يسوون الي احنا نسوية .

[التعـ King ـديل]

الزيت يتاثر بعده عوامل منها

1/ الجو بالصيف غير والشتاء غير
2/ الممشى هل هو داخل الديره ولا خطوط
3/ طريقه السواقه يعني اللي يمشي بهدوء غير اللي يفاحط بموتره كل شوي

انا عن نفسي وقت الشتاء امشي على الموتر 7000 الى 9000 خاصه اذا بالديره ماسافرت منا ولا منا

واذا كان فيها سفر تلاقيني اغيره كل 5000 الى 6000 علشان احافظ على مكينه الموتر

وبالصيف لان الجو حار اغيره كل 6000 واذا فيها خطوط اغيره كل 5000 والحمدلله مواتري كلها ماشاء الله تبارك الله من احسن مايكون

[واطي الجمرة]

اي خمسة آلآف يالطيب؟؟؟
حنا نغير على عشرة آلآف من سنين زيت وسيفون ونبي احد يقولنا اكثر بعد

خصوصا بعد ارتفاع الأسعار

[التسعه شفر]

انا استخدم زيت لكزس وقبل استخدم موبيل 1 كلها زيوت صناعية 100/100 من نوع 5w-40 Synthetic oil

السيارات اللي استخدمتها مزودة بشاحن توربيني يعني اداء عالي وهذا الاداء العالي محتاج زيت عالي الجودة عشان الاحتكاك والحرارة


ابدل زيت كل 10 الاف ومرات كل 12 الف

السيارة العادية لو تمشي بها 15 الف عادي وجرب وصدقني بتشوف الزيت نازل ولونة ماتغير

جرب زيت اللكزس سعره عدنا تقريبا 70 درهم يعني 70 ريال سعر الجالون 4 لتر

بدل زيت لكزس بشرط مع كل تبديل غير الفلتر او المصفاة لانة المصفاة تاخذ تقريبا 300 مملل يمكن اقل

ويكونوالزيت القديم فيها ولما تبدل الزيت من دون تغير الفلتر توسخ زيت السيارة الجديد بما تبقى في فلتر السيارة

هذة صورة الزيت


http://www.supermotors.net/registry/media/743861


خذ لك كرتون كامل مع فلاتر من الوكالة وبدل عن البنشر وخلك قدامة عشان مايغيرلك الزيت بنوع رخيص

اشكرك على طرح تجربتك. واتمنى لك التوفيق.


انا والله ما اغير الزيت الا في السنه مره
لا عاد انت وضعك مايطمن.



انا امشي حسب كلام الصانع


الصانع يقول يجب تغيير الزيت كل 5000 كم او ستة اشهر ايهما يأتي اولا


طبعا الصانع حاسب حساب الوقفة عند الاشارات وغيره حتى مذكور في الكتيب ان السيارة اذا استخدمت كسيارة شرطة تشغيل مع وقوف طويل ومشي قليل ينبغي تغيير الزيت ايضا لنفس المسافة 5000 كم وطبعا التغيير يشمل فلتر الزيت


فردي على اللي يقول احسب حساب الوقفة اقوله المصنع حسبها قبلك وبزيادة وفي اسوء انواع الطقس واذا حاب تتأكد تجد في قسم تغيير الزيوت في كتيب السيارة ما يدل على اختيار نوع الزيت وفقا لدرجة الحرارة


نستنتج من ذلك انه لا مجال للتكهنات والتخرصات والتحليل الزائد اللي ما له داعي


5000 كم او ستة اشهر مع تغيير الفلتر

ماشاء الله عليك . اعجبتني والله بردك . الي يدل على شخص استخدم نعمه الله التي انعمها علينا . وقرا وتعلم . ويبهر كل من يقراء رده بعلمه وثقافته واطلاعه وثقته بنفسه وكلامه .



الزيت يتاثر بعده عوامل منها

1/ الجو بالصيف غير والشتاء غير
2/ الممشى هل هو داخل الديره ولا خطوط
3/ طريقه السواقه يعني اللي يمشي بهدوء غير اللي يفاحط بموتره كل شوي

انا عن نفسي وقت الشتاء امشي على الموتر 7000 الى 9000 خاصه اذا بالديره ماسافرت منا ولا منا

واذا كان فيها سفر تلاقيني اغيره كل 5000 الى 6000 علشان احافظ على مكينه الموتر

وبالصيف لان الجو حار اغيره كل 6000 واذا فيها خطوط اغيره كل 5000 والحمدلله مواتري كلها ماشاء الله تبارك الله من احسن مايكون


انا اتفق معك في النقطه الثالثه فقط . والسبب انها مذكورة في دليل الصيانة تحت مسمى القيادة الشاقه (غير العادية).

[التسعه شفر]

اي خمسة آلآف يالطيب؟؟؟
حنا نغير على عشرة آلآف من سنين زيت وسيفون ونبي احد يقولنا اكثر بعد

خصوصا بعد ارتفاع الأسعار

انا قلت الشايع في كتلوجات السيارات . واغلب المصنعين متفقين على 5 الاف . منها جميع سيارات تويوتا وسيارات شفروليه وسيارات جنرال . في سيارات ثانية تمشي عشره وعشرين . ولكن بزيوت خاصة الي يسمونها تخليقيه .
وانا يوم قلت خمس الاف مهوب من راسي قاريها في كم كتلوج . وصدقني لو كتلوج سيارتي يقول خمسين الف . يمين بالله لا اغيره بعد خمسين الف وانا مغمض .

[العقاب الأسود]

والله أنا بتكلم عن تجربتي الشخصيه / كان معي جيب (سرنتوا كيا 2007) أخذته وكالة وجلس معي سنتين ونصف والله يا إخوان إني كنت كثير السفر وأحياناً أضطر إلى التوقف بالطريق والنوم داخل السيارة والمكيف شغال ستة ساعات أحياناً متواصلة وأحيانا تزيد وأحياناً تنقص . والزيت يأخذله ما غيرته يوصل 10000 كم هذا وأنا راعي خطوط شي بالصيف وشي بالشتاء لدرجة أني أحياناً أصبح بتبوك وأمسي بجده وأحيانا أصبح بالرياض وأمسي بتبوك لكن ما لاحظت شي على الموتر لين بعته بعد كد أكثر من سنتين ونصف وعداده ماشي 289000كم
. والنتيجه كل واحد يرجح العقل قبل كل شي .
مع تمنياتي للجميع بالتوفيق .

[سداااااح]

1- الزيت بشكل عام ليس درجة اللون معيار انتهة صلاحيته
2- يعتمد على السائق وجوره على السياره
3- وهي الاهم لزوجة الزيت
والمعروف انه للزيت حتى 6000 او 3 اشهر مافيه مشكله
وهو العمر التقريبي
5- يفضل تغيير الزيت مع الفلتر
وعن نفسي اغير كل 5000 الى 6000 مع الفلتر لكذا سياره امريكي وياباني
وهاذا اللي اعرفه ومستمر عليه

[بتاار]

كلامك سليم ومجرب

لاهنت

[WWS]

فكره فحص و تغيير آلزيت مــآيبي لهآ خبير
كل 5000 كم أغير زيت مع سيفؤؤؤؤؤن صيف آؤ شتآء
ؤ كلهآ بحؤش آلبيت بفضل الله
كلهآ كرتؤن آلترآ 7 (50 / 20 ) تطلع قيمه آلعلبه من 10 آلى 9.5 ريآل ؤ آلسيفؤن من آلجميح
ؤ كم تنبآآآع عند ؤرش آلتغييررر نهب في نهب قرآبة 70 % فآئدة ( آلقنآعه زيييييينه ) بآلقليل
الله يرزقهم ؤ يرزق جميع آلمسلمين

[المهاجر انا]

صحيح كلامك اهم شي لاينقص

[ennter]

انت تقول الحرص على الحلال.وهذا شي زيادة عن اللزوم . ويسمى تبذير وهذا بسب الحرص الزايد ابلي منبعه الوسوسه . وقال تعالى . ومن شر الوسواس الخناس. وايضا هو تبذير . وقال تعالى . ان المبذرين كان اخوان الشياطين . والمصنع بكبرة قال لك غير كل خمس الاف او كل ثلاث شهور ايها اسبق.
يعني حنا افهم من صانع السيارة .
اما بالنسبة للزيت الي تقول انواع وفي غالي ورخيص . انا كلامي عن الزيت المكتوب في دليل الصيانة حق السيارة . الموصي به من المصنع . لان جميع الاختبارات الشاقه اجريت عليه .
اما بالنسبة لمشاكلنا ماكثرت الا بعد تاخيير تغيير الزيت . فهذا كلام غير صحيح . لان اكثر مشاكل السيارات الحديثه هي الكهرباء والتقنيه الحديثه التي ادخلت على السيارات الحديثه . والزيت ماله دخل فيها.
وترا امريكا فيها ولايات فيها درجه حراره عالية (الظاهر لو ودونا هناك ماتحملناها) وفيها ولايات ثلجية باردة.
ولا يسوون الي احنا نسوية .


اخي الكريم انتبه عند كتابة الآيات الرجاء التأكد من الإملاء

اعتذر لك اخي واسحب جميع ماخطه قلمي
يبدو ان النقاش اعتمد على مبدأ
ان لم تكن معي فأنت ضدي


تحياتي

[سرور المحيط]

مشكووووور أخوي على النصيحه

تسلم والله

الله يعطيك العافيه

[YUKON_GMC]

عن نفسي ماطالع للعداد وحتى لو شفته او صفرته انساهـ وماتقيد بالعداد ابد

لكن اذا اخذ الزيت شهر او شهرين وشفته صار اسود غيرته

[شعيب المليح]

انا عندي جيب فكس ار 2005 مشيت عليه بدون مبالغه حوالي 50 الف غيرته في شهر 9 وجلسته عليه حوالي 6 شهور بدون تغير زيت والحمدلله الامور كلها تمام وقبل شهر غيرت الزيت مع السيفون والحين ماشي عليه 4000 الف وباقي على تغير الزيت 46000 كم والحمد لله السياره ولا احسن منها
وانا صارت لي سالفه مع احد محلات تغير الزيت الوالد كان يقول لي غير زيت موتري وعلى هالمنوال تقريبا 5 ايام وراح الوالد وغير الزيت ولا علمني انه غيره وكان محل الزيت هاذا معاملينه ابوي غير زيت السياره الصباح انا اخذت سيارته المغرب وجيت عند نفس المحل وقلت غير الزيت طبعا كنا تثق في راعي المحل ويفك صره الزيت ويطلع لي ويقول الزيت محروق قلت غير السيفون ويوم خلصنا وارجع البيت العشاء واجلس انا والوالد واعلمه اني غيرت زيت سيارته ويرد علي يقول انا مغير الزيت الصباح عند المحطه وهاذا اللي صار واجيك امشي مليون للمحطه والعن ابو خامسه العبره ان اكثر المحلات ما عندهم ذمه

[هاوي روحات]

انا عندي جيب اغير الزيت كل 5000كم والفلتر كل 10000كم حسب جدول الصيانه في كتالوج السياره وبالنسبه للزيت يوجد جدول يبين فيه درجة لزوجة الزيت وتحمله لدرجات الحراره المختلفه وانا مع الرأي اللي يقول ان درجة حرارة المكينه مضبوطه ببلف السياره
وبالنسبه للزيت اللي استعمله هو كاسترول 10-30

[التسعه شفر]

والله أنا بتكلم عن تجربتي الشخصيه / كان معي جيب (سرنتوا كيا 2007) أخذته وكالة وجلس معي سنتين ونصف والله يا إخوان إني كنت كثير السفر وأحياناً أضطر إلى التوقف بالطريق والنوم داخل السيارة والمكيف شغال ستة ساعات أحياناً متواصلة وأحيانا تزيد وأحياناً تنقص . والزيت يأخذله ما غيرته يوصل 10000 كم هذا وأنا راعي خطوط شي بالصيف وشي بالشتاء لدرجة أني أحياناً أصبح بتبوك وأمسي بجده وأحيانا أصبح بالرياض وأمسي بتبوك لكن ما لاحظت شي على الموتر لين بعته بعد كد أكثر من سنتين ونصف وعداده ماشي 289000كم
. والنتيجه كل واحد يرجح العقل قبل كل شي .
مع تمنياتي للجميع بالتوفيق .

الله يعطيك العافيه . على طرح تجربتك .


1- الزيت بشكل عام ليس درجة اللون معيار انتهة صلاحيته
2- يعتمد على السائق وجوره على السياره
3- وهي الاهم لزوجة الزيت
والمعروف انه للزيت حتى 6000 او 3 اشهر مافيه مشكله
وهو العمر التقريبي
5- يفضل تغيير الزيت مع الفلتر
وعن نفسي اغير كل 5000 الى 6000 مع الفلتر لكذا سياره امريكي وياباني
وهاذا اللي اعرفه ومستمر عليه

سالفتة اللزوجة عيت تخش راسي .. لاني ماحصلتها في دليل الصانع .. وايضاء من خلال (الحركه) الي سويتها في العمال وكل واحد يقول كلام .. فأنا غير مقتنع بفكرة اللزوجه ..


كلامك سليم ومجرب

لاهنت

ولا انت :good:



فكره فحص و تغيير آلزيت مــآيبي لهآ خبير
كل 5000 كم أغير زيت مع سيفؤؤؤؤؤن صيف آؤ شتآء
ؤ كلهآ بحؤش آلبيت بفضل الله
كلهآ كرتؤن آلترآ 7 (50 / 20 ) تطلع قيمه آلعلبه من 10 آلى 9.5 ريآل ؤ آلسيفؤن من آلجميح
ؤ كم تنبآآآع عند ؤرش آلتغييررر نهب في نهب قرآبة 70 % فآئدة ( آلقنآعه زيييييينه ) بآلقليل
الله يرزقهم ؤ يرزق جميع آلمسلمين

ماشاء الله عليك .. لو كل واحد غير زيته بنفسه كان شفنا الاسعار الحقيقه لغيار الزيت في المحطات .


صحيح كلامك اهم شي لاينقص

شكرا لك على الرد .



اخي الكريم انتبه عند كتابة الآيات الرجاء التأكد من الإملاء

اعتذر لك اخي واسحب جميع ماخطه قلمي
يبدو ان النقاش اعتمد على مبدأ
ان لم تكن معي فأنت ضدي


تحياتي

الاملاء صحيح ..لكن انت اللي مو متاكد من الي تقراه .. افتح المصحف وشف الاملاء صحيح او لا .
ولا تعتذر ولاتنسحب . ولا ني معك ولاني ضدك .. ولكن انت تبي تقنعني بكلام غير منطقي .
قول كلام منطقي . ومعقول . وابشر بالي يغير رايه . لان الي يمتسك برايه من بعد ماظهر له الحق . فهو احمق .. وتعريف الاحمق : * الاحمق هو الذي لا يعلم بأنه لايعلم * هذا النوع من الناس الذين يوصفون بالجهل المركب يعني هو جاهل ولا يدري انه جاهل فتجده يتكلم ويناقش وكأنه عالم.



مشكووووور أخوي على النصيحه

تسلم والله

الله يعطيك العافيه

الله يعافيك .


عن نفسي ماطالع للعداد وحتى لو شفته او صفرته انساهـ وماتقيد بالعداد ابد

لكن اذا اخذ الزيت شهر او شهرين وشفته صار اسود غيرته

اللون ليس معيار لتغيير الزيت . ويتغير الزيت كل 3 شهور او 5000 كيلو . يعني اذا غيرت الزيت وتركت السيارة واقفه 3 شهور لازم تغير الزيت. لانه انتهت صلاحيتة . حتى لو ما مشيت ولا كيلو . ولو مشيت عليه 5000 كيلو في يوم واحد بس. خلاص وجب عليك التغيير حتى لو باقي شهرين وتسعه وعشرين يوم .. الكلام ذا من كتلوج سيارتي وقس عليه باقي السيارات ولكن بختلاف بسيط في المسافه بالكيلو .والمدة بالشهر .


انا عندي جيب فكس ار 2005 مشيت عليه بدون مبالغه حوالي 50 الف غيرته في شهر 9 وجلسته عليه حوالي 6 شهور بدون تغير زيت والحمدلله الامور كلها تمام وقبل شهر غيرت الزيت مع السيفون والحين ماشي عليه 4000 الف وباقي على تغير الزيت 46000 كم والحمد لله السياره ولا احسن منها
وانا صارت لي سالفه مع احد محلات تغير الزيت الوالد كان يقول لي غير زيت موتري وعلى هالمنوال تقريبا 5 ايام وراح الوالد وغير الزيت ولا علمني انه غيره وكان محل الزيت هاذا معاملينه ابوي غير زيت السياره الصباح انا اخذت سيارته المغرب وجيت عند نفس المحل وقلت غير الزيت طبعا كنا تثق في راعي المحل ويفك صره الزيت ويطلع لي ويقول الزيت محروق قلت غير السيفون ويوم خلصنا وارجع البيت العشاء واجلس انا والوالد واعلمه اني غيرت زيت سيارته ويرد علي يقول انا مغير الزيت الصباح عند المحطه وهاذا اللي صار واجيك امشي مليون للمحطه والعن ابو خامسه العبره ان اكثر المحلات ما عندهم ذمه

هههههههههههههههههههههه لاحول ولا قوة الا بالله ..
شر البيله مايضحك ..
قصتك يبي لها موضوع مستقل ..
مغير الزيت الصبح والمغرب يقول محروق . في ذمتي لو انك مسافر للقمر وراجع ما امداه انحرق.


انا عندي جيب اغير الزيت كل 5000كم والفلتر كل 10000كم حسب جدول الصيانه في كتالوج السياره وبالنسبه للزيت يوجد جدول يبين فيه درجة لزوجة الزيت وتحمله لدرجات الحراره المختلفه وانا مع الرأي اللي يقول ان درجة حرارة المكينه مضبوطه ببلف السياره
وبالنسبه للزيت اللي استعمله هو كاسترول 10-30

كلامك صحيح .. موجود درجة مقاومته للحراره وليست اللزوجه (صحح لي لو كنت غلطان) .. وتجي مكتوبة على علبة الزيت مثل كذا 10/30 .. ولكن انا اعتراضي على كيف تعرف ان اللزوجه انتهت .. لا احد يقول افرك الزيت بصبعك . لاني قريت دليل الصانع كلمة كلمة ولا حصلت عبارة (افرك الزيت بصبعك) .

[ومض]

خرط فآضي وشي 5000 ذي , اذا الزيت ماينقص لآتغيره الا بعد 30 الف !

موتري مشى 16 الف ولا غيرته ولا كان ينقص ابد الحمدلله , وواحد من العيآل كان موتره ينقص
ومع كذا ماكان يغيره ابد كان فقط يزيده بين فتره وفتره , اللي ابي اوصله صح المحافظ زين وانك تهتم
بموترك وكله 150 ريآل ان كثرت , بس الوآحد يفكّـر شوي يعني رح غيّـر الكفرات اجل كل سنه
الاحتياط واجب والاقتصآد واجب ايضاً , اذا كنت تبي الاحتياط غيـّره كل 15 ولا ان خربته وصرت ولد فلوس غيره كل 10 او 11 , بالنسبه للي يقول يفرق مايفرق ناس تدعس وتفاحط وناس مهديه لا والله انا مشيت حول 16 وكم واحد اعرفه مشو حول 34 الف ولا غيره وادعس واسافر وامسك به خطوط واكشت والى المراقى اراقي به
ولا ضر الحمدلله , المهم انه يكون مآينقص , وجزآكم الله خير




..

[ennter]

انت تقول الحرص على الحلال.وهذا شي زيادة عن اللزوم . ويسمى تبذير وهذا بسب الحرص الزايد ابلي منبعه الوسوسه . وقال تعالى . ومن شر الوسواس الخناس. وايضا هو تبذير . وقال تعالى . ان المبذرين كان اخوان الشياطين . والمصنع بكبرة قال لك غير كل خمس الاف او كل ثلاث شهور ايها اسبق.
يعني حنا افهم من صانع السيارة .
اما بالنسبة للزيت الي تقول انواع وفي غالي ورخيص . انا كلامي عن الزيت المكتوب في دليل الصيانة حق السيارة . الموصي به من المصنع . لان جميع الاختبارات الشاقه اجريت عليه .
اما بالنسبة لمشاكلنا ماكثرت الا بعد تاخيير تغيير الزيت . فهذا كلام غير صحيح . لان اكثر مشاكل السيارات الحديثه هي الكهرباء والتقنيه الحديثه التي ادخلت على السيارات الحديثه . والزيت ماله دخل فيها.
وترا امريكا فيها ولايات فيها درجه حراره عالية (الظاهر لو ودونا هناك ماتحملناها) وفيها ولايات ثلجية باردة.
ولا يسوون الي احنا نسوية .


يارجال خاف الله بنفسك شف خطك بيدك


وبعدين نقح كلامك واحترم نفسك والمكان اللي انت فيه والكلام اللي تكتبه طبقه على نفسك لأني اشوفك تخوض
وصدق اللي قال
V
V


(كل إنا بمافيه ينضح)

[التسعه شفر]

خرط فآضي وشي 5000 ذي , اذا الزيت ماينقص لآتغيره الا بعد 30 الف !

موتري مشى 16 الف ولا غيرته ولا كان ينقص ابد الحمدلله , وواحد من العيآل كان موتره ينقص
ومع كذا ماكان يغيره ابد كان فقط يزيده بين فتره وفتره , اللي ابي اوصله صح المحافظ زين وانك تهتم
بموترك وكله 150 ريآل ان كثرت , بس الوآحد يفكّـر شوي يعني رح غيّـر الكفرات اجل كل سنه
الاحتياط واجب والاقتصآد واجب ايضاً , اذا كنت تبي الاحتياط غيـّره كل 15 ولا ان خربته وصرت ولد فلوس غيره كل 10 او 11 , بالنسبه للي يقول يفرق مايفرق ناس تدعس وتفاحط وناس مهديه لا والله انا مشيت حول 16 وكم واحد اعرفه مشو حول 34 الف ولا غيره وادعس واسافر وامسك به خطوط واكشت والى المراقى اراقي به
ولا ضر الحمدلله , المهم انه يكون مآينقص , وجزآكم الله خير

ويالك يالغالي



..



يارجال خاف الله بنفسك شف خطك بيدك


وبعدين نقح كلامك واحترم نفسك والمكان اللي انت فيه والكلام اللي تكتبه طبقه على نفسك لأني اشوفك تخوض
وصدق اللي قال
V
V


(كل إنا بمافيه ينضح)

ايـــــــــــه قصدك حرف الواو . الحرف سقطت سهوا . ( ربنا لا تؤاخذنا إن نسينا أو أخطأنا)
وانا ماغلطت يوم تقول احترم نفسك . وش مشكلتك بالظبط . وانقح كلامي من ايش . تراك خرجت عن الموضوع . والموضوع عن الزيت . عندك مشكلة راسل المشرفين . اما تجي تتامر علي بموضوعي فتراها صعبه شوي . والمثل حق الاناء ينطبق عليك وعلي وعلى كل شخص . لانه مثل عام . ولا ادري وش علاقته بالموضوع .

[ennter]

يا اخي انا شاركتك بموضوعك وقلت رأيي واتهمتني بالوسوسه وهذا ردك


انت تقول الحرص على الحلال.وهذا شي زيادة عن اللزوم . ويسمى تبذير وهذا بسب الحرص الزايد ابلي منبعه الوسوسه . وقال تعالى . ومن شر الوسواس الخناس. وايضا هو تبذير . وقال تعالى . ان المبذرين كان اخوان الشياطين . والمصنع بكبرة قال لك غير كل خمس الاف او كل ثلاث شهور ايها اسبق.
يعني حنا افهم من صانع السيارة .
اما بالنسبة للزيت الي تقول انواع وفي غالي ورخيص . انا كلامي عن الزيت المكتوب في دليل الصيانة حق السيارة . الموصي به من المصنع . لان جميع الاختبارات الشاقه اجريت عليه .
اما بالنسبة لمشاكلنا ماكثرت الا بعد تاخيير تغيير الزيت . فهذا كلام غير صحيح . لان اكثر مشاكل السيارات الحديثه هي الكهرباء والتقنيه الحديثه التي ادخلت على السيارات الحديثه . والزيت ماله دخل فيها.
وترا امريكا فيها ولايات فيها درجه حراره عالية (الظاهر لو ودونا هناك ماتحملناها) وفيها ولايات ثلجية باردة.
ولا يسوون الي احنا نسوية .

نبهتك للخطأ بكتابة الآية وبكل ادب اعتذرت لك وسحبت كلامي




اخي الكريم انتبه عند كتابة الآيات الرجاء التأكد من الإملاء


اعتذر لك اخي واسحب جميع ماخطه قلمي
يبدو ان النقاش اعتمد على مبدأ
ان لم تكن معي فأنت ضدي



تحياتي



وهذا ردك وعدم الا عتراف بالخطأ وايضا تتهمني بالحماقة والجهل



الاملاء صحيح ..لكن انت اللي مو متاكد من الي تقراه .. افتح المصحف وشف الاملاء صحيح او لا .
ولا تعتذر ولاتنسحب . ولا ني معك ولاني ضدك .. ولكن انت تبي تقنعني بكلام غير منطقي .
قول كلام منطقي . ومعقول . وابشر بالي يغير رايه . لان الي يمتسك برايه من بعد ماظهر له الحق . فهو احمق .. وتعريف الاحمق : * الاحمق هو الذي لا يعلم بأنه لايعلم * هذا النوع من الناس الذين يوصفون بالجهل المركب يعني هو جاهل ولا يدري انه جاهل فتجده يتكلم ويناقش وكأنه عالم.

.


ايـــــــــــه قصدك حرف الواو . الحرف سقطت سهوا . ( ربنا لا تؤاخذنا إن نسينا أو أخطأنا)
وانا ماغلطت يوم تقول احترم نفسك . وش مشكلتك بالظبط . وانقح كلامي من ايش . تراك خرجت عن الموضوع . والموضوع عن الزيت . عندك مشكلة راسل المشرفين . اما تجي تتامر علي بموضوعي فتراها صعبه شوي . والمثل حق الاناء ينطبق عليك وعلي وعلى كل شخص . لانه مثل عام . ولا ادري وش علاقته بالموضوع .

وادري ان المثل ينطبق على الكل ماهو مخصص لشخص معين

وادري ان الموضوع عن الزيت لاكن جينا ننقاشك خليتنا موسوسين وحمقى

وبالنسبه للمشرفين ترى مابيني وبينك شي وياليت مايتعدى حدود اختلاف وجهات النظر
وإذا انا غلطان بحقك مستعد باللي يرضيك
لاكن اللي مايخطي مايتحمل الخطا بعد

تحياتي

[التسعه شفر]

وهذا ردك وعدم الا عتراف بالخطأ وايضا تتهمني بالحماقة والجهل
والله انك اساءت الظن .
واتهمتني بعدم الاعتراف بالخطا . وانا قلت لك سقط الحرف سهوا .. وقريت الايه اكثر من مره ولا انتبهت للحرف . الا في الاخير .
وانا ما تهمتك بالحماقة والجهل . انا قلت : لان الي يمتسك برايه من بعد ماظهر له الحق . فهو احمق .. وانا اقصد نفسي قبل لا اقصدك .. والدليل اني قلت قبلها (اقنعني لو كنت غلطان) . الحين اتمنى انك ماتفهمني غلط .

[ماكسوس]

الله يهديكم قولو آمين

أنا أغير زيت موتري بالصيف كل 10.000
وبالشتاء كل 15.000
ومقتنع

[الصيادالمليح]

بالنسبة لزيت السيارات ما يحتاج تغيير أبدا إلا عند تغيير الفلتر ويضاف الزيت فقط إذا نقص
عندي سيارة كامري موديل 1994 ما قد غيرت لها زيت من يوم شريته إلا لما غيرت الفلتر في حدود 10 مرات ولما وضبت المكينة عام 2004 عشان أغير عوازل الوجهية لقيت المكينة من الداخل تلمع و الميكانيكي مو مصدق إن وقتها غيرت الزيت 5 مرات فقط عند تغيير الفلتر و السيارة و الحمد لله ماشية إلى الآن معي وإن شاء الله بابيعها عشان مافيه مكان يكفي في البيت
وعندي حاليا هوندا أكورد 2004 غيرت الفلتر عام 2006 و قبل شهرين فقط يعني غيرت الزيت مرتين فقط و كل شهر أعاين مستوى الزيت و أضيفه إذا نقص

صحيح إن الكثيرين عندهم قناعات خاطئة وصعب تتغير هذه القناعات ويقولون ندفع فلوس ولكن أنا سويتها عن طريق دراسة الهندسة الميكانيكية و عن طريق التجربة وسألت دكتور ميكانيكي في الجامعه درس علم الزيوت الميكانيكية وقال لي: هما بيضحكوا عليكم في مسألة الزيوت وتغييرها لأنها مسألة تجارية وربحية وفي مصر البعض يشتري زيت مستخدم ويصفونه ويضيفونه في سياراتهم ..ويذكر لي إذا اشتغلت في مصنع فتلاحظ أنهم يغيرون زيت المحركات كل 5 سنوات مع الفلاتر في جميع الأجهزة ولكل جهاز زيت مختلف
بمعنى السيارة لا تحتاج زيت جديد إلا عند تغيير الفلتر و الفلتر يحتاج سنتين للتغيير و يجب معاينة معيار الزيت كل شهر و إضافة الزيت إذا كان ناقص

و اللي يقول حرارة الجو .. أقول له: كم حرارة مكينة السيارة إذا اشتغلت؟؟ كم درجة حرارة غليان زيت السيارة؟؟ هل 70 درجة مئوية اللي هي أقصى ما توصلها تحت الشمس في الصيف تساعد في تغير خصائص زيت السيارة ؟؟

و اللي يقول الصانع ذكر في الكاتالوج .. أقول له الصانع همه الأوحد الربحية وشاف معظم مستخدمين السيارات في الخليج يغيرون الزيت كل 3000-5000 كلم و طبعا عشان يربح لابد يضيفه في الكاتالوج ولكن اللي عنده كاتلوج للسيارة قبل عام 1990 يشوف الكاتالوج هل فيه تغيير لزيت السيارة كل 5000؟؟ و حتى السيارات القديمة قبل1990 لا يوجد فيها تغيير لزيت السيارات و لكن يوجد مكان معاينة الزيت و إضافة الزيت إذا نقص فقط

المسألة مسألة تجارية بحته فلو حسبت عدد مستخدمين السيارات في الخليج تقريبا لو قلنا 10 مليون مستخدم وتقريبا تغيير الزيت كل 3000 يعني شهريا 60 ريال وضربنا النتائج فنحصل على تقريبا 600 مليون ريال شهريا ربح :mad: وهذا بحسبة مبدأية فقط ... فشفتوا كيف المسالة تجارية وحاليا كل وكالة حاطة زيت سيارات خاصة لها ;)



كلامي عن دراسة وتجربة و سؤال خبراء في علم زيوت السيارات ;)


و اللي ما بيصدقني ومستمر في قناعاته ما راح أضربه على إيده و أقول له صدقني و فلوسه في جيبه هو أدرى كيف يصرفه :good2:

[ابوقاسم]

مع كل الاحترام راح اخالفك الرأي

كل واحد ادري بممشاة
يمكن امشي 5000 وانا داخل المدينه يعني الموتر ماجاه كرف ولاتعديت سرعة 100
ويمكن امشي 3000 كلها خطوط ومشاوير على سرعات عاليه
والله ياشباب كانت معي ددسن وكل اربعاء اسافر من الرياض للقصيم وارجع الجمعه وخذ جلد على الخط
ومتمسك بوصية الشايب كل 1500 كيلو اوقف واغير الزيت
وكديتها كم سنه وبعتها واحسن مافيها مكينتها ماتغيرت لأني محافظ
طبعا هالكلام قديم وتعرفون كيف كانت جودة الزيت وكيف صارت هالحين
طبعا الوسط زين لاإفراط ولاتفريط 3000 كيلو زينه
والاهم التشييك على النقص واللزوجه



تحياتي للجميع





مع التحية لكاتب الموضوع
الزيت ما يستهلكه الخطوط والمشاوير الطويلة
الزيت يقلب داخل البد والمشاوير القصيرة الكثيرة اكثر
يعني اصحاب الخطوط هم اللي يطول معاهم الزيت يبطي ما غيروه
واضرب ممشاك داخل البلد في2 وتشوف انه ضعف الخطوط
يعني اذا تغيرة وانت راعي خط في الـ5000 لابد تغيرة داخل البلد 2500
وتحياتي للجميع واسف على الاطالة

[دل البحار]

انا امشي حسب كلام الصانع

الصانع يقول يجب تغيير الزيت كل 5000 كم او ستة اشهر ايهما يأتي اولا

طبعا الصانع حاسب حساب الوقفة عند الاشارات وغيره حتى مذكور في الكتيب ان السيارة اذا استخدمت كسيارة شرطة تشغيل مع وقوف طويل ومشي قليل ينبغي تغيير الزيت ايضا لنفس المسافة 5000 كم وطبعا التغيير يشمل فلتر الزيت

فردي على اللي يقول احسب حساب الوقفة اقوله المصنع حسبها قبلك وبزيادة وفي اسوء انواع الطقس واذا حاب تتأكد تجد في قسم تغيير الزيوت في كتيب السيارة ما يدل على اختيار نوع الزيت وفقا لدرجة الحرارة

نستنتج من ذلك انه لا مجال للتكهنات والتخرصات والتحليل الزائد اللي ما له داعي

5000 كم او ستة اشهر مع تغيير الفلتر


أيه ماشي ع كتيب السياره

بصراحه انت ما شاء الله عايش جو 2011 من جد

ماتغير زيت السياره الا لما تفك الكتيب وحركتات
ياخوي اقرب بنشري والسلام

[مفتون الضبي]

واذا صار معك باث فايندر 2005

[الصقر الحربي]

انا ما يخليني أغير الزيت إلا إذا نقص لأن عندي النقص يكون بعد 5000 الف كيلو وأغيره
وانا ضد زيادة الزيت بعد الممشى الزائد عليه لان كان عندنا كامري 94 ما عمرها انفكت الصره بس زيادة زيادة
وبعدها ودعت المكينة .

[ابو منور 93]

واللة يااخوان مشيت15000والحمدللة تمام التمام

[الحوت الأزرق]

ليش الاسراف وليش اغيره كل 5000
في اوربا وامريكا ما يعرفون شي اسمه تغيير زيت يزودونه كل كم شهر وبس

انا في حر وبرد الرياض اغير الزيت كل 10.000 كم
ومريح راسي
صار لي حوالي 12 سنه على هالطريقه وبسيارات متنوعه امريكي الماني
والحمدلله ماصار الا الخير

[ابوصالح77]

الحفيقة إن فيه مبالغة في الحفاظ على السيارة
تغيير الزيت
من وجهة نظري كل علبة 1000- 1500 كلم

[جلاد الحباري]

ياخوك تراك ذبحتني من الضحك والله انك نكتي درجة اولى بغض النظر عن هالنصيحة الممتازة اشكرك جدا

[النمرالأليف]

والله بالنسبة لي هذه طريقتي من زمان ما اغير الزيت الا كل 5000كيلو ولله الحمد والمنه وكل شيء على ما يرام وكذلك اغيرمعه السيفون

[عااادي]

السلام عليكم

يااخوان الموضوع مايبيله نشدة شيخ

عندك كتالوج السيارة ,,

يقولك غير كل 5000 غير ,, يقولك غير عند 1000 غير ,, يقولك لاتغير ابد لاتغير

[كابتن الشمال]

انا بالنسبة لي بعد كل سفرة تقريبا اغير الزيت

لاني اكون ماشي عليه حول ال700كم خط يمكن السيارة مرات مااطفيها الا اذا وقفت

هذي تجربتي الشخصية وشكرا لصاحب الموضوع

[زحلطن]

قسم بالله ماقد غيرت قبل عشره الااف كليو .....
والحمد لله كله تمام......

[الرنوي]

معلومة طيبة
الله يوفقك

[أبوعبدالاله]

شكرا لك
وأعتقد أن السيارات ماهي واحد الجديدة تختلف عن المستعملة
وكذالك نوعية الزيت وتغيير الزيت مع السيفون غير اللي يغيّر الزيت فقط وكذالك عوامل الجو الصيف والشتاء
وكذلك السيارات اللي مع الخطوط الطويلة تستهلك الزيت ويحترق أكثر من السيارات اللي داخل المدن فقط
وش رأيك ورأي الاخوان

[رحب الالمعي]

ههههههههههه

عندي هايلوكس من يوم شريتها وانا ماأغير الا بعد 10000 كيلو تغيير كامل زيت وفلتر وهي ماشيه هالحين 380000الف وبدت تحرق الزيت شوي

[AxR979]

انا امشي حسب كلام الصانع

الصانع يقول يجب تغيير الزيت كل 5000 كم او ستة اشهر ايهما يأتي اولا

طبعا الصانع حاسب حساب الوقفة عند الاشارات وغيره حتى مذكور في الكتيب ان السيارة اذا استخدمت كسيارة شرطة تشغيل مع وقوف طويل ومشي قليل ينبغي تغيير الزيت ايضا لنفس المسافة 5000 كم وطبعا التغيير يشمل فلتر الزيت

فردي على اللي يقول احسب حساب الوقفة اقوله المصنع حسبها قبلك وبزيادة وفي اسوء انواع الطقس واذا حاب تتأكد تجد في قسم تغيير الزيوت في كتيب السيارة ما يدل على اختيار نوع الزيت وفقا لدرجة الحرارة

نستنتج من ذلك انه لا مجال للتكهنات والتخرصات والتحليل الزائد اللي ما له داعي

5000 كم او ستة اشهر مع تغيير الفلتر


عندي بالكاتلوج حق جمس 2004 مكتوب غير الزيت كل 5000 كيلو او 4 شهور بالظروف العادية و يتم التغيير بفترات اقل تحت ظروف السير بطرق جليدية او السير بطرق مزدحمة او تحت سرعة 90 كيلو بالساعة ..

بالنسبة لي 5000 - 7000 كيلو و الدعوة 6 علب زيت و فلتر ما تجي 150 ريال بالكثير او 180 ريال عند الوكالة ..

فيه معلومة مهمة .. بعض الشباب يحسب انه اذا تعدى 5000 كيلو و ما جاء المكينة شيء خلاص وضعه بالسليم مثله مثل اللي ما يغير زيت الدفرنس و مع تكرار العملية ينقص عمرهن و بالاخير بدال ما تعيش السيارة معك 10 سنين تلقاه ما تكمل 5 الا و هي تشكي ..

الحمدلله عندي الجمس كمل 7 سنين و مكينته 6.0 لتر ماشي 300 الف كيلو ما بين خطوط طويلة و بران و داخل المدينة و مع كذا ما اشتكت المكينة لاني مواظب على صيانته و تغيير كل شيء بوقته ..

[رزيم الرعد]

مع كل الاحترام راح اخالفك الرأي

كل واحد ادري بممشاة
يمكن امشي 5000 وانا داخل المدينه يعني الموتر ماجاه كرف ولاتعديت سرعة 100
ويمكن امشي 3000 كلها خطوط ومشاوير على سرعات عاليه
والله ياشباب كانت معي ددسن وكل اربعاء اسافر من الرياض للقصيم وارجع الجمعه وخذ جلد على الخط
ومتمسك بوصية الشايب كل 1500 كيلو اوقف واغير الزيت
وكديتها كم سنه وبعتها واحسن مافيها مكينتها ماتغيرت لأني محافظ
طبعا هالكلام قديم وتعرفون كيف كانت جودة الزيت وكيف صارت هالحين
طبعا الوسط زين لاإفراط ولاتفريط 3000 كيلو زينه
والاهم التشييك على النقص واللزوجه



تحياتي للجميع


جبت اللي ببالي ..
أعرف واحد مايتعدى 3000 بالزيت وموتره ماشي حول 500000 كيلوا وماشاء الله المكينة عال العال ..

[مكشاتي 2011]

اول يوم انا طفران اغير على 15 الحين 5 الى 8

[AL-OTAIBI]

لا عاد انت وضعك مايطمن.



معليش غلطتي لأني ما فسرت كلامي مضبوط
أنا يا طويل العمر ساكن خارج المملكه و الناس عندنا ما يغيرون الزيت الا بالسنه مره وحده, مو شخص او شخصين لا كلهم. الا اللي سيارته فيها بلا او تنقص.

انا اذكر اول ما شريت السياره و كنت جديد على نظامهم رحت ابغير زيتها و بعد ما دخلتها الورشه و خلصوا, سألت الميكانيكي: متى أجيكم مره ثانيه؟ رد علي و قال: السنه الجايه!!! أنا في البدايه ظنيت انه يستهبل بعدين أكد لي.

و يوم رجعت البيت و قعد اقلب في الاوراق حقت السياره و من ظمنها كان دفتر الصيانه. لأن السياره كانت مع شخص محافظ و كبير في السن و محتفظ بجميع الاوراق.

المهم, حصلت المالك السابق يغير الزيت بنفس الطريقه و مرات حتى كل سنه و 3 اشهر!!
و كل صيانه و خراب و تغيير كاتبه في الكتاب هذا.

ويكون في علمك ان السياره موديل 2000 و حنا الحين 2011 و السياره زي الحلاوه ما شاء الله.

يعني انت متخيل انا السياره عمرها 11 سنه و الزيت تغير فيها 11 او 12 مره بس!!!!


صدقني ان الخلل فينا و الحرص الزايد وسوسه وضياع فلوس.

[مهاجر1]

إلا أبسألك ليه ماتكون أنت البنشري ؟؟ يعني أنت اللي شيك على الزيت حقك وشف هل هو يستاهل يغير ولا لا ؟؟
ليش تاخذ برأي البنشري ؟؟

:good2::good2::good2::good2::good2::good2::good2:

[ابو جبر 9]

والله شف اخوي .. خل عنك العماال ,, تبي الجد وش هالزيت اللي بيتحمل اجوانا بالصيف انا موتري كل 3 الاف وماشي زي الحلاوه معي

[المنيعي1]

دليلك غير مقنع
ولاعليك لامن البنشري ولا من مغير الزيت
هذا شي راجع لك أنت ومحافضتك على موترك ومن الطبيعي أنه كل ما غيرت الزيت بأقل كيلوات كل ما حافظ الزيت الجديد على الأجزاء الداخليه لسيارة .
ولاتقولي كلام مهندس أو كلام خبير هذا شي بديهي وأي واحد يعرفه.

[سيف الظفير]

انا لي سنين ولا اغير الزيت الا كل 5000 و 6000 كيلو بالشتاء

[code0]

تجربتي

الاولى على لومينا 2000 والثانية على فورد 93

اغير كل 10 آلاف وأحس اني مسرف وفي مرات 15 ألف
في مرة تركتها في الشتاء 20 ألف

اللومينا يوم شيكت على الزيت عند البنشري لقاها مانقص شيء ويقول تو الزيت ما انحرق وانا ماشي عليه أكثر من 15 ألف ويوم بعتها كانت نسبة كفائة المحرك في الكمبيوتر 99%

والفورد كنت أغيره كل 15 ألف وكل 20 ألف واسافر عليه كثير ويوم بعته الزيت ما ينقص والمكينة نظيفة

واذا ما غيرت الزيت مايأثر على المحرك ولا شيء ونص سياراتنا تجي من امريكا نظيفة وهم ماغير يزودون الزيت اذا نقص

بس البنشرية يضحكون علينا ان لازم نغير كل 3000 كم علشان يرتفع مستوى الربح عندهم وسوق الزيت يستمر في الانتاج وحنا نستهلك

يعني البنشرية بيكونوا احسن من الوكالة الربحية اللي تقول لازم كل 5000 كم

فمن باب اولى انك تغير كل 10 آلاف كم في الصيف و 15 ألف كم في الشتاء وانت متطمن بس لازم تشيك كل فترة على الزيت لا ينقص وتكون المشكلة في المكينة اساسا ثم تعلل المشكلة في الزيت

وجهة نظري :)

[أف جي A]

ياجماعة الخير تراه على اسمه بنشري
يعني شنو بترجي منه اصل مضحوك علينا في كل شي
ولو تطالع في كتلوج السيارة قسم الصيانه الدوريه راح تلاقي تغير الزيت كل 10000كم
وبالنسبه للبناشر حده يرقع كف ويخب عليه ولا جاء يغيرلك كفر عدملك ام الجنط
لانهم عارفين انا متساهلين معاهم بس والله لو انك انت البنشري وجاك اليماني يغير كفر وعدمت الجنط
لاتدفع قيمته وكاله وانت تضحك
وبالنسبه للضغوط الي على علبة الزيت هذي على حسب المكينه وعلى حسب درجه الحرارة والبروده في المنطقه الي انت فيها تدرون عاد شنو الي يضحك ان ابو يمن لاقراء على العلبه زيت خفيف يقولك هذا مايصلح لانه ابو الشباب متعود على موديل 80 وانت نازل
للمعلوميه المكاين الجديده لابد يكون الزيت خفيف عشان لاتنعدم عندك البلووووف
وسامحوني للاطاله وتقبلو مروووووري

[Bader-M]

تغير الزيت قبل 5000 كم تبذير و اسراف

تحياتي اليك

[ABO ZAIN 29]

كلامك100% يا مشرفنا

[ريلاكس]

انا استخدم زيت موبيل ون

العلبه تباع عند البنشري بـ 45 بـ 50 على حسب

انا اشتري العلبه بـ 33 ريال كرتون طبعا

امشي عليه 20 الف والله على ماأقول شهيد

واحط الزيت على كل السيارات عندي 2011

وعندي 2001 ولافيه اي مشاكل ماشاء الله

الي يقول كل 3000 كحد اقصى هذا لاعب عليه البنشري مع احترامي له

تدري ان الزيت مايغير عند بعض الدول الا اذا نقص يزود عليه

ولا تاخذ بكلام البنشري لانه يبيك تغير وياخذ فلوس

[سيف الظفير]

انا 5000 الى 5500 بالصيف والشتاء ما يقل ممشاه عن 6000 الى 7000 كيلو

ولا ضره


وهذا الشئ على هدد 2009 وجكسار وفكسار جديد

[خوي الشاص]

السلام عليكم ياخواني
المشكله مو بتغيير الزيت المشكله وش البنشري اللي يجيب زيت اصلي انا صارت لي مشكله قبل شهرين كنت اغير الزيت عند بنشري زيت سوبر جيتي طبعا السيفون اجيبه معي من الوكاله الموتر جي اكس 2007ماشي 166تقريبا خذاه مني واحد من الشباب وسافر عليه يوم جابه لي اول ماركبته ومشيت تقريبا 5كيلو اشتغلت عندي لمبة الزيت انصدمت بصراحه وقفت على حنب ع طول وطفيت الموتر وفتحت الكبوت وشيكت لقيته ناقص علبتين دقيت على اللي خذا مني الموتر سالته وش مسوي بالموتر ماشي عليه بثاني 200ولاوش السالفه قال بالعكس كنت امشي 150او 140ليش قلتله خلاص رحت للبنشري ع طول وغيرت الزيت والسيفون ع طول وهو ماكمل 1000كيلو نفس الزيت سوبر جيتي رحت عليه مشوار 1500كيلو وشيكت لقيته بعد ناقص نصحني واحد من العيال قال الموتر مافيه شي البلاء من الزيت غير الترا سفن وشف رحت ع طول وغيرت الترا سفن مع السيفون والحين الحمدلله مشيت عليه تقريبا 3000كيلو ومانقص طبعا السرعه مابين 180 الى 200والحمدلله لاكن نصيحه انتبهو من الزيت هو المشكله

[عبدالله44]

في الشتاء والله ماغيرت الزيت الا بعد(11800)كم واغلبها مشاوير لكن السرعة"120كم"ونادرا اوصل ال 140كم
وغيرته وباقي فية شوي لزوجة

[اسعاف1980]

بسم الله
شباب ترى التغيير على حسب نوع الزيت فى زيت كلى 5000 تغير وفى كل 10000 تغير وفى 30000 تغير وفى 65000 تغير وفى 90000 تغير هزا زيت كفران الدوله تستخدمه للقوات المسلحه ومواطيرها وحفارات البترول والسيارات العسكريه السبشل اقل حاجه درام 300 لتر ينباع هزا ازا تعرف واحد هناك وحيساعدك وفى 150000 تغير المرسدس

[أبوهادي]

جزاك الله خير بالنسبة لي ما أفكر أغيره الا بعد الخمسة الالف وبعض الاحيان يوصل ثمانية

شكرا لك أخي الكريم

[ابوانس20111]

يا اخوان الزيت اذا كان اصل اى يعن مو مكرر مثل الزيت الى يج من الامارات امش عليه 10000الاف ولايضر المو تر شي لاكن لازم تشيك كل 3000 عل الزيت ونا مجرب هطريقه وسلامتكم واهم شي لاينقص ولايزيد الزيت لان الزياده في الزيت تضر المتر

[ksa03]

السلام عليكم جميعآ
بالنسبة لي من اكثر من 10 سنين
يقعد الزيت من 5000 الى 7000 الاف في الشتاء
والصيف 5000 الى 5500
زيتي 30 / 20

[سحاب1]

بالنسبة لي داخل المدينة اذا وصل حول 4000 اغيره
اما السفر اول ما اوصل منطقتي كم يوم واغيره وحسب الجو اذا حار اغيره على طول
بالتوفيق للجميع

[ماهقيت]

يالربع انا اغيره من 5 وفوق احيان 7 الاف بالنسبه لامير العشاق فكلامك صحيح ولكن ولكن مو عندنا هنا بالسعوديه اللي الغبار يدخل فالبطن وتحسه بالضروس...... لماكنت بامريكا كانو يزيدون فقط اذا نقص ولكن الله خلق وفرق بالجووووووو واذا صرت تغيره كل 1500 مثلا ثق ثقه تامه انه رارح يأثر على الموتر .. كلام واالدي وخبرته لمدة30 سنه ميكانيكي.
تقبلو كلامي بصدر رحب

[monline]

السلام عليكم ورحمة الله وبركاته

أنا عندي vxr 2010 و أغير الزيت كل 10 آلاف مع السيفون عن الشركة

لكن نوعية الزيت تختلف - و كل زيت له حد في الكيلومترات إللي تمشي علية

[الطرس ممدوح]

جزاك الله خير

[عبدالإله9933]

السلام عليكم بالنسبة للشباب اللي يقول غيرت 10000 ولا غير 12000
انا اقول لو سيارتك عدله الللحين شي طبيعي لانها جديدة ولا بعد ياكل عليها الزمن يعني لازالت تتحمل
انا لي قريب يغير زيت سيارته كل 4500 مع الفلتر واسبوعيا يسافر للشرقية وسيارته كامري 4 سلندر
والحمدلله ماشيه 590000 وماكينته مثل الحلاوة هذا لانه مهتم في سيارته ويغير الزيت في وقته
وانا اتوقع مافيه كامري ماشي 590000 ولا وضب ماكينته إلا إذا كان مهتم بالزيت
هذي تجربه وليست وجهة نظر

[abuslman88]

يراعى عند تغيير الزيت
المدة
حرارة الجو
الخطوط الطويلة
عمرالسيارة
الخ
وينبغي مراجعة الكتلوج + معيار الزيت بين حين وآخر