الطيرصايد 5 منها 3 عقب طيور (طيب يلحق الحمام!!!!!)

[بن حريول]

السلام عليكم ورحمه الله وبركاته
اخواني الصقاقير من مشرفين واعضاءمنتدانا الغالي مكشات هذا المنتدى الذي كم استفدنا منه ووجدنا به اجوبه لطالما حيرتنا في هاذه الهوايه العريقه التى توارثناها من الاباء والاجداد
واتسمت سلومها با معرفت الرجال وحفظ الامانه وخوه الدروب ورياده المناطق البعيده
وعرف عن هاذه الهوايه ان الصيده الاساسيه في قنايه الطير هي
الحبارى
الارنب
الكروان
ومنذ فتره وهي ليست با القليله طبعا هي منذ مده وانا شخصيا عاصرتها
انه اذا مدح طير بفعله يقولون صايد ويلحق السوادي سلم او 15 15 او 1414 الخ....
السؤال هنا
هل من قله الصيد معاد يحكم على الطير السبوق الا من خلال الحماام؟؟
هل الحمام اصبح الوسيله لكي ترا طيرك يطرد شئ بديل الصيده الاساسيه وتشوف فعله فيها
ام انها دخيله على هاذه الهوايه بين مؤيدين ومعارضين
واسف على الاطاله
ارجو التفاعل مع الموضوع

[Warad]

وعليكم السلام
بيض الله وجهك على الموضوع
والله الصيد واجد للي بيدور عليه بس الي اشوف الحين اكثر الي يعرض طيره ويقول شرط حبارا ومثانا عليه بس هم يبون طير حمام اول ماينشدك شلونه معا الحمام هاذا الي اشوف الحين
واسمحلي على الاطاله

[طير الهقاوي]

بسم الله الرحمن الرحيم


السلام عليكم ورحمة الله وبركاته
الحمام بمختصر شديد صار اساسي في وقتنا هذا والدليل قلة الصيد في شبه الجزيره العربيه
دعني احسبهاا لك حسبه بسيطه
لو قولنا ان طيرك معك لفتره لاتقل عن خمس شهور يعني 150 يوم
محصول صيدك كم بيكون لنفرض فرض جميل عن مانسمعه من الناس الي ما شاء الله عليهم يتعبون بالقنص
عدد الحباري 10 وعدد الكراوين 40 وعدد ايام اللعب على الملواح 40 طيب نجمعهاا 90 صارت بقى عندي 60 يوم لو ريحته عشر ايام يستاهل بقالي خمسين وين اروح بهاا
عرفت فهمتني اكيد فهمت
بمختصر الحمام صار اساسي
ارجو اني قد وصلت لك معلومه طيبه تقبل مروري طير الهقاوي

[ذعذاع نجد]

وعليكم السلام ورحمة لله

موضوع يستحق النقاش
انا الاحظ في الاونة الخيره بعض من الناس ما اخص في كلامي احد
فية ناس يشري الطير يبيه للحمام بس لا يبي صيد ولاغيره ولا يبي يتعناء
وانا ما اشوف فية مصلوح اذا يبي حمام
والصقاقير قبل ما يعرفون الحمام ولا يهد الحمام لطيره
كل صقار يجرد طيره على الملواح وذب الريع وقنص
واما الحين الصيد مثل ما تشوفون قليل وصار الناس
حتى الصقار الى يقنص منها مقناص ومنها هدد وتحدي
بينه وبين ربعة على الحمام لقلت الصيد فقط لا غير
بس يعطي الطير حقة يقنص ويتعناء لجل الصيد
وهاذا الضاهرة دخيلة على الهواية
00(وان اصبت فمن لله وان اخظئت فمن نفسي والشيطان)00

[المري]

السبب : هو قلة الصيد المذكور فقط ( قل الحبارى والكروان والارنب )

بس هذا السبب

وجزاك الله خير

اخوك - المري

[بن محجن]

بسم الله الرحمن الرحيم


عليكم السلام ورحمة الله وبركاته


صباح الخير أخوي
بن حريول


الحمام مثل ماتفضل الأخ طير الهقاوي اصبح اساسي في وقت الحاضر
ووسيله لتطليق الطير وبيان سبق لبعض الطيور


ومثل ما دخلت علينا الطائره الشراعيه ايضا"
لتطليق وبيان الأرتفاع للطير- خصوصا" التفاريخ -


وباختصــــــــــــــار
شئ يعوض عن شئ
والأمور دوما" في تجدد وتطوير


مشكور اخوي على الموضوع
وتقبل مروري وتحياتي العطره


ودمتم ســـــــــــــــــالمين


بن محجن
25/6/1432ه

[معسف العاصي]

الحمام ماهو مقياس للطير . مرت علينا طيور ماترغب الحمام لكن تلحق به على الحبارى
وانا من وجهة نظري ان الحمام يخرب الطير . لكنه بلاء لابد منه لقل الصيد. يعني الطير اذا كل يوم ملواح يبي يمل من المولواح لذلك نطلقه بالحمام

[القرناس المهاجر]

ابن حريول يالله تحييه
نعم قلة الصيد .. وكثرة الإرتباط ( الجدول مضغوط )
هما سببان لضعف لياقة الطير

الحمام متعب للطيور وتسبب في فقد الكثير منها

[عاشق حضن]

يابن حريول موضوعك مهم جداً

الطير الي مايلحق الحمام سلم من وجهة نظري ماينقنصبه حباري حتى وان قنصة بتكون خايف منه ولا عندك ثقه فيه ... هذا الشيئ الاول ,,,
الشيئ الثاني وانا خوك الدعوى صارت تحديات وتلحيق وسبق بينك ياراعي الطير وبين اخوياك وانت ابخص بهالمور وماتخفى عليك لأن الصيد منت بلاقيه يومياً ولا حتى أسبوعياً يعني خذ طير سبوق بتستانس في الهدد على الحمام اذا مالقيت حباري وكراوين ,,,,,,,,,,
الطير الي مايلحق الحمام من وجهة نظري فاشل ,,,,,,,

[ابن حويد111]

بسم الله الرحمن الرحيم


السلام عليكم ورحمة الله وبركاته
الحمام بمختصر شديد صار اساسي في وقتنا هذا والدليل قلة الصيد في شبه الجزيره العربيه
دعني احسبهاا لك حسبه بسيطه
لو قولنا ان طيرك معك لفتره لاتقل عن خمس شهور يعني 150 يوم
محصول صيدك كم بيكون لنفرض فرض جميل عن مانسمعه من الناس الي ما شاء الله عليهم يتعبون بالقنص
عدد الحباري 10 وعدد الكراوين 40 وعدد ايام اللعب على الملواح 40 طيب نجمعهاا 90 صارت بقى عندي 60 يوم لو ريحته عشر ايام يستاهل بقالي خمسين وين اروح بهاا
عرفت فهمتني اكيد فهمت
بمختصر الحمام صار اساسي
ارجو اني قد وصلت لك معلومه طيبه تقبل مروري طير الهقاوي



طير الهقاوي اسم ع مسمى
وفيت وكفيت :good2:

[بحر الخليج]

صباح الخير للجميع / صراحة موضوع مهم تشكر عليه بالنسبة للهدد على الحمام مثل ماقالوا الاخوان لقلة الصيد وايضا الطير الي يصيد السوادي سلم هذا طير فارط بالسبق
لكن هناك ملاحظة ما ادري قد مرت على احد فيكم او لا وهي كثرة الهدد على الحمام باستمرار للطير تخرب طبوعه يصير بعدها مايرغب الا الحمام فقط وحتى ان كان صايد الصيد قبل وهاذي قد مرت علي في طيور عندي وعند ناس اعرفهم بس لقلة الصيد صار الواحد يبي يستانس على طيره بالهدد على الحمام .

[راعي شوق]

اخوي بن حريول


موضوع جميل ولكن لكل واحد وجهة نظر


الحمام صار شئ ضروري لتطليق الطير لان الملواح ما يعطي فرصة للطير انه يرتفع
وثانيا ما كل يوم وانت لاقي صيد تهد عليه
وخاتمة الموضوع ان الحمام ما هو بمقياس للطير يا كثر طيور ما ترغب الحمام وهي تنزل الكراوين من النجوم


تقبل مروري

[راشد حسين]

كلام اخوي


طير الهقاوي


مضبوط :good2::good2::good2:

[falcon 1]

السلام عليكم ورحمة الله وبركاته
والله يا خوك ...صحيح قلة الصيد ..الواحد ما وده يترك الصقاره فيهد على الحمام
اعرفلي شايب الله يذكره بالخير عنده تبعتين ..وما يبيعهن لو شنو !! والرجال الله معطيه خير ما شاءالله وقادر يشتري حرار لو يبي ويقنص بالخارج
قال " ما عاد في مقناص ..خلو الحبارى والكروان لكم ..انا مابيها " وكل يوم يهد طيوره على حمام ويستانس ويطالعهم
فكر واحد وطموحاته ..في ناس تي الحبارى والكراوين وفي ناس ما تبيها
وهذا رايي

تحياتي لكم يالربع
اخوكم
فالكن 1

[صقار الرياض]

مشكور أخوي على الموضوع ومثل ما قالو يمكن قلة الصيد

[صاحب نوماس]

ابيض وجة يابن حريول

هذا وانا اخوك لقلة الصيد

[سطام ابو سعود]

صحيح الحمام يطرب لاكن بدون حبارى ولله ما انقل الطيررررررر

[دعاس]

الله يمسيك بالخير
الشباب كلهم ماقصروا عطوك المفيد
بس نفرض ان عندك طير صايد 100%وجاك زبون من شخص وزكاك
وقال انا كفيله بالصيد وطيرك ما شفت له لحوق فارط على الحبارى كيف
يبي يشري الرجال؟
اكيد يبي يمتحنه بحمامه قويه ولو ما يصيدها’’اهم شي يقتنع ان الطير يرتفع
لان اغلب الطيور ان كان وحش اوتفريخ او خليط يبي يصيد
بس اصبح الحمام مقياس لارتفاع الطير وصملته
صدقني بيع طير فاشل بالحباري وبيع على حمام ب25000
هذا دليل ان الطير لو يلحق وما كان يطرد حمام تقل زبائنه
قبل الشيبان مايحبون الطيور اللي تلحق الحمام لان الطير اذا كان راكد
وما فيه ريشه يبي يضيع مع الحمام.
والجميع ملا حظ في الاونه الاخيره كثر التحدي والمجاكر والسباقات على طرد الحمام’’وقلة الصيد وضهور الجيرات اصبح فيه تنافس بين الفصيلتين على سباق الحمام.
وتقبل تحياتي

[أبوفرحان]

بسم الله الرحمن الرحيم



السلام عليكم ورحمة الله وبركاته
الحمام بمختصر شديد صار اساسي في وقتنا هذا والدليل قلة الصيد في شبه الجزيره العربيه
دعني احسبهاا لك حسبه بسيطه
لو قولنا ان طيرك معك لفتره لاتقل عن خمس شهور يعني 150 يوم
محصول صيدك كم بيكون لنفرض فرض جميل عن مانسمعه من الناس الي ما شاء الله عليهم يتعبون بالقنص
عدد الحباري 10 وعدد الكراوين 40 وعدد ايام اللعب على الملواح 40 طيب نجمعهاا 90 صارت بقى عندي 60 يوم لو ريحته عشر ايام يستاهل بقالي خمسين وين اروح بهاا
عرفت فهمتني اكيد فهمت
بمختصر الحمام صار اساسي

ارجو اني قد وصلت لك معلومه طيبه تقبل مروري طير الهقاوي





كلام سليم 100%:good2::good2:

[حامد الحنيني]

مرحبا يابن حريول
الحمام زين شين يطلق الطير ويفسده بنفس الوقت خاااصه بالطلع والملواح
وبعيد بخصوص اللي ينشدون عن الطير اللي يلحق الحمام
لانك لو بغيت تشري طير مانت جايب حباراك معك ولا انت اخذ الطير على كلام راعيه
واذا صار ما صار تناشبة انت وياه بتأخذ حمامه وتهدله وتشوف بعينك جناحه وهدده
اما الذبح على كلام الرجال .
ارجو انها وصلت الفكره وشكرا لك...

[هاوي هدد 11]

مثل ماقلو الأخوان قلة الصيد
ولكن الهداد على الحمام يشبع رغبتك بالهداد
وكذلك فيه جمعة مع الربع وتعارف على صاقرين آخرين
ومن قال أن الحمام يخرب الطير فهوغلطان بالعكس يكون الطير
نشيط ويدور الهدادوكذالك يروض الطير
دايم طيوري أهدها على حمام
واذالقيت الحبارىتصيدها طيوري
وجول الكراوين تخمده
وهذا كلامي من تجربة اكثر من عشرين سنة

[أبو رداد]

وعليكم السلام ورحمة الله وبركاته
لاشك أن قلة الصيد له دور كبير بالتفات أغلب الشباب على الحمام وشارات الحمام
وكذلك كثرت الطيور شجعت الصقاقير على تجربة الحمام ....
سابقا نخاف نهد للطير حمامه لانها مجازفه وممكن تخرب طبوعه
أما الان نهد الحمامه وعقبها ندعاه بالتلواح وجوه طبيعي

[بدر التميمي]

بيض الله وجهك يابن حريول موضوع ونقاش غايه بالجمال






يابن حريول موضوعك مهم جداً




الطير الي مايلحق الحمام سلم من وجهة نظري ماينقنصبه حباري حتى وان قنصة بتكون خايف منه ولا عندك ثقه فيه ... هذا الشيئ الاول ,,,
الشيئ الثاني وانا خوك الدعوى صارت تحديات وتلحيق وسبق بينك ياراعي الطير وبين اخوياك وانت ابخص بهالمور وماتخفى عليك لأن الصيد منت بلاقيه يومياً ولا حتى أسبوعياً يعني خذ طير سبوق بتستانس في الهدد على الحمام اذا مالقيت حباري وكراوين ,,,,,,,,,,


الطير الي مايلحق الحمام من وجهة نظري فاشل ,,,,,,,




تعقيب على كلامك اخوي عاشق حضن


اولا احترم وجهة نظرك وعلى العين والراس اخي الكريم فيه طيور سبقها فارط ع الحمام


ولامن شاف الحبارى او الكراون او الارنب الطير مايعطيك جناحه


وفيه طيور ماترغب الحمام بس ورها الحبارى او الكراوان او الارنب بتشوف لها مهد


ماتنساه ابد


اختلاف وجهات النظر لايفسد للود قضيه


اخوكم ومحبكم : بدر المهيدب التميمي

[wwmfs]

الحمام لابد منه

دعيت ملواح اليووم بكره بعدة 4-5 ايام

مالله رزقك بشي تهدله حمااام وتونس وتطلق خاطرك

والله يرزق الجميع

[Turki1]

الله من طير يلحق الحمام سلم ،واليا كوبر الخرب وقع على شبك موترك.

[عـــــزام]

فدوك الاخوان

[مرمر وماني]

والله الحمام يخرب الطير ويقلل عزومة الا ما ندر من الطيور
ولا هو شرط الطير اللي يلحق الحمام يلحق الحباري لاننا نشوف طيور تلحق حمام شبة بري والحبارا ما يردنها عن وجهها .......كان عندي طير يلحق انواع الحمام السبق بري زاجل والحبارا يهابها وبعته على طول وكان عندي طير ما يلحق الحمام اكثر من خمسين متر بس اذا شاف الحبارا انقلب فوق تحت ولا راحت عليه ولا حبارا ويلحق عقب طيور جير
انا راعي هدد حمام وهالسنه هذي تحسفت لتنه خرب طيوري وسيارتي وعلى الفاضي

[الجفران]

قلة الصيد تصيد ان توفقة خمس وباقي الايام يلهدك مايطرد حمام
بالنسبه لقياس الطير الي يلحق الحمام الي يسرح اعرف انه الا ماء شاء الله مايروح عليه شي
الا وحده من وحده عن نفسي لو يقال ان هالطير يلحق سارحت امس ولا يرغب حمام ما اخذته .
وكلن له وجهة نظر

[بن حريول]

اخواني بيض الله وجيهكم
وشاكر لكم تفاعلكم مع الموضوع
وعسى ربي يوفقنا وياكم لما يحبه ويرضاه
اخوكم بن حريول

[روووح]

الربع وفوا وكفوا

[راعي مطفوق]

السلام عليكم ورحمت الله وبركاته انا احترم اراء الجميع بس من وجهت نظري انه الطير الي ينهد على الحمام الله يعين راعيه حتى لونه على اثر حباره والطير راكد يمكن انه يفلس راعيه من الهدد بمرور حمامه راحت الحباره وحصلت معا ناس كانو مايدون هدد الحمام يوم راحت عليه حباري قالو ان الطير الي ينهدله حمام يوهق راعيه في وقت الحباره وانا مالوم من يهد حمام بس غير مايد لانه السبوق سبوق لو مايدعا الا يوم فيالسبوع والسبق مو في الدعو اوهدد الحمام بالحباره الصامل اما الحمام انشالله يصيد اسبقهن والشكر لله ثم لصاحب الموضوع وللجميع وناسف بالاطاله

[عبدالرحمن بن ذياب]

انا اعتقد انه ل قلة الصيد
ما عاد موجود الحبارى و الكرواين و الارانب

[قرناس شماالي]

السبب : هو قلة الصيد المذكور فقط ( قل الحبارى والكروان والارنب )



بس هذا السبب


وجزاك الله خير



اخوك - المري


مثل ماقلت يابومعيض

ولايهنون الربع

[راعي غضبان]

هلا والله ومرحبا يابن حريول بالنسبه في السعوديه ماعاد به صيد والحمام المتنفس الوحيد من هدد ومن امعاند وتلحق علي والحق عليك ماعاد به الا حمام وانا اعرفلك ناس قنصوا لين عجزوا مالقوا الي يهدون عليه وباعوا بنص مشتراهم ماعاد به الا حمام يتونسون عليه لين الله يفرجها وان الله جاب صيده ابرك شي وياقلها والصيد من اول كل واحد حصيلته عشر عشرين الا الثلاثين وهلحين اتحداه ان تعدا ثلاث الا خمس الا الي يدفعون على الحبارى دراهم هذولا كل العالم يدورون لهم ويصيدون زياده شوي علينا على الطريقه هذه بيقل من اسباب الاجهزه حقت الكراوين والحباري في الليل على الساحل على شان يبيعونها ماعادبك لقي شي تهد عليه حتى الحمام فيه طق احيانا ندور نبي نهد مانلقى شي حتى الحمام انقرض ولااحد قدر يطرحه مادام فيه حمام ماعلينا بس بكره تشوف عندنا تماثيل حمام وكراوين ندعي عليها ههههههههههههههههه لان كلش انقرض والله يعطيك العافيه ويرحم والديك موضوع طيب من رجالن طيب والف شكر لك وهذه حقيقه كل شي انقرض حتى الحمام قمنا نتعب مانلقاه الظاهر الدعوى قاوعت ماعادبه صيد وبالنسبه للي غير السعوديه وعندهم صيد متوفر انا معك ماله داعي حمام الصيد موجود ويجردون طيورهم عليها ويتونسون ويتنامسون بهدد طيورهم لان الصيده غير وشكرا حبيت اوضحلك حالنا
وتقبل تحياتي

[بن حريول]

اخواني شاكر ومقدر لكم تفاعلكم مع الموضوع
لاهنتو على الردود والمرور الطيب

[نواف السعد]

هلا والله ومرحبا يابن حريول بالنسبه في السعوديه ماعاد به صيد والحمام المتنفس الوحيد من هدد ومن امعاند وتلحق علي والحق عليك ماعاد به الا حمام وانا اعرفلك ناس قنصوا لين عجزوا مالقوا الي يهدون عليه وباعوا بنص مشتراهم ماعاد به الا حمام يتونسون عليه لين الله يفرجها وان الله جاب صيده ابرك شي وياقلها والصيد من اول كل واحد حصيلته عشر عشرين الا الثلاثين وهلحين اتحداه ان تعدا ثلاث الا خمس الا الي يدفعون على الحبارى دراهم هذولا كل العالم يدورون لهم ويصيدون زياده شوي علينا على الطريقه هذه بيقل من اسباب الاجهزه حقت الكراوين والحباري في الليل على الساحل على شان يبيعونها ماعادبك لقي شي تهد عليه حتى الحمام فيه طق احيانا ندور نبي نهد مانلقى شي حتى الحمام انقرض ولااحد قدر يطرحه مادام فيه حمام ماعلينا بس بكره تشوف عندنا تماثيل حمام وكراوين ندعي عليها ههههههههههههههههه لان كلش انقرض والله يعطيك العافيه ويرحم والديك موضوع طيب من رجالن طيب والف شكر لك وهذه حقيقه كل شي انقرض حتى الحمام قمنا نتعب مانلقاه الظاهر الدعوى قاوعت ماعادبه صيد وبالنسبه للي غير السعوديه وعندهم صيد متوفر انا معك ماله داعي حمام الصيد موجود ويجردون طيورهم عليها ويتونسون ويتنامسون بهدد طيورهم لان الصيده غير وشكرا حبيت اوضحلك حالنا


وتقبل تحياتي
عزالله صدقت ياراعي غضبان الحمام فيه طق ماعاد نلاقاه مشكور اخوي كلام سليم والف شكر لبن حريول على الموضوع الطيب والله يعطيكم العافيه