المساعد الشخصي الرقمي

مشاهدة النسخة كاملة : استشارة بخصوص تجهيز السيارة للطرق الشديد الوعورة(offroad). ........((أمير العشاق))


أميرالعشاق
29/05/2011, 01:04 AM
... السلام عليكم ورحمة الله وبركاته ...
لدي استفسار واتمنى تفيدوني....
......................................
في مملكتنا الحبيبة
الكثير من الطرق الوعرة جداً جداً
وأغلبها تؤدي الى مناطق آثار أواودية جميلة
أومناظر خيالية تستحق التعب
والتحدي والمغامرة
...................
وأتمنى تجهيز السيارة بالكامل
لمثل هذه الطرق الوعرة..
السيارة(جيب تويوتا)موديل95
..................................
الاستفسارات هي/
*ماهي التجهيزات اللازمة للطرق الوعرة؟
*هل هذه التجهيزات موجوده بالمملكة؟
*ماهي اشهر المحلات بالمملكة؟؟
* كم أسعارها التقريبية وما افضل الشركات المصنعة لها؟
*هل استطيع طلب هذه القطع من الخارج؟
*هل هذه التجهيزات مسموحة من قبل المرور؟
.............................
أتمنى من لديه ولو معلومة بسيطه فلا يبخل بها علي...
وأعدكم جميعاً بأجمل التقارير عن هذه الأماكن
إذا تمكنت (بعد الله) من تجهيز السيارة..
..........
وشكراً للجميع
مركب الجمس
29/05/2011, 01:37 AM
اول شئ امسيك بالخير

بالبدايه التجهيز راح يكون في التعليق بالبداية

انصحك بشركـة Rancho

فكرة المساعد و انواعه
فكرته ينزلك بالمساعد درجات تحكم لعلي اذكر لك نموذج من منتجاتهم

مساعد يتيح لك بأختيار قسوة المساعد على هيئة فرار درجات تتحكم فيها من 1 - 11

1 خفيف
الى ان تصل للدرجه 11 تجد نتيجة المساعد قاسيه وصلبه

فوائده كثيره في الخط على درجة 2 مريح و في المكان الي يتطلب قوة التعليق توضع على درجة 11

هذي بالنسبه للتعليق و لا تنسى يايات استراليـة يباع عند الرماية يوجد نوعين انت و استخدامك و عفشك ..

..

نقطة مهمه تفيدك كثيراً الدف لوك خبرتي فيها قليله و الشباب ماراح يقصرون ..

صدامات من شركـة arb استراليـة

هذا رابط الشركـة : http://www.arb.com.au/
أميرالعشاق
29/05/2011, 02:45 AM
جزاك الله خير اخي/مركب الجمس...
معلومات قيمة ومفيدة...وافادني الرابط كثيراً...
نعم..هذه التجهيزات التي اتمنى الحصول عليها.....
وفقك الله ...
وبانتظار معلومات اكثر من الاخوان ..
رسيس نجد
29/05/2011, 02:49 AM
شف خيمه تجهيز السيارت فيها الي تبي 0
عكس التيار
29/05/2011, 03:22 AM
اهم شي يامير العشاق وخاصة لمنطقتكم هو التعليق


http://www.man-a-fre.com/parts_accessories/parts_pictures/elsaswideangle.jpg

http://www.gotcruiser.com/images/jeremybuttz2a.jpg

http://www.sleeoffroad.com/products/bumpers/sof_rear_80series_detail.htm

الغليون
http://atlasteam.gr/eshop/catalog/images/LC185.gif

الصدام + الونش

http://tired-iron.mounet.com/Grace4X4/GRBTLC/TLC_44.jpg

وهذا اتوقع بيركبون له دفلوك

http://www.off-roadweb.com/tech/0708or_1994_toyota_land_cruiser/photo_02.html




ولاننسى التصفيح للمناطق الحساسه في السياره كالراديتر وكرتير المكينه والقير والتوانك البنزين

والبطاريه الاظافيه ومايتبعها من تمديدات للاناره الخارجيه وتمديد الثلاجه

والكفرات المناسبه

وتجهيز المكينة من هدرزات وفلاتر ومراوح كهرب بدال الكلتش وخلافه



وغيرها الكثير والكثير من التجهيزات


منها ماهو متوفر عندنا ومنها تقدر تطلبه من الخارج بسهووله تامه

لكن الله يعينك على الاسعااار

بامكانك البحث عنها في محرك البحث قوقل
أميرالعشاق
29/05/2011, 03:31 AM
شف خيمه تجهيز السيارت فيها الي تبي 0

:good2::good2::good2::good2:
شكراً لك اخي الكريم....
وتم كتابة الموضوع هناك ايضاًً....
اخوكم مستعجل قبل ارتفاع درجة حرارة الجو في الجنوب:D
MjNo0oN
29/05/2011, 03:43 AM
اخوي فهمنا انك بتجهز سيارتك للبر وماتبي شي يردك

لاكن الي انا ما فهمته وشي ارضك (جبال رمل حصى بحر حزم شعبان وديان) او بتاع كلو على قولة اخواننا المصريين

عموماً كل ارضية ولها تجهيز لاكن راح نقول لك اهم التجهيزات ولنا رجعه

1- التعليق > اهم شي ترفع موترك عن رفعته من الوكاله خصوصاً اذا كان موترك لاند صالون وفيه شركات كثيره مهتمه بهاذا الشي و المنتشر بين شعبك وانا اشوفه افضل شي بالنسبه لك خذلك طقم يايات + طقم مساعدات من الرماية و الرفعه الي انت تقيسها لنفسك و لموترك (يعني تشوف الي يناسبك انت و موترك) وحاول انك تبعد عن المواصفات الزايدة لان عكاسها كثير وسعرها مرتبع
2- اذا كان يهمك صلابة الصدام عندك صدامات arb مع اني ما اشوف لها فايد وفوق هاذا سعره مرتفع جداً مابين ال3000 لل4000 ريال ولافيه قوة تستاهل هاذا المبلغ وتلقاه في الرمايه وانا اشوف دعامة المواهب تقوم بالواجب وموترك صدامه حديد من الوكاله
3- احرص على تركيب ونش وعندك الونش الامريكي من شركة وارن ممتاز و وكل من جربه ماذمه واسعاره مناسبه مابين ال3000 لل4500 على حسب قوة السحب وانا اشوف ان ال3 طن مناسب واهم ميزة فيه انه خفيف و صغير (وذف) واذا كنت تبي اقوى فيه ال4 طن مايفرق عن الاولى الا قوة غير ملاحضة في السحب + زيادة في الوزن و الحجم
4- الكفارت و الجنوط < اذا كانت جنوط الوكاله الي عندك كروم تقوم بالواجب واذا كنت ناوي تغيرها ابحث عن الخفيف و الاصلي وابتعد عن الصيني و التجاريات> و الكفرات اذا كنت راعي نفود ركب بالون واذا كنت راعي جبال دور على الحجرايت السخاف الي تشبه حقات الربع و الهدد ويفضل تركبها على جنوط الربع شنبر لانها قويه وتتحمل واذا كنت تبي تجمع بينهم ركب لك كفرات تسمى حجرية تجيك كبار و عراض لاكن اسعارهن غاليه وتوصل قيمة الكفر لل1000 ريال لاكن انه لك وللعمر على حسب معلوماتي البسيطه وانا عندي لك راي ركب لك الكفرات الي تجيك على الهمر H2 من الوكاله ممتازات في كل مكان (لاكن انا ما افتي فيها لاني ماجربتها) واشوف اغلب راعين الاف جي يركبونها و العلم عند رب العالمين
5- الكهرب < يفضل انك تركب لك بطاريه احتياطية + محول كهرب < وانت و استعمالاتك في السياره انا ما اقدر افيدك في استعمالك
6- تانكي المويه < افضل شي في نضري الي يجيك خلف المرتبه الثانيه وفيه الي يجيك سدح انت شف الي يجوزلك وركبه و الحجم انت الي تحددة على عدد ايام طلعاتك المعتادة
7- تانكي البنزيم < موترك من وكالته تانكيين واتوقع انها كافية ووافيه لك الفل يمشيك حوال 650 لل750 كيلو وهاذي كافيه ووافيه في نضر و استعمالي واذا كان استعمالك غير وتبي تقطع اكثر من هاذي المسافه الشباب مهوب مقصرين يفيدونك في افضل الورش لتفصيل تانكي اضافي
8- سلة السقف < وهي في نضري واستعمالي مهمه في الكشتات لانك تشيل عليها الحطب خصوصا اذا كنت تحرص على الديكورات الداخليه او تحطب وتحطه فوق الموتر + تشيل العفش الي يضايق داخل السياره مثل فرش النوم و العزبه وتثبتها في السله < وانا افضل السلال من وجهة نضري حقة المواهب الضاهر تتحمل 200 كيلو او 150 كيلو بدون ماتضر البدي + ماتشوه منضر السياره او تشوهها بشكل خفييييف
9- فرارات < وفيه انواع كثيره وافضلها على حسب ماسمعت وشفت البرازيلية وتلقاها عند السليماني وتكلفك تقريباً 500 بالكثير راكبه على موترك


والتعاديل كثيره و القائمة تطول لاكن انا ذكرت اهمها على الاستعمال العام
أميرالعشاق
30/05/2011, 07:30 PM
أخي الكريم/عكس التيار....
جزاك الله كل خير....أفدتني كثيراً والمواقع فيها كثير مما تمنيت الحصول عليه..وراسلت بعض المواقع للاستفسار..وأشكرك جزيل الشكر ..وفقك الله
أميرالعشاق
30/05/2011, 07:50 PM
اخوي فهمنا انك بتجهز سيارتك للبر وماتبي شي يردك

لاكن الي انا ما فهمته وشي ارضك (جبال رمل حصى بحر حزم شعبان وديان) او بتاع كلو على قولة اخواننا المصريين

بتاع كله:)

عموماً كل ارضية ولها تجهيز لاكن راح نقول لك اهم التجهيزات ولنا رجعه

ما استغني الله يسعدك..بأثقل عليك بالأسئلة/

1- التعليق > اهم شي ترفع موترك.....

الموتر مرفوع نسبياً..ومعلوماتك افادتني اكثر..

2- اذا كان يهمك صلابة الصدام عندك صدامات arb ..... وانا اشوف دعامة المواهب تقوم بالواجب وموترك صدامه حديد من الوكاله

وين أحصلها دعامة المواهب؟؟؟

3- احرص على تركيب ونش وعندك الونش الامريكي من شركة وارن ممتاز و وكل من جربه ماذمه واسعاره مناسبه مابين ال3000 لل4500 على حسب قوة السحب وانا اشوف ان ال3 طن مناسب ....

وين أحصل ونش 3 طن؟؟وكم سعره تقريباً؟؟

4- الكفارت و الجنوط < اذا كانت جنوط الوكاله الي عندك كروم تقوم بالواجب واذا كنت ناوي تغيرها ابحث عن الخفيف و الاصلي ....

عندي جنوط....16 كروم عريضة..
ممكن تركب عليها الكفرات الحجرية؟؟؟
وين احصلها..وكم سعرها تقريباً؟؟

5- الكهرب < يفضل انك تركب لك بطاريه احتياطية + محول كهرب .....

موجود بطارية احتياط+محول+أفياش وانارة كافية
داخل وخارج السيارة

6- تانكي المويه < افضل شي في نضري الي يجيك خلف المرتبه الثانيه....

السيارة جيب ربع..ممكن اركب تانكي ماء صغير..
60..80لتر مثلاً؟؟

7- تانكي البنزيم < موترك من وكالته تانكيين واتوقع انها كافية.....

نعم..موجود تانكي احتياط ..واعتبره كافي...وفقك الله..

8- سلة السقف < ........ وانا افضل السلال من وجهة نضري حقة المواهب الضاهر تتحمل 200 كيلو او 150 كيلو بدون ماتضر البدي + ماتشوه منضر السياره او تشوهها بشكل خفييييف

وين أحصلها؟؟وكم قيمتها تقريباً...
موجود بالسيارة سلة بس ماهي قوية..

9- فرارات < وفيه انواع كثيره وافضلها على حسب ماسمعت وشفت البرازيلية وتلقاها عند السليماني وتكلفك تقريباً 500 بالكثير راكبه على موترك

الفرارات موجودة من اول...والحمد لله..


والتعاديل كثيره و القائمة تطول لاكن انا ذكرت اهمها على الاستعمال العام

الله يبيض وجهك ما قصرت ...وافي يالغالي..
وشرفني مرورك..وفقك الله..
عكس التيار
31/05/2011, 07:52 PM
ابجاوب عن الاخ مجنون

دعامة المواهب تفصل تفصيل وقيمتها على حسب العده اللي انت تبي لكن تقريبا 600-650 وورشتهم في الصناعية القديمه في الرياض

واما الونش فافضل الونوش وران امريكي ووكيله السليماني بالرياض فرع في طريق الملك عبدالعزيز وفرعين في الغرابي

واما قيمته تقريبا 3500 ريال وفيها والتركيب من 800-1000 ريال

والجنوط اللي عندك تركب عليها الكفرا تالحجريه العريضه وعندك مستر كرفت تتراوح اسعاره من 800 -900 ريال وهو امريكي على ماعتقد لكن نوعيه ممتازه

واما السله فيفصلونها نفس الورشه ورشة المواهب لكن مادري كم تكلف

وشغل الورشه ممتاز جدا لكن يعيبه ارتفاع الاسعار
GX.3
31/05/2011, 08:05 PM
استفدنا من الموضوع

قواكم الله
MjNo0oN
31/05/2011, 10:03 PM
الله يبيض وجهك ما قصرت ...وافي يالغالي..
وشرفني مرورك..وفقك الله..


اخوي ياليت تعطينا علم اكيد وشو موترك من لحية ربع تيوتا او صالون او وشو من لحيه عطنا تفاصيل عنه

اتوقع اخوي عكس التيار ماقصر معك ومعلوماته وافيه وان شاء الله انها اشمل مني
انت علمنا وين موقعك فيه و اغلب الاعضاء مهوب مقصرين معك بيدلونك على الورش الطيبه

ودام موترك ربع عندي لك راي شايفه على موتر واحد من الشباب مفصل تانكيين مكان مرتبة الوكاله الخلفيه وطريقتها تانكي ينسدح مكان المرتبة الجلوس (المقعد) و التانكي الثاني مفصله على تكايات الضهر + ملحمهم في بعض + مضمنها بـ حديد سست مع الزوايا عشان ماينفصل لاقدر الله + منجدة تنجيد محترم تقول كنها مراتب الوكاله الا انها اعرض شوي ويشل تقريباً اكثر من 200 لتر
مفصله من ستيل ومكلف عليه تقريباً الشغل كامل 3800 ريال بس عن نفسي اقول انه يستاهل كل ريال اندفع فيه (الورشه الي فصل فيها التانكي ما اعرف اسمها لاك الي اعرفه انها في بريدة

اما باقي التجهيزات الي انا ذاكرها و محدد لك محلاتها تلقاها في الرياض وحتى تفصيل التانكي فيه من بيستقبلك واولهم ورشة المواهب بس ما اتوقع قد مرت عليهم هاذي الحركه والعلم عند رب العالمين


ابجاوب عن الاخ مجنون

دعامة المواهب تفصل تفصيل وقيمتها على حسب العده اللي انت تبي لكن تقريبا 600-650 وورشتهم في الصناعية القديمه في الرياض

واما الونش فافضل الونوش وران امريكي ووكيله السليماني بالرياض فرع في طريق الملك عبدالعزيز وفرعين في الغرابي

واما قيمته تقريبا 3500 ريال وفيها والتركيب من 800-1000 ريال

والجنوط اللي عندك تركب عليها الكفرا تالحجريه العريضه وعندك مستر كرفت تتراوح اسعاره من 800 -900 ريال وهو امريكي على ماعتقد لكن نوعيه ممتازه

واما السله فيفصلونها نفس الورشه ورشة المواهب لكن مادري كم تكلف

وشغل الورشه ممتاز جدا لكن يعيبه ارتفاع الاسعار

بيض الله وجهك وماقصرت وعز الله انك وافي
YUKON_GMC
01/06/2011, 03:00 AM
والله انا اقول كل اللي تحتاج :

كفرات حجريه
بطاريه احتياط
ترفيع الموتر
عده + ماطور هواء ابوجمل

والباقي كله يقوم فيه موترك باللازم وزياده خصوصاً وان الموتر ربع واتوقع ما انت مبعد كثير عن محطات البنزين والخدمات
أميرالعشاق
01/06/2011, 01:04 PM
إخواني الكرام/MjNo0oN (http://www.mekshat.com/vb/member.php?u=112975)....عكس التيار....safare2
أشكر لكم تفاعلكم ومعلوماتكم القيمة ...
..جزاكم الله عني كل خير..
أخي/MjNo0oN (http://www.mekshat.com/vb/member.php?u=112975)
أفدتني كثيراً..بفكرة التانكي مكان المرتبة الخلفية..
وبإذن الله لي سأقوم بتطبيقها..ولابد من زيارة لورشة المواهب ..
وفقك الله..
أخي ـsafare2
كلامك على رأسي..و الأماكن التي أقصدها بعيده جداً
عن الخدمات والمساكن..وعبارة عن/
أودية جارية..مرتفعات شديدة الوعورة..اراضي رملية..أراضي طينيه
...............
وشكراً للجميع....وفقكم الله
عالي الكيف
01/06/2011, 05:49 PM
اخي امير العشاق

بما ان موترك ربع ( يعني خفيف ونشيط) وبناءآ عليه اقترح تفكر واكرر تفكر قبل لاتركب اي شي ,,, بتقول ليش ؟؟

انا لوكنت مكانك اشتريت قلص وركبت عليه الاشياء الثقيله من خزانات وعزبه وخيمه وخلافه ....
لأن الموتر صغير وراح تضايقك الاضافات والعفوش

اما الموتر فعليك بالتجهيزات الضروريه من ترفيع وكفرات وتصفيح وكهرب

لو تاخذ جوله على المواقع الاستراليه والعالميه واليوتيوب وتشوف مميزات المقطورات المجهزه .

بالتوفيق
أميرالعشاق
04/06/2011, 02:04 AM
حياك الله اخي/عالي الكيف....وشرفني مرورك وتعليقك....وسبق وفكرت في القلص ولكن.. مشكلة القلص صعب في المناطق الوعرة مثل بعض الاودية التي قد يصل الماء الى نصف متر او اكثر...
وكذلك في الجبال التي ليس لها الا طرق صخرية وعرة وضيقة....
ومنكم نستفيد....وفق الله الجميع
MohsinSK
04/06/2011, 02:33 AM
اذا مانا غلطان, في الامارات, تحديدا ابو ظبي, في محل يبيع منتجات الشركة الاسترالية ARB
يضبطو لك الموتر "من الى" و شغل خواجات..
قناص*07
04/06/2011, 04:18 AM
يا اخوك خل عنك الخساير و الدفع اللي ماله داعي

ركب طقم كفرات دنلوب 750
طول اللعاب
4 مساعدات استرالي او vx 1989
خزان ماء 58 لتر من الوطني للربع
لمبت كبوت + لمبة جنب

وعزبه ودز يم ما تبي ولا يردك الى ظهر الغدى
أميرالعشاق
21/06/2011, 04:44 AM
اذا مانا غلطان, في الامارات, تحديدا ابو ظبي, في محل يبيع منتجات الشركة الاسترالية ARB
يضبطو لك الموتر "من الى" و شغل خواجات..


شرفني مرورك ونصيحتك الغالية...
أميرالعشاق
21/06/2011, 04:48 AM
يا اخوك خل عنك الخساير و الدفع اللي ماله داعي

ركب طقم كفرات دنلوب 750
طول اللعاب
4 مساعدات استرالي او vx 1989
خزان ماء 58 لتر من الوطني للربع
لمبت كبوت + لمبة جنب

وعزبه ودز يم ما تبي ولا يردك الى ظهر الغدى


حياك الله اخي الغالي/قناص*07 ...
الله يسعد اوقاتك ...شرفني مرورك ...
ونعم الرأي..ولا قصور بالإخوان ...وفق الله الجميع
جديعان
21/06/2011, 02:43 PM
خذلك مثل هالجيب وانساااا المكان اللي تبيه تاااصله الموتر ذا خاص للاماكن الوووووعره ولا تجهز ولا شي





http://www.modernoffroader.com/wp-content/uploads/2009/05/toyotafj40-580x435.jpg