صيام ثلاث ايام ياذراع الذيب وكفارة الحلف

[دعاس]

بسم الله الرحمن الرحيم
انتبهوا ياشباب من الحلف وخصوصا قدام ذراع الذيب
الزبده ان القرناس راح للرياض
وبعدها قال خلني اشوف خويانا بالمنتدى
وبدينا بالاخ العزيز/سلطان 1 وحلفت اني ازوره وحلفت عليه وقلت بالحرام ما امالحك غير الشاي والقهوه
وقال تم
وبعدها جيته وسلمت عليه وتبادلنا الحديث وما شاء الله شفنا طيوره الله يطرح بها البركه
وخصوصا الجيره(امداد)و حطينا له المناشبيه قلنا نصيده كانه باعنا هالمزيونه’’بس طلع قرينيس ملكع وكل شوي يزيح عنها لين حطني على المناشبيه بعد ماشفنا الطيور
الا هو جهز العشاء وبعد تدخلات على خويانا الموجودين
وقلت لهم انا مطلق الحريم الاثنين ليت اني قلت وحده:D
وانتهت بسلام والا كان نبي نبلش
واليوم اختتمناها بالتواصل مع الاخ الغالي/ذراع الذيب
وحلفت عليه واشوى اني ما طلقت
وابو ناصر عطاني الامان
وبعد مداعبات واحاديث الطيور
الا المطمه وتفاجأت ان الرجال متكلف الله يهديه ويكثر خيره ويزيده من نعيمه
وقلت ما هذا الاتفاق يابو ناصر
والمشكله يا اخوان ان الموجودين انا وهو وشخصين
والله العظيم شي يزعل وفيه اسراف كبير
بس ارجع واقول الله يعطيكم العافيه يابو فيحان ويابو ناصر على حسن الاستقبال وجزاكم الله خير وجمل الله حالكم
والهدف من القصه يا اخوان
اولا الشكر الجزيل لاخواني على حسن الضيافه
ثانيا انتبهوا يا اخوان من الحلف لان الاغلب منا صار الحلف عنده عاده وخصوصا(بالطلاق وبالحرام)
ثالثا والاهم من كل ذلك
(مانقوم به من اسراف كبير وقت المناسبات)
ومحاولة الاكتفاء بالموجود على حد ما قيل:
(الجود من الموجود)
والقدر بالصدر ياذراع الذيب
ويا ويلك تعودها:mad:
وكثر الله خيرك وجمل الله حالك

[ابوفلاح كويت]

السلام عليكم
ماهي واجد عليه ولاهي واجد عليك
ذراع الذيب يفعلها وانت تستاهل

[ربع خالي]

وعليك السلام ورحمة الله وبركاته

الزيارات طيبه ولها فوائد كثيره ،وعسى الله يجمعكم على الخير.

أخوانك اللي جيتهم بيض الله وجيهم ووجهك هم كرماء وإنت تستاهل .
ولكن ليتنا نبتعد عن الحلفان الا للضروره القصوى.
ولو نرجع للقرآن والسنه لوجدنا فيها ماقد يردعنا عن هذه العاده الا وهي الحلفان.

[الجفران]

والله ونعم بذراع الذيب من اردى افعاله وانت ابو نواف تستاهل الي يقوم بواجبك وزود

[رسيس نجد]

الكرم واجب دون اسراف ولولا قدر الضيف ما طلعت الحلوف

[المري]

تستاهل الشحم وهو يفعله ذراع الذيب


ويالاخوان ترانا في سعة حمد لاعاد تكثرون من الحلف


الى جيت رفيقك وانت خابر ا ن وقته ومادته تسمح له فلا تردها في خاطره

خاصة ان كان صافط وميسر ( ياحلوها حلواه )


وانت كن عندك مجال وسعة في وقتك فجبر ابخاطر رفيقك


والنبي صلى الله عليه وسلم قال: من كان يومن باالله واليوم الاخر فليكرم ضيفه ))


يعنى كرامة الضيف مافيه كلام فلعاد احد يحلف في ذا الوقت (( بأستثناء المعزب الضعيف ))


جعل ربي مايضعف الكريم وجعل ربي يرزقه في الدنيا والاخرة


اسمحو لي على ذا الكلام مدري انا مصيب ولا مخيب


اخوكم - المري

[رفحاوي 999]

هم طيبين وانت تستاهل

وجمل الله حالكم جميع

[روووح]

يا زينها يابونواف
سيرت على ابوفيحان وابوناصر وش عاد تبي
ولاهو غريب فعل الطيب عندهم
(لا تحلف خاصه اذا معزبك سنافي لانه يبي يسوي اللي براسه ماعليه من كلامك)

[راعي شوق]

اخوي بيض الله وجه من رحت لهم راعين واجب وراعين وفا
وانت تستاهل اكثر منها
وابو ناصر راعي وفاء وانت اهل للوفا

[فارس الحربي1]

الكرم من صفات العرب

[ذعذاع نجد]

اخوي دعاس
تستاهل الشحم واخوي ذراع الذيب يفعلها
ولاهي غريبة علية وعلى النشاما شرواكم ومن يقراء

[رعد البوادي]

بيض الله وجهه وجهك وانت تستاهل والربع اجواد وكريمين

[المسرع]

حياك الله يادعاس
انا اشهد ان ذراع الذيب راعي واجب
وانا اشهد انك تستاهل

[حامد الحنيني]

ياهلا اخوي دعاس تستاهل الشحم واللحم والعلم الغانم
وابو ناصر الله يكثر خيره راعي واجب المفروض ماتردونه والله يامعرفت اللحى الغانمه مكسب
وهذا من فضل ربي ثم من فضل الطيور والمنتدى اللي يعرفك على الرجال الطيبه
اما من ناحيت الاسراف مايجوز شئ معروف ولاهوب كرم والكرم (الجود من الماجود)
لاكن من اسرف الحمدلله به جمعيات خيريه توزعه على الفقراء والمساكين ولاني مأيد للأسراف اقول من اسرف ...
تقبل تحياتي والله يجمعكم على العز والطاعه....

[شعلة الحجاز]

السلام عليكم ورحمة الله وبركاته



فعلا يابونواف ان الانسان يبتعد عن كثرة الحلف والاسراف ولكن هذا هو ذراع الذيب مافيه حيله وأنت تستاهل الجود يابونواف تحياتي لك





أخوك شعلة الحجاز

[@السيف@]

بيض الله وجه ابو ناصر هو للكرم ديوان وانت تستاهل والحمد لله هضر رزق من الله والله يوسع علي ذراع الذيب ابو ناصر واقوله وجهك ابيض راعيها

[الصارم1]

والله ونعم بذراع الذيب

[المسك الابيض]

الله يديم المحبه والتآلف وتكفون يارجال لاتغضبون ربنا جل وعلا بالأيمان والمحاليف وأيضا بالطلاق
وترى اللي مايقدر وجهك إذا عرضته مايستحق تطلق زوجتك على سانه
وفقكم الله لكل خير وشكرا للجميع

[شاهين2]

انت تستاهل واخوانك كلهم كرم وطيب وانت عزيز وغالي عليييهم
الله يجزاهم خير ويبارك فيهم وفيك وبكل المسلمين يارب

[عبدالرحمن بن ذياب]

بيض الله وجهك و وجهه
ربع نشاما ذيابه
و تستاهلوا كل خير

[قرناس شماالي]

مايقصرون يالغالي
وماعملو غير واجبهم لك وماشين على نضام شيابنا
الي يقضبك على عشاه وكرم صفه برجال
وهذولم ماقصرو وماهي غريبه على الربع
وجعل هلجمعات دوم
وتقبل تحياتي

[دعاس]

الله يعطي الجميع العافيه على الردود الطيبه ولاشك ان لولا الله ثم الطيور
ما خشينا هذا المنتدى الطيب’’والصحيح ان الطيور وجيها مباركه اللي تعرف الرجال الطيبه بالطيبين شرواكم.
ويشهد علي الله ان منتدانا يضم رجال طيبين ويتصفون بما يتصف به الرجل المؤمن’’وما اقول الا ان الله يحفظكم ورعاكم.
والمقصد من ذكر القصه الابتعاد عن الحلف يا اخوان.

[صقار أبوظبي]

انت تستاهل يادعاس واخوانك كلهم كرم وطيب وانت عزيز وغالي عليييهم
الله يجزاهم خير ويبارك فيهم وفيك

[ملتاع1]

السلام عليكم ورحمة الله وبركاته
اول شي
تستاهل الطيب يارعي الطيب يابو نواف
وذراع الذيب مايقصر شيخ والاهيب غريبه عليه

ثاني شي
حبيت استغل الموقف
وشراكم بقصيده




حي الرجال اللي لهـم فعـل بالطيـب


أهل الكرم والطيـب وأهـل الشهامـة


اللـي تخـاف الله وتـدرى مـن العيـب


وتـدرى مـن الـزلـة وتــدرى المـلامـة


مثـل الصـقـور معكـفـات المخالـيـب


دايـــم تـعـلـى فـــوق روس الـعـدامـة


لا جوهـم الضيفـان يلـقـون ترحـيـب


ولـضـيـوفـهــم يــقــدمــون الــكــرامـــة


نعـم الرجـال اللـي تعـرف المواجيـب


يـلـقـى الـمـعـزة ضـيـفـهـم واحـتـرامــه


لا جاهم المحتاج خالي من الجيب


يدعـي لهـم مـن طيبـهـم بالسـلامـة


في قربهم تبـرى الجـروح المعاطيـب


وفـي شورهـم مـا تغتشيـك النـدامـة


خـذوا مــن الدنـيـا دروس وتجـاريـب


مـجـنـيـن اهــــل الــــرداء والـرخـامــة

[صقار مبتدئ]

تستاهل يا دعاس وهذا واجب الضيف
و جاد الله على سلطان 1 و ذراع الذيب وكثر الله خيرهم و يخلف عليهم خير

[ولد مساكن]

السلام عليكم و رحمة الله تعالى و بركاته

ما نقول إلّا : الطيب من مأتاه لا يستغرب

بارك الله في خونا ذراع الذّيب و إن شاء الله يرزقه بكل خير

و يرزقكم معاه يا الغالي

السلام عليكم و رحمة الله تعالى و بركاته

[انسانه؟]

الكرم واجب لكن بلا تكاليف ازين
لأن لوتكلف مابيستسيغ جيته كل مره له
واللي سواه اسراف ومايصيرلأن المبذرين..
ومايجوز كثرة الحلوف وتحرم ويقع الطلاق على سبب تافه وتصيرفي كثيرمن الأحيان ,,.
الله يجزى ذراع الذيب خيرالجزاء
ويعطيك الف عافيه على تنبيه اخوانك على الحلف
بارك الله فيك .,,

[ذراع الذيب]

السلام عليكم ورحمة الله وبركاته,,
صبحتم بالخير جميعا,,

والله يجزاكم خير ويبارك فيكم جميع وهذا واجب يابونواف واقل من الواجب,,
والحمدلله مافيه اسراف ولاضاع شي وشوفتك فرحه يالغالي والله مانصدق انشوف اللي مثلك وشرواك,,
لو مره بالسنه وسامحنا على القصور وتحياتي لك,,

[مرمر وماني]

يا اخ دعاس انت تستاهل ومن الرجال الغانمين اهل الواجب
وكلامك صحيح بخصوص الحلف بس مشكله اذا جاك واحد شرواك صعب ما تقوم بواجبة
الاخوان ماقصروا لانك تستاهل ,,,
الله يحيي شواربك يابو نواف

[دعاس]

صقار ابو ظبي
ملتاع 1
صقار مبتديء
ولد مساكن
انسانه
مشكورين اخواني على الردود الطيبه
لاهنتوا على كل حال
ملتاع1/صح السانك
ذراع الذيب/بيض الله وجهك وكثر الله خيرك
وما شفنا منك قصور يالغالي
والله يزيدك من فضله

[ابو مقحم]

هذي بحق يا دعاس جاي الرياض ولا اتصلت علي ولا سيرت

[راعي غضبان]

مرحبا اخوي دعاس ابوفيحان وابو ناصر يفعلونها وانت تستاهل
ودنا انا موجودين ووجهناك والله يحييك في محلاتنا الثانيه عند ابوفيحان والربع
انت حلفت يابونواف والله يعينك
انا سوى بي مقلب اخوي ابومعيض الله يرحم والديه ويكثر خيره ويرزقه رزقا طيبا
قالي مادامك جاي بدون احلوف بنتعشى صيد قلت ابرك ساعه
ويوم قلطنا لينه متكلف كلافه الله يجزاه خير حقت عشرين رجال
ومافيها الا انا ووالده الله يطول عمره على طاعته والله ونعم الشيبه
الله يخليه لعياله ويعافيه واخوانه فقط وش تقول الله يكثر خيره بس والحلوف صحيح كثرتها ماهي زينه
والله يعطيك العافيه يابونواف ولابد من زياره ولاتقاطعنا
وتقبل تحياتي اخوي ابونواف
اخوك ابومحمد

[ماجد 505]

ماشاء الله يابو


نواف مخلينا مطب


هاذي محسوبه عليك :f:D:Dالقحطاني

[دعاس]

يا اخ دعاس انت تستاهل ومن الرجال الغانمين اهل الواجب
وكلامك صحيح بخصوص الحلف بس مشكله اذا جاك واحد شرواك صعب ما تقوم بواجبة
الاخوان ماقصروا لانك تستاهل ,,,
الله يحيي شواربك يابو نواف
يالله حي صقار الصمده’’ما عليك قصور يالغالي
وبيض الله وجهك’’واطعمك الله من صيد طيرك الجديد:good2:
انت صقار متمكن وما تجيب الا الطيور اللي تلحق
ويا ويل الشله منك السنه:D
وانا منسحب من الحين:(
واسلم عليكو يا......:D

[دعاس]

هذي بحق يا دعاس جاي الرياض ولا اتصلت علي ولا سيرت
يالله حيه ويا هلا ومسهلا’’والله يالغالي جيت بشغل
واكثر الارقام ماهي عندي’’بس سلطان1 وابو ناصر
على تواصل ويوم خلص شغلي قلت امرهم
بس الجايات اكثر ارسل لي رقمك’’وجمالتك واصله
يالذيب.



مرحبا اخوي دعاس ابوفيحان وابو ناصر يفعلونها وانت تستاهل

ودنا انا موجودين ووجهناك والله يحييك في محلاتنا الثانيه عند ابوفيحان والربع
انت حلفت يابونواف والله يعينك
انا سوى بي مقلب اخوي ابومعيض الله يرحم والديه ويكثر خيره ويرزقه رزقا طيبا
قالي مادامك جاي بدون احلوف بنتعشى صيد قلت ابرك ساعه
ويوم قلطنا لينه متكلف كلافه الله يجزاه خير حقت عشرين رجال
ومافيها الا انا ووالده الله يطول عمره على طاعته والله ونعم الشيبه
الله يخليه لعياله ويعافيه واخوانه فقط وش تقول الله يكثر خيره بس والحلوف صحيح كثرتها ماهي زينه
والله يعطيك العافيه يابونواف ولابد من زياره ولاتقاطعنا
وتقبل تحياتي اخوي ابونواف

اخوك ابومحمد

هلا وغلا ابو محمد’’يعلم الله كان ودي بشوفتك واسئل سلطان’’وقال الرجال مع بجده’’وقلت خيرها بغيرها.
وابو معيض رجال طيب ومافي الباقين قصور وانت تستاهل
والله يكثر خيره ويزيده من فضله.

ماشاء الله يابو


نواف مخلينا مطب


هاذي محسوبه عليك :f:D:Dالقحطاني
هلا وغلا يابو محمد والله العظيم لوي بسياره ما تعداك
بس رحت طيران’’واقسم بالله كنت ناوي اتصل بك قلت يمكن انك بالرياض’’والا عليك حصر ارضي بالمجمعه:D

[الماهر2000]

بسم الله الرحمن الرحيم السلام عليكم ورحمة الله وبركاته ابو ناصر ما شاء الله عليه راعى كرم وجود ووفاء وانت تستاهل الكرم يابو نواف 000000 تمنياتى لاابو ناصر والاخ ابو نواف باالصحه والعافيه 000000000000000