وشولن أروح لأحداثية مخزنه بالجهاز

[تركي الضرغام]

السلام عليكم ورحمة الله وبركاته
هلا والله بالربع
وشلونكم طيبين أن شاء الله
المهم ما أطول عليكم
أنا عندي جهاز الــ 276 الأنجليزي
السؤال هو أنا خزنة أحداثية وودي أروح ل هل الأحداثية وشلون ؟ ؟ ؟ ؟ ؟ ؟

[كبريت]

السلام عليكم

على حسب المكان فمثلا

اذا كان في الصمان تروح لم الصمان وتشوف اقرب مكان للدخول من المسفلت الى الموقع

موب تمشي من الرياض الى الصمان بر

لان الجهاز يعطيك خط على طول موب يمين يسار

وارجو اني افدتك

[ارتست]

أخوي سؤالك له معنيين ماأدري أيهم تبي لاكن بأ جاوبك عليهم كلهم: :cool: إذا كان قصدك كيف تطلب من الجهاز أنه يسوي لك خط سير إلى نقطة معينة موجودة على الخريطة
فقم بالتالي1- حرك المؤشر اللي على الخريطة إلين تحطه على النقطة اللي إنت تبي مثال R-KRIM
2- إضقط على زرFIND
3- إختر الخيار الأول go to R-KRIM
4- يظهر بعد كذا عدة خيارات إختر OFF ROOD
5- راح ترجع الخريطة وعليها خط موصل مابين الموقع الحالي اللي إنت فية والموقع اللي ترغب الوصول إليه.
6- وإذا بغيت تكنسل الخط إضغط على FIND وإختر الخيار الأخيرSTOP......راح ترجع الخريطة بدون الخط.

أما إذا قصدك إنك في السابق قمت بوضع نقطة جديدة وتبي تلقاها وعارف الإسم زين فقم بالتالي: :cool:
1- الجهاز قدامك وفيه الخريطة إضغط مرتين علىMENU
2- إنزل بالمؤشر حتى توصل خيار POINTS
3- رح يمين على USERوإنزل وحده وإضغط ENTERراح تتضلل الخانه إبدء بعد ذلك بوضع الحروف الخاصة بالنقطة المراد إيجادها (وكل ماتحط حرف راح يطلع لك كل المواقع اللي فيها نفس الحرف) وبعد ماتلقا الموقع إنزل وإضغط ENTER عليه.
4- راح يطلع لك قائمة فيها معلومات عن نفس الموقع وفيه تحت عدة خيارات من ضمنها SHOW MAP هذا يوريك محلها في الخارطة.
5- تكفى لاتقول ماعرفت يدي ملت من الكتابة :D [/size]

[هبوب]

الواحد يحذر اذا ما كان يعرف للجهاز لان التوهان مشكله على راعي البر يجب التاكد من الجهاز وتجربته قبل البر على سبيل المثال لو في المدينه من مكان الى مكان وتحياااااتي