طاح من عيني [الأرشيف] - منتديات مكشات

مشاهدة النسخة كاملة : طاح من عيني

المهدي بن تركي

29/05/2011, 05:39 PM

الاحبة الغالين عساكم على القوة
ابيات جديده لي من اجل التواصل بكم0
تحياتي وتقديري لكل من مر عليها0

من طاح من عيني اجنب عن احراجه
كن ماحصل شي وانه مابعد طاحي

ويلقى سليط يذمه عند هراجه
كنه ونيت يشغل دون مفتاحي

لاصار منهاجي اصبح غير منهاجه
يصير عندي سوى لاجاء ولا راحي

ماعاد لي فيه لارغبة ولا حاجه
ادور اعذار لاجل الصد وارتاحي

تدري من اللي عليه النفس محتاجه
العاقل الفاهم المقدام والصاحي

اللي اليا اقبل تشوف الضحك بحجاج
ويزود لا كبرت القلات ويناحي

واترك ردي ً يعلك في تعواجه
يزيد همك هموم وجرحك اجراحي

وجنب عن المجلس اللي تعرف ازعاجه
مانته بلاقي وراه اسرور وافراحي

وترى الخلاء هو طبيب القلب وعلاجه
من يوم اروح يسر القلب مرواحي

وسيرت في خائع ًما جاه من داجه
يا كود طير ً بعذب الصوت صداحي

وعشبه تمائل سواة البحر بمواجه
وازهاره اللوان منها العطر فواحي

وشبيت نار ً حطبها جاء تسيراجه
اخدود عذراء زعلها صار فضاحي

اخدودها كانها لدم مجاجه
تذبح عشاشقيها من اخطر اسلاحي

يو احتقن دمها با الخد واتواجه
بين احمرار وبياض طاغي ساحي

اخطاء عليها ضعيف ً شال كرباجه
مقهورة من خطاه وصاحت اصياحي

وسويت لي دلة ماهيب من صاجه
رسلان صنعه ما يمحي دمغته ماحي

مع هيلها ماخلط قرفه ولا حاجه
تشفي غليلي لامن ابهارها فاحي

نديم المجره

29/05/2011, 06:17 PM

صح لسانك يابوتركي
قصيده مفعمه بالتجارب والحكمه
دامت لك المسرات
تحياتي

راعي وفى

29/05/2011, 06:48 PM

جزل
لاعدمناك

قوافي ( أم نهار )

30/05/2011, 03:20 AM

حياك الله
صح لسانك كلام صحيح
تحياتي
..قوافي..

انسانه؟

30/05/2011, 11:34 AM

ماشاء الله تبارك الرحمن
قصيده جميله ,,
صح لسانك ,,.
وبارك الله فيك ويعطيك الف عافيه.,

zzzz1390

30/05/2011, 08:53 PM

وترى الخلاء هو طبيب القلب وعلاجه
من يوم اروح يسر القلب مرواحي

صح لسانك وعلا شانك

عابر الموج

31/05/2011, 07:22 AM

صح لسانك على القصيدة

العاصوف1

31/05/2011, 05:47 PM

ابدعت ابدعت الله لايهينك
صح لسانك
ودمت بخير

نجم000الشمال

31/05/2011, 06:10 PM

صح لسانك اخوي/المهدي ، قصيدة جزلة ، يسلم فكرك وكلك .
تراي منت عليك وبروزة لك القصيدة ، اعجبتني مرررررررررة .

من طاح من عيني اجنب عن احراجه= كن ماحصل شي وانه مابعد طاحي
ويلقى سليط يذمه عند هراجه =كنه ونيتٍ يشغل دون مفتاحي
لاصار منهاجي اصبح غير منهاجه=يصير عندي سوى لاجاء ولا راحي
ماعاد لي فيه لارغبة ولا حاجه=ادور اعذار لاجل الصد وارتاحي
تدري من اللي عليه النفس محتاجه=العاقل الفاهم المقدام والصاحي
اللي اليا اقبل تشوف الضحك بحجاجه=ويزود لا كبرت القلات ويناحي
واترك رديٍ يتعلك في تعواجه =يزيد همك هموم وجرحك اجراحي
وجنب عن المجلس اللي تعرف ازعاجه=ما انته بلاقي وراه اسرور وافراحي
وترى الخلاء هو طبيب القلب وعلاجه=من يوم اروح يسر القلب مرواحي
وسيرت في خائع ًما جاه من داجه=يا كود طيرٍ بعذب الصوت صداحي
وعشبه تمائل سواة البحر بامواجه=وازهاره الوان منها العطر فواحي
وشبيت نارٍ حطبها جاء تسيراجه=اخدود عذراء زعلها صار فضاحي
اخدودها كانها لـدم مجاجه=تذبح عشاشقيها من اخطر اسلاحي
يوم احتقن دمها با الخد واتواجه=بين احمرار وبياض طاغي ساحي
اخطاء عليها ضعيفٍ شال كرباجه=مقهورةٍ من خطاه وصاحت اصياحي
وسويت لي دلةٍ ماهيب من صاجه=رسلان صنعه ما يمحي دمغته ماحي
مع هيلها ماخلط قرفه ولا حاجه=تشفي غليلي لامن ابهارها فاحي

تحياتي.

ماحد فهمني

01/06/2011, 12:39 AM

وترا الخلا هو طبيب القل وعلاجه
.......................من يوم اروح يسير القلب مرتاحي

انا اشهد
الله يديم لك الراحة وصح لسانك , قصيدة راقت لي كثيرا

إلقناصه

01/06/2011, 01:20 AM

لاصار منهاجي اصبح غير منهاجه
يصير عندي سوى لاجاء ولا راحي

عن الف بيت
صح الله لسانك يالمهدي رائع
قصيده جزله من جزل
احتراامي

Hunter511

02/06/2011, 12:36 AM

ياسسسلام على القصيده

جززله من شاعر متمكن وجززل

تقبل تحياتي وصح لسسانك ولااهنت

عشقي الصحاري

03/06/2011, 12:48 AM

من طاح من عيني اجنب عن احراجه
كن ماحصل شي وانه مابعد طاحي

صح لسانك ياخوي@
تحياتي لك@

رفيق الدرب2

03/06/2011, 05:03 PM

صح لسانك جزله من جزل