المساعد الشخصي الرقمي

مشاهدة النسخة كاملة : الملواح ............. وش طريقته ؟؟؟؟!!


blehe2002
19/12/2005, 06:44 PM
الله لايهينكم يالربع ... الملوح خطوة مهمة لتعلوم الطير .... بس نبي منك الله لايهينكم ... تعطوننا الطريقه بالتفصيل الممل والوقت والمكان المناسب .. وحتى التلويح نفسه وطول الحبل وسرعته ...ومن هالامور ....!!
حر الجنوب
19/12/2005, 07:37 PM
الملواح

غريزة الصقر تجعله يعرف اسمه اثناء مناداته والملواح هو عباره عن جناحين او اكثر لريش طير الحباري تربط بطرف حبل ويمسك الطرف الاخر من الحبل الصقار ويبدأ بالتلويح وهذه العمليه الا لكي
يعود لصاحبه الذي رغب في اعادته اليه بعد هدته وضياع صيدته وايضا يستخدمها لتمارين الطير لتعليم او تقويه الجناحين
منقول وسلامتك
ابو عايد
19/12/2005, 07:48 PM
السلام عليكم ورحمة الله وبركاته

أخي blehe2002

الطريقه بسيطه تشري لك ملواح كراوين او وحبارى او تربط حمامه في خيط طوله مترين او متر ونصف وتدعي الطير على الملواح واذا جاك تنسره تذوقه الدم اوشي بسيط وتبعد عنه وتدعيه واذا جاك تسحب الملواح منه بحيث يجيك اكثر من مره على هالطريقه كل يوم تبعد عنه وتزيد من هدد الطير عليك رايح جاي وخله دائما ينطح الهوى

وهاذي بعض الصور للملواح

http://www.mekshat.com/pix/upload/images12/mk1748_mk1748.jpg

وهذه الصوره لقرناس تبوك
http://www.mekshat.com/pix/upload/images12/mk1748_8d897.jpg

http://www.mekshat.com/pix/upload/images12/mk1748_lure.gif

بواسطة التمرين يتذكر الطير الهدد !!! (http://www.mekshat.com/vb/showthread.php?t=25873)

الدعو (http://www.mekshat.com/vb/showthread.php?t=36497)
ملتاع
19/12/2005, 10:31 PM
اخوى

تعلمو الطير للملواح اذا طيرك فرخ توه تدعيه أول خطوه تدعى الطير على الملواح سوا من جنحان حبارى او كرواين او حمامه فى حبل

أول خطوه تدعى الطير المدرب أول ما يجيك الطير تعطيه الملواح وبعدين تعلف الطير على الملواح وتطمع الطير فى العلف بس مو مره تعطيه
يعنى مثل ثندوه وجناح بس واليوم الى بعده تهده وتخليه يمسح الملواح مره لين يتعلم الطير يعنى أسبوع بلكثير الطير يعرف المللواح


ملاحظه ..... حاول ان تعلم طيرك على اللملواح أحسن من الحمام الحى عشان ما يخرب طبع الطير سبحان الله لو تهده وراحت عليه الطيده الى يجى على الملواح مو لاازم حمامه حيه


وكل صقار وله طريقه الخاصه فى تدريب الطير

أن شاء الله تستفيد من كلامى
blehe2002
19/12/2005, 11:06 PM
الله يكثر من أمثالكم ... بس الملواح الي أنا أتخدمه حمامة .... ما أدري من وين أجيب جنحان الكراوين والحبارى ... وأنا ما أخبر أحد بديرتنا (بريدة) يبيع ملواح...

لو أجيب جنحان ديك ولا حبشي ...ينفع ؟
المري
19/12/2005, 11:25 PM
ترانا في الخدمة ان بغيت ملواح ولا شي ترانا نعطيك هديه بشرط واحد:

انك تغير اسمك في المنتدى لانه غير واضح اكتبه بالعربي يكون احسن .

شكرا لك

اخوك/ المري
blehe2002
20/12/2005, 02:58 PM
الله يعطيك العافية يالمري ماتقصر والله ........
وبخصوص الاسم فهو "بليهي"