اريد هذا الصقر

[عاشق النفد]

السلام عليكم ورحمة الله وبركاته

يا أخوان اريد

فرخ صقر وان حصل يكون شاهين مثلوث


وسعره معقول من 1000 ريال ونازل


ودي ادخل عالم الصقور


الي خبرلي صقر لايبخل علينا بشئ


وان حصل ينزل السعر وصورة للصقر

وجزاكم الله خير

[abu saud]

السلام عليكم ورحمة الله وبركاته
أخوي عاشق النفد ما أعتقد انك بتحصل مثلوث ب1000 ريال الا ما شاء الله لأن أسعارها على ما أضن تبدأ من 1500 ريال أو انك تنتظر شوي الى أن تنزل أسعار الصقور عامة

أخوك أبو سعود

[عاشق النفد]

جزاك الله خير





على العموم متى تنزل اسعار الصقور؟

[bin7eyey]

مرحبا...اخر الموسم تنزل اسعار الطيور يعني شهر ثلاثه او شهر اثنين

[blehe2002]

1000 ريال ...؟؟؟

أنا قبل كم يوم عند محل السنيدي للرحلات لقيت طير "محنط" ومكتوب عليه 1500 ريال

حتى لارخص الوكري والشيهان ماينزل تحت 1200 إلا الي فيه بلا

إذا بغيت شوري دور لك وكرية سنعه .... وخذ معك احد يعرف ... وتراك ان دخلت عالم الصقور وتولعت ماراح تاقف ولا عند 20 الف

[العنزي 1]

السلام عليكم ورحمة الله وبركاته
اخوي عاشق النفد أبشر بسعدك شفت الشيهانه الي بموضوعي لحد هالحين راعيها ماباعها الجمعه هذي الي راحت لقيته رفع سعرها
من (500) إلى (800) وكانك شراي تاره أكيد رايح اينزل السعر له اسبوعين عارضها وماحدٍ شاريها كانك صامل أوصف لك محله لين ماعنده رقم

أخوك العنــزي

[blehe2002]

وينهوبه هالسوق نجي نشري منه

[فارس الليالي]

السلام بتحصل بس ماالطير اللي على كيفك
والله يارازقك باحسن منه

[رباح الساخن]

لو لفيت الوطن العربي ما تلاقي شاهين مثلوث بالسعر اللي دفعته

الضيف رقم ((( 12 )))

[الوافي عزام]

اخوي الغالي دامك مبتدا بالصقارة فالشيهانة ما تصلحلك وايضا الحر غالي على المبتدا فمثلا لو تآخذ لك وكرية بيتية افضل لك بكثير لأنها نوعا ما تتحمل اكثر من غيرها حتى نسميها ( الددسن ) واذ شفت ان الشغلة جازة لك ادخل عالم الصقارة من اوسع ابوابها . والسلام