ياليتني ماني للطيور طاروح= ليتني لتصويرها هاوي

[@السيف@]

:lالسلام عليكم ورحمة الله وبركاته :l
اخواني اعضا، ومشرفين وزوار كنت متردد في كتابة هذا الموضوع لانه كل ما اتذكر السالفه خاطري يتكدر لكن احب انكم تشاركوني احاسيسي لعلكم تخففون عني من لهيبها:f لكن الله قدر .
الكل يعلم ان مطراد الطيور ولعه واسال الله ان يجعلها له قربه ،لا اخفيكم ان الحياه العمليه احياننا تكون عثره لك بسبب عدم المقدره علي الحصول علي اجازه بسبب ضغط العمل ، ويريد الله ان ابتعث خارج السعوديه لمواصلة الدراسه في مجال عملي ، واول سنه لم استطع ان احصل علي اجازه وقت المقناص بسبب لا يمكن الحصول علي اجازه الا بعد تسع اشهر وجلست اراقب الطواريح من مسافة 6000 ميل اخر الارض انا اعيش في قاره لكن اعتبرها اكبر سجن بالعالم وكنت كل يوم ادخل مكشات واتابع اخبار الطواريح وكنت اتابع اي موضوع عن طرح الطيور وكنت من اشد المتابعين للاخ ذراع الديب (رادار مكشات) سميته لانه كل يوم تقريبا ينزل خبر طرح طير او محاوله وانا في نفسي اقول ليه ياخوي انا ويش سويت لك تجيب هذي العلوم اللي تخلي الطاروح مثل قرناس بيد غشيم يكافخ يبي هدد وطلعه بعيد ،وياوجيه الخير نفسيتي اصبحت صفر (تجمد)وانتهي المقناص وانا بعيد لكن قلبي يحوم فوق روس الطواريح ويقول واهنيك بالمقناص وطرد القرانيس وعقبها مجالست مطاليق اللحي علي شبت الضو،والسنه اللي بعدها اشد حيلي واتخرج 21/9 يعني بداية المقناص واسافر السعوديه وكم يوم واجهز العزبه واتزهب لمشاركة الطواريح بولعها وكنت اقنص النهار واذا غابت الشمس الليل مكاني والصبح اواصل ومقناصي كان شمال الي ان وصلت المقناص اللي عليه العلم وكنت دايما اذا شفت طاروح ابعد عنه لاجل ما اضايقه لكن مكاني هذا تغريز الله يكرمكم وسيارتي هايلكس عادي (هذه اول غلطه المفروض جيب) وتردد اروح مع دربه ولا احول عنه واطالع يميني مامعي درب تغاريز واطالع شمال ولاه مثله وبس انتظر الي ان يتعدي الطاروح واخذ دربه وامشي 20 ونفسي تخاطب نفسي وتقولي وقف دربل يمكن تشوف طير وترد عليها نفسي وتقول توه طاروح متعدي تبيه يخفي عنه وانت تشوفه وترجع نفسي تقول الرزق ما هو واحد وانت ويش خسران وفعلا وقفت والوقت عصير علي مغيب يازين المغيب بالبر وامد الدربيل واوجهه شمال ولا هذاك اللي ماتنكره عيني اللي اشوفه في صور قوقل واليوم اشوفه علي الطبيعه قرناس حر صافي علي رمثه مناطح الشملي وتمنيت الرمثه يدي ولا بيني وبيه الا حوالي 40م ولا هو يمي ماودك تشيل عيونك عنه من جماله ريشه وسره كايفه ومعي زريق سمان وحمام بلدي (وهذي ثاني غلطه) والوقت مغرب خلاص قلت الحمام افضل يشوفها علي طول واناولها اياه وتطير وتدخل تحت السياره واحاول ابعد عنها واغرز واقول هذا وقته واخرج السياره بعد محاولات وحس في وكفخ وتوجه يم تبه واقول خلني اقرب منه ويكفخ مره ثانيه ويغض ورا التبه وطياره طيار مبيت واروح حروته وادور شيل حط ولا له عينه وقلت الصبح الله يجيبه واصبح وادوره ولا له عينه ويذكرونه طواريح غرب بشمال لقوه وعطوه زريق ولاهد ونحره ابيض تام واتجه جزيره واخذ يومين نشوفه ولا الله راد وهذاك علمنا به واضرب كف علي كف كني فقدت غالي واعاتب نفسي واقول ليه سويت كذا وليه ما سويت كذا ،واتمنيت اني ما قنصنت ولا شفته اواني لما شفته نزلت العزبه وسويت الدله وجلست اناضره ومعي كميره واصوره ولا سار اللي سار ،ويوم انه كفخ احس ان عروق قلبي كنها له سبوق×الي اليوم كل ما يطري علي يتكدر خاطري لكن شوفته تسوي والله يعيدها من ايام والله يرده السنه هذي واشبكه وفالكم النوادر ، والمعذره علي الاطاله. اخوكم ابو سيف

[ربع خالي]

وعليك السلام ورحمة الله وبركاته

يابو سيف إن الله اراد بتتعوض باللي أبرك من الطير وغيره ، والسفر والعلم ماهو خساره ، ولله الحمد رجعت دارك وانت متنومس بعلم اللي كثير مننا يتمناه .

والثانيه ياخوي ترا اللي ماهو من نصيبك لو تجتمع عليه الانس والجن ماجابوه لك .
ولو هي غبنه بأنك ماطرحته ولكن عزاك بشوفته .

ذكرتني بالشاهين اللي كنه عقاب من كبره ولاعاد بيني وبينه الا أمتار معدوده ومن شد تعبه ماطار الا لما نزلت من السياره . شفت شواهين بكل أنواعها وأحجامها ، ولكن مثل ذا الشاهين العابر ماشفت من بياض الصدر والرأس مع انه فرخ و هاوي من جبال إيران . وظل في مكانه شهرين ماراح ، وإجتمعت عليه مجموعه من الطواريح وعيّا يفرحم . طبعا جاني العلم تالي بأنه ظل شهرين في مكانه.
تقبل مروري
اخوك ابو سيف

[ذراع الذيب]

السلام عليكم ورحمة الله وبركاته,,
مسيت بالخير يالسيف99,,


هلااا والله وغلااا نورت المنتدى بهالموضوع الطيب وهلا بعاشق الوحش اللي مامثله عاشق,,
حسستنا بمعاناتك وانت في ذيك الديار البعيده والله ماالومك ابد وانا التمست في حديثك سالفه حب..
وعشق لمطارد الوحوش وماشالله عليك فيك عزيمه رهيبه الله لايضرك وتبي تمهد في الوحوش الين تغلط بعدها بأذن الله...
والي مايقسم لك تراه عسير والله يعوضك بالاطيب وان شالله تعالى هالسنه سنتك ولاتنسانا من سالفة ,,
المزيونه ولاهنت على اللقب شهاده منك اعتزبها يالنشمي,,
حياتي لك,,

[ولد الجنوب]

الله يعطيك العافيه على السرد الجميل و الله يعوضك ان شاء الله بالنادر اللي تطرب عينك شوفته

[ص ابوطلال1]

السيف 99
سلام عليك
الله يجزاك خير على القصه الجميله
وهذا لسان حال الطواريح
مرت علئ مثل ماذكرت..من ياتى الموسم والنفس
ما عاد تبى الا المقناص
الهوايه تملك الهاوى
ربى يرزقنا وياك من واسع فظله
الله يفرحك بقرناس مثل نوع المرفق
و
تصـــوره و تبشرنا
اخوك ابو طلال
http://www.mekshat.com/pix/upload05/images216/mk211441_grnas1.jpg

[عسااااف]

الله يعطيك العافيه يالسيف والله يعوضك باللي اطيب منه

[معسف العاصي]

الله يردك لاهلك بالسلامه ... ويرزقك ويرزق كل مسلم يتعب على رزقه
ولاتضايق خاطرك اللي مكتوب لك ماهو لغيرك
وفيه طيور روحت بشبكها
المكتوب مكتوب
بالتوفيق

[black050]

وعليكم السلام ورحمة الله وبركاتة


حياك اخوي السيف 99



الله يعوضك ويرزقك بالنادر


وترجع لأهلك وربعك سالم ان شاء الله



تحياتي

[صقرالحروب]

الله يعطيك العافيه وانا اخوك ان شاء الله تعيش وتشوف وتطرح ان شاءالله لكن نصيحتي لك وانا اخوك لاجيت قانص تولم زين وخصوصاً من ناحية الزريق واذاء تبي سم الطيور تراه القطاء وانا اخوك بأذن الله يهد غصب وخصوصاَ اذا كان طيار وغيرك اللي يعلم والله يرزقك بالطيراللي ماشيف مثله ان شاء الله
تقبل مروري

[C_J_O_JI]

الله يعوضك بأطيب منه
واحس بنبرة الحزن من كتابتك و كأني اسمعها من لسانك

[راشد حسين]

الله يرزقك بالنادر

يا اخوي ابو سيف

وان شاء الله ان الله يعوضك

اخير منه

[عشقي اكتوبر]

حياك الله اخوي السيف والله يعوضك بنادر

[جفنان ينبع]

اخوي ابو سيف بكل صراحه وانا اقراء الموضوع

دخلت معه جو واتخيل اني معك بالسياره وشايف كل شي بعيني

موضوع في قمة الروعه

الله يعوضك باللي احسن منه ويارب يرزقك بالنادر اللي تتعب وانت تعد فلوسه

[the_wolfq8]

اسـأل الله ان يرزقك هالموسم في مثله والا احسن منه

تحياتي لك

[فارس 74]

اسأل الله الكريم انه يرزقك فالطير النادر اللي من جماله ووصفه يصبح حديث الخليخ كله

[راعي شوق]

اخوي سيف
اسعد الله اوقاتك واشكرك على السرد الجميل اللي والله حسسني بمعاناتك وانت بعيد
وحسسني بفرحتك ومحاولتك للطير كاني معك وصدقني اخوي اللي ما يكتب صعب
واسال الله ان يرزقك النادر ان شاء الله
تقبل مروري

[@السيف@]

وعليك السلام ورحمة الله وبركاته

يابو سيف إن الله اراد بتتعوض باللي أبرك من الطير وغيره ، والسفر والعلم ماهو خساره ، ولله الحمد رجعت دارك وانت متنومس بعلم اللي كثير مننا يتمناه .

والثانيه ياخوي ترا اللي ماهو من نصيبك لو تجتمع عليه الانس والجن ماجابوه لك .
ولو هي غبنه بأنك ماطرحته ولكن عزاك بشوفته .

ذكرتني بالشاهين اللي كنه عقاب من كبره ولاعاد بيني وبينه الا أمتار معدوده ومن شد تعبه ماطار الا لما نزلت من السياره . شفت شواهين بكل أنواعها وأحجامها ، ولكن مثل ذا الشاهين العابر ماشفت من بياض الصدر والرأس مع انه فرخ و هاوي من جبال إيران . وظل في مكانه شهرين ماراح ، وإجتمعت عليه مجموعه من الطواريح وعيّا يفرحم . طبعا جاني العلم تالي بأنه ظل شهرين في مكانه.
تقبل مروري
اخوك ابو سيف


هلا وغلا مشرفنا الغالي ربع خالي ابو سيف
عز الله انك صادق بس ونا اخوك بعض المواقف تجرح وتعلم ولو اني مكانك في الشيهانه مدري ايش يسيرلي لكن ما شا الله عليك رابط جاش ونا اخوك انا اعرف ان الربع الخالي غني بالنفط وانت غني معرفه عطنا واغرف لنا من مخزونك لا عدمناك واسال الله ان يعوضك باللي تقول ماعاد بالوجود مثله

[@السيف@]

السلام عليكم ورحمة الله وبركاته,,
مسيت بالخير يالسيف99,,


هلااا والله وغلااا نورت المنتدى بهالموضوع الطيب وهلا بعاشق الوحش اللي مامثله عاشق,,
حسستنا بمعاناتك وانت في ذيك الديار البعيده والله ماالومك ابد وانا التمست في حديثك سالفه حب..
وعشق لمطارد الوحوش وماشالله عليك فيك عزيمه رهيبه الله لايضرك وتبي تمهد في الوحوش الين تغلط بعدها بأذن الله...
والي مايقسم لك تراه عسير والله يعوضك بالاطيب وان شالله تعالى هالسنه سنتك ولاتنسانا من سالفة ,,
المزيونه ولاهنت على اللقب شهاده منك اعتزبها يالنشمي,,
حياتي لك,,
حياك الله مشرفنا العزيز الي قلبي ابو ناصر
وعلي طاري العشق العين ماتعلي علي الحاجب والله لا يخيب لك تعب ولا يحرمك البعد عن الاهل والمقناص واتفق معك ان المكتوب بيجيك بس تعرف ولا ني اعلم منك ياخوك تحس بالقلب تكدير وصراحه استفدت منك الشي الكثير من خبرتك وكنت قريب جدا من كل شخص يطلب معونه وهذه يحسب لك وانا بدون مبالغه ولا تقصير بالاخوان كلا وله قدره ومكانته بس انت تغرد خارج السرب والود ودي يكون لك رابط خاص فيك الله لا يضرك عيني عليك بارده والله اني في شوق للالتقا بك

[@السيف@]

الله يعطيك العافيه على السرد الجميل و الله يعوضك ان شاء الله بالنادر اللي تطرب عينك شوفته

حياك الله اخوي ولد الجنوب اشكرك علي تشريفي بالاطلاع علي موضوعي والله يرزقك النادر اللي كان ينذكر مثله اخوك ابو سيف

[@السيف@]

السيف 99
سلام عليك
الله يجزاك خير على القصه الجميله
وهذا لسان حال الطواريح
مرت علئ مثل ماذكرت..من ياتى الموسم والنفس
ما عاد تبى الا المقناص
الهوايه تملك الهاوى
ربى يرزقنا وياك من واسع فظله
الله يفرحك بقرناس مثل نوع المرفق
و
تصـــوره و تبشرنا
اخوك ابو طلال
http://www.mekshat.com/pix/upload05/images216/mk211441_grnas1.jpg
هلا وغلا بكاسر خشوم القرانيس
عز الله انك صادق المقناص ولعه ونا اتابع واطلع علي مواضيعك اقول انك افضل طاروح مر علي واعتبرك مغامر درجه اولي الله لا يضرك واسال الله ان يرزقك وايانا كل خير والصوره اللي ارفقت مدري لو اشبكه الظاهر يصلون علي بعد مهاده. شرفني مرورك اخوك ابو سيف

[@السيف@]

الله يعطيك العافيه يالسيف والله يعوضك باللي اطيب منه

يالله حيه عساف والله يعافيك ويجزاك خير والله يرزقك ماتمني اخوك ابو سيف

[@السيف@]

الله يردك لاهلك بالسلامه ... ويرزقك ويرزق كل مسلم يتعب على رزقه
ولاتضايق خاطرك اللي مكتوب لك ماهو لغيرك
وفيه طيور روحت بشبكها
المكتوب مكتوب
بالتوفيق

حياك الله اخوي معسف العاصي
الله يجزاك خير ويرزقك النادر المتعوب عليه وعزالله انك صادق اللي ماهو مكتوب عسر

[@السيف@]

وعليكم السلام ورحمة الله وبركاتة


حياك اخوي السيف 99



الله يعوضك ويرزقك بالنادر


وترجع لأهلك وربعك سالم ان شاء الله



تحياتي
حياك الله اخوي black050 شرفني مرورك والله يرزق الجميع من كل خير والله لا يفقدك غالي

[@السيف@]

الله يعطيك العافيه وانا اخوك ان شاء الله تعيش وتشوف وتطرح ان شاءالله لكن نصيحتي لك وانا اخوك لاجيت قانص تولم زين وخصوصاً من ناحية الزريق واذاء تبي سم الطيور تراه القطاء وانا اخوك بأذن الله يهد غصب وخصوصاَ اذا كان طيار وغيرك اللي يعلم والله يرزقك بالطيراللي ماشيف مثله ان شاء الله
تقبل مروري

يالله حيه صقر الحروب
الله يعافيك وانت كذلك الله يرزقك بالنادر واشكرك علي النصيحه وتراها في كيسي لكن ونا اخوك القطا صعب صيده ولا هو متوفر والعين ماتعلي علي الحاجب مرورك بحد ذاته شرف لي اخوك ابو سيف

[المري]

عسى الله يوفقك يابو سيف في دراستك وعسى الله يرجعك الى ارض الوطن سالما غانما

اخوك - المري

[@السيف@]

الله يعوضك بأطيب منه
واحس بنبرة الحزن من كتابتك و كأني اسمعها من لسانك

حياك الله اخوي والله يجزاك الف خير واشكرك من كل قلبي لشعورك باحساسي واسال الله ان يرزقك اللي تتمني اخوك ابو سيف

[@السيف@]

الله يرزقك بالنادر

يا اخوي ابو سيف

وان شاء الله ان الله يعوضك

اخير منه

يالله حيه اخوي راشد حسين
جزاك الله خير وانت كذلك وكل طاروح الله يخليلك المزيون وينومسك سنين×

[@السيف@]

حياك الله اخوي السيف والله يعوضك بنادر

حياك الله عشقي اكتوبر
والله يبقيه وجزاك الله الف خير شرفني مرورك والله يرزقك النادر اخوك ابو سيف

[@السيف@]

اخوي ابو سيف بكل صراحه وانا اقراء الموضوع

دخلت معه جو واتخيل اني معك بالسياره وشايف كل شي بعيني

موضوع في قمة الروعه

الله يعوضك باللي احسن منه ويارب يرزقك بالنادر اللي تتعب وانت تعد فلوسه

يالله حيه جفنان ينبع
ترا ينبع لها وسط الحشا محبه ويشرفني انك تعايشت معي اللحضه اللي كانت بالنسبه لي صدمه اول ماشفته وصدمه بعد ما توادعنا والله يجزاك الف خير وانت كذلك الله يجعلني اسمع بخبر يسرني عن طرحك السنه هذي وبالنسبه للفلوس اتعب ونا اعدها الظاهر اني بتعالج بها احس انه تجيني جلطه لو امهد شبيهه. اخوك ابو سيف

[@السيف@]

اسـأل الله ان يرزقك هالموسم في مثله والا احسن منه

تحياتي لك

حياك الله the_wolfq8
جزاك الله خير ودعوتك هي مطلوبي واسال الله ان يرزقنا وكل طاروح اللي يتمني

[@السيف@]

اسأل الله الكريم انه يرزقك فالطير النادر اللي من جماله ووصفه يصبح حديث الخليخ كله

يالله حيه اخوي فارس74
الله يجزاك خير ودعوتك هي مبتغاي واسال الله ان لا يحرمك مبتغاك وشاكر لكم تشريفي اخوك ابو سيف

[@السيف@]

اخوي سيف
اسعد الله اوقاتك واشكرك على السرد الجميل اللي والله حسسني بمعاناتك وانت بعيد
وحسسني بفرحتك ومحاولتك للطير كاني معك وصدقني اخوي اللي ما يكتب صعب
واسال الله ان يرزقك النادر ان شاء الله
تقبل مروري

حياك الله اخوي راعي شوق
الله يسعد كل ايامك ومرورك شرف لي بحد ذاته مابالك بالاطرا وكذلك تعايشك معي لحظات الصدمه الاولي والثانيه واسال الله ان يرزق الجميع مايتمني والله يجزاك الف خير اخوك ابو سيف

[@السيف@]

عسى الله يوفقك يابو سيف في دراستك وعسى الله يرجعك الى ارض الوطن سالما غانما

اخوك - المري

يالله حيه اخوي المري
الله يجزاك الف خير مرورك شرفني الله يعلي قدرك بالدارين واسال الله ان يوفق الجميع لما يحب ويرضي.
اخوك ابو سيف

[بو غازي]

وعليكم السلام ورحمه الله وبركاته
هلا وغلا يابو سيف اعجبني اسلوبك في طرح القصة والعشق الواضح بينك وبين الوحش وعسى الله يرزقك الوحش النادر
وعسى الله يردك بالسلامه وينفع بك وينفع بعلمك:)

[صقار مبتدئ]

نصيب و الله يرزقك التام النادر

[@السيف@]

وعليكم السلام ورحمه الله وبركاته
هلا وغلا يابو سيف اعجبني اسلوبك في طرح القصة والعشق الواضح بينك وبين الوحش وعسى الله يرزقك الوحش النادر
وعسى الله يردك بالسلامه وينفع بك وينفع بعلمك:)

يالله حيه بو غازي
اشكرك من كل قلبي علي مرورك وهو بحد ذاته شرف لي والله يجزاك الف خير واسال الله ان يرزقك وايانا وكل الصقاقير النادر المتعوب عليه