فزعكتم يالمكشاتية الباثفندر يطفي علي عند الاشارة

[هملول السحاب]

السلام عليكم اخواني جميعا

صبحكم الله بالخير كلن بسمه يالنشاما..

عندي مشكله بالباث فندر الا وهي يطفي احيانا ماهوب دايم لكن تجيه الحالة هذي يوميا على الاقل مرة اذا وقفت عن الاشارة ويطلع دخان اسود ولازم اضغط على البنص علشان مايطفي ويقطع رحت انا ورفعت على البنص من الماكينة وصار عداد البنص عندي على 1 وربع تقريبا واحس انه ماهو صافي لان العداد ينزل ويطلع مابين 1 و 1 وربع بس صار زين تمام مايطفي بعدها بشهر رجع نفس البلوى يطفي عند الاشارة واحيانا اول ماشغله يطفي لازم ادعس البنص شوي مع العلم انه يدخن اسود اول ماشغله.

موديله ياطويلين العمر والسلامة 99 مركب له ماكينة يابانية..

[2003 بوريان]

موترك شكله مكربن اجلد عليه خط ون شالله يضبط

[رساوي ربع]

وانت واقف عداد البلنص يرروح على واحد ثم ينزل (ويقول ان ان ان ) وانت واقف اذا كذا غير البلنص صارت معي على مكسيما 2000 وغيرته قيمته بالوكاله 50 او ب25 ويركب حق الباثفاندر عادي ( اكثر قطع المكسيما باثفاندر )

[حوطي.com]

أظن المشكلة هي دخولك للبر أو التطعيس. بسبب دخول الأتربة إلى الكمبليتر
الحل هو تنظيف الكمبليتر بواسطة بخاخ يباع عند محلات قطع الغيار
وشكرا

[هملول السحاب]

ابو ريان 2003

جلدناه تقريبا 600 كيلو خط وقبلها عبيته بنزين95 وقلت يمكن يصفي بس مابوه فايده.

رساوي ربع

زي ماتفضلت احيانا ماهوب دايم يقول ان ان ان . بس اكثر الاحيان يطفي يكتم وتحس انه يبي يطفي.
البنص ذا وين مكانه بالماكينة ولا وين.

الاخ حوطي

الموتر توه قام يقطع وانا صار لي اكثر من شهرين ماطلعت البر والموتر ماجاه تطعيس ولا شي.
وبخاخ ماهوب كبليتر.

اشكركم الجميع على مروركم الكريم والتفاعل.

[سوبر VTC]

موقعك ؟؟؟

ضع رد في خيمة ملاك الباثفندر عندهم خبرة كبيرة في مشاكله
و لاهو قصورن بالاعضاء هنا

[هملول السحاب]

حيالله مشرفنا الغالي

موقعي حفر الباطن والشرقية واذا القى حل لمشكلتي بالرياض او القصيم رحت لها ماعندي مشكله...

[mrayman]

ليه احس ان المسكلة في صفاية البنزين وهذي المشاكل ما تضهر برايي الا من بعد تغير البنزين مثلا من 91 ال95

[مكشاتي رحال]

افحص كتاوت الديلكو ووزنية الديلكو عند مختص (اكرر مختتتتتتتص)

[سوبر VTC]

اعانك الله
عندنا العثيم الكهربائي في بريدة
يقول غالب مشاكل الباثفندر م98 الى 2002 من الديلكو
فك غطاء الديلكو و حرك عمود الديلكو يمين يسار بمعنى ارقله يمين يسار
اذ كان به فضاوة كبيرة واضحة فالمشكلة منه
و غالبا اذا كان به فضاوة كبيرة فان الموتر يطفى و لا يشتغل

وزن ديلكو
تشييك اسلاك البواجي يمكن بهن تهريب كهرب
بواجي تعبانة

[هملول السحاب]

السلام عليكم

اخواني الشقردية اليوم فحصت الموتر كمبيوتر وقالي المشكله بالدعسة( موضحة صورة لها )ويبيله وزن ديلكو.

شرايكم.

http://store2.up-00.com/May11/x0b04346.jpg

[هملول السحاب]

ياليت تقولون وين احصلها وكم سعرها.

يقولي راعي فحص الكمبيوتر تحصلها بالكويت ب 150 الى 200 ريال لا اكثر.

[هملول السحاب]

وين اهل الردود الشافية والوافية ان شاء الله.

ياليت احد يفيدنا عن القطعة المصورة اللي عليها دائرة حمراء.

[على رمشي تمشي]

غير صفاية البنزين هي إلى تقطع السياره وتطفيه
http://www.mekshat.com/pix/upload03/images116/mk32037_60.gif

اذا فعلاً وزن الديلكو مايبي له تغيير وزن فقط

[259]

يبوي هذي مشكله جداا بسيطه ولا يحتاج الا انك تفك الفلتر حق الهواء وتنضفه ثم تفك الثلاجه الي فوق المكينه

ويتنضف ب100 ريال واذا ماضبط غير بواجي واذا ماضبط دق علي 0503833359