البالون ماطريقتها

[عاشق النفد]

السلام عليكم ورحمة الله وبركاته

يا اخوان
عندي يوكون وودي اركب عليه كفرات بالون

وودي تنصحونن اي البالون احسن واركبها على جنط 17-16 ووش نوعية الجنط الممتاز لكفرات البالون لليوكون


و وش رايكم ارفع اليوكن مع قدام ولا لا وكم ارفعه ؟


وجزاكم الله عني كل خير >>>>>>>> مقدماً

[اسيزو 4x4]

أذا كان اليوكن 6 مسامير ركب جنوط شنمبر سود وكفران بالون شاهين 275 \ 75 \ 16 وبتدعيلي


...

[escape_man]

الله يعينك على الغثى

والله يعينك على الرجه وجود الدركسون زين ترى ماتدري الا قامز الخط الثاني

امزح معك وصحيح اني مبالغ شوي لكن والله انا عانيت منها ولازلت وانشاء الله

الاسبوع الجاي راميها وراجع للشاهين ارخص واركد للموتر والين وتطول معك

للعلم انا الي بموتري بالون سيم تاير 900 على جنط 16 و 8 غاط

اذا بتركب لاتركب الا هي بس تراها قاسيه ولازلت انصحك كانك راعي نفود

الشاهين وبس

[حرباش]

من ناحيه الترفيع لا ترفع موترك


واذا بتركب بالون ركب سيام تاير مقاس900 8 غاط على جنط 16

[فتى شنه]

السلام عليكم ورحمه الله وبركاته

اخوي escape بما انك جربت البالون 900 وش الافضل البالون 900 والى الشاهين 900 هل تركب على الهدد

وهل هي لينه وش الافضل من ناحيه التحمل للسرعه العاليه واللرجه ودرجه الحراره وكم اسعارها وكم ضمانها

وهل هي مزعجه

والسلام

[راعي المعروف]

بودي لو أحد يقدر يفيدنا عن الطريقة المثلى لترفيع السيارة...
وعساكم على القوة..

[حـاتـم]

اخواني انصحكم اذا مانتم 24 ساعه بر لاتركبون بالون

البالون للبر فقط اما بالخطوط رديئه جدا

وانا مجربه الشاهين ارحم بألف مره

البالون عمرها 10 شهور

انا جربت اغلى نوع سوميتومو الياباني

اول ثلاث شهور مافيه رجه ثم بدأت الرجه شوي شوي

الين بعد سنه صار الموتر ينتفظ وانا امشي 120 وفوق



اخوي انصحك ركب شاهين على 15 اكبر مقاس وارخص

وشكرا


اخوكم / حاتم

[escape_man]

اخوي حاتم قال الي بخاطري

والله انها ماتسوى لابر ولا حضر

مركب احسن نوع سيم تاير الواحد ب 450 وعلى جنط 16 ومن ركبتها وانا خبير بالعلاجات وغير اقشم البندول كنه حب من القهر

ومن الرجه ومن المطب الوعر واذا بغيت ادخل النفد لازم تنسمها صفر حتى تفرش ولا ماعنك وعن الفشيلة ومنوفرة الهايلوكسات على خشم

موترك. الشاهين يابعد حيي الاربع ب 1400 وتكد 3 سنين وهذي ب 1800 اربعة اشهر مع الترصيص الدائم والعدة اللازمة من مساعد

دريكسون وخلافه.

جنط 15 واكبر مقاس شاهين يطلع اروع مايكون.

[أبو رشود]

بالنسبة للبالون والكفرات مالي خبرة فيها لكن الربع نصحوك وهم مجربين

والشهاين معروفة ومضبوطة لكن كانك راعي نفد وباين من اسمك فخذ شاهين عراض عشان تريح الموتر في الممشى في النفد

وبالنسبة للرفع ..

كانك معزم ترفع فارفعه شيء بسيييييييط جداً يعني عدة سنتيات ..
لكن لازم تدبل المساعدات عشان ما يدق خشم الموتر ......
وتدبيل المساعدات ممتاز جداً للنفود .. وانصحك به

وان بغيت تدبل رح لمبارك اليمني في الصناعية القديمة لأنه من أفضل المحلات الي سمعت عنها وأنا مركب مساعداتي عنده

وان بغيت وصفه راسلني على الخاص
أو 0504840142

وشكراً






أخوك/ أبو رشود

[كــايــدهــم]

مكشورين

بس مافهمت شي

[عروان]

نصيحة يا أخوان


حتى تتخصل من رجة البالون, رصص الكفرات الترصيص القديم و الكفرات راكبة على السيارة.

تلقاها عند الميزان. يرصصون الكفر و هو راكب على الهوب و تتخلص من الرجه.


أطيب تحية للجميع

[هاوي قصيده]

صدقت يا اخوي عروان

انا كنت عندي مشكله الرجه بالكفرات

فرحت عند راعي ميزان بخضريه الدمام..والكفرات عالموتر رصصهن..شغل ميه ميه

بس غويلي شوي اخذ علي ميه ريال والله عالترصيص

وتقبلو شكري