اخذ السيناو وطار

[حسين ال شايب]

بكل اسف جاني رجال عن طريق المكشات وكان عندي سيناو لللبيع جالي الخبر وخذ الجهاز قال بشيك علييه وارد لك ومن يومها لاحس ولا خبر طيب السعراللي بغيته فييه ما يسوا تخلي في ذمتك لليه وما تتصل لييه؟؟؟؟؟؟؟؟؟

[vx-2R]

السلام عليكم
اخوي لاتترك هالاشكال
اقل شيء اكتب رقم جواله علشان يحذرون منه الاعضاء
بعض الناس لاتستحي ولاتنتخي

[ربيتر]

هذا لاتخاف - في رب السموات مايضيع عنده شي كله في كتاب مسجل

الله مايخليه والنوعيه هاذي ماتتوفق .. الله يعين

[YUKON_GMC]

الحراميه واجد لكن انت مع احترامي لك مغفل لهذه الدرجه تعطيه جهازك وانت ماتعرفه

كان قلت الفلوس اول شيء وان ماصلح لك رده وخذ فلوسك او يجربه قدامك فقط !!

[الذيب511]

ياخي ليش بعض الناس مايخاف الله ادع عليه بعد كل صلاه وانا اقول الله الله لايوفقه ولا يبيحه اذاكان متعمد انه يسرقك

[مدمن النحم]

السلام عليكم ورحمة الله وبركاته


انت غلطان وانا اخوك ولا ليه تعطيه جهازك بدون قروش وبعدين يعني شيء ما يصدق واحد ما تعرفه الا عن طريق المنتدى وتعطيه جهازك اكيد انه ردي نفس وبيطمع فيك لاكن ما اقول الا الله يعوض عليك وانا اخوك


وياليت تكتب المعرف حقه
الاسم الي يتعامل فيه بمكشات عشان الاعضاء تحذر من هذا الشخص واذا فيه احد يعرف شيء عنه يعطيك معلومات عنه

[المارد1400]

اذا انت صاااادق اخوي ليش ما تذكر اسم العضو :mad:
الحقيقه كل الاعضااااء الي هنااااااااا ونعم والف نعم والمنتدى مشهود له بنزااااهه

[BEN SADEQ]

الله يخلف عليك


وعليك بالدعاء عليه في قيام الليل

صدقني ماتطول الا جايك خبرهـ

لاهنت يابعدي

[ابوح حاتم]

الله يعوض عليك ولا يوفقه ابن الحرام

[رسيس نجد]

حسبنا الله ونعم الوكيل عليه

[اجهزة يدوية]

الله يعوضنا ويعوضك والله ياخوي حسين مو بس انت انا اكثر من شخص اثق فيه واشحن له الجهاز وبكل اسف يواعدني بيحول وبعدها مايرد ابد او يرد ويقول بكرا او يقول حولتها يمكن البنك اكلها يعني يخلق اعذار
وشاهدت صفحه في موقع حراج يحذرون من ناس وواضعين ارقامهم واسمائهم وجتني فكره بحكم ان عندي متجر الكتروني ان اضع صفحه اسميها صفحة القائمة السوداء (بلاك لست) واذكر اسم الشخص ورقم هاتفه والمبلغ الي عنده لكي يشاهده الجميع وعشان ما اتعامل معه بالمستقبل او غيري يتعامل معه - بس قلت مالها داعي وحتى الان انا في حيره من امري اما اسويها واحذر الناس منهم او اقول الله يستر علينا وعليهم والله يعوض علي القاها بيوم لاينفع لا مال ولابنون

[رسيس نجد]

علمنا رسولنا الكريم ان البيع يد بيد 0

[هاوي]

هذا لاتخاف - في رب السموات مايضيع عنده شي كله في كتاب مسجل

الله مايخليه والنوعيه هاذي ماتتوفق .. الله يعين

[خشم العرمة]

الله يعوضك ويعوض كل مسلم يارب ويفترض انك تشهر في المعرف حقة حتى يحذرون باقي الاخوان منه

الامر الثاني معروف في البيع عن طريق النت تحويل المبلغ اولا لصاحب السعلة بعد ذلك صاحب السلعة يرسل البضاعة وهذا متداول عالميا واللي ماتعجبة الطريقة هاذي ماهو ملزوم بالشراء عن طريق النت يستطيع طلب مقابلة الشخص والمناولة يد بيد

[دهران]

الحلال ما يضيع وأنا اخوك

إصبر والتمس لأخيك العذر

يمكن صار له شي لا قدر الله

[حطب سمر]

الله يعوض عليك ولا يوفقه

[alomairi]

حسبك الله فيه ونعم الوكيل

[العا بر]

بالتوفيق---------