ارتفاع حرارة الناتيفا

[abo_Leen]

السلام عليكم
ارجو المساعده

سيارتي ناتيفا متسوبيشي موديل 2007 مشكلتها الوحيده ارتفاع حرارة السيارة في فترة الظهيره في الصيف والسيارة واقفه في زحمة السيارات ومؤشر الحرارة يقارب من الاتش .. ما هو الحل ؟؟؟
ارجو المساعده

[moon77]

اظن والله العالم ان فيه مشكلة بالشكمان افحصه كامل يمكن فيه سدد او تهريب والله يوفقك

[abo_Leen]

مشكور moon77

راح اشيك على الشكمان بس المشكله صارت معاي والسياره لسا مالها من 3 الى 4 اشهر من طلعتها وكاله

[شيخ المواتر]

لو تشيك على المراوح .

[moon77]

الموتر تحت الضمان ماشاء الله رح للوكالة يفحصونه وبلغنا
الله يوفقك

[خ الفياض]

حط مروحه كهرب اضافيه التبريد ضعيف عندك

[على رمشي تمشي]

اخاف فيه نقص بماء الرديتر شيك عليه

[بيق مان]

السلام عليكم
ارجو المساعده

سيارتي ناتيفا متسوبيشي موديل 2007 مشكلتها الوحيده ارتفاع حرارة السيارة في فترة الظهيره في الصيف والسيارة واقفه في زحمة السيارات ومؤشر الحرارة يقارب من الاتش .. ما هو الحل ؟؟؟
ارجو المساعده
شيك على نظام التبريد بالكامل .. هذه الحرارة غير طبيعية !!

[بروق ساق]

شيك على المراوح وبلف الحرارة يمكن يكون فيهن مشكلة

[kbobe]

قبل معنا واحد نفس المشكله وناضر ساهر دايم اشوف الكبوت مفتوح
المشكله فاكينه وكاله
حنا ما ارتحنا الين ركبنا مراوح كهرب سوبارو

[رامي ع الموت]

معليش اخوي كيف 2007 ووكالة !!؟

اغلب الظن عندك مشكلة في كلتش المروحة . واذا كان الراديتر مليان شيك القربة بعد ما ترتفع الحرارة اذا لقيت القربة فاضية او فيها ماء قليل فعندك مشكلة في غطا الرديتر او اللي الواصل للقربة . وبعد شيك الليات حقت الرديتر عند ارتفاع الحرارة اذا فيها انكماش معناها خربانة .. وشيك السيارة وهي باردة وافتح غطا الرديتر وشوف اذا الماء فيه فقاعات فعندك الراس مشعور .. ولا تنسى مروحة المكيف

[abo_Leen]

السلام عليكم
سألت عن نفس السياره وحصلت شخص نفس المشكله اتوقع انه كما قال الاخوان ( خ الفياض و بروق ساق و kbobe ) ان المشكله في المراوح لا تعطي تبريد اثناء الوقوف في شدة الحر
واذا فيه من جرب غير الاخ kbobe ياليت يفيدني
وشكرا لمن تفاعل مع الموضوع

[ngl]

السلام عليكم
ردي متأخر مادري انحلت المشكله او لا على كل حال انا عندي ناتيفا 2006 وتعبتني الحراره فيه وما انحلت الا بعد ما غيرت الرديتير بواحد جديد من الوكاله الامنيووم وبعده راحت المشكله لازم المنيوم لان اي نوع ثاني راح يزيد المشكله ويمكن يعدم عليك الماكينه .

[عبدالله حماد]

تماتك المروحة او خرطوش الماء اللي طالع من المكينة للرديتر والغالب انه تماتيك المروحة لأن السيارة وهي واقفة بالزحمة تحتاج هواء زيادة

[بدوي جنوبي]

ينقل لقسم الاعطال

[فهد الراشد]

انا نفس المشكله يالربع،
بحثت بالنت وفتح ع هالموضوع،
يالربع مشكلتي كالتالي :
اذا وقفت وانا مولع المكيف ترتفع الحراره علطول، واذا مشيت نزلت الحراره .
غيرت البلف بجديد من الوكاله، وصيخت الرديتر مرتين وكل من صيخه قال جديد الرديتر .
وقالوا تماتيك المروحه واروح للوكاله حقت ميتسوبيشي واشريه بـ ١٢٠٠ ريال واركبه ومافيه نتيجه .
والمحيّر بالموضوع ان بدون مكيف ماترتفع ابد ابد، واذا ماسك خط كذلك ماترتفع ابد ابد .
يعني هل هناك مشكله بالمكيف نفسه؟؟
والله تعبّن هالموتر الله يعين .

[مركز حراره]

الاخوان جميع الي عنده المشكله الحل تركيب مراوح كهرب وعلى الضمان شف حقين ساهر الي بلقصيم اكثرهن مركبين وناجح 100%

[فهد الراشد]

الله يجزاك خير يامركز حراره،
طيب فيه نوع محدد من المراوح اشريهن ؟؟

[مركز حراره]

موجوده عندي وعلى الضمان تبي ارسل بلخاص