فزعتــكم يالنــشاما .. الشوزن والماصوره

[مكشاتي 2004]

السلام عليكم ورحمة الله وبركاته

شريت لي شوزن ام حبه ... واستغربت في انها ما تصيب الهـدف .. جربت على هدف ثابت واتضح لي انها تتغير يعني الرميه الاولى بالهدف والثاني تحته واحيانا اقول ماهي بحوله نهائيا ...

فما ادري هــل انغــشيت من صحابها اللي باعها على .. عسى الله يســامحه

الزبده

رحت لمحل عندنا بالرياض بالبديعه فقال .. الماصوره تحتاج تغـــير لانها عايبه من الداخل


انا جايكم ابغى شــروك عساه ينــفعني .. او دلوني على مكان صيانتها بالرياض ومحـل ثقه
لاني ما اعرف غير هالمحل ولاني واثق من كلامه


اسف على الايطاله ولعل الفــائده للجميع

[ربع نت]

والله يالغالي اذا فيها صده مره يمين ومره يسار احتمال كبير انه من الماصورة يمكن مطعوجه
كلم راعيها وبلغه ومادام السلعه عايبه يمديك تردها . وإن شاء الله الأخوان يفيدوك اكثر

[مكشاتي 2004]

والله ياخوك ما اعرف راعيها وهذا اكبر خطا على الاقل لو خذيت رقمه ... اقل شي ممكن يسويه يقولي حقيقة المشكله لاني ما اتوقع بيسترجعها على كلامه يوم اشتريها يقول ان مافيها عيوب..


اشيروا علي ... ابي لي محل مختص بالشوازن بالرياض تكفون

[فرخ قطا]

انا ابشتريها منك اذا بتبيع وش رايك

[قناص خلاوي]

غالب الحذفة تكون ميلان بالماصورة ويصلح بسهولة
بالرياض ما اعرف احد يضبطها صح
لكن القصيم واجد بسوق الجردة

[مكشاتي 2004]

والله ياغالي أنا توني مشتريها ولا لي نيه بالبيع عسى الله يرزقك

يعني مافيه محلات بالرياض تصلح الشوازن ( الشوزن)

[عبدالله ....]

رح للشايقي الي في سوق الزل

ون شاء الله يصلحها

[مكشاتي 2004]

ممكن اعرف وين بالضبط لاهنت ...

[الكشاف العربي]

الله يوفقك أخي وتحصل مبتغاك

[الكدري 2]

أنا عندي وحده نفس المشكله.. و الماصوره سليمه جدا".. راحت علي طيور بسبة أنها تهفي.. باساحل جلدوني ربعي في السياره يوم أني مديته على أربع قميري مصفوفات صفه يحبه قلبك و أرمي و الحلبي جا تحت بواجد و طارن و خلنا.. كنت أرمي فيها و عيارها يا سلام.. بس سبحان الله تغيرت و سارت تهفي هفيان مو طبيعي.. شكيت أنه مرصوعه بعين الله العالم..

[فارس الحربي1]

يشباب دايم اسمع عن سوق الجرده هذا ياريت اللي يعرفه يرسلي وين محله على الخاص

[مكشاتي 2004]

ابد نفس المشكله وصارت لي بالساحل بعد

بس انا متاكد ان المشكله بالبندق لاني متاكد من رمي حتى الشباب رموبها وتهفي على قولتك يعني مكان الرمي يختلف والهدف ثابت

[ابوفهيدان]

شوزنك مافيها الا العافية
ولحد يلعب عليك ويقول بدلها
دام السالفة ان الاصابة تحت وفوق فوضعك سليم
خذ لك فترة وشرط انك بتتعلم عليها

[مكشاتي 2004]

لا يابن الحلال

الشــوزن فيها مشــكله لاني ارمي بغـيرها وتختلف عنها والشبــاب بعـد يعني متــأكد ان البــندق فيها مشــكله

بس انا خايف ابدل الماصوره ولازالت المشكله رغم انه يقــولي راعي المــحل بـألف ريال على تغيير الماصوره

افيدوني

لو ترسلوني لمحل مضمون وشغله طيب بالرياض

[عشقي لبندقي]

وعليكم السلام ورحمه الله وبركاتهـ . .

اخوي الماصوره حقت الشوزن منخجه يعني من كثر الرمي والصدا او التفااف الصبطانه هذا كله = الماصوره منخجه

يبي لك ترووح محل الشاايقي في الديره مقابل للمحكمه الكبرى بريااض ابد يفك الماصوره حقت الشوزن حقتك ويركب لك وحده ثانيه . او انت اذا تعرف احد عنده شوزن كامله وقديمه ومايبيها اخذ الماصوره بس ورح ركبها

وتحياتي لك .

[عشقي لبندقي]

ابد نفس المشكله وصارت لي بالساحل بعد

بس انا متاكد ان المشكله بالبندق لاني متاكد من رمي حتى الشباب رموبها وتهفي على قولتك يعني مكان الرمي يختلف والهدف ثابت


انا مره اشتريت بندق شوزن ام حبه روسيه المهم نفس حالتك جتني ارمي مره الحلبي ينتشر قريب ومره بعيد ومره يمين ومره يسار

المهم دريت في الماصوره مشكله ع طوول ورحت وغيرتها في برييده بسوق الجرده والحين مشاءلله تبارك الله معي لها سنتين مافيه احسن منها


وانت الحين توكل ع الله وغير الماصوره وقبل تغيرها تأكد من الي بتشتريه . اخذ مماصوره روسيه ولا امريكيه .. والحسن امريكيه خذ 30 انش

وتحياتي لك ..

اخوكم ومحبكم *** عشقي لندقي ***

[مكشاتي 2004]

انا مره اشتريت بندق شوزن ام حبه روسيه المهم نفس حالتك جتني ارمي مره الحلبي ينتشر قريب ومره بعيد ومره يمين ومره يسار

المهم دريت في الماصوره مشكله ع طوول ورحت وغيرتها في برييده بسوق الجرده والحين مشاءلله تبارك الله معي لها سنتين مافيه احسن منها


وانت الحين توكل ع الله وغير الماصوره وقبل تغيرها تأكد من الي بتشتريه . اخذ مماصوره روسيه ولا امريكيه .. والحسن امريكيه خذ 30 انش

وتحياتي لك ..

اخوكم ومحبكم *** عشقي لندقي ***


السؤال

بكم غيرتها المصـــاورهـ ... انا لقيــتها بألف ريـــال هــل هذا سـعرها او مبالغ فيــه

ارجوا افادتــي ........ لاهنتوا

[رسيس نجد]

الله يسهل امرك

[مكشاتي 2004]

جزاك الله خير ،،،،،،، ودي اعرف كم قيمة الماصوره

[راع البنلي]

شوزنك مافيها الا العافية
اذا الاصابة تحت وفوق فوضعك سليم
لاكن شف لايكون فيها مسمار العاقب مرتخي
وخذ لك فترة بتتعلم عليها