العتيبي
21/12/2005, 04:00 PM
السلام عليكم ورحمة الله ،،
اخواني موضوعي اليوم هو عن طريقة طبخ أرز البشاور لاني حصلت موضوع بهالقسم يطلب طريقة طبخ هالنوع من الارز ولحسن حظكم قبل البارحه طابخها للشباب ..
وبقول لكم كيفية طبخي للكبسه البشاور من طق طق للسلام عليكم ..
بسم الله
=====
اول شي تحط زيت شوي في القدر وتكشن البصل وحاول قدر المستطاع ان الزيت الي تحطه مايكون كثير يعني يادوبه يحمس البصل ثم جب لك مكعب ماجي وكسره وحطه على الكشنه وبعد كذا حط اللحم وقلبه شوي ثم حط الطماط الحب (اذا بغيت البشاور يجي محبوووك لاتضيف معجون الطماط ابداً تكتفي بتقطيع حبتين طماط،لان صلصة الطماط تحووس عليك البشاور ) وبعد كذا تحط مقدار بيالتين ماء وتكتم على اللحمه (قدر كاتم) وتتركه من بعد مايصفر تقريباً من 4دقايق إلى 6 وافتح عنه واضف الماء ولازم تكون وزنيتك للماء كوزن القدر العادي مو الكاتم ثم حط الملح والبهارات والفلفل الاخضر والليمون والدارسين وشوي كزبره حب وكذالك زنجبيل طازج تقطعه شرائح ولا تكثره ابداً ابداً يعني مقدار 3 سنتيميتر للشريحه الواحد وتكتفي بوضع 5 شرائح او 4 (والزنجبيل هنا له دور في ضبط طعم الكبسه اذا كان مو كثير) وبعد كذا اقفل على الكاتم واحسب له وبعد كذا تجيب رز البشاور ومن تجربتي افضل انواع البشاور هو ارز بنجابي المهيدب يجي الخمسه كيلو منه بحدود 27 ريال هو عيبه الوحيد سعره الغالي ، وتاخذ الرز وتغشله غسل جيده لان عيب النوع هذا هي وساخته وتنقعه لمدة ربع ساعه لا تتجاوزها ابداً واذا انتهت لحمتك افتح الكاتم وطلع اللحمه وجب لك غضاره(سحله ، طاسه) وشيل من المرقه واتركه على جنب وبعدين حط الرز وتكون المرقه مستواها مايتجاوز (أنملت اليد) اوبحدود خمسه سنتيميتر والحين خذ بالك معاي ،، اذا حطيت الرز ساوه زين بالقدر ورجع الغطاء حق الكاتم بــــــــــــــــــــــــــدون ماتقفله او تكتمه اترك الغطاء عادي يعني طبخ قدر عادي مو كاتم وخلك مقصر على النار واترك الطبخه لحدود خمس دقايق ثم ناظر الرز اذا لقيته على وشك الماء ينشف جب لك سمن بري او فارم ويستحسن فارم(البشاور اذا ماحطيت زيت مايطلع نثري يجي متلاصق فالزيت هنا هو مربط الفرس) ،، جيب لك معلقتين ثم حطها على الرز بالتساوي واتركها لحد ماينشف الماء تماماً لازم تحط في بالك ان الرز لازم اقرب مايكون للحب منه للنضوج حتى يجي نثري(في البشاور فقط) وبعد كذا تجيب لك جمرتين كبار وبيالتين زيت وتحطهم بالقدر وتحط الجمر عليهم وتسكره لمدة 3 دقايق وبعد كذا سم بالله واكل لك كبسة بشاور ولا في الاحلام ولا تنسونا من صالح دعائكم ..
---
في معلومه غايه في الاهميه وهي ان البشاور مستحيل يصلح على قدر الكاتم لانه يطلع مريسه والله البهائم استغفر الله ماتاكله فانا طريقتي اطبخ اللحم بالكاتم وبعد كذا احولي طبخي للقدر العادي وهذي افضل طريقه ..
وتحياتي للجميع
وبحاول إن شاءلله في اقرب فرصه انني اشرح لكم طريقة طبخ كبسة التمن العراقي الي مهلوسه في كل من يأكلها ..
اخوكم فيصل السليس
الدوادمي
اخواني موضوعي اليوم هو عن طريقة طبخ أرز البشاور لاني حصلت موضوع بهالقسم يطلب طريقة طبخ هالنوع من الارز ولحسن حظكم قبل البارحه طابخها للشباب ..
وبقول لكم كيفية طبخي للكبسه البشاور من طق طق للسلام عليكم ..
بسم الله
=====
اول شي تحط زيت شوي في القدر وتكشن البصل وحاول قدر المستطاع ان الزيت الي تحطه مايكون كثير يعني يادوبه يحمس البصل ثم جب لك مكعب ماجي وكسره وحطه على الكشنه وبعد كذا حط اللحم وقلبه شوي ثم حط الطماط الحب (اذا بغيت البشاور يجي محبوووك لاتضيف معجون الطماط ابداً تكتفي بتقطيع حبتين طماط،لان صلصة الطماط تحووس عليك البشاور ) وبعد كذا تحط مقدار بيالتين ماء وتكتم على اللحمه (قدر كاتم) وتتركه من بعد مايصفر تقريباً من 4دقايق إلى 6 وافتح عنه واضف الماء ولازم تكون وزنيتك للماء كوزن القدر العادي مو الكاتم ثم حط الملح والبهارات والفلفل الاخضر والليمون والدارسين وشوي كزبره حب وكذالك زنجبيل طازج تقطعه شرائح ولا تكثره ابداً ابداً يعني مقدار 3 سنتيميتر للشريحه الواحد وتكتفي بوضع 5 شرائح او 4 (والزنجبيل هنا له دور في ضبط طعم الكبسه اذا كان مو كثير) وبعد كذا اقفل على الكاتم واحسب له وبعد كذا تجيب رز البشاور ومن تجربتي افضل انواع البشاور هو ارز بنجابي المهيدب يجي الخمسه كيلو منه بحدود 27 ريال هو عيبه الوحيد سعره الغالي ، وتاخذ الرز وتغشله غسل جيده لان عيب النوع هذا هي وساخته وتنقعه لمدة ربع ساعه لا تتجاوزها ابداً واذا انتهت لحمتك افتح الكاتم وطلع اللحمه وجب لك غضاره(سحله ، طاسه) وشيل من المرقه واتركه على جنب وبعدين حط الرز وتكون المرقه مستواها مايتجاوز (أنملت اليد) اوبحدود خمسه سنتيميتر والحين خذ بالك معاي ،، اذا حطيت الرز ساوه زين بالقدر ورجع الغطاء حق الكاتم بــــــــــــــــــــــــــدون ماتقفله او تكتمه اترك الغطاء عادي يعني طبخ قدر عادي مو كاتم وخلك مقصر على النار واترك الطبخه لحدود خمس دقايق ثم ناظر الرز اذا لقيته على وشك الماء ينشف جب لك سمن بري او فارم ويستحسن فارم(البشاور اذا ماحطيت زيت مايطلع نثري يجي متلاصق فالزيت هنا هو مربط الفرس) ،، جيب لك معلقتين ثم حطها على الرز بالتساوي واتركها لحد ماينشف الماء تماماً لازم تحط في بالك ان الرز لازم اقرب مايكون للحب منه للنضوج حتى يجي نثري(في البشاور فقط) وبعد كذا تجيب لك جمرتين كبار وبيالتين زيت وتحطهم بالقدر وتحط الجمر عليهم وتسكره لمدة 3 دقايق وبعد كذا سم بالله واكل لك كبسة بشاور ولا في الاحلام ولا تنسونا من صالح دعائكم ..
---
في معلومه غايه في الاهميه وهي ان البشاور مستحيل يصلح على قدر الكاتم لانه يطلع مريسه والله البهائم استغفر الله ماتاكله فانا طريقتي اطبخ اللحم بالكاتم وبعد كذا احولي طبخي للقدر العادي وهذي افضل طريقه ..
وتحياتي للجميع
وبحاول إن شاءلله في اقرب فرصه انني اشرح لكم طريقة طبخ كبسة التمن العراقي الي مهلوسه في كل من يأكلها ..
اخوكم فيصل السليس
الدوادمي