المساعد الشخصي الرقمي

مشاهدة النسخة كاملة : كابرس 96 من يفزع


سيف القحطاني
04/06/2011, 07:09 AM
سلام عليكم ورحمة الله وبركاته
اخواني عندي كابرس 96 فيه الاتي
امبير الحراره مايتحرك مع العلم اني مغير حساس وكاله
التكييف عادي نهارا متوسط التبريد ليلا
صوت لكلكه خفيف مدري من المكينه ولا وش السالفه
المطلوب منكم يالنشاما توجيهي لورشه مشهوره بالامريكي
في عنيزه او بريده
اشكر الجميع وللتواصل على الخاص
فضلا لا امرا
ولكم دعوه بظهر الغيب
والسلام عليكم ورحمة الله وبركاته
مركز حراره
04/06/2011, 08:29 AM
تأكد لايكون السلك منفصل
سوبر VTC
04/06/2011, 02:32 PM
بخصوص الحرارة تاكد من وجود البلف

على سبيل المثال
الجيب الحوض الديزل م91 و طالع اذا كان البلف ملغي
ماتقوم الحرارة نهائيا حتى انك تشك ان حساس الحرارة اللي بالسلندر خربان
او الانبير خربان و السبب عدم وجود البلف
وبعد تركيب البلف تحرك الانبير و صارت الحرارة على الربع

تاكد من السلك حق حساس السلندر يمكن مفصول

المكيف احتمال الفريون ناقص
او
كتلشات الكمبرسور ضعيفة
و الحل من تجربة لجمس و جيب
غسيل الاديتر و المواصير و الكمبرسور و الدبة
ثم تغيير البلف او الفلتر
ثم وضع زيت اصلي تويوتا علبة كبر الفنجال ب90ريال و ترى افضل و عملي من زيت ايسي ديكو
بمراحل
ثم تعبئة فريون امريكي
و راح يطلع المكيف ثلوج باذن الله

الكمبرسور يكون ضغط المكيف مايتجاوز 35
اما اذا كان اذا الضغط 45 و طالع فان الكمبرسور تعبانه كلتشاته و الحل استبداله بواحد جديد

بالنسبة للورش
الكهرب فيه العثيم صناعية الرواف
المكيف عندك الحسون هندي ممتاز اسمه احمد
اما المكينة عندك العثمان ورشة بتشاليح بريدة ممتاز بالامريكي
و فيه ورشة ابو فهد الخليف صناعية عنيزة

صوت المكينة باستمرار ؟؟
ممكن يكون رمان بكرة او رمان دينمو او صوت طبيعي للبلوف
و اهم شي يكون السيفون اصلي اما التجاري انه بوسطه كرتون يتمدد من الحرارة و يسكر مجرى الزيت اللي
يرقا للمكينة همن تبدا المكينة تطقطق على خفيف و فيه جيوب مخبطة بسبب السيفون التجاري

رد سابق
مع احد الربع جيب م2007
طلع صوت طقطقه اللي يسمع المكينه
يقول جنزير تيمن او سبيكه او بنز بستم
صارت المشكلة من سيور المكينه واحد منهن به قطع بالعرض طول الاصبع
غيره و راح الصوت






بخصوص المكيف و معلومات عامه و مهمة
ادخل هنا تحصل ردي




http://www.mekshat.com/vb/images/misc/subscribed.gif هل البلف له فائدة قوية (http://www.mekshat.com/vb/showthread.php?t=413423)
سيف القحطاني
08/06/2011, 10:55 PM
الله يجزاكم خير
مركز حراره تاكدت من الاسلاك واصله لكن وش نقول
سوبر فتك جزاك الله خير معلومات قيمه ماقصرتوا
اعتقد المشكله في الطبلون على قول ورشة البسام
والله اعلم
بن مانع التميمي
08/06/2011, 10:57 PM
والله وانا اخوك ودي افزع معك

لكن ماباليد حيله والله ولا اعرف له

اخوك التميمي
يالبى الهلا
08/06/2011, 11:05 PM
الاخوان ما قصروا افادوك وانا معهم بكل كلمة قالوها انت قاعد تسال ناس خبراء ما ينقال وراهم شي
سيف القحطاني
08/06/2011, 11:08 PM
الله يجزاك خير ابو خميس يكفي مرورك
سيف القحطاني
08/06/2011, 11:09 PM
يالبى الهلا جزاك الله خير فعلا ماقصروا
وشاكر لهم ومقدر