هل البلف له فائدة قوية

[عضى]

صاحبي أشترى جمس عام 2000م وأول ما طلع السياره من

الوكالة فك البلف حق الحرارة ومكانة بعد الخرطوش الكبير

اللي عند اللديتر والحمد لله أموره حتى الآن سليمة

في الصيف

يحمي السياره دقيقة واحده وفي الشتاء دقيقتان الى خمس دقائق فقط

أما صاحبي الثاني فسيارته فان تايوتا لم يفك البلف وفي طريقه للبيت

أرتفعت درجة الحرارة دون أن يدري وبعد ذلك وفي الورشة كلفة السيارة

ثمان الف ريال تصليح للمكينة والسبب ان لم ينتبه لأرتفاع درجة حرارة السيارة وتمنى انه قد فك البلف

معلومة جميع السيارات من موديل 2000 فمافوق المكينة المنيومِِِ

ماهي فائدة البلف؟؟؟؟

[K.S.A.A]

فائدة البلف ينظم عملية دخول وخروج الماء من وإلى المكينة
المواتر الجديده لازم البلف يكون موجود وإلا بترتفع الحرارة .

[escape_man]

فايدة البلف يحافظ على مستوى معين و مجال محدد للحرارة

يسمح بتمرير الماء للمكينة اذا اشتدت حرارة السيارة

واذا وصلت لحرارتها الطبيعية قفل دائرة مرورة الماء

على فكرة .. قل لخويك راعي اليوكون يروح لمحل 4500 الي بشرق الرياض

عندهم بلف رياضي ممتاز لايجي يوم ويروح راس المكينة عليه.

كون المكينة تتعرض لحرارة غير ثابته فهذا يؤثر على اداء المحرك وقدرة الاحتراق داخل

السلندر ويضعف جدار المكينة.

[عضى]

فائدة البلف ينظم عملية دخول وخروج الماء من وإلى المكينة
المواتر الجديده لازم البلف يكون موجود وإلا بترتفع الحرارة .



صحيح ينظم دخول وخروج الماء ويمنع حرارة المكينة من الخروج عند إحماء السياره

أما عدم وجود البلف يرفع حرارة السيارة أعتقد انها معلومه خاطئة والله أعلم

[النوبل]

الله يسلمك البلف مهم لتبريد السياره

ودوره هو حبس الماء داخل المحرك لحين برود الماء في الرديتر وعند درجة حراره معينه

بضغط الماء الحار يفتح ويسمح بخروج الماء الحار ودخول الماء البارد للمحرك

واذا شلته يصير الماء يمر الرديتر مرور ويكون تبريد الرديتر بطيئ

ومع دوران الماء وحرارة المحرك الحراره بتكون في ازدياد

يمكن تبريد الرديتر في الخطوط الطويله يكون جيد

لاكن في الزحام وشدة الحر الله يعينك بترتفع الحراره لأن مافيه هواء يبرد الرديتر بسرعه

ويمكن تكون المراوح الأضافيه تساعد في تبريد الرديتر في الزحام وشدة الحر

والأفضل تركه أو تبديله بـ بلف اقل درجه حراره منه لأن بعض السيارات يجي لها مقاسات

[عضى]

ماشاء الله تبارك الله الف شكر للجميع

[سوبر VTC]

لازم يركب البلف حق الجمس
لانه يخلي حرارة المحرك ثابتة
يحجز الماء الحار اللي في المكينة عن الماء البارد اللي في الاديتر
لازم يركبه و الا في اية لحظة ينشعر الراس و يخلط الماء مع الزيت و يخبط

رابط

بلف الحرارة Thermostat معلومات + استبدله بنفسك للمبتدئين خطوه ... (http://www.mekshat.com/vb/archive/index.php/t-305944.html)


بلف الحراره الجمس [الأرشيف] - منتديات مكشات (http://www.mekshat.com/vb/archive/index.php/t-303661.html)


هل ينباع بلف الحراره لحاله او لازم مع الكوع ؟ السياره جمس 2003 ... (http://www.mekshat.com/vb/showthread.php?t=403847)

[سوبر VTC]

رد سابق


فيه عندنا مبرمج كمبيوترات ببريدة يرفع سرعة الابنص سرعة المكينة ب100ريال
بمعنى
اذا ولعت المكيف تسرع المكينة تصير السرعة على 1.2
يعني يرفعك السرعة على حسب طلبك


الفائدة
مكيف ثلوووج + الحرارة ثابتة


لازم تبرمج موترك عند اي محل عنده كمبيوتر امريكي
يرفع لك السرعة و راح تنسى الحرارة نهائيا


عندك الهايلوكسات و الباترول القديم اذا ولعت المكيف
تسرع المكينة و الفائدة المكيف يثلج + ثبات الحرارة


..........

اخوي مجموعة انسان
صارت معي نفس مشكلتك بالضبط على جمس م2001
و كان ذلك قبل 4سنوات في مكه
طبعا واقف الظهر عند الحرم بعز الحر وقفت تقريبا نص ساعة

اللي حصل امرين
1 ارتفعت الحرارة الى فوق النص بخط
2 المكيف تبريده عادي

ماذا عملت انا ؟

دست بنزين خليت سرعة المكينة على 1.5

النتيجة ؟

1 الحرارة نزلت على تحت النص
2 المكيف ثلج

لان ميزة مروحة الجمس و اليوكن ان الريش كثيرة و كبيرة فتسحب هواء بشكل اكبر

لذلك نصيحتي لك و للزمن

برمج كمبيوتر موترك ب100ريال خلهم يرفعون سرعة المكينة الى 1,2
و ذلك عند اشتغال المكيف
كل مرة يشبك الكمبرسور ==> تسرع المكينة
و تستفيد ==> استقرار الحرارة + المكيف يبرد


..............

رد في موضوع سابق

اذا مسكت خط و كان تبريده تعبان
فالفريون عندك ناقص او مشكلة ببلف الثلاجة او من حساس الترموستات
او سدد سواء بالمواصير او بالاديتر تحتاج تنظيف و وضع فريون اصلي
او ان الكمبرسور اساسا ضعيف
و لا يتم الحكم على ضعفه حتى يتم تنظيف و غسل كل شي فان لم يفد كل هذا العمل
فمعنى هذا ان الكمبرسور ضعيف و يجب تبديله
و معروف عن الباترول و الددسن بقوة تثليج المكيف و الفخر يعود الى قوة الكمبرسور

اذا بغيت تبريد ثلوج عن تجربة
غسل اديتر المكيف + المواصير اللي بين المكيف و الثلاجة + غسيل الثلاجة
بواسطة تنر ايطالي ثم نفخه بالهواء
ثم الغسل مرة اخرى بواسطة غسيل مكيف خاص دبة برتقالية رقم 11
و بعد الغسل تركيب سيل جديدة وجيه
و فحص الليات بهواء مضغوط و استخدام صابون
ثم تعبئة فريون امريكي 134
و باذن الله مكيف مايحتاج
بشرط ان بساتم الكمبرسور قوية و ليست ضعيفة سابقا

اضافة
الليات الكبيرة اللي تركب على الكمبرسور
و اللي تركب على الدبة
و حساس الدبة الترموستات
يفضل وضع سليكون شفاف على الوجه او السيلة لضمان عدم تهريب الفريون مستقبلا

السيل او الوجيهه اذا كانت تعبانه تبدل بسيل كورية لونه اخضر ممتازة جدا
و احسن من اللي يجي لونه اسود لانه صينيه لينة و تلين مستقبلا و تسبب تهريب

طبعا
انا موتري جمس م2001
غيرته 3 مرات
مرتين مستعمل و و خربن اشتغلن فترة و جيمن
اخرة مرة و انا طالع من مكة الى المدينة بعز الحر و معي الاهل
الثالث شريته مجدد من المحلات بكرتونه ب750ريال
و الان الحمدلله له اكثر من 3 او 4 سنوات
و خلال هذه ال4 سنوات عبيت الفريون مرة واحدة
طبعا نسم و لا حصلنا مصدر التهريب !!!
و الان الفريون بشدة الحر و انا واقف ثلوووج على الرغم من المروحة مروحة مكينة سير
اهم نقطة
غسل الاديتر حق المكيف و المواصير و مواصير المكيف بغسيل خاص و تنر و نفخ بالهواء
لازم يتنظف تمام من الترسبات و رايش الكلتشات
ثم تحط فلتر جديد بطول الاصبع + زيت اصلي + فريون امريكي او فرنسي اصلي
و راح يطلع الوضع تمام باذن الله
و لا تنسى تنظف الفلتر اللي تحت المسجل عشان يكون دفع الهواء قوي
افضل حل للجموس تركيب مرواح كهرب مثل اليوكون م2007 المكيف ثلاجه
لانهم الغوا مروحة المكينة شد البلد


عندنا ببريدة الاخ الرياعي يرفع لك سرعة المكينة بواسطة الكمبيوتر
بمعنى اذا شبك الكمبرسور تسرع المكينة يصير الضغط على 1 او 1 و ربع
على حسب طلبك
و هذه ميزة
ان المكيف يثلج + الحرارة تستقر و تصير ثابته
يكلف شغله من 100 الى 150 ريال

لانه اذكر بموتري بمكة قبل 6سنوات وقفت الظهر نص ساعة تقريبا ماذكر
وصلت الحرارة النص
و لما دست بنزين خفيف نزلت الحرارة و ثلج المكيف
و هذا الكلام قبل لا يخرب الكمبرسور

[سوبر VTC]

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر
9- بالصور تركيب مروحة كهربائية لليوكن Yukon Denali 2004 - منتديات مكشات (http://www.mekshat.com/vb/showthread.php?t=224958)



يحتمي بعد كم دقيقة ؟
يحتمي مع اشتغال المكيف فقط ؟

مكينة موترك على حسب علمي 6000 او 6200


انا موتري جمس م2001 2500 و مكينته 6000
انا بمكة قبل كم سنة لما اوقف 10 دقائق تقريبا المكيف تعبان جدا و هواء عادي
و الحرارة توصل النص
لكن لما ادوس على الابنص على 1.5 يثلج المكيف و تنام الحرارة



ادخل هذا الرابط بخصوص مروحة قدام الشبك

بالصور تركيب مروحة كهربائية لليوكن Yukon Denali 2004 - منتديات مكشات (http://www.mekshat.com/vb/showthread.php?t=224958)


هذي مرواح يوكون شد بلد سواء سعودي او امريكي او دينالي
طقم تقريبا ب1450
يجن بدل مروحة المكينة او السير
و يبردن اديتر الماء و اديترالمكيف و اديتر مبرد القير
و اديتر مبرد الدركسون

http://www.mekshat.com/vb/../pix/upload04/images168/mk53291_kkkkkkkkkkk.jpg




طبعا على كلام الكهربائي العثيم عندنا ببريدة
الطقم من الوكالة ب1540 تقريبا
و شغل اليد للاسف ناسي كم
الافضل تحط موضوع جديد بخيمة السيارات
لان سبق اني قريت لاحد الاعضاء انه مركب مرواح بديلة عن البلد و ارخص
اعتقد ان ما خاب ظني انه مرواح سوبارو
بالرياض عندك الكهربائي سليمان الخطيب بالصناعية القديمة
اعانك الله

لجمس و اليوكن مثل م2003 و تحت
اذا كان واقف الظهر 10دقائق بعز الحر و المكيف شغال
توصل الحرارة النص بسبب بطئ دوران مروحة السير
و المكيف مايبرد
لازم تدوس عشان يثلج
لكن اللي ركبوا مرواح كهرب للجمس
ثبتت الحرارة على الثلث تحت النص
و صار المكيف ثلاجه :good:
حتى لو وقف ساعتين الظهر
لان المرواح تبرد اديتر المكيف و اديتر الماء مع اشتغال الكمبرسور
و اذا برد اديتر المكيف يبرد المكيف و يثلج
و تثبت الحرارة على الثلث
دليل اخر
اليوكن م2007 و طالع توقف ساعة بعز الحر و المكيف ثلاجة
و الحرارة ثابتة
و السبب مرواح الكهرب :good:


الجمس اللي عندي 2001 و الكمبرسور جديد و
مع عمي دينالي م2004 مرواح كهرب شد بلده بدل مروح السير
الكلام هذا بعز الحر الساعه 1.30 ظهرا الحرارة 44
بعد 5دقائق و حنا واقفين
موتري تبريده عادي جدا لانه مروحه سير :no:
و الحرارة قد وصلت معي النص بمكة واقف
موتر عمي مكيف ثلاجه الظهر :good::good:
ايضا مع احد المدراء يوكن م2007 و الموتر ماشي فوق 100الف
يوقف الظهر مع المكيف و الحرارة ثابتة على النص و المكيف ثلاجه
و سبب ذلك مرواح كهرب شد بلد

***************

هنا تنظيف او تغيير فلتر المكيف

غير فلتر مكيف سيارتك اليوكون هكذا (شرح بالصور) - منتديات مكشات (http://www.mekshat.com/vb/showthread.php?t=214933)


************************

طبعا الحل
دس بنزين لمدة دقيقتين
اذا نزلت الحرارة + ثلج المكيف
فالمشكلة من مروحة المكينة و موترك مابه الا العافيه
لان دورته ضعيفة بحكم ان الموتر واقف
بعكس مروحة الكهرب دوره سريعه :good:

*****



اذا بغيت تفحص الكلتش طبق الاتي و لامر سهل
حرك الكلتش بيدك اذا كان خفيف مرة فهو خربان و يدل على ذلك خروج زيت منه
اذا كان ثقيل مرة فهو مجيم خربان
اذا كان مهب خفيف و لا ثقيل فهو شغال ممتاز
اذا كان كنت تدوره بيدك و كان يلك ينتع فالرمان حق الكلتش خربان يصير فيه تكسر

لو افترضنا انه خربان
فستلاحظ ارتفاع صوت المكينة لان الكلتش شابك باستمرار
+ ستنزل الحرارة لانه الكلتش شابك


بما ان الموتر يحتمي فهناك عدة احتمالات
البلف قافل
طبعا البلف يباع مع الكوع كامل تقريبا ب60ريال
الاديتر مسكر احتمال مسكرة بعض المجاري او الرصات
تاكد لاتكون فتحات الهواء حقات الاديتر
مسكرة بسبب طين او شجر او غبار
بمعنى مايدخل هواء الى المكينة
اغسل اديتر المكيف و الماء من عند شبك الموتر
بماء ضغط عالي

ارجح المشكلة من
البلف
او الاديتر مسكر يحتاج تسييخ
او الاديتر مقفل من الطين و الغبار و الشجر

بما انك تدوس بنزين و الحرارة تنزل فارى احتمال ان الاديتر يحتاج تسييخ
لكن
اذا كانت حرارة الموتر مع المكيف من اخر العصر و في الليل ثابتة
فالامر طبيعي
خصوصا ان الحرارة وصلت عندكم الجمعه الماضية على كلام الاخوان عندكم
50 ردجة
و لاتنسى الحر اللي جانا قبل سنتين و هالسنة مواتر جديدة
و صلت الحرارة النص و فوق النص


*********************

خلاصي كلامي ////

اذا كان ماء الاديتر وسخ
اغسل الاديتر و السلندر
و حط ماء مقطر و محلول تويوتا
تاكد من كلتش المروحة
تاكد ان السير مشدود تاكد من الشداد مضبوط
تاكد ان وجه الموتر نظيف

اذا مشيت بالموتر و نزلت الحرارة فثق ثقة تامة ان موترك سليم

لو مشيت و مانزلت الحرارة نهائيا فلازم تتاكد من 1 البف لا يكون تعبان مقفل من الطين و الوسخ
2 تتاكد من عدم انسفاط الخراطيش عادة تنسفط مع السرعة اذا
كانت مهترئة

الحل الوحيد

1 تركيب مروحة اضافية مثل الرابط اللي فوق
2 الغاء مروحة السير و تركيب مرواح يوكون

[K.S.A.A]

أخوي عضى أنا متأكد إن السيارات الجديدة لما تشيل البلف ترتفع الحرارة
أما السيارات القديمة فعكس . وانت لاحظ هالشيء
راديترات السيارات القديمة تكون كبيرة وكمية الماء كثيره فبالتالي مايحتر لان الماء واجد
أما راديترات الجديدة فهي صغيرة ولما يدور الماء بأستمرار يسخن على طول وبالتالي ترتفع الحرارة
لذا فهي تحتاج إلى بلف ينظم عملية دوران الماء ..
هذا حسب خبرتي واللي عنده معلومة يفيدني .

[عضى]

أخي
K.S.A (http://www.mekshat.com/vb/member.php?u=184705).A

هالحين فهمت المسأله تتعلق بحجم اللديتر بالسيارة الجديدة

لك مني تحياتي وعظيم تقديري

[انس العلوي]

البلف كما تسمونه والولف كمانسميه نحن فائدته يحافظ على درجة الحرارة المطلوبة للمحرك كمايريدها المصنّع ...
لانه اذا كان المحرك بارد اقل من درجة الحرارة الستاندرد فهذا ايضا ضار .........

الولف عندما يكون المحرك بارد يغلق دورة الماء حتى يحمى المحرك فيفتح تدريجيا ويتداور الماء بين المحرك والراديتر وتبقى درجة الحرارة ثابته على الستاندرد .......

اما المشكلة اللي قلت عنها على صاحبك صاحب سيارة التويوتا فان فأحتمال الماء اللي مستخدمه بالراديتر مو نظيف فأحتمال فيه شوائب او قطع طين غلقت الفتحة مال الولف وسببت المشكلة وهذي صارت مع صاحبي عنده سيارة مارسيدس وكان يخلي ماء مال حنفية .....

فالولف بالسيارة مهم ومطلوب والا كان ماخلوها الشركة بالسيارة وهمه اكيد يفتهموةن اكثر من عدنا ..........

واخيرا درجة حرارة المحرك اذا كانت باردة بسبب عدم وجود الولف كما يفعل البعض عندما يشيله من السيارة هذا راح يسبب انو العقل مال السيارة راح يظطر الى انو يضخ بنزين زايد حتى يرفع درجة الحرارة الى الستاندرد كما هم مبرمج ..... وهذا سيؤدي الى ارتفاع استهلاك الوقود .......

واتمنى فدتكم ببعض المعلومات عندي .... تحياتي

[مخاوي النت]

بسم الله الرحمن الرحيم

أول مشاركة لي في هذا المنتدى المبارك ، حبيت تكون في موضوعك

البلف مهم جداً لتنظيم عملية تبريد المحرك ومن الخطأ نشيله مثل ماتعودنا بسياراتنا القديمة
فإذا شلت البلف فالماء يروح للأديتر ولا يجلس فيه وعلى طول يطلع للمكينة وهو حار بسبب دفع طرمبة الماء المستمر ، وبكذا تستمر الحرارة وتزيد مع الوقت

لكن بوجود البلف يجلس الماء الحار في الأديتر فترة بسيطة لين يبرد وبنفس الوقت الماء في المكينة يكون وصل لدرجة حرارة البلف وهنا يفتح ويمر الماء من جديد للأديتر ويجلس حتى يبرد

وتستمر العملية بوقت ثابت ، ومنها تثبت درجة حرارة المحرك ويحافظ على الزيت من تقلبات الحرارة اللي تحرقه وتأثر على سلامة المكينة

[كلنا لك]

فائدة البلف ينظم عملية دخول وخروج الماء من وإلى المكينة
المواتر الجديده لازم البلف يكون موجود وإلا بترتفع الحرارة .
صحيح كلام اخوي
هو ينظم دخول الماء وخروجه
يعني اذا سخن الماء اللي داخل المكينه يقوم يبدل الماء من الرديتر

[أبو هاجوس2000]

أذكر كانت عندي كراسيدا . وشلت البلف ويوم وديتها الوكاله علشان الصيانة ركبوا بلف جديد وقالوا البلف مهم جدآآ لتنظيم حرارة المكينه .